|
تعددت المنتديات و الأعضاء ذاتهم
بس يفوت الواحد فينا يسجل بمنتدى لسبب أو لآخر
تعرف على أصدقاء معرفة أخبار بمجال معين ... تفريغ شحنات معينة ... و من هل أمور طيب شو الفائدة من انو يسجل الشخص بـ منتديين أو تلاتة و أربعة فيهن 75 % نفس الأعضاء ... وين الجديد بالموضوع ... الموضيع نسخ و لصق من هون لهون .. نفس النكت نفس الأخبار .. بجوز حالة بسبب الفراغ .. أو حالة من عدم الاشباع .. شو رأيكن .. ؟ |
اول شي ميرسي سيزار لانك فتحت موضوع الانتساب لاكتر من منتدى اللي كنت ضدو قبل هيك.بس هلء مشان نكون واضحين اكتر . باول الصيف تقريبا نص الاعضاء اتسجلو بمنتدى تاني ومسيحي مية بالمية والسبب واحد هوي اضطهاد الاعضاء المسيحيين من ردود بعض المسلمين.وهيك صار كمان انو الاعضاء انتسبو لمنتدى مسلم والسبب كمان واحد.انا برأييي وقت الواحد بيحس انو ضيع وقتو وجهدو بمنتدى وبالاخير يطلع هالمنتدى فيه تحيز لفئة معينة .اكيد الو الحق مشان ينتسب لمنتدى تاني.وصدقني مو حالة فراغ او ما عندو شغلة غير الانتساب لمنتديات كتيرة.بس لانو مو لاقي اللي بدو في منتدى واحد...:D
|
اقتباس:
ازا هدول عم يحسو بالضطهاد و هدول عم يحسو بالاضطهاد و بعدين برأيك حل انو الواحد يهرب و ينغلق بنفسو ... حل انو المسيحي ما يتعرف غير على مسيحي ... و المسلم ما يعرف غير المسلم .. يعني لما يكون في بعض .. بعض الردود يلي فيها تهجم على فئة بكون كل المنتدى متحيز ... طيب شو بنعمل ازا الأعضاء هيك تفكيرن أو بعض الأعضاء ..لم أقصد الجمع .. انا برأيي يلي قضى سنة وحدة بأخوية و قرر هيك بسبب تافه متل والله انو فئات تانية عم تتهجم .. خلي يروح و يضيع سنة .. سنة من جهدو باثبات وجود ما .. و سنة من تكوين صداقات .. و مشاركة ببناء منتدى متل أخوية و بروح على منتدى هو عبارة عن نسخة مستنسخة نفس الكلام و الجمل و العبارات و الأعضاء ... و مع الزمن رح تصير نفس الحالة رح يفوتو عالم " غربا " ازا صح التعبير و رح ينتقل ... " نظرية البيضة و الجاجة " |
في نقطة وهي أنو نوع من الإحساس بعدم الوجود والرغبة بلفت الأنظار من قبل أعضاء المنتدى المتروك ( من مبدأ ليكوني أنا هون ..... تعبو حالكن شوي وترجوني بلكي بضل ) وهيك الواحد بيحس بوجودو ...بالإضافة للحكي اللي كتبتو الأخت ...يعني بعد ما يطالع حالو بطل بحاول يستند لقضية كبيرة يتستر فيها قدّام العالم ....( مشان الرأي العام يكون لصالحو )
|
:lol: :lol: :lol: :lol: :lol:
عمرك اطول من عمري من يومين كنت بدي نزل هيك موضوع وخاصة بعد المنتدى الجديد اللي فتح من كم يوم ........... |
اقتباس:
عالعموم برغم انتسابي لمنتدى مسيحي واخر اسلامي.ما لقيت احلى من جو اخوية.ومشان هيك لما بفوت النت بضطر افتح موقع اخوية وبنسى المنتديين التانيين:D |
انا شخصيا لما انتقلت للمنتدي التاني وعجبتني الفكرة كان لسبب وهو انو انا الي هناك كلهم اصدقائي وبدلا من ان نتحاور في غرفة مشتركة عالماسنجر
بدنا نحكي بكل الموضوعات بالمنتدي هاد من ناحية ومن ناحية تانية انا كمان سجلت لأنو هناك ما فيي شوف موضوع يهينني ويهين ديني ولكن هذا لا يمنع اني اضل هنا لحتى اشوف شو رأي العالم لأن المنتدي هنا ما شاء الله مليان ناس مثقفة بيغزوني فكريا هاد بالنسبة لي أما بالنسبة للعالم التانية إذا يعني حكينا بالعام وما خصصنا الموضوع لمنتدي اخوية ومنتدي ليالي الشام فانا بعتقد انو حتى لو كان الاعضاء 75% منهن مكررين بالمنتديين إلا ان النسبة الصغيرة 25% رح تعطي فكر جديد وموضوعات جديدة ربما لا نجدها مجتمعة في منتدي واحد شكرا على الموضوغ:D |
هروب وانهزام وتقوقع وضعف....بكل بساطة...
|
اقتباس:
بس مو شغلة هروب او انهزام بس شغلة ملل من المشاكل اللي بتتكرر كل مرة والسبب واحد.:pos: |
|
اقتباس:
اموت واعرف يعني شو تقوقع:o |
|
اقتباس:
الانغلاق مو عكس الانفتاح:o |
|
انا هنا اذا انا موجود...............ورح ضل هنا ........لانو مافاضي سجل بغير هنا وطق حنك هناك...........بعدين شبو هنا عليم الله احسن من هناك...
بس بجد انا ماتوقعت تصير الشغلة شغلة طوائف ... المهم يصطفلو مافينا والله نحاسب العالم وين سجلو وليش انتسبو ...كل واحد حر بلي بيختارو .... |
اقتباس:
اقتباس:
|
ها ؟! صرلي 10 سنين بشتغل عالنت و من موقع لموقع بس هي أول مرة بسجل بمنتدى (أخوية ) ... ما كنت أعرف حتى شو يعني كلمة منتدى !:shock:
|
انا الصراحة اتسجلت بمنتديات كتيرة وانعرض علي اني كون مشرفة كتير
بس متل اخوية ما لقيت وانا اصلا ما بئدر ارد ولا اشارك باي منتدى تاني ما بعرف ليش يعني ما بيجيني نفس اما اخوية هيك بكون مبسوسة كتير واحلى تحية لاحلى اخوووووووية تحياتي |
| الساعة بإيدك هلق يا سيدي 17:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون