|
ليش .ليش . ليش. ما عم يجي الاحسن
ليش صاير فينا عم نتمنا اليوم إلي بيروح إنو يجي أحسن منوا مع إني وللأسف اليوم إلي عم بيروح ما عم يجي متلوا بالعكس عم يجي أبشع منو صار فينا من كتر المشاكل والضغوط الإجتماعية عم نحلم بطفولتنا البريئة إنها ترجع..في يوم إلي وقتها وكنا زغار عم نحلم إمتا نكبر ونكبر ...آه وياريتنا ما كبرنا.....ياريتنا تمينا زغار ..ولك شو فيها الحياة .....الواحد لما بيكون صغير بيحلم كيف بدو يكبر ويصير شب وصاحب مسؤلية...مسؤول عن عيلة ...مسؤول عن حي .....مسؤول عن ضيعة ....أو حتى عن بلد أو أمة ....بس للأسف وقتها بيصير إلي ضرب..... ضرب وإلي هرب...... هرب وقتها بيصير العمر راكد ...لدرجةإنك مارح تلحقو أو تجاريه غير بالكذب والخداع واللف والدوران........شوف نفسك كم مرة بتكذب على حالك ..وكم مرة بتصدق معا....شوف حالك كيف عم تكذب الكذبة وبتصدقا ......وكيف عم بتحاول تنسا الصدق حتى ولو مع نفسك........... ليش صار الإنسان ماإلو قيمة .......ليش صار الواحد مننا حاسس حالو إني فيو أو بلاه الدنيا عم تمشي ...ولا كإني هو موجود.......ليش صار الحب مجرد نوع من التسلية مو نوع من الإرتباط ليش صار الخائن بطل ونحنة بأمس الحاجة للأبطال......ليش صار المخنث ..رجال في وقت إلي نحنه فيو بحاجة للرجال.....ليش صارت الأنثى جبارة وقوية في وقت إلي نحنه بحاجة لحنانها وعطفها ....ليش وليش وليش ....لك في بالقلب مليون ليش وليش ....بس ليش ما حدا عم بيرد علينا ليش؟؟؟؟؟؟؟؟ |
ضربت على الوتر الحساس
ازا اجينا نحكي ليش ؟؟... و ليش...؟؟..؟؟..!!!!؟؟!؟!؟! صدقني ما بنخلص و خليني احكي لك شغلة ازا فكرت فيها شوي كان ايام زمان في مشاكل بس احنا ما بنذكر الايام الحلو و بننسى شو صار معنا مشاكل زمان فكر فيها شوي بتلاقي في كان مشاكل زمان ،،، بس احنا ما بنتذكر غير ايام الحلوووووووةةةةة ولا تعب حالك ولا شي اسئلة ليش ما بتخلص صدقيني والله بعين |
اقتباس:
بس صدقيني هو صح كان في مشاكل إيام زمان بس كان في إياميها إلي بيحس بمشكلتك أو حتى بيعرض حالو يساعدك بدون ما يكون إلو مصلحة كان في ناسس بتطلع على الناس الواقعين بمشكلة علشان يساعدوهن بس وللأسف المشاكل بزمانا صاريت بس منشان نتلذذ بعذاب الواقعين فيها أو نشمت فيهن ..وإذا وجد إنسان بمعنى هاي الكلمة للأسف بيطنش وبيقول إلي فيني مكفيني هادا هو الفرق بين مشاكل إيام زمان ومشاكل القرن 21 |
اقتباس:
ما في شي بضل على حالو |
اقتباس:
|
اقتباس:
********* والله كأنك بقلبي والله أنا لح طق من هل الحالة أنا حياتي كلا شغل وكل يوم إذا ما ساويت مشكلتين تلاتة ما بيمشي الحال .. كل مالا الأيام لأصعب .. اليوم الحلو إذا إجا مستحيل مستحيل يرجع والله يعينا على يلي جاية :pos: :pos: :pos: :pos: |
يمكن عن نحس بهاي الحالة لانو فقدنا ثقتنا بذاتنا انو راح نقدر نغير شي من واقعنا
فاصبحنا نتوقع غد اسوء من اليوم يعني فقدنا كل امل بغد افضل ما بعرف السبب في ذلك بس بعتقد انها مجموعة اسباب وصلتنا لهاي المرحلة بتصور انو اهمها هو فقدانا لثقتنا بذاتنا يمكن لو قدرنا نرجع هاي الثقة راح نقدر نستبشر خير بالمستقبل ولو استبشرنا خير اكيد راح نصبر على واقعنا ونتحمل لانو جاي بكره جديد وبيحمل معه كل الامال مشكور حاج متولي وبتمنالك وللجميع غد مشرق وجميل باذن الله تحياتي :D |
بدك لا تزعل مني و خدها بروح رياضية يا سيدي انت غلط و يلي عم بتشوفهن غلط هنن الصح ؟؟؟يمكن كلامي غريب شوي بس تعمق بباطن الموضوع بتلاقي مظبوط . ورح الك شغلة مهمة ما في حدا بيرجع ياخذ بالماضي و أحداثه الا اذا كان حاضروه سيئ فشوف قديش نحنا منتذكر التاريخ والماضي كل يوم وقديش صرلنا منمتل فيهم .بدك تعيش صح انسى الماضي و ابدا من الصفر وقصدي من الصفر يعني حتى القيم بدك تبدا تعملها تجديد وهو ن بتصير صح و بتشوف الدنيا صح متل ما غيرك هلأشايفها صح .سلام.
|
اقتباس:
بقصد انتا حطيت ايدك على جزء كبير من وجعنا وهو افتقادنا لكتير من القيم هلاء بدنا نخترع قيم جديدة اوكي انا معك بس الضمان انو نتفق عليها وتصير قيم بينا وتعوضنا عن يلي مفتقدينه بعلاقتنا وجهة نظرك كتير عجبتني جورج تحياتي الك حبيب:D |
هلق شو قال جورج ابو وديع
هي الايام بيتيجي ....وللا الايام بتروح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شو رأيكون يمكن اللي بيفكر بطريقة جورج الاول بيعتبر الايام بيتيجي واللي بيفكر بطريقة صاحب الموضوع بيعتبر انو الايام بتروح صح وللا شو |
الايام لا عم تجي ولا عم تروح
الايام هي ايام بنمرق احنا فيها بس احنا يلي عم نغير بالزمان ونلعب بموازين الانسانيه ودخلنا حالنا بدولاب الروتين الروتين يلي كلو كذب ونفاق وياريتنا عم نحاول انغير من الواقع يلي وصلنالو لاء كل يوم عم نزيد عن يلي قبلو وبنعلق القصه على شماعه الايام |
(نحنا اللي عم نتغير
عم نعبر الايام وعم نتأثر بالاشيا اللي منمر فيها ) وجهة نظر أخرى كمان أهم شي يا جماعة انو الواحد يكون على طبيعتو ويكون متصالح مع نفسو هيك ما بيعود يتغير نحو الاسوأ |
اقتباس:
وانا معك بهدا الحديث 100% المشكله فينا احنا ولازم نتبه لهدا الشي |
احلى شي تتذكر من ماضيك كل شي حلو وتتناسى الاحداث المؤلمة لانها السبب الرئيسي فانو نشوف حياتنا ومستقبلنا بخوف وتشاؤم.خوف من ضغوطات الماضي لترجع.الشكوى ما راح تنفع.صحيح انو الواحد لما بيجلس لحالو بيضل يسأل نفس الاسئلة كأنو اتحطت لينا في اختبار موحد :shock: بس بدون جدوى بنسأل حالنا لسببين.يا اما الواحد عندو هموم كتيرة ولازملو هالاسئلة مشان تمتلئ الجرة.او ما في شي لحد هلء زاعجو بس بدو ينكش عليه المواجع لحتى يشيب راسو.عيش حياتك وارضى بالنصيب على قولة جورج وسوف وهنحب ايامنا هنذوب في لياليها ولو انجرحنا يا دنيا احنا حالفين نعديها على قولة مصطفى قمر:oops: ميرسي الحاج متولي والله يرزقنا راحة البال ومن نعمو يا رب لينا وليك:D
|
أكيد لازم ننتبه وكمان
أحلى شي بالعالم انك تروح بالشي للاخر الاخر وتعيش احساسك بلحظتو بغض النظر عن اي اعتبارات اخرى يعني انك تشعر بحريتك المفقودة |
يلي ماإلو ماضي ما إلو مستقبل
وماضينا كان كتير احسن من حاضرنا والانسان لازم يستفيد من تجارب الماضي بس اكيد لازم الواحد يعيش حياتو بس ما بيقدر يعيش بدون ما يفكر وإلا ما بكون انسان والحزن هو شي اساسي بالتكوين الانساني لانو لولا الحزن مافي فرح ويمكن الشغلات يلي حزنتنا مرة هي تكون سبب لسعادتنا بعدين وبالنسبه للحريه هي مانها شي مفقود بس وقت بيفكر فيها الانسان على انها مفقودة رح يضل يحس فيها بعيده ووقت بيحصل عليها بيصير يطمح بحريه اكبر مافينا انقيد الحريه بس هي الحريه عنا متل البحر مهما كبرت إلها شواطئ تحصرها ووقت بتطلع برا هالشواطئ اكيد بتسبب شويه مشاكل |
على قولة الوسوف هيي الأيام بتيجي ولا الأيام بتروح؟؟؟
والله أنا حاولت أعلرف الجواب بس للآسف كل ما عم دقق عم فوت بالحيط؟ |
اقتباس:
اي بعد عن الحيط لكن وانتبه على خطواتك وخليك مع الوسوف حبيب قلبي ابو الزوز :D |
| الساعة بإيدك هلق يا سيدي 08:00 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون