شـركـات الاتصـالات السـوريـة والفلسـطينيـة
مرحبتين أخوية
أنا بهالموضوع بدي استفسر عن شغلة .بالأول ما عرفت وين بدي اطرح الموضوع وكنت بدي اطرحه بالسقيفة بعدين لقيت انو الصالون أنسب شي... القصة وما فيها انو الأتصالات السورية يعني التلفون الأرضي والموبايل السوري ليه ما بيتصل على فلسطين؟ يعني من داخل سوريا ما بتقدر تتصل على شركات الأتصال الفلسطينية.بس من فلسطين بتقدر تتصل على سوريا. سؤالي انو يعني الموضوع شركات اتصالات بـس,,,يعني يمكن ما في عَقد بين الشركات السورية والفلسطينية؟؟ ولا في شي تاني متل شي الو علاقة بالسياسة؟؟ لأنو بتوقع انو كل دول العالم بيتصلو طبيعي على فلسطين! يعني ليه الأتصالات السوريه بالذات ما بيزبط انها تتصل على فلسطين؟؟! والمواطن السوري ما بيقدر يتصل على فلسطين! عنجد حيرتني هالشغلة... تحياتي:D |
الرمز الدولي تبع اسرائيل مقطوع عن سوريا.. و الاتصالات الفلسطينية متصلة بالعالم عن طريق المخدمات الاسرائيلية حتى و ولو الها نداء دولي خاص.. لهالشي مقطوع...
بالمقابل اسرائيل ما حاجبة اتصالاتها عن سوريا.. بس اتصور ازا حدا من اسرائيل دقلك... الشباب الطيبة يجو يسهرو عندك تاني يوم ... و رقصني يا جدع |
اقتباس:
|
صاحبتي لما طلعت ع سوريا كانت تبعتلي مسجات ع جوال عادي !!!
بس زي ما حكى yass احنا المقدمة تاعتنا 00972 وهي مقدمة اسرائيل فبيجوز ما بينفع من عندكو :) |
اقتباس:
اي انتا بتحكي تبع اسرائيل بس صار لفلسطين رمز دولي خاص فيها وبرضو بزبط انو تتصل على رمز اسرائيل نفس الشي بس بدي احكو انو في لفلسطين رمز دولي غير تبع اسرائيل عجبتني هي رقصني يا جدع :lol: |
اقتباس:
بعدين "انتو = احنا" (لأنو انا مو سوري)مقدمتنا 00972 ومزبوط هي مقدمة اسرائيل بس احنا (فلسطين)في النا مقدمة خاصة غير مقدمة اسرائل هي 00970 وكمان بينفع نستعمل المقدمتين ما بتفرق شكراً :D |
اقتباس:
اقتباس:
|
اقتباس:
والترددات بتتاخد من اسرائيل للموبايل والراديو والتلفزيون وتحت شروط معينة وممنوعة بمناطق معينة حتى ما تنافس الشركات الاسرائيلية ! |
اقتباس:
مع انو شركات الأتصالات الأسرائيلية بتشتغل داخل فلسطين وبكون الأرسال 100%:? |
اقتباس:
وهلأ في شركة اتصالات خلوية جديدة رح تفتح عنا :) |
اقتباس:
قصدك شلحتنا اواعينا قد ما هي غالية :sick: بعدين ولا منافسة ولا شي هاد كلو لأنو هي الشركة "الفلسطينية"الوحيدة ;) فالزباين حكولك نتعامل مع فلسطيني ولا نتعامل مع يهودي"مع انها غالية". اها ان سمعت في شركة جديدة بدها تنزل بس ما بعرف متى بالزبط ستي ان شالله تكون قوية واسعارها منيحة بلكي اتريحنا من الحالية |
اقتباس:
الشركة ان شا الله نازلة بشهر 12 والرقم حيبدا ب 056 :) الاخبار مش مجانية وكل خبر حتدفع عليه !! مش جوال لحالها اللي بتاخد مصارينا :p |
اقتباس:
شفتو على موقع الشركة على النت يعني كمان هاي رح توخد مصارينا :? اي كلووووووو كم يكسب من هالشعب المسكين :cry: انا شايف انو طلعنا كتير عن الموضوع الأصلي :p بلاش ناكل مخالفة هلأ:o |
رح تقتلوا بعض عشان الاتصالات و اسرائيل
شكل ابو الوديع الو احباب في سوريا ما بتصلوا عليه;) |
اقتباس:
لا والله مو هيك القصة بس ابن عمي كان بسوريا من فترة فـ بحكوا انو ما بقدر يتصل من سوريا لفلسطين حكيت والله شغلة غريبة ;) وهلأ استفسرنا ومشي الحال:p |
في مجال انك تحكي من سوريا على فلسطين بس بالسرقة (مارح اعطيكو الطريقة :p)
بعدين مو مزبوط انو اذا حدا اتصل عليك من اسرائيل بيجوك الشباب الطيبة يسهرو عندك لأنو لما كنا بسوريا كانو دايما اهلنا يتصلو علينا من اسرائيل وماكنا نروح زيارة عبيت خالتنا :p المهم بالنسبة للاتصال من فلسطين لسوريا كمان في سرقة كتير يعني لما بدي احكي من هون مع حدا بسوريا مجرد ما يرن التليفون ببلش يسحب مصاري مايعادل (2.75 شيكل) يعني كسرة حتى وأنا عاملة للرقم اللي عم بدق عليه أعز بعيد :cry: ولما اتصلت على الشركة المبجلة قالولي انو مافي تبادل اتصالات بينا وبين سوريا مشان هيك مدري شو يعني حكالي كم كلمة مافاتو براسي:pos::frown: |
اقتباس:
بس انا قصدي من سوريا ما بتقدري تتصلي ع فلسطين ومتل ما حكولك (الشركة المبجلة) ما في تبادل اتصال بينا وبين سوريا بعدين على حسب ما فهمت انتي باسرائيل..كيف عاملة خدمة أعز بعيد وهي خدمة خاصة بشركة جوال:shock: يعني كيف شغالة عندكم...لأنو الجوال باسرائيل ما بيشتغل:? ممممممممممم عاملة خدمة اعز بعيد لسوريا..يعني اعز بعيد عندك بسوريا :o انا عاملها عالأردن بما انو اعز بعيد عندي بالأردن:oops::sosweet: |
آه ثم آخ ثم آه :cry::cry::cry::cry: لك الأتصالات ع سوريا الها كم من يوم مو طبيعية يعني ممكن يفتحو خط عليك و يخصمو من رصيدك بدون حتى ما يكون عم برن عند الطرف التاني و للعلم ما في لا اتصالات و لا حتى مسجات منهن علينا أنا كرهتهم كتير الخطوط عندهم يعني مو طبيعين ما يخافو ما رح ناكلهم للسورين :jakoush: غير انو اغلى من اي اتصال ع اي دولة عربية تانية حتى لو كان اعز بعيد انا بكره خطوط الاتصالات بينا و بينهم :frown: |
الساعة بإيدك هلق يا سيدي 02:42 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون