|
مقلاية اخوية #3
مرحبا أخواتي
كتار منكون بيعرفو المقلاية وكتارا للي مابيعرفوها ببساطة المقلاية متل لعبة الصراحة منختار حدا ( الله رضيان عليه كتير :p) ومنزتو فيها ومنحمي الزيت عالاخير ومنبلش قلي وبما انو صار في عنا ناس كتير جداد ومشان نتعرف على بعض اكتر حبيت ارجع افتح الموضوع من جديد هلأ انا بما اني حبابة كتير وماني لئيمة مارح اشلف حدا جوا بأى اللي بيجي بعدي يرمي ( جام غضبه :yahoo:) على حدا معين ويزتو بالمقلاية بعدا بتبلش الاسئلة من كل الاعضاء والمغضوب عليه بيجاوب وبس يخلص ( بعد مايكون استوى مظبوط ) بيزت حدا غيرو بالمقلاية شو بلشنا؟ يلا انطلقو :D |
ييلا انطلقنا
راح نبلش فيكي لكن شو رايك؟؟؟ |
أنا جاهز.........للقلي
|
اقتباس:
شو رأيك نبلش فيك بما انو انت جديد؟ يللا تفضل عالمقلاية رح ببلش بسؤال بسيط : لمحة عامة عنك هواياتك نشاطاتك وهيك وهلأ ببعتلك جاد هداك شاطر كتيــــــــــــــــــر بالقلي :p |
اقتباس:
انا ما بحكي بالساهل يعني صعب نقو واحد تاني عملو تصويت واقترحو اسمو او دور ع شي متطوع |
اقتباس:
وبيوطي النار تحتو وبيخلي يستوي على نار هادية من شان يستلذ فيو يلالالالالالالالا دوقو من هل طبخة:lol: :p |
اقتباس:
بعدين لاتكون مفكر عنا ديمقراطية هون اي لا مشان مايفرق عليك الجو * ملاحظة الاسئلة رح تكون عامة ويمنع اي اسئلة خاصة واذا انت بتحس انو السؤال خاص ماتجاوب عليه :D |
شو هاي ما بدك؟؟؟
شو على كيفك الشغلة؟؟؟؟ شباب كلبشوه واشحطوه لهون يلا رح ابدا. لمحة شخصية عنك (اسمك, عمرك, دراستك, وين عايش, منين انت..........من هالحكي) شو هو اكتر شي بتكرهو يكون موجود برفيقك شو اكتر شي بتحبو. شو اكتر لون بتحبو, ليش؟؟ هلق اذا قالولك بدك تركض 2 ميل, بتقدر تخلصون؟؟ واذا اي باديش؟؟ هلق بكمل بعد شوي |
اقتباس:
إيه شو هال التصويت |
اقتباس:
مشكورة layla لطفتي الأجواء شوي:D |
اي خلص دور الحاج متولي بعد ذا لايت.
محجوزة المقلاي للجاج متولي :lol: (مسكين) |
حاضر
اذا هيك ومافي اسئلة خاصة ما عندي مانع |
بس يا عيوني أنا بعرف أقلي وبس بحياتي ما إنقليت
دوروا على واحد يكون لحمو طازا أنا وراي 4 نسوان حرام عليكن |
اقتباس:
|
إيه ه ه ه ه رجعنا ويا محلى الرجعة:yahoo:
|
اقتباس:
|
الاسم ما راح قولو كامل بس الاول حسان مع انو كنت تاركو سر
بس العمر 26 و كسور دارس طب بهارفرد الشرق يعني بجامعة دمشق وبلشت اختصاص بسوريا بعدين طنبرت وضبيت شنتايتي واجيت ع فرنسا منشان كمل اختصاصي هون هواياتي مو كتيرة بس اول شي القراءة وشوي السياحة يعني فيكوت تقولو صرت زايرلي شي عشر بلدان وبحب التصوير واكيد القعدة ع الانترنت والدخان والسهر وجمع الافلام والاغاني رياضتي المفضلة هي السباحة وكان الي ايام عز بس طحلنا بعد ما فتنا ع الجامعة مؤخرا مثلت بفلمين بس لساتهن بطور المونتاج حاليا وكان التمثيل بالانكليزي شو كمان سيد جاد...لوني المفضل هو الازرق....اكتر شي بحبو برفيقي انو يكون مثقف وما يكون بكذب وبيجامل واكتر شي بكرهو فيه انو يكون ما بيدخن بالنسبة للركض اي سيدي بركض ومعدلي هو 5 كم ب 30 دقيقة اسئلة تانية قبل ما نام؟ |
ولو ليلى خانم ما في داعي للشكر
نسيت شغلة مهمة انا من صافيتا حبيبة قلبي |
| الساعة بإيدك هلق يا سيدي 21:08 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون