|
لو الزمان يرجع لورا ؟؟؟؟
هاتوا لشوف في ايام التأمل وعندما اجلس لوحدي افكر واتعمق بحياتي اقول في نفسي لو ان الحياة ترجع يوم الى الوراء! اسبوع! سنة سنوات!... لكنت فعلت شيء اخر ولما كانت حالتي في هذا اليوم على ما هي هل صحيح اننا لو فعلنا شيء اخر لكان حالنا افضل اما اننا نرضي انفسنا بقول هذا للتخفيف عن نفسنا مشاكل ومصاعب وهموم هذه الحياة؟... ماذا كنت ستغير لو أن الايام ترجع الى الوراء؟.... جاوبو بصراحة يلا لشوف...... ........................... |
ئصدك ئولي شو ما كنت غيرت :sick:
|
يمكن ما نغيرش حاجة لان وقت ماعملت اى شىء كنت مقتنع بيه وكنت سعيد انك عم تعملوا بصرف النظر عن النتيجة اللى حصلت بعد ماعملته
اغرب شىء ان دايما بنفكر انه لو عملنا شىء غير اللى انعمل راح تكون نتيجة مضمونة تماما اللى الحصل حصل وعرفناه يمكن لو نغير شىء نصير من سىء للاسواء |
القناعة كنز لا يفنى بدل ما نبكي عاللبن المسكوب لازم نفكر بالمستقبل :pos:
|
اذا بدي غير معناها انا ندمانه...والندم هوي الغلط الاتني الي بنعملو
لذلك ما رح غير شي ولا رح اندم ع شي |
حلاوة الحياة ..... انك تعيشا متل ما هي
بسيئاتا و بحسناتا مثلاً أنا في كتير تجارب سلبية بحياتي .... بس لو رجع الزمان لورا ..... بختار ارجع عيش هالتجارب مرة تانية |
اقتباس:
|
أنا برأيي أنو أحسن شي هو يلي عملتو
صحيح كتير أوقات بندم على بعض التصرفات والقرارات السريعة ... بس بعجين بستنتج أنو لو ما عملت هيك كانت النتيجة أسوأ ... بقا الحمدلله أنا رضيان بيلي عم بيصير معي |
صدقني ما كان تغير شي ، انا من الناس يلي بحكي يا ريت يرجع الزمان لورا لكنت غيرت و عملت و ساويت ، بس السؤال هوه لو رجع الزمن لورا فعلا لح تعمل هل تغير ولا لح تعيش نفس يلي عملتو لا و بيزيد تخبص اكتر ؟؟
والسؤال الاهم ليش لتحكي لو رجع ، ليش ما من الاصل كنت واعي و عملت هل شي من الأول ؟؟ الحاصل مالح يتغير شي وهاد مجرد منشر مشان نعلق عليه يلي صار فينا ، وانا من الناس يلي بحكي هل شي .. ومتل ما حكة الاخت ريمي ، انو هاد بيدل علندم وانا ماني ندمان على شي عملتو وشكرا |
اقتباس:
|
اقتباس:
انا عن نفسي مره حبية ارجع لورا بالزمن امت عبية بالحيط يلي وراي و تكسرت وماني حابب عيد هل تجربه لووول |
المشكلة خيو بتتركز فينا لانه مثل ما بتعرف ارضاء النفس غاية لا تدرك و دايما بصراع مع انفسنا لدرجة ما بيعجبنا الوضع الي احنا فيه و بصير بدنا نغير مجرى حياتنا و نحط كل الحق على الزمن و كأنه غلطه مع انه هاذا مصير كل واحد فينا و بتخيل لو رد فينا الزمن لورى راح نرد نختار نفس خياراتناا لانه احنا من اقدم عليها بالبداية حتى لو كانت استثنائيه او مزاجية من غير تفكير عميق و مشكور للموضوع ^_^ |
هاد الفكرة كلنا بنفكر فيها يعنى
لو يرجع الزمن لورا كتن ساويت.....و كنت عملت بس لو حقيقة و رجع الزمن لورا ما رح نغير شي لانو شغف الحياة فالتجارب الي نمر فيها حلوة كانت او مرة يمكن انا شي الوحيد الي غيرو انى استفيد او استغل وقت الفراغ الي فات من دون تجربة و اماؤ تجارب تانية:D |
لو الزمن فعلا لورا كنت هلغى معظم الماسى اللى عشتها واعيش ماسى اخرى
جايز تقولوا بموت فى الحزن دة يمكن يكون صحيح لانى بعتقد ان الحزن يبنى كثيرا ويعطى دروس عديدة |
ياريت كان عند كل واحد عداد للزمن مشان اي شغلة يعملا ويحس انو غلط فيا يقدر يرجع الزمن لورا ومايعملا او انو يغيرا
عنجد شي حلو كتير والواحد دائما بحتاجو |
اقتباس:
و كان ما عاد في داعي تكتب هالتوقيع  اقتباس:
|
اقتباس:
ولييييييي ع قلبي انا التوقيع زاعجك ولي علي انا :oops::oops: بعدين مخبصة كم تخبيصة بحياتي من مناح بركي بقدر بصلحن لو عندي هالجهاز :gem: |
بنرجع لنفس النقطه كلنا ، انو حتى لو رجع الزمان لورا كنا لح نعيش نفس التجارب ، بس يمكن بطريقة تانيه
بس بالمجمل لح نعيشها نفسها ، و حتى لو حكينا بدنا نغير شي بالماضي ، صدقوني مالح نغير شي لانو الواحد لح يكون عايش نفس الحالة النفسيه و لح يعمل نفس التصرف حتى لو رجع لورا ، الشغله مو بعودة الزمن الشغله بتغير الحالة النفسيه و الفكريه للشخص لو رجع بالوقت لورا |
| الساعة بإيدك هلق يا سيدي 20:35 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون