|
شو يعني علمانيّة؟؟؟
يابا أنتو يا عالم ليش مو عاجبتكن هالبدعة؟؟
أنو ليش كل ما قلنا علمانيّة بتنقز هالعالم؟؟ خبروني بالأول شو يعني علمانية.. بعدين منتفاهم.. طبعاً أكيد بعرف أنو بدون ينطو على هي شغلة عاملها الغرب ليستعمرنا.. وعلى هي عدو الدين الأول.. هدول بعرف أنكون هيك رأيكون.. (طبعاً مو كلكون) بس حدا يفهمني شو العلمانيّة... |
اول شي ... مرحبا ، بس ليش عم تقاتل ؟!
وتاني شي ... ما فهمت شو القصد من موضوعك ، او لوين بدّك توصل ؟ او شو الغرض من السؤال ؟! لانو مستحيل يكون قصدك مقتصر على " شرح " معناها وبس بكل الاحوال .. وبالمختصر ، العلمانية = اللادينية .. وبانتظار التوضيح اكتر :D |
اقتباس:
|
منشانك هيك لازم نعرف هالعلمانية بشكل الصحيح ... لحتى ما حدا يجي ويضيف ويعرف من عندو ... العلمانية = اللادينية ...
|
اقتباس:
قالت كيف هيي بتشوف العلمانية و قالت بانتظار توضيح اكتر باختصار العلمانية هيي متل ما قلت انا بموضوع تاني فصل الدين عن الدولة ومانا ابدا الغاء الدين او اللادينية يعني الاحتفاظ بالدين واخفاء مظاهرو بالمجتمع يعني هيي اقرب ما تكون للمجتمع المدني ..............؟ |
اقتباس:
العلمانية معناها الصحيح هو اللادينية او الدنيوية .. وشو يعني هالحكي ؟ يعني فصل الدين عن الدولة .. شلون يعني فصل الدين عن الدولة وعن المجتمع .. يعني كل شي بالحياة بيكون قائم عالعلم والعقل بعيداً عن الدين او ما ذكر فيه .. بمعنى تاني .. كل شي بالكون قابل وخاضع للنقاش بالمنطق .. اما الجانب الديني فهو بيضل بين الفرد وربّه ( بمعزل عن المجتمع ) وهكذا جرى التوضيح .. بئا وين الغلط ؟؟ :pos: |
كلام سليم
العلمانية تعني عدم تدخل الدين في شؤون الدولة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - سقى الله هديك الايام، وقت كان الحوار للاغناء .. مش للاستغناء |
باختصار.. العلمانية = اللادينية. فصل الدين عن حياتنا اليومية. فصل الدين عن الدولة (يعني بنخلي القوانيين والتشريعات و.. مفصولين عن اي شي متعلق بالدين )يعني ما بنخلي الدين يكون ورا اصداار القوانين و.... العلمانية ما بتسمح للدين يتحكم بعلاقاتنا الاجتماعية و طرق حل مشاكلنا و خلافاتنا الاجتماعية. :D:D:D |
علمانية يعني فصل الدين عن الدولة
واحنا ناس ما بنعرف نروح نكزب ونسرق ونهد الناس ونمارس الفاحشة وكل انواع الكبائر برا المعبد وبس نروح المعبد نصير انسان تاني كيف برا حدود المسجد او الكنيسة تكون ملحد وبس تفوت الكنيسة او المسجد تصير ابو الدين |
اقتباس:
بالاخلاق... الاخلاق ليست حكرا على دين او قوم دون سواهم بالضمير... الضمير بيولد مع ولادة الانسان مش مع اعتناقو لعقيدة ما و اخيرا بالعقل... فالعاقل قادر على تمييز الخير من الشر، المنفعة من المضرة، الصح من الخطأ... بدون مساعدة الهية، هيك انخلقنا، |
يعني ياسيدي ملا انت بأختصار
يعني عايش على البركة هي عايش بلا هدف كلو بيمشي معو عالبركة :lol: |
بس اوكى كل واحد عندو عقل بنعرف
بس انا متأكدة انو ما في حدا عندو القدرة على الراحة ازا كان مفصول عن الله يعني عن ربو كيف بدك تكون مفصوول والعلمانية فصل الدين عن الدولة يعني كل شي برا حدود المعبد مفصووول عنا نعيش بلا دين ما بينفع وهادا هو رأي كلو والي بدو يكون علماني يكون |
اقتباس:
الشيخ: الصلاة دون وضوء لا تجوز.. المحشش: طيب شو رأيك اني جربتها و زبطت؟ يعني باختصار انا جربت اني "انفصل عن الله" و عايش مبسوط عين الله عليي بعيدا عن الهبل و الجدبة لما كون مش مبسوط بحياتي، بيكون هالشي لأي سبب تاني غير اني بعيد عن الله ممكن كون مزعوج لأني فقير، لأني اسير....الخ يعني لسبب واضح، مش لأني بعيد عن الله لما بعرف حالي اني ما عم اسرق غيري (السرقة مجرد مثال)، بكون مبسوط، حتى لو كنت ملحد السؤال انو لو كنت مؤمن، و متدين، بس عم اسرق، يا ترا رح كون مبسوط؟ بتصور انو الجواب "لأ" فإذا السرقة هيي سبب عدم الانبساط بهالمثال، بغض النظر عن علاقتي بربي |
ازا كنت تريد الانفصال عن الله لازم تنفصل عن كل شي اعطاك ياه الله
روحك وجسدك وعقلك وحواسك اولادك رزقك وكل شي اعطاك ياه الله والي ما اعطاك ياه الله وانت جبتو من دار ابوك انت حر فيه خليه معك بس الانفصال عن الله يعني الانفصال عن كل شي اعطاك ياه الله والنكتة مش دليل يابا |
طول بالك
يا شباب اذا بتسمحولي عرف شو يعني العلمانية بمعناها الحقيقي الغير محرف يعني الاصلي فيك تقول
يا حبايبي العمانية تعني انو كل واحد من الشباب الطيبة الي هنة اصحاب القرار بكل بلد انو يعني ما ينحاز لدين او طائفة معينة انو يتبع المنطق الانساني و الي بيناسب الموجود باتخاذ القرار او التصويت على اي قرار يعني عاساس انون محايدين بكل شي و محكمين عقلون كمان |
اقتباس:
رح ناقشك من منطلقين منطلق الاعتراف بوجود الله مع عدم التعلق فيه: و من هالمنطلق بقدر خبرك انو (طالما انا معترف بوجود الله، فمعترف بنعمو عليي) و مع ذلك .. يعني هوي رح يعطيني او ياخد مني هالنعم بدون ما يهتم بعلاقتي فيه، يعني متل مو شايفة الله مأنعم على بوش و بلير، و اولمرت ... منطلق عدم الاعتراف بوجود الله: و بالتالي مش معترف بفضلو عليي، و ما لو عليي منية و كما قال النبي عمر الخيام: سأشربها إذ هي الحاصل ما الحق؟ حاشاك، ما الباطل؟ سأعصيك بالضد حتى أرى أذنبي؟ أم عفوك الشامل؟ |
يا شباب نحنا منفصلين عن الله خلقة لانو بيقول فيلسوف الماني للاسف ما عم اتذكر اسمو انو اذا كان الله موجود فانا ميت و اذا كنت موجودا فالله ميت و نحنا اكيد موجودين و بالاخير و هذا رايي انو الله خالق لا غير بس مو مدبر هل حياة
|
طيب الي بدو يكون علماني يكون هو حر
ولكل حدا معتقاداتو وانا بعيش في بلد علماني فلسطين المحتلة " اسرائيل" ولكني لا اماس العلمانية |
اقتباس:
رح أيدك بلغة الشارع وقول: قتاية عوجة إن جلستا بتنكسر ومن طول عمرك يا تينة مجعلكة مو معقول لا مو معقول .. أول مرّة بحس اني عاجزة عن الكلام ومو قادرة ضيف أي شي للنقاش :shock: شو اللي عم تحكو يا بني آدميين عم تلغو الانسان، خلص الانسان صار بس الله ودين، لك "الله" ما بيقبلا . :cry: وآسفة ازا أي طرف تدايق من كلامي بس ....... |
انا ما رح عرف العلمانية لانو الرابط اللي حطو كريم كافي و وافي
بس حابة قول رأيي بالموضوع أنو العلمانية شيء ضروري إذا بدنا أنو نعيش بمجتمع خال من العفن ودمتم:D |
اقتباس:
ما بيسرق وما بيكذب وما بمارس الفاحشة وكل انواع الكبائر برا المعبد. وجواتو بصير انسان تاني؟؟ بدك تسمحيلي المتدين بيعمل هدول الشغلات اكتر من العلماني. لانو العلماني متل ما قال كريمبو بعتمد على الاخلاق والضمير والعقل. بينما المتدين بليزق كلشي بالله. وبقول انا متدين شو ما عملت ما رح يصرلي شي. ما عندي شي زيدو عن العلمانية غير اللي حطوه الشباب. موضوع حلو. بذكرني شوي بالايام الخوالي بس انشالله يكون النقاش فيه متل تبع الايام الخوالي |
اقتباس:
وبهالطريقة خرب البلد |
:clap:لك يحيا العقل والمنطق
انا وياك لازم نعمل شي جلسي خاصة |
اقتباس:
اذا بتذكري;-) |
اقتباس:
شكرا عالحكي المعقول |
العلمانية بكل بساطة هيي فصل الدين عن الدولة و ما بتعني الإلحاد
و أنا ماني ضدا لأنا ممكن تكون منقذة بكتير حالات خصيصا لما بتكون الدولة بتحوي قوميات و أجناس و أديان مختلفة ... |
التعريف :
العلمانية وترجمتها الصحيحة : اللادينية أو الدنيوية ، وهي دعوة إلى إقامة الحياة على العلم الوضعي والعقل ومراعاة المصلحة بعيداً عن الدين وتعني في جانبها السياسي بالذات اللا دينية في الحكم ، وهي اصطلاح لا صلة له بكلمه العلم الوضعي والعقل ومراعاة المصلحة بعيدا عن الدين وتعني في جانبها بالذات اللادينية في الحكم ، وهي اصطلاح لا صلة له بكلمه العلم وقد ظهرت في أوربا منذ القرن السابع عشر وانتقلت إلى الشرق في بداية القرن التاسع عشر وانتقلت بشكل أساسي إلى مصر وتركيا وإيران ولبنان وسوريا ثم تونس ولحقتها العراق في نهاية القرن التاسع عشر . أما بقية الدول العربية فقد انتقلت إليها في القرن العشرين ،وقد اختيرت كلمه علمانية لأنها اقل إثارة من كلمه لادينية . المصدر موقع وحي السماء |
حكي فاضي و علاك يا شباب قروه
أما معتقدات العلمانية في العالم الاسلامي والعربي التي انتشرت بفضل الاستعمار والتبشير فهي :
* الطعن في حقيقة الإسلام والقرآن والنبوة * الزعم بان الإسلام استنفذ أغراضه وهو عبارة عن طقوس وشعائر روحية * الزعم بان الفقه الاسلامي مأخوذ عن القانون الروماني . * الوهم بأن الإسلام لا يتلائم مع الحضارة ويدعو إلى التخلف . * الدعوة إلى تحرير المرأة وفق الأسلوب الغربي . * تشويه الحضارة الإسلامية وتضخيم حجم الحركات الهدامة في التاريخ الاسلامي والزعم بأنها حركات إصلاح . * إحياء الحضارات القديمة . * اقتباس الأنظمة والمناهج اللادينية عن المغرب ومحاكاته فيها . * تربية الأجيال تربية لادينية . · إذا كان هناك عذر لوجود العلمانية في الغرب فليس هناك أي عذر لوجودها في بلاد المسلمين لأن النصراني إذا حكمه قانون مدني وضعي لا ينزعج كثيراً ولا قليلا لأنه لا يعطل قانون فرضه علية دينه وليس في دينه ما يعتبر منهجا للحياة ، أما مع المسلم فالأمر مختلف حيث يوجب عليه إيمانه الاحتكام لشرع الله . ومن ناحية أخرى كما يقول الدكتور يوسف القرضاوي – فإنه إذا انفصلت الدولة عن الدين بقي الدين النصراني قائما في ظل سلطته القوية الفتية المتمكنة وبقيت جيوش من الراهبين والراهبات والمبشرين والمبشرات تعمل في مجالاتها المختلفة دون أن يكون للدولة عليهم سلطان بخلاف ما لو فعلت ذلك دولة إسلامية فأن النتيجة أن يبقى الدين بغير سلطان يؤيده ولا قوة تسنده حيث لا بابوية ولا كهنوت ولا اكلريوس وصدق الخليفة الثالث عثمان بن عفان رضي الله عنه حين قال ( إن الله يزع بالسلطان ما لايزع بالقرآن ) . علاك مصدي المصدر موقع وحي السماء |
العلمانية ما بتعارض الدين بس بتحد من تجاوزات المتدينين (على اساس)وممارساتون التدخلية بشؤون الاخرين يعني شغلة حلوة انو ما اسمع كل مولد بيصير بالجامع غصبا عني وانا قاعد ببيتي لك حتى لو كنت متدين وبحب الموالد ما فيني افهم شو عم يقولوا لانو الميكروفون مو كل هالقد بس المشكلة انو اذا حكى الواحد بيصير رزيل وكافر وان سكت بياكل ***
|
اقتباس:
مافي شي اسمو العلمانية في العالم الاسلامي والعربي التي انتشرت بفضل الاستعمار والتبشير. هاد كلو بيرجع لنظرية المؤامرة اللي بيعتقدو فيها بعض الناس. بعدين لك عماد انت قريت اللي نقلتو بالرد التاني؟؟ :shock: بستغرب انك تنقل هالحكي. متل ما قلت هاد اللي كاتب هالحكي واحد من تبعوت نظرية المؤامرة. وكلامو كلياتو مشان يخلي العالم تكره العلمانية واتضل ملتهية بالدين. من هون بيجي انعدام الضمير الموجود عند اغلب المتدينين. بدون العالم يأمنو باللي بدهون ياه لو شو ما كان. |
هلاء يا جماعة انتو عرفتوا العلمانية وكريم مشكور حط اللنك لموضوع سابق تحدث عنها
انا بدي حاور هون من وجهة نظر اخرى مفادها التالي ما الذي دعانا الى الحديث عن العلمانية واعتبارها نهج حياة وهي الخلاص امام سطوة الدين على حياة البشر ؟؟؟؟؟ باعتقادي ان السبب هو فقدان الثقة الذي وصلنا له الامر الذي صور للبعض ان ما نعيش فيه الان من كبتوتديق انما هو بفعل التطبيق الصحيح لمفاهيم الدين اياً كان سواء اسلام او مسيحية اعتقد ان هناك فارقاً كبير بين الفكرة او بين الدين وبين التطبيق فاذا كان التطبيق خاطئاً واذا كان الحاكم او الناس قد وظفوا الدين لخدمة مصالحهم واهوائهم فان ذلك لا يضير الفكرة ولا يضير الدين لان الدين باختصار منهاج حياة كامل فاذا كنا جميعا متفقين ان الدين اسلاماً ومسيحية من عند الله عز وجل فلا يجوز لنا بحال من الاحوال ان ننطلق من ايمانا بعجز الدين على مواكبة العصر وعجزه على ان يحكم اختلافاتنا باختصار من الصعب ان نتقبل ان الفكر الانساني قد سمى على قانون و منهج من عند الله اتفق معكم ان السلبيات كثيرة وان الكثير اخطا ولكن لا يجوز ان نعمم احكامنا على عدم جدوى الدين اشكركم جميعاً واشكرك كهربجي مثقف على موضوعك الرائع:D |
اقتباس:
انا لا اريد جر الموضوع عن جوهر بس لفت انتباهي ... انه في الناس بتعتقد بنظرية المؤامره ؟ هي مجرد نظريه برائيك ؟ المشاكل الداخليه نحن آحد الاسباب والحكام السبب الرئيسي والآزمات السياسيه والحروب ... اظن ورائها احد اتحدا ان تثبت لي ان كل مايحصل في بلاد العرب والمسلمين من حروب ومآسي ان لايكون ورائها احد الدول ( الولايات المتحده - بريطانيا - فرنسا ) |
العلمانية من الناحية الاجتماعية والمجتمع العلماني متل ماانا بفهمو انو اللي بدو يكون مسلم بيحقلو يكون مسلم لاقصى الدرجات يعني من اعمق الاشياء لابسط الشغلات ومن صلاة وصوم لحجاب المرأة لتربية دقن الرجل بس بدون مايتدخل بغيرو ويحاول يفرض عليون هالاشياء وبدون ماحدا يفرض عليه يتخلى عن هالاشياء
واللي بدو يكون مسيحي كمان يكون مسيحي لاقصى الدرجات وكمان من اعمق الاشياء لابسط الشغلات واللي بدو يكون بوذي يكون واللي بدو يكون مؤمن باي دين يكون واللي بدو يكون لاديني بيأمن بالله بدون دين محدد يكون واللي بدو يكون ملحد بيكفر بالله كمان يكون هيك بس بدون مااي حدا يتدخل ويفرض عالتاني اي شي من الدين يعني باختصار احترام كل الاديان وبكل درجاتها واحترام كل شخص بغض النظر عن ايمانو الديني وبرأيي ياريت لو نعرف نطبق هالشي |
العلمانيه هي ان تبني لنفسك هيكلا فوق انقاض افكارك ... و تبتسم لانتصارك!!!! :? |
انا ضد العلمانية ,,,,,,,,,,,
يعني ليش امريكا بدها تعمل العراق دولة علمانية ,,, ؟؟؟ |
اقتباس:
معلش ما بدي اطلع عن الموضوع بس حابب علق على هالنقطة بالزات انا ماني متفق معك انو الدين اسلاما ومسيحية ويهودية من عند الله ما رح اتعمق كتير بهالموضوع هون مشان ما اطلع عن الموضوع الرئيسي سوري يا شعب حياكون :D |
اقتباس:
هالكلام 100% وهو التعريف الأوضخ والأوفى للعلمانية |
اقتباس:
|
اقتباس:
|
اقتباس:
|
| الساعة بإيدك هلق يا سيدي 12:38 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون