|
إلى متى سنبقى صامتين
إلى متى سنبقى صامتين على الفساد ......و الخوف من مواجهة العصابات التي تتحامى تحت إسم ...إبن الحكومة
و الحكومة بريئة منه ومن أعماله الإبتزازية من المعروف بأن التربية الصالحة لإبن من العائلة يعطي العائلة إسماً لامعاً مما يجعل العائلة كلها فخورة به ..ولكن ماذا سيفعل الوالد إذا كان أحد هاؤلاء الابناء ...أمام والده ملتزم كل الإلتزام ..وأمام الناس ......يضرب بعصا الظلم ....ويمارس كل أعمال القرصنة ....والمافيا منذ شهر تقريباً...كان صاحب محل لبيع الدجاج المشوي في حلب يمارس عمله ..وهو الوحيد في المنطقة (صلاح الدين) ملتزم بالنوعية و الاسعار و الجودة......وفي أحد الليالي يأتي أحد المسؤلين في مديرية الصحة ويطلب من البائع دجاجة مشوية مع كافة مستلزماتها ......وعندما طالبه البائع بالنقود ......قال له أنا إسمي رياض اللافي ..امين سر بلدية حلب....وكل المحلات و المطاعم تعرفني ......(بما في معناه أنني لا أدفع قيمة ما آخذه من اي محل !!!!!! وعندما طلب منه البائع ثمن الدجاجة ......غضب منه وتوعده بانه سوف يؤآذيه اشد الإيذاء مقابل طلبه هاذا تابع البائع عمله .....غير مبالي بهاذا الموظف .......ولكن تفاجئ صاحب المحل في اليوم التالي بان البلدية قادمة ومعها أمر بتشميع المحل وعقوبة إغلاق المحل لمدة شهر كامل!!!!!!!! اين العدل .....أين النظام ........ إن إغلاق المحل لمدة شهر كامل قد أدى إلى تعطيل اكثر من 7 عمال عن عملهم ...مع العلم بان هذا المحل مسؤل عن أكثر من 5 عائلات .......فهل هاذا يرضي أصحاب القرار ...واصحاب المناصب الراقية في البلد ......أنا متأكد بانهم لايرضون بمثل هاذا العبث ...ومثل تلك الأعمال التي لاتفرق عن أعمال العصابات أنا أكتب هاذا الكلام وكلي آمال بأن تصل الحقيقة إلى المسؤلين الشرفاء .... تحياتي الحاج متولي |
بدك شغلة للأسف الشديد دق المي وهي مي |
الى متى الى متى
|
اقتباس:
|
اي منيح انو امين سر البلدية مو رئيس البلدية
بس هالصوت لازم يوصل للمسؤولين على امل حدا منن يلتكش وبيحكولك القانون فوق الجميع .. |
اقتباس:
لك يا ابو سليمان القانون عنا عملولو نصب تذكاري هوة وحقوق الانسان ... حد الجندي المجهول روح شوفهم اذا مو مسدق ............ لك اااااااااااااااااخ عنقي على السكين يا وطني . لكنني اغني |
له يا حاج متولي هي ما حبيتا منك بنوب
في غلط بالموضوع : وفي أحد الليالي يأتي أحد المسؤلين في مديرية الصحة قال له أنا إسمي رياض اللافي ..امين سر بلدية حلب.:? بعدين : الي مالو كبير مالو صغير شوفيها يعني امين سر بلدية وحب ياكل فروج. ضروري صاحب المحل يكبر معلاقو يعني هو هالفروج (اللي ما رح يأثر عارباح المحل ) وهنن هالكم الف مسعور (عفواً مسؤول ) بعدين هدول بيعملو قيمة و جاهة للمحل اللي بيفوتوا عليه وشكلو صاحبك ما خرجو يكون ابن عز وياكلو من عندو الاغوات وولاد الكلـ....( عفواً الذوات ) عوجة عوووووووجة :yahoo::hashish::blusted::peace::b7bak: |
اقتباس:
امين السر .اليس بوضع المسؤول والسيد المسؤول.المسؤول عن مسائله هذا المسؤول و......... |
اقتباس:
يعني يلي انا متأكد منوا إني مهما كان في فساد بس مالازم يوصل لهال درجة هاي.....يعني الموضوع لعى قد ماهو تافه ...على قد ماهو كبير بالمضمون يسلموا أبو سليمان على المرور اقتباس:
يسلموا على المرور .....يا غالي اقتباس:
و الله يكون بالعون ..............على راسي يا أحلى شب اقتباس:
يسلموا على مرورك الكريم |
اقتباس:
|
الله لا يقدر يارجل الى الابد شو وابدية شو
تفائلو بالخير تجدوه ما في شي ثابت بهالوجود وتلك الايام نداولها بين الناس وما من ظالم الا سيبلى بأظلم ولا زهق مع الحياة ولا حياة مع الملل وتحياتي لحضرتك |
اقتباس:
انو يا شريك يلي لاحظتو من خلال اغترابي خارج سوريا ومن يلي عم شوفو واسمعو انو بصراحة من اول ما استلم الدكتور بشار صار في تغيرات كتير ايجابية بالبلد ومن الناحية الداخلية اسس ارتكاز منيح يعني فينا نقول احسن من اول بكتير وبدنا نستنى شوي وموضوع ابن فلان وبنت فلان وفلان الفلاني هذا الشي موجود بكل العالم ولا غنى عنو شكرا لأهتمامك يا شريك |
خي الحاج انا بنصحك تروح على هالرابط
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وتتطلب من الشباب الطيبة يحكولك قصة مافي امل عن " مشاعر مسؤلين" ووقتا بتعرف لحالك شو بيصير بس يسمعو المسؤلين حكيك بس تدق المي وانتي تحت المي بتبطل تتطلع صوت |
لك هلق وقفت على هالدجاجة
كل شي راح قبل وكل شي رح بيروح بعد وقفت على هالدجاجة كان يقله مسامح يعني انا كنت ببعتله حقها بعدين منيح هيك انه اتسكر المحل بياخدوا الشباب اجازة حرام بيكونوا زمان ما اخدوا اجازة وطلعوا عملوا سياحة او اصطياف يعني بتعرف الشغل بيكون ليل ونهار وبيكونوا تعبانين وبدهن يشوفوا اهلهن شوي ويطلعوا على "مار بيا " او " زيوريخ" يقضولهن كم يوم ويرجعوا |
والله أذا بيكون ورا الدنية كلها ما بخلي يسكر المحل لو على رأبتي:gem::gem:
بعدين هداك الفهمان شو هل المنطق يللي عم يحكي في فعلا" بدو كفين ورفسة ........ ليكون مفكر حالو شي شغلة.......:adal::adal: لعمى شو صفيت الخلق ما بتفهم.....غباء........:pos::pos: |
الى ان نتحرر من صمتنا وان نواجه وان لا نسكت عن اي خطأ مهما كان صغير
|
اقتباس:
|
اقتباس:
بس اللي صار هون انو الزلمة صاحب االمحل اعترض وطالب بحقو بينما بمحلات تانية بيصير تمسيح جوخ وخاصة لجماعة البلدية والمحافظه بيصدف اني اشتغلت بمطاعم كتير بحمص وكانو جماعة البلديةو المحافظة يمرو صوبنا على طول شي غدا شي عشا وبدك ما تحلف عليهن بشان الحساب ..الله بحاسب الجميع |
| الساعة بإيدك هلق يا سيدي 17:50 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون