|
نداء باسم الإنسانية من عائلة رياض سيف:
نداء باسم الإنسانية من عائلة رياض سيف: السبت/2/شباط/2008 النداء: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اعتقل رياض سيف بتاريخ 28/1/2008، ونرى ضرورة وضعكم أمام الحقائق التالية:لقد علمنا بالأوضاع السيئة التي يعيشها في ممر خارج مهجع في السجن، يعاني من البرد القارس من دون سرير أو غطاء. مع العلم أنه يعاني من انسدادات في شرايين القلب، ومن سرطان البروستات الذي يُعتبر البرد أهم عدو له. لذلك نُحمِّل السلطات المعنية مسؤولية الحفاظ على حياته.. ونطالبها بالإفراج عنه فوراً والسماح له بالسفر للمعالجة لعدم توفر العلاج اللازم داخل سورية. ومحاسبة كل من قام بهذه الإجراءات غير الإنسانية داخل المعتقل. دمشق في 1/2/2008 عائلة رياض سيف |
هي هيه الشجاعة؟؟؟ عم يتشاطروا على رجل وطني مريض ما بيملك بوجه الطغيان غير كلمات!!! حتى ولو مات رياض سيف 100 رياض سيف بيطلع محلو!! وللظلام يوم حتى ولو طال المدى
|
شباب برجع بقول بدها صفنة شوي
ما هيك بنقدر نحقق النهضة الديمقراطية .... ما بالتوسل يعني صرلي فترة عم تابع بيانات اعلان دمشق عم حسها متل اللي بيعرف انو دق المي وهي مي بس بيضل يدق المي في طرق تانية اذا بدكن بنقعد بنحكي فيها بس للأسف ما بتوقع ممكن يوصل الصوت ..... تحياتي الحارة ظل جيفارا |
اقتباس:
هاد البيان من عائلة رياض سيف مو من اعلان دمشق.... تحية |
اقتباس:
انا اسف بس كإني شفت إشارة لموقع اعلان دمشق ... بس انا حابب كتير احكي بموضوع طرق تحقيق نهضة ديمقراطية في هيك اوضاع شو رأيكن بنفتحوا بموضوع مستقل .. تحياتي الحارة ظل جيفارا |
رووووووووووووووووووح شايفلك
بس عالهامش هي فعلا دق المي وهي مي بس في طريقة تانية للتعبير بتضمن انو ما يصير شي من وراها؟ |
اقتباس:
صح اشارة موقع الاعلان موجودة لانو النداء مأخوذ من الموقع ... بس هوة نداء انساني من عائلة رياض سيف وكل انسان عندو ضمير حي ثانيا :يا رفيق البيانات مو توسل هي بس لحتى توصل الاخبار للشعب ولضمير الانسان السوري وما بظن انو اعضاء الاعلان عملو الاجتماع بسوريا الا لانو عندهم شجاعة ووطنية كبيرة .... بالنسبة لدق المي وهي مي .. هاد المثل بيزبط على طرف السلطة المتسلطة مو على معارضين شرفاء عم يتحاكمو امام قضاء فاسد كمان تحياتي :D |
اقتباس:
صديقي انا ما عم احكي على البيانات انا عم احكي عن خطاب ممنهج صرلو فترة عم يمشي بنفس الطريقة بتخليني قسملك الية العمل اللي بحب اشتغل وفقها اولا النظرية وهي اساس لكل عمل ثانيا الرؤية وهي ان تسقط النظرية على الواقع ثالثا : الخطاب وهو ان تقدم تلك الرؤية للجميع رابعا : الممارسة وهي ان تمارس مكونات خطابك على الأرض وعندما نمتلك الوسائل الأربعة نصبح على مقدرة لكي ننتقل إلى التغيير الواقعي على الأرض .. دونه لا أرى وسيلة لذلك تحياتي الحارة ظل جيفارا |
| الساعة بإيدك هلق يا سيدي 12:06 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون