|
أبوك.. أختك ..أمك... أخوك ... شخصيات طائفية .. شو بتعمل معها ؟!
مرحبن :D الموضوع مبين من عنوانو ...:pos: انو يا أخي حدا قريب الك جداً .. شخص مريض بالطائفية .. انو مو بس بيحكي بالدين ..لأ اضافة على ذلك .. عنصري لدينو .... وازا انحكي عن دين آخر بيهاجمو فوراً دون اي تردد ...:sly: بتتناقش معو بالعقل .. ما بيمشي الحال .. لانو طبعو الطائفي .. ما بيخلي حدا يتناقش معو ...:jakoush: فلزالك ... حابب اسأل اي حدا منكن .. انو يا اخي هادا كيف الواحد بيتعامل معو:? بدو ينفصل عنو ما بيقدر خصيصاً ازا كان اب او ام ...:cry: بدو يسبو عيب ...:pos: بدو يبهدلو كمان عيب:pos: بدو يتناقش معو ما بيمشي الحال .. فالج لا تعالج :sick: انو لأ والانكى من هيك انو بدو يفرض رأيو عليك .. من باب ولاية الامر ...:? |
موضوعك شائك كتير ميرو الاولى انو نسكت و خلص ..
اوووووووووووووف |
هاد مافيك تناقشو طنش احسن شي
|
بهيك حالة لاتناقش ولا تستوعب ولا تنفصل ولاتعمل شي
لاتحكي باي موضوع معون ممكن يوصل لشي ديني او طائفي وتروك هالايام تمشي والا ماتلاقي الدوا بعدين |
بهيك حالة لا تحكي بنوب ... الافضل انو تبقى ساكت بالبيت من هون حتى تقدر تستقل ماديا وبعدين احكي كلشي الي بقلبك ووقتها مابدها الشغلة مثاليات ... لانو الطائفية ما بتعرف اب ولا اخ ولا ام ... واذا سكتت عن واحد كأنك عم تسكت عن الكل ...
|
اقتباس:
بعد سنين من التجارب الفاشله بالتعاطي معو فهم بالأخير شغلتين: انو ما بيقدر يسيطر على تفكيري وانو الحل هو تجنب هيك جدالات عقيمة |
الحل الأمثل هوي انو تهز براسك و تستعجب من ضيق النظرة و التفكير السطحي
للأسف و اذا بدك تعمل متلي بتقول بلاع يا الله بلاع |
أنا بختلف شوي مع الشّباب، لأنّو ترك الأمور "على حلّ شعرها" مانو حلّ أبداً!
أكيد إذا كان واحد من العائلة كتير رح يكون صعب يتقبّل من الآخر وخاصّة من الأصغر، بس أنا ومن خلال تجربتي الصغيرة مع أمّي وأخي الأكبر بشوف العكس صحيح... حاليّاً إذا دخلنا بمناقشة حول أيّ قضيّة صاروا يتقبّلوا منّي كتير، والحلو أنّو إذا كانت حجتي أقوى صار يتنازلوا شوي، ومن هيك بشوف أنّو بالبداية حاول تضلّ على خطّ الحوار والنّقاش بدون أيّ احتداد، وإذا شفت ردّة فعل من الطرف التاني اسكوت، بس لأَجَل مؤقّت، ففي حال انفتحت السيرة كمان حاول تفهّم اللي حولك (إذا القضيّة دينيّة) أنّو في خالق واحد لهالبشر، وكل البشر قدّام رب العالمين متساويين، لأن مو معقول يكون عادل وبنفس الوقت يميّز بين أبناؤه على هوى الشرائع... من هلا بدّي قلّك أنّو هيك مسيرة بتحتاج لصبر طويل وهاي ألي عشر سنين أو أكتر شوي ويا دوب عملت بعض أشيا... فبدّك تطوّل بالك بس بشرط لا تيأس وحاول يوم بعد يوم تكتسب حجج ومنطق أقوى للدفاع عن وجهة نظرك، وكون أكيد أنّو إذا الآخر ما بيّن شي قدّامك بس هوّ من جوّا عم يتفاعل معك شوي شوي إذا كان بيحبّك وأنت بتحبّو. هاد اللي عندي... :D. |
الواحد يطنش احسن شي الحمدلله ولا مرة مريت بهالموقف ......:larg:
|
كتير عادي وكتير بسيط الحل
اتجنب دائما النقاش معه باي شيء ممكن يدايقك ويدايق الشخص الاخر وحاول قدر الامكان وقت تلتقي فيه يكون في حديث جاهز انا بصراحة مريت بهالتجربة ومازلت بمر فيها لكن الحمدلله بقدر اتغلب عليها بالاشياء اللي ذكرتها قبل |
لك اخي هاد الشخص
لازم تعتبره متله متل الحيط الي جنبك فيك تناقشو فيك تقنعو اي لا تتعب اعتبرو متله متل اي قطعة اثاث بالبيت انا هيك اهلي بالنسبة الي قطع اثاث لا اكثر :D |
اممممممممم برايي مسح جوووووخ متل ما بعمل انا
بتصل لا غايتك وازا طلبت عيونو بيعطيك اياهون وبترضية وبتعيش رضيان واصلا الاهل ما بيتناقشو بمواضيع ابداااااا ابتعد ابتعادا كلي عن مناقشة الاهل اريح للراس |
امم الطائفية من دين لدين أهون بكتيرر من فصيل لفصيل لنفس الدين :pos: بانصحك إزا ما كان بالك طويل و حجتك قوية و عقلك كبير ابعد احسنلك ! |
عنجد صعبة..
يعني موقف لا تحسد عليه.. بس طالما هم من أقربائك المقربين-حسب ما افهمت- فما رح يفسد للودّ قضية.. يعني رح يضلّلوا يحبوك بغض النّظر عن الدّين..وهاد الأهم! والدين..قناعة مو فرض واكراه...فاذا,,,,ما كانوا مقتنعين بهالشي فتجنب هيك نقاشات معهن وريّح راسك خليك حازم معهن وقول رجاااااااااااء. . بلاها هالسيرة:x |
شكراً كتييير لاآرائكن ... .. واكيد بتفيدني هالاراء كلها :D
بس بقلها لمروش اقتباس:
ولي !:shock: اقتباس:
شكراً كتييير .. اي بيعين الله :sick: |
اى منقدر ننفصل .. ونحكي ونخانق
ويلي بيلوم بالناقص منو لانو خاج عقد اجتماعية انو عيب وما بيصير وشو بعرفني من عقد مجتمعنا ولو انو هيك قرار صعب بس كمان حزم وقناعة بلي عم تعملو بس يلي تفكيرو هيك سوري من الجميع مافيو عقل يستوعب لتحكي معو ولا بيفهم بمنطق على الاقل برايي للاسف كل تجاربي مع طائفيين او متعصبين لدين معين لنفتح (حوار ) كان مصيرها الفشل لانو بالنسبة الهون هيك موضوع خارج النقاش ولا يجوز طرحو ولا انت كافر مرتد وما بعرف شو وبالتالي كانت النتيجة انو علاقتي معون اتقلصت جدا واحيانا انعدمت |
,الله تصدق انو صارت معي؟ وانا من عادتي اني اثبت وجهة نظري
بقا هوي يحكي وانا بحكي هوي يحكي وانا بحكي ولنشوف وين بدا توصل ازا تنّح وماكان بدو يسمعني فدليل انو معي حق :shahbi7: |
اقتباس:
|
| الساعة بإيدك هلق يا سيدي 18:04 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
