|
أيهما أفضل لســانك أم قلمــك ؟؟؟؟
هل يشعر البعض منكم أنه يكتب أفضل مما يتكلم! هل يشعر البعض منكم أنه يكتب أفضل مما يتكلم! أو أن مواجهته للمواقف أو للناس تجعله أكثر قدرة على التعبير ؟ أو لربما أنت تجيد الإثنين معاً.... هناك الكثيرون ممن يجيدون التعبير عن أنفسهم في الرسائل مثلاً... ولا يجيدون ذلك عند مواجهة ما عليهم مواجهته... وفي عالم النت فهناك الكثيرون أيضا يجيدون الكلام بالكيبورد بينما هم أنفسهم يعرفون أنهم لا يستطيعون ذلك بنفس الجودة في مواجهة العالم الواقعي ربما يسمّي البعض ذلك نقصا في الشخصية...أو تناقضاً فيها... ولكن شخصياً اعتقد أنه أمر طبيعي الى حد معين... فنحن بالكتابة نستطيع التحكم في أنفسنا وانفعالاتنا بصورة أفضل... ونحن بالكتابة ليس هناك من يرانا...أو يراقبنا... وربما هذا ما يجعلنا نفرغ ما بداخلنا أو نواجه مواقفنا بشكل مختلف ولكن هذا المختلف قد يكون جميلاً ... وقد يكون أحيانا قبيحاً وتُستخدم مساحة الحرية هذه بشكل سيء من نفس الباب .... ومن يفعل فهو لا يعبر عن ظاهره بل عن باطن يخاف ان يواجه به الاخرين حتى في حياته الواقعية ففرق كبير بين وضع الأقنعة وبين استخدامنا القلم أو الكيبورد لطريقة تعبير أفضل أو كوسيلة مساعدة لجعل الناس تفهم بوضوح أكثر أو أجمل ما هو ظاهر لهم |
بعتقد انو الفرق بين تعبيرنا بلسان او الكتابة يكمن بان الكتابة قد تعطي مجالا للتفكير والتروي
هناك الكثير من الاشخاص لديهم الحنكة للرد والكلام بالسرعة الكافية فما ان تساله سوال او تطرح موضوع معين للنقاش الا وتجده يرد بنفس اللحظة وكانه كان يتوقع السوال على العكس من بعض الناس قد يحتاج فترة معينة للتفكير واتخاذ القرار بالتكلم بطريقة معينة اعتقد ان هذا هو الفرق الوحيد حيث ان كلا التعبيرين كتابة و محادثة تعكسان نفس المستوى الثقافي الذي يحمله الانسان شكرا كتير اختي العزيزة على موضوعك الجميل :D |
طبعا شي طبيعي..
لأنو الانسان في شغلات كتير ولا يمكن انو يحكيها مش بس لأنو بمواجهة الواقع الحقيقي , لاء , لأنو الشي اللي ممكن يحكيه لسانو مختلف تماما عن الشي اللي بتحكيه ايدو بالكتابة... طيب ليه بيختلف؟؟؟ لأنو الكلام اللي حيطلع من لسانو بيطغى فيه عقلو على قلبو.. أما الكلام اللي بيكتبوه فهوي مجرد كلام لا يوصف لأنو عقلو وقلبو رح يملو على ايدو تكتب هالكلام.. الموضوع أكبر من هيك وبتتوقف هالشغلة على طبيعة الكلام... شكرا يا عاشقة على هالموضوع لأنو بالفعل ولا واحد ممكن انو يفكر بهالشي هدا الا اذا كان في مشكلة عواطف وأحاسيس أو في عندك كمان كتابة الذكريات..شي نادر جدا...لأنو نحنا دائما بهيك مجتمع اللي بيكتب ذكريات بيضحكوا عليه العالم...مشكورة مرة تانية.. |
اقتباس:
هدا الحديث تمام التمام وانا بوافقك الراي بس احيانا بتلاقي عالم عندها نوع من الخجل او عدم قدرة على الحديث بشكل مباشر للعالم طبعا هدا بيكون من خلفيه تربويه واجتماعيه واحيانا هيك عالم بتكون عندها ثقافه واسعه وبتزرع احساسها وقت بتكتب ووقت الحديث بيتبلكمو تماما وشكرا عاشقه |
اقتباس:
عملتلي فيها ذكريات وعواطف هلئ احيانا بتلاقي عالم بيقلولها يلي بقلبو ع لسانو يعين في لحظات بكون البني ادم عم يحكي كلام بدون ما يفكر فيه وهدا حسب الحاله يلي بكون فيها ممكن يكون معصب ومدايق وكمان في عالم بتفكر مية مرة بعقلها وقلبها قبل ما تكتب خاصة اذا كان عم يكتب عواطفو عالورق او حتى ذكرياتو |
الفرق انو (الكلمه كالرصاصه اذا خرجت لا تعود ) يعني مجرد ما حكيتي الكلمه ما فيكي ترجعيها او حتى اتعدلي عليها (لانو مع السرعه ممكن تحكي كلمه ما تكون كتير بتعبر عن فكرتك) واذا بدك تعدلي عليها بدك مبررات ورح تدخلي في متاهات تانيه
اما بالكتابه فرصة اختيار الكلمه المناسبه بتكون اكبر وممكن كمان ترجعي تعدلي على الكلام لحد ما توصلي لاحسن صيغه بتعبر عن فكرتك |
اقتباس:
لكن كتير من الاوقات بنكون محتاجين نطلع بعيون يلي عم يحكي لانو بهيك حالات بيكون العيون هيا يلي عم تكمل الفكرة وعم توصل المضمون ومع ذلك اتفق الى حدا بعيد معكي بكلامك لانو كتير اوقات ما بقدر احكي وبكتفي بالكتابة حتى ما ازعج النايمين بالليل ;-) |
كبير يا وائل...
على فكرة انتي حكيتي شي هام كتير واللي هيي العيون.. مشكور أخي |
اقتباس:
والله معلم ادم القصة انو عم نحكي بشغلات عم نعيشها كل يوم وبنفكر فيها كمان لذلك وصلتني كل كلمة قرائتها بالموضوع تحياتي الك حبيب:D |
مشكور مرة تانية عمي وائل..
|
اقتباس:
لك يئبرني اللي خلقك شو مزوء ومهضوم |
اقتباس:
|
اقتباس:
اه يمكن انا خربطت بين هون والمسنجر بعدين ما بتفرق بيني وبين عمك وائل |
أحيانا الكتابة بتكون تفريغ لأفكار وعواطف وأحاسيس ما بدنا نؤلا لحدا...وإنما بدنا نتحاور نحنا وأنفسنا بمضمونا... ومنستمتع خصوصا وأت بنكتبا ومنعبر عنا بطريئة حلوة برغم ما يمكن أن تحتويه من ألم أحيانا... ومنستمتع بقرائتا من وأت للتاني لأنه عم نرجع نعيش هالجو يللي كنا متأسرين فيه.. وهيدا النوع من الكتابة شي خاص كتير... في ناس تانيين مالون خلاق يكتبو بيئومو بيحكو أو يلوذون بالصمت.... وهي شغلة قاتلة...
|
ميرسي الك على الموضوع
والله الشباب كفو ووفو وحكو كل الي كنت الي بدي قولو تحياتي القلب المنادي |
يعطيكوا العافية شباب وصبايا
على الموضوع الحلو والردود الأجمل :D :D :D :D :D |
| الساعة بإيدك هلق يا سيدي 05:04 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون