|
عام على اعتقال كريم عربجي - سجّل تضامنك
Krimbow أميـــــــــن  عندما تتأجج نار التحششيش .. تنأى الحشائش بالحشيش الحشحشش .. وحشيشة التحشيش .. عمر أحشش .. حش الحشائش في حشيش محشش .. حشاش يا أخا الحشيش .. حشش على تحشيش محششنا القديم .. سوريا الله حاميا jesus i trust in you بعد أيام قليلة وبالتحديد في السابع من الشهر الحالي يكون قد مضى على إعتقال اكريم عربجي سنة كاملة بأيامها و لياليها في هذه المساحة الصغيرة من اخوية نوّد ان نعبر له عن مدى حبنا وتقديرنا له ووقوفنا إلى جانبه نحن بحاجة هنا إلى كلمة معبرة وإلى رسالة نستطيع من خلالها إيصال ما يجول في خاطرنا علّه يصل إلى كريم حيثما هو ويقويه على احتمال ما هو فيه هذا الموضوع لدعم ِ قضيّة كريم الإنسانية فقط ليس َ أكثر .. و ليس للتحدث ِ عن مواقف ٍ سياسة أو ما إلى ذلك .. الحريـّة لـ كريم عربجي .. :akh: |
لحد اليوم انا مابعرف شو ابعاد اعتقال كريم وشو اسبابها بس كل الي بتذكر من مشاركات ان كان شب اكابر وسكرة
ومابعرف يعني الي بيملك هيك توقيع كيف يمكن ان يكون عم يهدد امن سوريا ولكريم الي راح اكيد يقرا هالحكي بيوم من الايام بتمنى ان هالازمة ماتشوه معدنك وان ماتغير حبك لهالوطن وبتمنى اليوم وانت برا السجن ترسم عمر جديد وتعيش حياة حلوة ...اكيد انت بتستحقها وهالوردة راح تظل تنتظر صدرك ليفرج عنك :D |
كلنا معك يا كريم
الله يرجعك بالسلامة |
لابد لليل ان ينجلي و لابد ان يستجيب القدر
ناطرينك :D |
أعتقلوا جسد كريم...أما افكاره وكلماته فلا تزال مزروعة في عقولنا..في زوايا أفكارنا...في وعينا وفي لا وعينا... كل ما كتبه كريم...في كل ركن من أركان أخوية...وعلى كل جدار من جدران المنبر...سيبقى منارة لنا جميعا...ليكون شاهد على أن (كريم مرّ من هنا).... رغم أنف من شاء ومن لا يشاء...أعتقلتم كريم...فأعتقلونا...لان في داخل كل منا كريم...وأي شرف لنا أن نحمل ولو جزء بسيط مما قاله كريم.... قد يطول الاعتقال...وقد يطول السجن...وقد يطول الظلام...لكن كريم سيعود...وسيعود...وسيعود... وبانتظاره عندما يعود.... بمحبة واحترام واجلال لكريم وذكرى كريم...نقول... الحرية لكريم عربجي وناطرينك :akh: |
كلنا حبيناك وكلنا اشتقنالك وكلنا معك عم ندعيلك ونصليلك ليخلصك الله من الظلم يلي وقع عليك :D :hart: |
 الحرية لكريم عربجي |
يا داميّ العينين والكفين إن الليل زائل لا غرفة التوقيف باقية ولا زرد السلاسل |
كريم .....
لا بد للقيد ان ينكسر ولن تذبل الوردة الحمراء كريم .... ناطرك ... وبعرف رح يجي يوم وترجع فيه ... مهما طال هاليوم رح ضل ناطرك ... والكل ناطرك انا بحاجتك العالم كلها بحاجتك سوريا بحاجتك بتمنى ما تطول كريم الحرية .......... ل / كريم عربجي / |
بقلم كريم .. : اقتباس:
ناطرينك .. ! و عم ندعيلك من قلبنا .. |
صوت الحرية بيبقى .. اعلى من كل الاصوات مهما تعصف ريح الظلم ..يغطي الليل المسافات .. مافيك تلون هالكون ع بعضو بزات اللون وتغير نظام الارض وتغير مجرى الهوااا .. ناطرينك كريم ... واشتقنالك كتير .. الحرية لكريمنا |
قلوبنا معك ... |
انا بس بحب احكي كلمة صغيرة
انا ما كنت موجود وقت صارت مشاكل الشباب والاعتقالات او بالأحرى كنت موجود بس ما كتي رفوت على النت مشان هيك اكيد ما بحس بالشي اللي انتوا بتحسوه كوني ما صار بيني وبين الشباب اي حديث او حوار . لكن من خلال كتابات الشباب تعرفت عليهم وعرفت فعلا مين هنن وشي بيزعج كتير انهم هلق مانهم معنا . بدي سجل تضامني مع كريم مع انه ما بيعرفني لكني بعتبر حاله بعرفه كتير منيح وبدي اسجل اعجابي فيكم انتوا يا جماعة الأخوية اللي فعلا طلعتوا على قد الحمل ومن كل قلبي بقول لكم بارفو عليكم اخوتكم اكيد ممنونين منكم وجهودكم المبذولة ان شاء الله ما تروح على الفاضي ويرجع رفقاتكم لألكم متل ما صار لكم سنتين عبتنادور تحية لكل شخص بيحمل بقلبه بالامل وعبحارب في سبيل حرية رفقاته تحية لكل انسان صاحب قضية :D |
اقتباس:
اقتباس:
|
:D .....
|
والله يا كريم
اشتقت لحواراتنا والفوري نوار والنسكافيه والأنغلة عالعالم وعوجااااااااااااااااااااا اااا الله يفك أسرك ناطرينك :hart: |
نشتاق و أنت في دمنا هل طال الدرب بنا أم عذبنا حتى الأعماق ؟ ليس غريبا أن نشتاق الحلم الشاهق سيدنا الشوق يبرّحنا و الوحشة عبر سجون الأرض تحاصرنا . نتلفت نحوك فيلاحقنا القمع و تغادرنا الأسماء و لان الأحلام لا تمنعها الجدران من التحليق و لان الأحداق لا تمنعها الأبواب من التحديق ليس غريبا أن نشتاق الاغرب بحــر الضمــير لن يعتقله احــد  waiting... |
انا صراحة ما بعرفو ,,,,,, بس بعتبر حالي بعرفو وبقول الله يرجعو بالسلامة,,,,, ويفك اسرو يااااااااااااارب,,,:D
|
| الساعة بإيدك هلق يا سيدي 19:14 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون