هذه الرجولة الي تصفها بالحيوانية حررت البلاد ورجولة اليوم ماشية ورا هيفاء ونانسي .:jakoush:

اولا اهلا وسهلا فيكي بالمنتدى:D
تانيا انا مش قادرة افهم شو سبب الهجوم بردودك..وشو سبب اقحام الدين بالموضوع:?
هلأ صحيح المسلسل بعرض حياة المسلمين بهديك الفترة..بس مين قالك انهن بمثلوا الاسلام الصحيح؟ :shock:
يعني خاصة بهاد المسلسل واضح اشكرا انو في تناقض بتدين البشر بتلاقي الواحد كل دقيقتين بقولك لا اله الا الله وقال بنفس الوقت بآمن بالسحر والدجل :o مع انو الدجين بحرم التعامل مع المنافقين الدجالين:lol:
بعدين مين قاللك انو الرجولة بالدين هو تهميش المراة والاسقاط من حقوقها الطبيعية.؟ :cry:
كتار متلك مفكرين الدين هيك..بس الدين صحيح بحض على العفة والتعفف والتستر وغض البصر بس كمان الدين الاسلامي دين يسر ومش دين تشدد!!
اصلا المراة على زمن الرسول كانت تبايع وتشترك في القرارات السياسية مش بس الاجتماعية والدينية..:)
انتو بدكوا تعدموها شيلي؟ :cry:
يعني ديننا دين وسط..بين البينين.."ما ارسلناك الا رحمة للعالمين"

تحياتي:D

انا لم اقل انهم يمثلون الاسلام الصحيح ولكن الامر لم يغير انهم مسلمون وقوانين المنتدى تفرض الابتعاد عن المواضيع التي لها علاقة بالدين والموضوع بما انه يثم انتقاد فيه سلوكات اشخاص مسلمين يعني عندو علاقة بالدين اضافة وبما انك مسلم فانت تعلم انه لا يمكن فصل ديننا عن حياتنا لانه دستورنا وقانون حياتنا فالاسلام ليس مجرد عبادات كبقية الاديان.:D

صحيح هم لا يمثلون الاسلام الصحيح..اذا فحتى لو اهننا تصرفاتهم وانتقدناهم بطريقة لاذعة لن نؤذي الاسلام..بل سنؤذي جهلهم وخلطهم بين العادات المنافية للاسلام مع الاسلام نفسه :)


بعدين شو يعني ازا انتقدنا اشيا معينة بالدين؟ ..طالما انو نحنا منعرف حدود كلامنا وين وطالما انو انا بعرف الفرق بين النقد بطريقة لطيفة وهادفة وبين النقد بهدف التجريح والاساءة فما في شي بيمنعني من النقد او بجبرني على السكوت :deal:
بالعكس يمكن عن طريق النقد تتوضح الصورة اكتر للناقد من خلال اشخاص بفرجوا الوجه الحقيقي لدينهم:D

كيف برأيك الفكرة صحيحة اذا كان معنى الرجولة والشرف والشهامة صار عنف جسدي ونفسي وما بعرف شووو عمبتخبص ؟؟؟:jakoush::jakoush::jakoush:

وشكرااا مادماكس على الموضوع .

احنا بنعرف حدودنا بس زملائنا المسيحيين ما بيعرفو بعدين التكلم في الدين مخالف لقوانين المنتدى فلماذا لا يغلقونه كما يفعلون عندما يتعلق الامر بالدين المسيحي.:sly:

معك بهل الفكرة مية بالمية .....Ichigo

لكن انا لحد اسى ما شفت حدا اهان الدين الاسلامي..:cry:

اي تحيز و تشدد مسيحي .. و تطرف .. و تعصب .. أعلى ما بخيلك أركبيه ..

وقت بتناقشي سلوكيات ناس مسلمين, هاد ما بينزل تحت بند التهجم على الدين.
عجبتني هاي والله.
يا جماعة لا حدا يجيب سيرة شارون, لانو هاد زلمة يهودي واذا جبتو سيرتو بتكونو عم تتهجمو على اليهود.
ولا حدا يجيب سيرة الاميركان لانهون مسيحيين, واذا جبتو سيرتون بتكونو عم تتهجمو على المسيحية.
ايوااع.

الله يخليلنا ياكي, روقيلنا اعصابك هيك. لانو مو حلوة العصبية, نهائيا مو حلوة, وخصوصي للصبية.
خليك هيك حبابة وادمية مشان الكل يحبك.



منرجع للموضوع الاساسي,
المسلسل كتير حلو وبشد, بس مع الاسف رح يأثر او بالاحرة اثر بشكل سلبي على شعبنا "الفهمان" يعني رح نشوف من وراه الشب اللي بدو يعمل قبضاي على اخواتو البنات بالبيت, واللي بدو يخلع مرتو كف لانو ما سمعت كلمتو وقامت طبختلو محشي بنص الليل :lol:
وهاد اللي بدو يعمل حالو زلمة متل ابو شهاب ومعتز وبدو يروح يتقاتل مع واحد تاني ويكسرلو راسو.

وشخصية عباس النوري (مدري شو كان اسمو بالمسلسل) شخصية الزلمة الفهمان المسالم, اللي بشغل مخو قبل ايديه, ما حدا رح يلتكش فيها.
عدا عن انو مو ناقصها البلد لسى نكبة دينية تانية (بقصد يعني انو يصيرو العالم بدهون يتعصبو لسى اكتر)

بس انو بشكل عام المسلسل حلو.
اي والله بعد ما حضرت الحلقة الاخيرة, كنت رح روح اشتري بارودة واركب على خيل وروح قوصلي كام اميركاني :lol:

ما حررت شي هني الفرنساوية اقتنعو انو هالشعب ما رح يطلع منو شي, قام حملو حالون وهربو.

:lol:
نهفة :lol:

لك مو قصة ارهابية.
بس هيك يا خيتو, ما بعرف شو صرلي, حسيت حالي انو لازم كون زلمة متلون.
ومتل ما بتعرفي يعني,

اللي يعادينا يا ويل, مندوسو بكعاب الخيل
اللي يعادينا نحاربو ولالاعبو لاداعبو

والاميركان عم يعادونا, فكان لازم هيك اعمل شي تحرك من عندي. يعني دبت فيني النخوة والشهامة فجأة
بس الحمدلله صحيت على حالي دغري

اول شي ... تكون زلمه متلهون ... مممممم ليش انت شو :o..؟


تاني شي ياعين عالشعر .... رجع جاد :yahoo: الله حيووو

تالت شي النخوه .. والشهامه .. ضيعت فكرتك مو حومصي :lol:

شبعرفني. والله اذا بقلا لشي بنت تعملي اكل (متل ما بيعملو بباب الحارة) لتعملي قتلة حشك ولبك. (الله يساعدنا على نسوان هالزمن :pos: )
تاني شي هاد مو شعر. هاد كانو عم يقولوه لما كانو راكبين عالخيل بباب الحارة. يعني متل العراضات الشامية.
تالت شي مو ليكون في فكرة.

هلأ انا قريت الموضوع وعدت قرائتو لحتى شوف فيه اي اشارة للدين ممكن تنفهم انو اهانة دينية بس ماشفت :?
يعني بجد مافيي فهمت ابدا ليش دخلتي الدين بالموضوع هون :?
اصلا كل النقد اللي بالموضوع هوي نقد للمسلسل اللي عم يعرض الحالة الاجتماعية لفترة وبأكد على كل اجتماعية وليست دينية.... بمعنى تاني الموضوع نقد للحالة الاجتماعية اللي ممكن يكون المسلسل عم يشجع عليها
بقى الله يخليكي حاولي تفهمي الموضوع قبل ماتنزلي تعليقات مادخلها بالموضوع لامن قرب ولا من بعيد :D

شكرا عالموضوع الحلو ظل جيفارا...كتيير عجبني

بس حتى انا ماعجبني كيف موقف المرأه طووووووول الوقت بالمطابخ واخواتا ( معتز + عصام) يلا فووتي اعمليلنا غدا,,,

ايه شو هاد المره خلقانه عشان المطابخ وخدمتن..؟!! مااختلفنا المسلسل حلو واحلى من الحلو كماااان بس في مبالغات..! يعني عصر قديم وحارات ومدري شو...ايه اوك...بس المرأه وين راحت حقوقا !؟؟! مو طول الوقت بالمطابخ بس! وكمان ما إلها رأي لما تتزوج ! هي مصيبه !....ايه شو هاد العصر .!! الحمدلله انو تغير ...

شكرا مره تانيه عالموضوع.:D..هي وجهة نظري عن الموضوع لا أكتر ...