|
الحب قبل الزواج(موضوع هام للنقاش)
مسا الخير صبايا وشباب
هيدا اليوم كنت رايحة مشوار طلعت بهالسيارة ودورت الراديو ما بعرف شو هيي الاذاعة بس انو حاطيت اسكتش انا بديت فيه من نصو يمكن انو واحد عم يحكي على عرسو اللي بدو يصير وهيك بيقوم بيقلو رفيقو الله يوفقك انت وربى بيجابو الاول انو انا تركت ربى!!!! بيسالو رفيقو ليش؟ بيجاوبو الاول انو هي احلامها تافهة وبايخة وما الى ذلك بس بعدين بيقلو انا بالحقيقة تركتها لاني ما بحكي مع بنت طالع وفايت معها!!!!!:shock::shock: بيسالو رفيقو مو على اساس بتحبها وبتموت فيها وبعدين انت اللي مشيت لحفيت حتى رضيت تحكي معك.. وانت بتعرف انها بنت مؤدبة مو بتعاة هيك حركات.. قام جاوبو مزال حكت معي معناها بتحكي مع الف واحد غيري !!!!!!:jakoush::jakoush: قلو لكن مين بدك تتجوز؟ وعامل عرس؟ قلو خطبت بنت بقشرتها :frown::jakoush:جديدة عمرها 16 سنة عشان ربيها على ايدي!!!!!!!!!!!!:x:x و بعدين ببققى بحبها!!!! السكتش زعجني للصميم اولا انو انت بدك تتسللا ليه لتكذب على وحدة وتوهمها بالحب وتلعب بمشاعرها؟؟ بعدين شو هاد مبدا ازا حكت معي معناها بتحكي مع غيري!!!!!!!! ازا وحدة حكت معك لانها حبتك صارت بنت ما بتسوى!!!! ولا هيدا باب النجار مخلع!!!! يعني ازا كنت انت يتحكي مع الف بنت غيرها للتسلاية مو معناها كل الناس متلك بعدين بعد ما تخلص تسلاية بتروح بتظلم بنت بريئة طفلة عشان اوهامك وامراضك النفسية:sick::jakoush: وبعدين بيبقى بيحبها!! المشكلة انو هيدا السكتش مو تمثيل في فئة كبيرة بالمجتمع هيك من هالنمط وما بتروح الا على البنت لانو عواطفها ومشاعرها مرهفة:sosweet: انتو قولولي شو رايكن؟؟؟؟؟؟؟؟؟؟؟؟؟؟؟ بعدين انت |
وعموه شو هاد ...عنجد ناس صارت متل ......بلا ما احكى ...مافى دمقراطيه مافى تفكير مافى ئلب عندن...
كلوا كذب وتسليه ...((يبعتلوا حمه ))... بس عنجد كتير هيدى الفئه موجوده بالوطن العربى ...وكبيره كمان يعنى مو انت يالى ركعت وزحفت مشان تحكى معك ...ولا متل ئولتك هنن الشباب بفكروا (( مو الكل)) انو اذا حكت معن يعنى بتحكى مع ميت واحد يعنى متلن ..!! ولا شو دخل البنت الصغيره تنبلى بواحد مريض نفسى ..زمن صار لورا..بدل ما يصير لادام...:pos: عنجد بسم البدن وبعص الواحد ...:cry: وتسلمى كتير عالموضوع .. |
ميت هلا حبيبتي
بس مجتمعنا صاير بيطقق من المعتقدات المعفنة اللي لسا بيامن فيها ما كانو يعرفو يشغلو عقولهن المسكرة |
يعني فعلا في كتير ناس متل هيك بس هدول بيكونوا مو صاحيين ومو واعيين حتى على شان هيك بيوخدوا الموضوع تسلاية مو عن جد ويا ستي هدول مصيرهم يندموا عاللي بيعملوه ومتل ما بيعملوا ببنات الناس هيك رح يصير بخواتهم او بناتهم................. متل ما بقولوا كما تدين تدان..............
ميرسي الك عالموضوع.................. |
هلا نورت ومشكور على مشاركتك الطيبة
|
اقتباس:
:D:D:D:D:D:D:D |
يعني ما تجبرو بخاطرو لموضوعي وتردو عليه مو حرام عليكن كسر الخواطر برمضان:cry::cry::cry:
|
اللي ما عندو ثقة بالشخص او بالوحدة اللي بحبها معناها هو ما عندو ثقة بنفسو وانسان ضعيف
يعني وقت الشب بيحب بنت وبتحكي معو هالبنت بعد ما حبتو مو معناها بتحكي مع مية واحد غيرو مو صحيح هالحكي لازم الشباب يعرفوا انو مو كل البنات متل بعض واذا في بعض البنات خوانات مو معناها الكل بالعكس تماما في بنات بيحبو حتى الموت وبوقفوا اذا اضطر الأمر بوجه أهلون والدنيا كلها فدا لهالحب أنا من الناس اللي لا اعرف ولا اقتنع كيف يمكن للانسان أن يحب أكثر من مرة لقد أحببت مرة منذ طفولتي ولا استطيع أن احب شخص آخر حتى آخر يوم في حياتي الخلاصة: مو كل البنات متل بعض متل كمان مو كل الشباب متل بعض بس أنا متأكدة أنو كل واحد بيقدر يميز الشخص اللي قدامو شو هوي بين الناس طبعا اذا كان الشخص واصل لمرحلة من الوعي والفهم بيقدر يميز أكيد قلب الكفرون |
مشككورة عيوني على مرورك نورتي:D
|
مش عارف يعني تجربة شخصية وبلا مجاملة او مبالغة لسات مشاعر الحب ا نمت عندي انا ماخد خطيبتي بدون حب على اساس انو الحب بعد الزواج لمن يبدو اني بحاجة لبعض الامل وبعض الصير والايمان بالله وربنا بيسر الامور لان في اكتير ناس حكولي انهم ما كانو يحبو بعض قبل الزواج وحبهم بلش بعد المعاشرة
وبنقول يارب |
هو عادات مجتمعنا معفنة ما اختلفنا .. بس كمان في بنات نفس الشي يعني واحد للتسلاية و واحد للجازة
:frown: |
اقتباس:
بس المشكلة ازا ما اجا انت وهي شو بتعملو؟ يعني البنت مش ضروريي تعرفها قبل الخطبة بس ازا اثناء الخطبة ما شعرت بالحب اتجاها معناها في مشكلة ما هو اهم شرط للزواج الحب فاذا ما تواجد فليش الزواج؟؟؟ مشكور ارسلان على مرورك وبتمنالك حياة سعيدة |
ادعيلنا اختي وربك ياذن الله بيفرجها
بيحكو ان القلوب بين يد الرحمن يقلبها اين يشاء وكيف يشاء ادعيلنا اختي ربنا يثبت قلبي على الايمان وعلى حبها لخطيبتي ياااااااااااااااااااااااا ااارب |
اقتباس:
ولما شب بدو يتسلى ببنت يتزكر انو عندو اخوات او ام او زوجة او انو يقول للبنت انا مش ناوي اتزوج انا علاقتي فيكي بس للتسلاية اريحلهن هنن التنين:jakoush::jakoush: |
اقتباس:
|
اقتباس:
هدول كمان لازم يفكو انو عندهن اخوة شباب واب و واحد عم يستنى الزواج ... ولازم يقولو للشب انا بدي اتزوج غيرك .. انت للمخورفة بس -للصرف عليها - :frown: |
يييييييي منين نكشت الموضوع انا كنت ناسيتو هههههههههه
انا عم احكي على البنت اللي بتكون بتحب ومتفقة مع الشب على الزواج او بالاحرى مغررها بالزواج على كل ميت هلا |
اقتباس:
|
| الساعة بإيدك هلق يا سيدي 08:45 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون