ترشيحات افضل موضوع ل2008
 

ترشيحات افضل موضوع ل2008

فكرة الموضوع هي انو كل شخص يرشح موضوع او بحد اقصى موضوعين ليفوتو بتصويت على افضل موضوع من وجهة نظر الشعب هون (طبعا التصويت او الاراء مش دلالة على افضلية الموضوع بالمطلق وانما دلالة على تفضيل الاغلبية للموضوع ، قد يكون الموضوع جيد ولايختاره الشعب) ببساطة هون اختيارات الشعب وللشعب .

الترشيحات مفتوحة الى نهاية 2008 معكون اكتر من 3 اسابيع

* ممكن ترشح مواضيعك او مواضيع غيرك بشرط يكون ترشيحك لايزيد عن موضوعين فقط حتى لا نتشتت بين مئات المواضيع .
* الكلمة الاولى في الاختيار الموضوعات المرشحه الكون هون والكلمة الاخيرة لاختيار الموضوع الافضل ايضا الكون بالتصويت النهائي .
* لا مجال لانتقاد الموضوعات المرشحه او مدحها (يرجى الحفاظ على مشاعر الود)
* نتيجة التصويت لايترتب عليها اي مميزات مادية او اوسمه والهدف الرئيسي هو معرفة درجة تاثير الموضوعات على الشعب وتفضيلهم لاي نوعية .
* مجال الاختيار مفتوح لكافة الاقسام .

شكرا على تعاونكم :D

فكره حلوه كتير ....

بدي رشح موضوع VivaSyria رسالة إلى الرئيس بشار الأسد

وهي الرابط .

http://www.akhawia.net/showthread.php?t=102013

موضوع بيجنن

وانا برشح كمان موضوع vivasyria رساله للرئيس بشار الاسد


http://www.akhawia.net/showthread.php?t=102013

برشح موضوعي : صناعة الافلام الاباحية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

هلق هيك القائمة تطول وتطول
ومافي مجال للاختيار لان باخوية كم هائل من المواضيع الرائعة بمحتواها وافكارا والغاية من طرحها
ماعندي شي محدد:D

انا معكي خالتو بنفسجة كلامك دهب ؟ ؟
:deal::deal::deal::deal:

ما بعرف إذا سهلة حدا يختار موضوع معين ...أو موضوع واحد

أنا بقترح يصير تصويت للأقسام

هلأ إذا وافق صاحب الموضوع

أنا رح صوت لقسم الفلسفة

لأنو هالقسم قبل هالسنة كان كتير ساكن و أنا شخصياً ما كان يستفزني ادخلو
بس هالسنة ..صاير قسم كتير مهم ...و فيه شغل واضح من كتير أعضاء .....و من المنسقين كمان خاصة sandra, ooopss

فكرة حلوة سامر وانا برشح قسم الخواطر والخربشات يلي بفضل اللامنتمي قوي كتير
وعطا حافز للأعضاء ليكتبو ومنهم انا:larg:

فكرة حلوة

بناءا على مستجدات الموضوعات والافكار الجيدة اللي تم طرحها ،

تم تخصيص هاليومين لطرح افكاركم ومقترحاتكم حول الموضوع او اي افكار تتعلق به او تشابهه ،

شكرا

شكرا على رؤيتك ،
وردا على اقتراحك :
في حالة اختيار الجمعة من المنسقين والاعضاء للمواضيع على فرض انو هالجمعة رح تكون مابين 8 الى 20 عضو ومنسق ، فهاد رح يحرم باقي الاعضاء من ترشيح مواضيع اخرى من الممكن ومن الطبيعي انو مايختاها هالجمعة ، مع ان فكرتك جيدة كتير ، لانها رح تعمل فلترة لمواضيع القسم الواحد وهاد رح يمنع مزاحمة مواضيع قسم رائج لقسم اخر غير رائج او مواضيعو كثيرة جدا ،
اما عن الاستفتاء الجديد اللي رح يكون اساس الاختيار للموضوع فيع مبني على (الهدف - طريقة العرض - كمية المشاهدين اللي جذبهن الموضوع - تقييم نسبي .. آخر ..) هاد جيد طبعا بس شيئ بيتعلق بالشخص اللي رح يصوت (يعني حسب مابيشوف رح يصوت ومش حسب مابدنا نحنا انو يشوف )

الفكرة من الموضوع ، ذكرتها براس الموضوع (فكرة الموضوع هي انو كل شخص يرشح موضوع او بحد اقصى موضوعين ليفوتو بتصويت على افضل موضوع من وجهة نظر الشعب هون (طبعا التصويت او الاراء مش دلالة على افضلية الموضوع بالمطلق وانما دلالة على تفضيل الاغلبية للموضوع ، قد يكون الموضوع جيد ولايختاره الشعب) ببساطة هون اختيارات الشعب وللشعب .)

يعني تصويت شعبي ومش تصويت فني ، رح اوضح شو بدي قول ،

اذا كان الموضوع بقسم الادب وكان بالشعر تحديدا ، بيكون طبيعي انو أحسن من يحكم على افضلية الموضوع هو اللي بيفهمو بالشعر ،يعني المتخصصين وعلى فرض هننى اللي اختارو الموضوع يبقى الاختيار مبني على اراء متخصصين يعني اختيار فني وهكذا بقسم العلوم والتكنولوجيا او بقسم الاقتصاد او بكل قسم متخصص وغير عام .

فكرة الموضوع انو يكون الاختيار والترشيح والتصويت "جماهيري" يعني يشارك فيه الجميع بترشيح الموضوعات ويصوت فيه الجميع على فرض انو بدون يشاركو .
ومع ذلك ممكن نتناقش تاني لنوصل لطريقة نستفيد فيها من المميزات اللي بتوفرها رؤيتك ولكن مع المحافظة على الهدف العام للفكرة الرئيسية "مشاركة جماهيرية"

يعني مثلا من خلال رؤيتك اتضح إلي انو افضل طريقة هي تصفية مواضيع كل قسم لحالو لحتى نضمن مبدأ تكافؤ الفرص لكل اقسام الاخوية . هاد شيئ اعتقد انو افضل ، الاول كنت بشوف انو المنافسة عامة والبقاء للافضل من وجهة نظر الجمهور .

وبالنهاية مافيني الا إني أشكرك على رؤيتك الجيدة واتمنى مزيد من التفاعل .

أنا معك بانو مش سهلة اختيار موضوع واحد في حين انك ممكن تشوف عدد اكبر من الموضوعات ، بس اذا فتحنا المجال لاختيار اي عدد ممكن من المواضيع ، فبعتقد رح نكون ادام عدد كبير من الموضوعات خاصة انو لسى باقي فترة على نهاية العام ، ومع ذلك وجهة نظرك سليمة لكن بيضل بدنا ضمان لعدم زيادة عدد المواضيع عن حد معين على فرض انو عنا 50 موضوع بصفة مبدئية مقارنة ب 200 موضوع في حال فتحنا المجال ، مين رح يقدر يقرا 200 موضوع ويحكم عليون ؟ اللي متابع من الاصل ماعندو مشكلة واكيد مارح يحتاج يقرا ، بس مين متابع ؟
انا بشوف انو هالموضوع فرصة للعالم انو نرجع نسلط الضوء على مواضيع ال2008 ونرجع نقول لاصحاب هالمواضيع مشكورين قدمتم شيئ عجبنا واللي ما شاف يشوف هالمرة .

بخصوص التصويت للاقسام اقتراح جيد كتير بس مختلف عن فكرة التصويت للموضوع ، هو سهل التطبيق كتير وممكن نعملو ومارح يكون في تعارض بينو وبين هالموضوع ، انا كمان بشوف متلك قسم الفلسفه نشط كتير بالفترة الاخيرة وبالاخص بالنص التاني من عام 2008 وبعتقد كمان قسم الخواطر نضج بالاخوية وصار عليه اقبال كبير وقسم التصوير كمان وقد يكون غائب عن بالي اقسام تانية ، بس بعتقد هادول الابرز .

وبعتقد فكرة التصويت للاقسام جيدة لانها رح توضح الاتجاه العام لسنة 2008 وين كان وكيف بيشوف الاعضاء هالقسم ، ربما نتفاجئ بالنتيجة .
انا عجبني كتير فكرة التصويت للقسم ولكن هي مش بديل للتصويت للموضوع فمارح تحقق نفس الهدف .

خلينا نبلش هلاء بالسهل ونحاول نطبق تصويت للاقسام بصورة مبدئية .

واهلا وسهلا بمزيد من المشاركات لاثراء فكرة تصويت للاقسام او تصويت عام لمواضيع الاخوية ب2008 .

وطبعا بشكرك كتير على اقتراحك الممتاز وبعتقد انه رح يكون مفيد للاخوية حاليا ومستقبلا .

بعض ملاحظات اخدتها من نقاش بعض اعضاء الاخوية على تشات الاخوية غروب للعزيز يمان .

* فكرة تصويت لافضل عضو . على غرار الموضوع الافضل

*فكرة انو مابصح العضو يرشح لحالو موضوعات .



انا رح اناقش النقطة التانية بس "لاني مقتنع بان العضو الافضل بيكون من خلال "مواضيع + ردود" غير هيك بيكون الاختيار لشخص العضو ومش لمشاركاتو بالاخوية . وعليه ممكن نضيف قسم بالتصويت لافضل رد وهاد للاشخاص اللي مابحبو يكتبو مواضيع وبنفس الوقت بيجيدو كتابة الردود . شو رئيكون ؟

- النقطة التانية
فكرة انو مابصح الواحد يرشح لحالو
الغالبية العظمى للجهات اللي بتنظم مسابقات او تصويتات متل هاي ، بيكون المصدر الرئيسي للتنافس هو ترشيح صاحب الشيئ لهالشيئ او لنفسو ، لانو ببساطة هو اقدر العالم على فهم حالو وامكانياتو والشيئ اللي قدمو او بيقدمو ، والفيصل بالنهاية لارادة الجمهور اللي رح يحكم على هالشيئ ، اذا اقتنع او لاء !!

هاد حقو ، وبدي اسأل سؤال ، على فرض انو هالشخص كتب موضوع او اكثر من اروع الموضوعات ومافي حدا اختارون الو !! هل هاد عدل ؟
هل حدا بيقدر يضمن انو هاد ما يحصل ؟؟
اكبر ضمان لوجود الموضوعات الجيدة هو اتاحة الفرصة لاصحابها انون يرشحوها ، والحكم النهائي للجمهور للي رح يقول كلمتو على هالمواضيع بصوتو .

تحية
أنا عجبتني الفكرة الأولى ببساطتها
يعني بلا تعقيد و اجتماعات و مدري شو
بدي رشح واحد من أجمل ما قرأت في أخوية و هو :ثلاثيات لياس
و بدي رشح موضوعي بالصالون (دايقة خلاقك فوت لهون نشاطات ثقافية )مع انو ما كتير حاسو نجح بس يللا
و دمتم :D

صرنا 2 :larg:

لا ...
صرنا 3

كمان صوتي لثلاثائيات



بالفعل الموضوع كتير حلو ...و أسلوب جديد