أخوية

أخوية (http://www.akhawia.net/forum.php)
-   عناوين الأخبار (http://www.akhawia.net/forumdisplay.php?f=71)
-   -   خفيض سعر لتر المازوت من 25 إلى 20 ليرة سورية (http://www.akhawia.net/showthread.php?t=120408)

The morning 01/04/2009 05:59
خفيض سعر لتر المازوت من 25 إلى 20 ليرة سورية
 
أعلن رئيس مجلس الوزراء محمد ناجي عطري اليوم الثلاثاء تخفيض أسعار المازوت في الأسواق المحلية بنسبة 20% ليصبح سعر اللتر 20 ليرة سورية بدلا من 25.
 وجاء الإعلان خلال إجابة عطري على أسئلة أعضاء مجلس الشعب في جلسة للبرلمان حضرتها الحكومة. وسيبدأ العمل بقرار التخفيض اعتبارا من يوم غد الأربعاء, مطلع شهر نيسان.
وقال عطري خلال الجلسة إن هذا القرار جاء نتيجة مطالبات من الفلاحين ولتخفيف الضغط عنهم, إضافة إلى تراجع أسعار النفط في الأسواق العالمية.
وكان كثير من النواب والاقتصاديين والمواطنين طالبوا بتخفيض سعر المازوت أسوة بدول الجوار بعد أن انخفض سعر برميل النفط في العالم من 147 دولارا في تموز الماضي إلى حوالي 50 دولارا حاليا.
وقال نائب رئيس مجلس الشعب الدكتور رضوان حبيب لـسيريانيوز, إن الحكومة لم تخفض سعر المازوت إلا خمس ليرات, خشية عودة عمليات التهريب إلى دول الجوار.
وجاء قرار التخفيض بعد 11 شهرا تماما من رفع سعر اللتر من 7 إلى 25 ليرة بسبب ارتفاع أسعاره العالمية, وضمن خطط الحكومة لإعادة توزيع الدعم الحكومي, مع توزيع قسائم بألف لتر مازوت لكل أسرة بسعر 9 ليرة سورية للتر الواحد.
ورفضت مديرية الأسعار في وزارة الاقتصاد الإجابة عن الاستفسارات حول أثر هذا التخفيض على تسعيرة النقل بالنسبة للركاب والبضائع.
وأثر رفع سعر المازوت على تكاليف إنتاج مختلف أنواع السلع, الأمر الذي انعكس ارتفاعا في أسعارها, وضعفا في تنافسيتها مع السلع الأخرى غير السورية, سواء في الأسواق المحلية أو الخارجية.
سيريانيوز

قلـكون الصـراحه ؟؟ أنا خايفه تـطلع الشـغله كـذبه نـيسان و ما يجي من وراها غير وجع الراس :p

Sun Shine Art 01/04/2009 06:39
يعني تعبان الله لا يخليه .....معقول لكن شو لح تعمول هل ال 5 ..وقت الرفع الاسعار بيطرو طيران ...
وقت بدهن يخفضو بتقولي عم تاخدي من نص قلبهون ....
يضربو هنون وهيك خطط :pos:وهيك تخفيض

The morning 01/04/2009 06:41
اقتباس:
كاتب النص الأصلي : Sun Shine Art (مشاركة 1245070)
.معقول لكن شو لح تعمول هل ال 5 ..وقت الرفع الاسعار بيطرو طيران ...
وقت بدهن يخفضو بتقولي عم تاخدي من نص قلبهون ....
اي و نحنا بنفرح على حالنا بهالخمس ليرات و بتشتغل الحفلات و الدبكات و الاعراس الوطنيه :lol:

Sun Shine Art 01/04/2009 06:50
اقتباس:
كاتب النص الأصلي : The morning (مشاركة 1245071)
اي و نحنا بنفرح على حالنا بهالخمس ليرات و بتشتغل الحفلات و الدبكات و الاعراس الوطنيه :lol:
الله يخليكي ما تنسي الخطابات الرنانه كمان والاشعار والقصائد الي بتنزل بعد هل التخفيضات ..:lol:

The morning 02/04/2009 08:46
على الهامش
 
أن تعرفة ركوب الميكروباصات داخل المدن، ستنخفض بحدود نصف ليرة سورية :clap::clap::clap: ..

Nay 02/04/2009 09:33
بالله قولي انك عم تمزحي:eek:

leonardo_dicabreo 02/04/2009 09:38
ايش هالخبر العالمي هاد ! ! :p

مو هون المشكله , المشكله انه بكرا بتلاقيه مثبت ! ! :?



:D

MadMax 02/04/2009 13:03
عن جد مسخرة ...

MadMax 02/04/2009 13:10
اقتباس:

أعلنت وزارة الاقتصاد والتجارة عن تخفيض أجور النقل في سيارات الركاب العامة بنسبة تتراوح بين 4,4 و6%، أي أن تعرفة ركوب الميكروباصات داخل المدن، والتي تبلغ تعرفة ركوبها حاليا 9 ليرات، ستنخفض بحدود نصف ليرة سورية.



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -



يعني كانت اجرة السيرفيس بالشام 9 ليرات .... صارت 8.5

قولكون صاروا السائقين برجعوا الـليرة و النص ..؟؟

أم الجود 02/04/2009 13:14
اقتباس:
كاتب النص الأصلي : MadMax (مشاركة 1245591)
أعلنت وزارة الاقتصاد والتجارة عن تخفيض أجور النقل في سيارات الركاب العامة بنسبة تتراوح بين 4,4 و6%، أي أن تعرفة ركوب الميكروباصات داخل المدن، والتي تبلغ تعرفة ركوبها حاليا 9 ليرات، ستنخفض بحدود نصف ليرة سورية.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
:shock:

*

*

:clap:

اي خلااااص

ما زال هيك لنضب شناتينا و نرجع عالبلد :yahoo:

و قال لسا بيقولولك البلد غالية و ما بينعاش فيها :pos:

يوووووو شو هالعالم بتلت :p

jankasanova 03/04/2009 08:09
والله شي بيحط العقل بالكف
يعني نحنا اللي عنا النفط و منزلين 20% خمس ليرات بس
هون كان واصل غالون البنزين -يساوي تقريبا 3.78 لتر- تقريبا ل 5 دولار ببعض المناطق
بس وقت نزل نزل لل1.50 $و اقل كمان وهلأ حوالي 2$ يعني نزل اقل من النصف
ايه الله يكون بعون هالشعب
:D

مغرم سوريا 04/04/2009 06:27
اقتباس:
كاتب النص الأصلي : The morning (مشاركة 1245529)
أن تعرفة ركوب الميكروباصات داخل المدن، ستنخفض بحدود نصف ليرة سورية :clap::clap::clap: ..

انا سمعت فيها وقلت مو معقووووووووووووووووووووول :o

بس بما اني حمار عربي .. فكرت انو التعرفة رح تصير بنصف ليرة خخخخخخخخخخخخخ

بعدين درستها مظبوط وقرأت الردود واكتشفت بانو نزلت نصف ليرة

بس عنجد مسخرة ... انو شو رح تعمل هالنصف ليرة

لك لا وياريت بيورجوك احصائيات حتى لو كانت كذب خخخخخخخخخ

بحسهن بيزتوا الخبر وبيتخبوا

لا ورفضوا المناقشة يا بعدي .. والله اذا صارت مناقشة مناكلهن اكل خخخخخخخخ

مجنون يحكي وعاقل يسمع 04/04/2009 23:14
اقتباس:
كاتب النص الأصلي : The morning (مشاركة 1245067)

قلـكون الصـراحه ؟؟ أنا خايفه تـطلع الشـغله كـذبه نـيسان و ما يجي من وراها غير وجع الراس :p
أول شغلة : مبينة ناكتة ومالها فكاهة ولا مازية(الله يرحمو) لذلك لازم تكون من إنجازات الحكومة ومبين العطر عم بيشر منها شررررر
تاني شغلة وهي الأهم :مستحيل تكون كذبة وبالأخص كذبة نيسان لأن الشباب بالوزارة ومنتفعاتها بيكذبو كل السنة وبيعطلو بواحد نيسان , يعني عطلتهون عن الكذب بس هاليوم مو معقول يكذبو فيه
لما الشعب بيحتفل بعيد الكذب هني بيحتفلو بعيد الصدق والعكس صحيح

The morning 10/04/2009 09:05
في سياق حكينا عن الموضوع في هالكاركتير :


The morning 10/04/2009 09:09
اقتباس:
كاتب النص الأصلي : مغرم سوريا (مشاركة 1246561)
انا سمعت فيها وقلت مو معقووووووووووووووووووووول :o

بس بما اني حمار عربي .. فكرت انو التعرفة رح تصير بنصف ليرة
عقوله زياد رحباني : قوم فوت نام .. صير حلام ..أنو بلدنا صارت بلد :pos: ..

The morning 10/04/2009 09:12
اقتباس:
كاتب النص الأصلي : مجنون يحكي وعاقل يسمع (مشاركة 1246836)

تاني شغلة وهي الأهم :مستحيل تكون كذبة وبالأخص كذبة نيسان لأن الشباب بالوزارة ومنتفعاتها بيكذبو كل السنة وبيعطلو بواحد نيسان , يعني عطلتهون عن الكذب بس هاليوم مو معقول يكذبو فيه
لما الشعب بيحتفل بعيد الكذب هني بيحتفلو بعيد الصدق والعكس صحيح
انت مجنـون بتحكي شو فارقه معك :shurup::shurup::shurup:

The morning 10/04/2009 09:14
اقتباس:
كاتب النص الأصلي : MadMax (مشاركة 1245591)


يعني كانت اجرة السيرفيس بالشام 9 ليرات .... صارت 8.5

قولكون صاروا السائقين برجعوا الـليرة و النص ..؟؟
انو حتى لو رجعوها مين اليوم بقى يتعامل بالنص ليره .. ليش صحي في باقي بالسـوق نصاص ما حطوهم بالمتاحف :lol: ؟؟

The morning 10/04/2009 09:18
اقتباس:
كاتب النص الأصلي : Nay (مشاركة 1245540)
بالله قولي انك عم تمزحي:eek:
لا يا زلمـيّه واقع واقع :yahoo:


الساعة بإيدك هلق يا سيدي 23:00 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03941 seconds with 11 queries