|
يسقط سامر
يمكن الي راح يقرا هالموضوع راح يعتبر تحشيش بس عنجد هاد الموضوع جاد وللغاية
قبل شي 10 سنين قريت هالعبارة عالحيط...يسقط سامر عنجد شو اضحكت علي الي كاتبها بس هلق حاسس ان قديش كانت عبارة عميقة سامر هالشي الي كان حارقلو قلبوا بكل الشغلات السودة الي كانت عم تنغص حياة هالاكس من الناس الي كتب هالمسبة يمكن هالعبارة بالتحديد بتريح كتير يعني علي ايام ابي كانوا بيطلعوا بالمظاهرات بيرددوها كتير يسقط الملك او تسقط الامبريالية لوصلوا بعدها للجوع والامية ... ابي كان بيقلي ان كلما كان بيعلوا اصواتهن اكثر كلما كان بيرتاح وبيحس انهم عنجد عم يحقق هالاحلام هلق اليوم ماصفي غير سامر ليسقط يمكن ما سامر كان المقصود بس يمكن من كتر ماصارت الشغلات الي صارت بتارق علينا حياتنا كتيرة صار من الصعب نسميها باسمها وبالتالي بنحاول نسقطها من قواميسنا وكرمز لكل شي اسود بهالحياة بتمني ان تخلص من ....ولحد ماتخلص من فاليسقط سامر وليسقط سامر |
يمكن اكتر كلمة بتعبر عن رفضي لشيء معين ان اقول له فلتسقط ....
انا معك فليسقط سامر ... ويبقى سامر دفينا في داخل كل شخص ولكل شخص سامره الخاص ... تحياتي صديقي ظل جيفارا |
فليسقط سامر المستبد الظالم سبب معاناتنا :gem:
|
عنجد فليسقط سامر ..
وفليسقط كل سامر بقلب كل واحد منا .. وكل سامر بقلب كل مظلوم ومعاني .. فليسقط سامر .. ع الهامش * يمووووووووووو ع الله لما رح يدخل اب سمرا اديش رح يلاقي حالو ساقط بهالموضوع ..:lol: |
وليييييي اديه كان حاقد عليه لهالسامر ليكتبا :o
معكن كمان...يسقط سامر :yahoo: بس انو ولي بس يشوف الموضوع يمكن يغط على ئلبو قبل ما يفوت ويشوف شو القصة :lol: |
يسقط سامر
اي والله يسقط :jakoush::jakoush: |
مين سامر؟؟؟؟؟؟؟؟؟؟؟
ليش مو يسقط حسن متلا اشمعنى سامر؟؟:shock::shock: |
أنبسطو
سقط سامر لكن أتى مئة سامر وسقط المئة سامر وجاء ألف سامر وسقط الألف وجاء مليار سامر أين هو سامر سقط وورث لنا هذه السوامر لا رحمه الله ولا أسكنه فسيح جناته سامر ألي ببالي |
اقتباس:
خلينا على سامر لحد الان ما حدا تعرف عليه ;) |
حطوها يسقط فاعل
وينهض المفعول به |
ما فهمت:?
|
سامر هو فاعل
والطرف الأخر الأكس منالناس هو الي أكل مقلب وفلم من الفاعل يعني من السامر والسمر هو البسط والكيف يعني اسم سامر هو الفاعل الي عمل مقلب بأكس من الناس هو ألي عمنحكي عنه ولا تسألني أكتر براس الخاروف الي عندي الي حاطه بالبرندا بكتبلك مجلد بسامر تحياتي أخت رؤى |
ملاحظة صغيرة بس ..
مو شرط سامر ان يكون انسان بل يمكن يكون ظرف صعب او ظاهرة مصتعصية بهالمجتمع يمكن يكون الظلم او الفقر التخلف الجهل الامية الرجعية الامبريالية او حتي الشغلات الي بتصير بدون مابيكون للانسان دخل فيها سامر هوه كل شي نحنا حابين ان نخلص من او كل مشكلة عرفانين حالنا ان نحنا محطوطين فيها وماعم تنحل معنا ومع محبتي لابو سمرا بس ...فليسط سامر |
فليسقط سامر....وسامر هاد هو شخص انا بقصدو واسمو سامر وليسقط سامر يللي بعبر عن كل تخلف وقرف وتعب جواتي فليسقط سامر اي فليسقط |
لولا سامر ما كنا شفنا لا جيفارا و لا لينين و لا ........... و القائمة تطول بالمطالبين بالحرية و العدالة و الحقوق
فليحيا سامر لنرى ابطال كثير منهم فليحيا سامر من يؤيدني فليحيا سامر فليحيا سامر |
اقتباس:
يا ابني رمز مو سامر بحد ذاتو وليسقط للمرة الالف:jakoush: |
اقتباس:
اذا كان العدل ولقمة العيش والخير والمحبة بتعم البشر فشو فائدة ان يكون عنا الاف الانبياء جيفارا ولينين والمسيح ومحمد راح ينبسط اكتر اذا اختفا كل شي سامري بيناتنا وراح يختارو طوعا ان يختفوا من كتب التاريخ ومن الذواكر اذا كانوا ولادهم عايشين بلا سامر |
اقتباس:
لان مو الهدف وجود المطالبين بالحرية والعدالة والحقوق الهدف وجود الحرية والعدالة والحقوق وعليه ليسقط سامر وكل سامر |
| الساعة بإيدك هلق يا سيدي 03:29 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون