وراسي .. ورأس جدتي ... وفخزي امرأتي ..
 

يا شباب ووراسي .. ورأس جدتي ... وفخزي امرأتي ..
اني اشتقتلكم ...
اشتقتلكم كتير .. فردا فردا وفردة فردة .. بس عندي امتحانات هلق وامتحانات كتتيييرررر وصعبين كتير .. وغير هيك انا مشرد لانو بيتنا سلمناه قبل ما ننزل على سوريا ولهلق ما لقيت بيت .. وقاعد عند رفقاتي وما عندي كمبيوتر عم بستخدم كبيوتر رفيقي .. و النت عندو بتهوي ما بتشبك بساعة وكل شوي بتفصل .. و و و و و
الموهم خلاصة الحديث انو ما عم بيصرلي طل على المنتدى غير نادرا .. بس اشتقتلكم :cry: :cry:

عملت طلة سريعة لشوف شو صار بغيابي .. قمت استغربت :shock:
بغيابي صار في مستشارين !! :shock:
صار في زعماء .. :shock:
والظاهر قامت ثورات .. وانشنت انقلابات .. والظاهر انو صار في موامرات كمان ..

شي ظريف .. يعني في حركة .. والحركة بركة متل ما بيقول ابونا .. بس الحركة الي شفتها الظاهر ما فيها بركة ولا شو ما بعرف !!!
انو لكن يا منظومين .. ما في قصيدة غزل متل الخلق من شهر لهلق ..
انو ما في نزاع ارثودوكسي قام من شهر لهلق ...
انو ما في لكن واحد حط شرح لبرنامج واحد من شهر لهلق ..
ما في غير النكت .. والالعاب .. والتحيات والسلامات .. وتمسيح الجوخ والحركات !!
لك شي حزورة من تبعوت العقل .. وحدي بس ..بيكفي
انو شي موضوع عن الصحة واحد متل الخلق ..

انو شو القص .. معقول يكون صار الي بيبالي !!!!!
معقول يكون " فَسَدَ المِلح " .. - انشاء الله لاء-

ما بعرف وين تكمن المشكلة .. ما بعرف بيجوز ما في مشكلة .. او ما حاسين بالمشكلة .. بيجوز منحب انقول انو ما في مشكلة .. لانو الهروب مريح دائما ..

المنتدى هذا تحديدا ودونا عن اي منتدى ونادي اخر .. ليه خط عريض واحد ومميز وعليه قام المنتدى وكرمالو حيستمر .. وكرمالو عم نشتغل وكرمالو بدنا الي بدو يدخل يدخل
المنتدى هذا بهدف البناء .. وبس وبس وبس ..
والما بيحب يبني .. والما بيحس انو بيحاجة لينبنى فيه .. يزح على جنب .. ويبعد .. كتير ..

انا بخلص امتحاناتي ب 25 الشهر .. وناطر بهمتكم نشوف الحركة التصحيحة الأولى بالمنتدى هذا .. بدون راديكالية .. وبدون اسلحلة وبدون صريخ وعياط ..
بدنا مظاهرة سلمية بالشموع والقبلات امام باب الرسائل الخاصة لكل عضو دخل وما تركنالو مجال يشارك.. ولكل عضو شارك وما تركاناه يكفي كبتناه .. ولكل عضو طل ولما ما لقى شي مفيد هرب لمحل افضل
بدنا مظاهرة سلمية بالقناديل .. امام باب موضوع فيه سوال ,,, وما اجاوب عليه بالاقسام التعليمية .. وامام باب كل مشاركة فيها قبلة انطبعت وما تم نشرها بالاقسام الادبية ,,,
بدنا مظاهرة سلمية بالقداحات متل ايام زمان ,.,. مو بالموبايلات حالة اليوم
ومظاهرة بيافظات مكتوبة بايدينا مو طباعة كمبيوتر وموزعة علينا ..
بدنا بالنهاية مظاهرة متل الي بيطلعو بالافلام الابيض والاسود لما يتظاهرو الناس وماسكين ايدن بعض .. وشادين .. اي شادين ..

وبعدها اذا اذا نجحت المظاهرة وحققت اهدافها منضل ما سكين ايدين بعض ومننزل على الدبكة ..و مندق بقوة على الارض .. دقة وحدة .. وبكل قوتنا .. دقة وحدة .

حاج يا حكيم مشـــــــــــــــــــــــ ـــــــــــــــــان الله ...

عن جد رح تبكيني لأنو الوضع الحالي لجيل الشباب ... :cry: :cry: :cry: :cry: :cry: :cry: :cry:

:? :? :?
انشالله لاء

تحت امرك حكيم....
انا اعلنت التزامي من هلق

مع الأسف ... ومع اني من أكتر الناس المتفائلين بالشباب السوري وبالثقافة اللي بيتمتعو فيها وبقدرتن عالتغيير والوصول بسوريا إلى وضع أحسن ...
بس للأسف يمكن فسد معظم الملح :cry:

بدنا انكفي بالي ضلو ... مو على يلي ضلو !!

وأنا لعيونك ... ولعيون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

:gem: :gem:

حاج يا شيوخ بكيتوني والله.. ليش هالتشاؤم؟؟؟ :cry: :cry:

الحياة وقفة عز ... فقط

إنو معقول هالحلفان دكتور حسام؟؟؟؟؟؟؟؟؟؟؟؟؟؟؟؟؟؟؟ :jakoush:

بالحقيقة و انا كمان صرلي فترة عم لاحظ انو الموقع كتير تغير عن قبل
انشالله نقدر سوا كلنا نرجعو متل ما كان و احسن :D

اي وحق المنتقم الجبار عيب :x :x :x

لا ما في تقصير ولا شي بس القصة انو صار في شوية روتين يلا شباب حركوها شوي

يلا و أنا معك :D

يا جماعة بليز بدنا انتفاضة شعبية ثورية عل الوضع الميت اللي بهل المنتدى يعني هيك ما بدنا نزعل الدكتور حسام بعد كل شي عملو معنا معقول نخيبلو املو فينا بلا بدنا من اليوم حركة ثورية وين الشباب وويا الصبايا وين؟ :D

الله أكبر هيا الى الجهاد وين العرب وين النخوة وين القبضايات :D

انا شايفتلك يا فيليب ما في قباضايات ما في غير جينو وعبير هل الحلف بجنن
انو مو معقول وين العالم اللي كانت تكتب ووين جبران وين الشعر
وين حوار الاديان لا هيك عن جد رح نوقع بمشكلة

وأنا ونضال وين رحنا :?: :?: :?:


هيك بدنا نزعل هاه
والله شايفلك راحوا عالحلاق :P