|
الفساد في سوريا ظاهرة محدودة ام سياسة منهجية للدولة ؟
هل مظاهر الفساد في سوريا هي ظواهر فردية من قبل بعض المسؤولين ام هي سياسة منهجية من قبل النظام وطريقة للاستمرار بالحكم؟
شو رأيكن؟؟ |
بس سؤال صغير مبدئيا
انو ظواهر الفساد بس من قبل المسؤولين ولا بتنطبق عالشعب كلو ؟؟ يعني برأيك مانو ظاهر اجتماعية بتمثل كل أطياف المجتمع ؟؟؟ |
اقتباس:
يعني التركيبة العجيبة اللي استخدمها حافظ اسد وزملائو من الرؤوساء العرب هي انو تجيب للحكم ناس قابلين للفساد وتفتحلن الباب ليعبوا وينهبوا لكن بنفس الوقت كل شي مسجل علين مشان لو فكر واحد منن يفتح تمو او يعمل اي حركة ضد النظام ساعتها يلقى كتابا منشورا هدا بالاضافة انو الانسان الفاسد واللي بيقبل ينهب المال العام بيكون معدوم الطموح وكل اللي بدو ياه انو يبقى بالمنصب مشان يعبي اكتر يعني ببساطة ما في خوف منو ابدا وبذكر هون قصة انو لما بشار الاسد كان عم يتحضر لوراثة ابو عمل جولة بحلب اظن سنة 1998 والناس طلعو ببساطتهن يهتفولو يا ابو حافظ غيرلنا المحافظ والمحافظ كان وقتها من اكتر الناس المعروفين بحلب وبسوريا بالفساد قام ابو حافظ بعدها باقل من سنة يمكن غيرلن المحافظ وحطو رئيس وزراء شو رايك؟؟ |
اقتباس:
هل الفساد ظاهرة اجتماعية متفشية حتى يكون موضوعك كامل انظر حواليك تجد كله فاسد من المئندء بسرير ل الكبير |
اذا كان رأس السلطة فساد فبالتأكيد الفساد في سوريا هو سياسة منهجية "للدلوة"هذا إذا كنا نعيش في دولة
|
أنا لااحمل الرئيس بشار المسؤولية الكاملة عن الفساد المطلق بسوريا باعتبار ان يد واحدة مابتصفق والحرس القديم بيلعبوا دور بانتشار الفساد... لكن بشكل عام الفساد والرشاوي والواسطات بسوريا من أعلى النسب في الشرق الاوسط وشمال افريقيا ...
تصوروا مشان ادفع بدل اضطريت ادفع رشوى ... حتى على ايام طلاس هالحكي جماعة عرفوني على ابن اختو لطلاس قال بيمشيلي المعاملة بس مقابل 10 الاف ليرة ؟؟؟ ومعاملتي تبع دفع البدل اتعطلت بس بسبب ان اسمي بسندات الاقامة غير مطابق مع اسمي بدفتر الجيش باعتبار ان اسم جدي مو مكتوب وكانوا بدهم يرجعوني عالسفارة السورية بالسعودية لهالسبب!!! لو مااني دفعت رشوة 5000 ليرة لمدير شعبة التجنيد و 1000 ليرة للموظف ليمشيلي الاوراق الباقية ...ماكان مشي الحال وكنت اتبهدلت لسبب فاضي هدول اللي بيخربوا البلد ... هيك شكيلات انجس خلق الله ... هم اللي بيشوهوا سمعة سوريا وبيعطوا انطباع سيء عن سوريا .. انا فقط الوم الرئيس بشار على عدم انشائه لجنة مراقبة وتفتيش تتميز بالشفافية مهمتها مراقبة الدوائر والمكاتب الحكومية بشكل كامل ... لأن للاسف الموظف السوري بشكل عام تعود على الرشاوي واكل المال الحرام لدرجة ان الزبال صار يدفع رشوى ليتم فرزه على مناطق راقية وارستقراطية ليطلع بشي مثال اخر : مكتب في الشام عليه فواتير كهربا تقدر باكثر من 30000 ليرة ... فكان كل مايجي موظف الكهربا ليفصل الساعة ... يقوم صاحب المكتب ويعطيه رشوة 500 او 1000 ليرة وعلى هذا المنوال كل مرة ... الى ان تم اكتشاف وفضح هذا الموظف بالصدفة!! وتم التحقيق معه وبعد التحقيق تبين انه آخد مايقارب النصف مليون ليرة رشاوي من عدة اماكن بالمنطقة اللي هو مستلمها ... وتم فصله من عمله وحطوه بالسجن يعني بشكل عام هاد نموذج للموظف السوري للاسف شعبنا اتعود ياكل مال حرام برجع وبقول ان الحق مو عاالرئيس لحاله بشكل كامل الحق ايضا عالشعب اللي بيرضى بهالشيء .. بيجيك واحد مابيرضى الرشوة عحالو ان هو يكون ضحية ويدفع الرشوة للغير وبيقعد بيشكي وبيبكي ... بس بالمقابل هو بيرضاها على غيرو وبيقبل ان يكون هو الجزار وياخد رشاوي وللاسف الدولة بتلعب دور باعطاء المجال للاشخاص بأن يكونو ضحايا أو أن يكونو جزارين على حسب المنصب!! |
اقتباس:
مافي شعب خالي من العيوب وماعندو فساد بالسلطة بس عنا مشكلة الفساد انو الشعب رضيان .... بس رضيان ليمشي امورو وهاد الشي الغلط شعبنا العربي شعب جبان وبخاف من خيالو شعب انذل وشبع ذل وبدو يدور على لقمة عيشو ان كان موظف ولا غير موظف بأي شي بدو يشتغلو هو اللي ببادر ليدفع رشوة رواتب الموظفين الحكوميين عنا ما بتتناسب مع غلاء المعيشة والتضخم |
تم تثبيت الموضوع للفائدة
|
اقتباس:
طيب خليني اسألك سؤال طالما انو بشار بايدو سلطات مطلقة يعني ما في بسوريا لا برلمان ولا صحافة ولا رئيس وزراء بيسترجي حتى ينتقد اي قرار بياخدو مظبوط؟؟؟ طيب وطالما انو اي انسان سوري من شفير السرفيس (مع احترامي لشفير السرفيس يعني) وانتهاء بدكتور الجامعة بيعرف الفاسدين بالاسم وبيعرف انن معبايين كل المراكز المهمة بالدولة فمقعول بشار ما بيعرفن؟؟؟؟ اي في بسوريا اجهزة امن اكتر من الجامعات وشغلتن الوحيدة مراقبة كل شي من الجيش للموظفين للوزراء والمسؤولين وصدقني ما في مدير ولا موظف كبير بالدولة بيسرق ليرة الا وملفو عند الامن وبيخلو يسرق تحت عيونن والامن بكل افرعو تابع مباشرة لبشار الاسد يعني لا لوزير الدفاع ولا الداخلية ولا غيرو وكل التقارير عن حالات الفساد بتنرفع مباشرة لعند بشار الاسد وهو بيعرف كل شي ورح اعطيك مثال صغير بسنة 1998 كان لسا الوريث عم يتدرب على الحكم قام راح على حلب وهو حامل شعار مكافحة الفساد ,الناس ببساطتن صدقو وصارو يهتفولو يا ابو حافظ غيرلنا المحافظ والمحافظ كان مصطفى ميرو وكان معروف للجميع بنظافة الكف يعني حتى مصاري البلدية بحلب ما سلمت منو المهم بعد سنة غيرلن ابو حافظ المحافظ و حطو رئيس وزراء شو رأيك؟؟؟؟؟ ببساطة يعني احد اهم وسائل الحكم عند بيت الاسد الاب والابن حاليا هي وضع افسد الناس واقلن ضميرا باعلى المناصب مشان تضمن انو ما حدا يفكر يعمل ضدك اي حركة لانو المسؤول الحرامي مو فاضي يتامر او يفكر بمصلحة البلد وانما بدو بس يعبي قد ما بيقدر ونتيجة هالسياسة الجهنمية تخرب كل شي بالبلد الجيش والاقتصاد والتعليم وشو بدي عدلك لعدلك ................................................. |
يا اخوتي في كلمة لازم تنقال انو لاتنسو انو السطلة موئلفة من عدة مافيات بئا منها مع بشار ومنها ضدو بس طبعا هاد كلو بالسر مو بالعلن
والدليل على هالشي انو قاصف شكوت انضرب رصارصة برجلووو وفي كتير امور الكلام يا اخوان انو الفساد هو خطة ممنهجة من الدولة لانو كلشي موجود فيها فساد لو كان ما بدون الفساد كان بيقدرو يسحنو المستوى المعيشي للمواطن والعكس يلي عم يصير عنا انو عم يخلو المجتمع بفقر ويفقر لتنفذ السلطة مقولة ( اشبع ثم تفلسف ) والله يجيرنا من الاعظم |
متـــابعه
:D |
اقتباس:
|
اقتباس:
على اساس عندكم يعني مافي فساد ورشوة ....... يلا لبرا مابدي شوف وشك هون مرة تانية مشان ماادخل عالساحة السياسية وجيب فضايح السعودية كلها لهون ..... موضوع سوري بحت مابتدخلي فيه ابدا ومابتحشري مناخيرك فيه مشان مايصيبك مكروه.. قال متابعة قال :sly: |
أنا صوتت انو منهجية دولة لأنو هرمية الدولة قائمة على الفساد المادي و المعنوي
هلأ خلينا نحكي جد, الشعب فاسد كفساد الحكومة, الفرق انو الشعب اضطر الى انو يكون فاسد...... هلأ لو فيني أعمل استفتاء عن نسبة الموجودين الذين دفعوا رشوة أو استخدمو نفوذ (واسطة) للحصول على شيئ ما ليس بالضرورة غير قانوني (مو شرط تنجبر ترشي بس لأنو شغلك مو نظامي) كان قديه النسبة؟ 60%؟ 70%؟ المواطن مجبور يرشي لحتى تمشي امورو و تتسهّل الموظف "مجبور" أو "شبه مجبور" يكون فاسد لحتى يعيش و لحتى يرشي الاعلى منو لحتى يخلّيه بموقع "دسم" ............... و هكذا حتى الوصول الى أعلى الهرم |
معقول يكون النظام هيك بدو لاء مستحيل النظام بيشجع ع الفساد
هلاء معقول شرطي الأمن أو شرطي المرور عم يتوظف مشانالرشوه اكيد مشان الراتب معقول حدا بيطوع بالجيش والقوات المسلحه مشان يضمن مستقبلو بالرشوه ومص دماء العسكري اكيد مشان يدافع عن الوطن والمواطن أنا بأكد أنو النظام هيك بدو فل نتصور سورياا بلا فساد , أنا وياسين وكهربجي من المؤكد سنرفع سقف مطالبنا لن نكتفي بمهاجمة شرطي المرور أو ضابط الأمن أو القضاء الفاسد بل من الطبيعي أن يطالب "فاوست " بتشريعات جديده من مجلس الشعب يحد من سلطة رئيس الجمهوريه وسيأتي السيد ويلي ليطالب بأبعاد أقارب الرئيس عن المؤسسات الأمنيه وأنا سأطالب بتحديد فتره زمنيه للرئاسه أي أن لاتتجاوز المرتين وكل مره اربع الى خمس سنوات على أبعد حد أنو يصير كهربجي وياس وفاوست ومسطول يرفعو سقف المطالب لتصل الى رأس الهرم في سوريا فهذا الأمر من المحرمات في بلادنا على جاد أن يظل يتكلم بقضية مفتشه التي اعتقلت بسبب كشفها التلاعب على القانون بشكل سافر وعلى جاد أن لايتعدى هذا السقف من المطالب فعلينا جميعاً أن نظل نطالب بمكافحة الفساد على مستوى الموظف والشرطي وضابط الأمن ولا نتجاوز اكثر وعلى كل حال قانون الطوارء جاهز وبخدمة جميع المواطنيين *** (خلوني ساكت احسن ) ع الهامش: معقول يكون كاتب الموضوع مخابرات :frown: |
مين سائل أحكو و كتبو وحللو شلون ماعميلتفتو حابكة تمام
|
اقتباس:
ما بتتذكر حلقة بقعة ضوء لما بيمسكوا واحد وبقولوا بالتحقيق مو الغلط انك تفكر لحالك انو في شي بالبلد غلط بس الغلط انو لما تقعد مع حدا تاني وتفكروا بالغلط هي نكتة مرقت بالمسلسل بس والله بتعبر عن سياسة القمع في نظام الاسد مشان هيك بتلاقين لاحقين العالم على تعليق كتبو هون وعلى كلمة انحكت هنيك |
ياأخي نعم حبكه معون هل سمعت عن أجتماع المافيا لتقييم فشلون بلمقارنة مع المافيا الذي تحكم عندنا
مثلا من ضمن الأشياء اللي ذكروها قالو أن الحكام العرب بدأو بعدنا واليوم عندهم جيوش وشرطة ومخابرات ومطارات و و و و و و المافيا متئخره بنسبة لهم أش بدك أكتر |
| الساعة بإيدك هلق يا سيدي 13:41 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون