|
سمعنا هالاغاني,بس شي مرة فكرنا فيها؟
بالزمن الي عم تفضي الشاشة فيه كل معاني الكلمات والاضواء والاجساد العارية عم تسرق مطرح الرسالة الي كان بيحملها الفن يوم من الايام ,لقيت ان من الواجب علينا ان نرجع انحط شوية فحم تحت كل الانوار الي ظلت لحد هاليوم صامد بوجه السطحية ونرجع لنفكر بكتير اغاني كانت تحمل من الافكار والاحاسيس الي كتار منا لحد هاليوم عم يدور ليلاقي معنا محدد الها متل مابيوقف التائه قدام لوحة فن تشكيلي ليفهمها
حابب بهالمشاركة بنرجع لناخد بعض القصائد المغناة ويعطي كل واحد منا تفسير لهالغنية علنا بالاخير بنفهم شو كان قصد هالشعراء من هالقصائد اول غنية راح اختارها هيه بغيبتك لطلال حيدر والي غناها مرسيل خليفة بغيبتك نزل الشتة قومي اطلعي عالبال في فوق سجادة الصلاة والعم بيصلوا قلال صوتن متل مصر المرا و بعلبك رجال عكتر ماطلع العشب بيناتنا بيرعى الغزال وديت مع راعي حماة يشفلي الطقس شمال قالي السنة جاي هوى بيوقع الخيال... ويلي ياريت لاسرجت الفرس ولابعتت هالمرسال ياريت لا سرجت الفرس ولا بعتت هالمرسال هالغنية مليانة رموز ويلي بدو يشارك فيها ياريت يقراها منيح وبالنهاية انا متاكد ان كل واحد مننا راح يكون الو رايو اممي |
حلوة كتير
|
اقتباس:
ويسلموا على مرورك |
دخيل ربك يا رفيق
كمان الي رجعة مايسترو |
بتعرف ذكرتني بالاماكن لمحمد عبدوا عن جد حلوة
حطها :D |
بزمن خشوقة دومنينيك شو متوقع تكون الاجابات
بدي تحط اغنية الكمنجات لاميمة وتشرحا لانو هالاغنية رغم اني بستمتع بسماعا بس مدري شو بيصير معي ما كتير بفهما |
اقتباس:
ياسيدي كل راح يتناقش لان تقريبا معظم اشعار طلال حيدر بدها وقفة بس يعني خلونا نتشارك بالشرح بالنسبة لغيبتك بدها الابيات فصفصة يعني لان خلف كل كلمة تستتر معاني كتير عميقة يلا ياسميعة مين راح يبلش؟؟ |
طيب انا راح احط وجهة نظري بتفسير هالابيات..
القصيدة عم تحاكي حبيبة قديمة بس راسخة بروح الشاعر وعم يحاول يرجع ليحيوا سوا الهوا الي كان بيناتهن وهون بتجي كلمة نزل الشتةبعدة معاني شي كدليل على حياة الشاعر الباردة بعد رحيل حبية عن وشي كتذكير الشاعر لحبية عن مشين تحت المطر وكيف اليوم صار الشتة بينزل بغيابها وبدون ايدها بايدو وشي بتجي هالكمتين بمعنا الاحزان الي نزلت متل الشتة بحياة بغيابها ويمكن يكون للشاعر اهداف مكانية للدلالة على ان الحبيبة بتعيش بمكان بعيد لدرجة ان الطقس عند غير الي عندا قومي طلعي عالبال: بتجي بمعني احياء الها بذاكرت ومحاولت لملمة كل صغيرة وكبيرة منها وبداية خطاب بيدعوا لرجعة الحبيبين سجادة الصلاة وليس سجادة صلاة وهون تعريف لل الصلاة من مبدا التحديد وبالتالي بيجي بمامعناه ان هالحبيبين كان بيتواصلوا بحبهم مع الله كاسمى نوع من انواع الصلاة الي يمكن حدا يصليها للرب .. والعم بيصلوا قلال :للدلالة على ان العالم من بعدها انتهي فيه الي بيحبوا وقل بس رغم قلتهم فقوة صلاتهم وسموها بتماهي عزة الامبراطوريات بااحلي ايام مجدها (متل مصر المرا وبعلبك رجال) عكتر ماطلع العشب بيناتها بيرعي الغزال: للدلالة على فترة القطيعة الطويلة بيناتهم والي من طولها الصحراي نبتت وصارت مروج |
اقتباس:
ماعد فيي احكي...... تحياتي مايسترو |
اقتباس:
يعني انا حاب اعرف ان الناس التانية شو مخمخت مع هالاغاني |
ايام و زكريات ...
حاراة و مأذن و كنائس ... هاد يلي فهمتو انا ولله يمكن فهمي غلط بس هيك حسية اقتباس:
|
اقتباس:
تحياتي الحارة ظل جيفارا |
اقتباس:
يا سيدي هيك صار بدك بوسه من شورابك انت :D ال شو بيقلك محمد عبدو ابو نوره مدري ابو فشكه الطناجر تررررره ، الملاحف ترررررره ، المناشف تررررررره ، الطناجر كلها كلها كلها مشتاقه لك :o |
اقتباس:
شو مشان كنا بغيبتك صرنا بغير شي يعني ياريت المشاركات ماتتطلع برا النص ثم يعني يلعن هالحالة شو اذا ماعجبتكن هالغنية بنبدلها رغم ان لسا في الها تكملة ...بس يالله انا بامركم نقطع هالغنية عالنص ونحول ل امر باسمك .....كمان لمرسيل وصراحة انا لحد هلق في قسم كبير منها مالقيت الو جواب امر باسمك اذ اخلوا الي نفسي كما يمر دمشقي باندلسيامر باسمك هنا اضاء لك الليمون ملح دمي وها هنا وقعت ريح عن الفرس امر باسمك لا جيش يحاصرني ولا بلاد كاني اخر الحرس امر باسمك لاجيش يحاصرني او شاعر يتمشى في هواجسة اه ااااه اه اااه ...(وبيسكت ليكمل البيانو الشي الي ماعاد فيه يحكي) يسلم لك الي شاركوا |
لك اااااخ
يعني عن جد صرنا 1000000000000000000 مرة حاكيين بموضوع الخروج عن الموضوع والاحاديث الجانبية خلص بقا والله مو حلوة منكن يعنوا حطوا حالكن محل صاحب الموضوع مايسترو |
اقتباس:
الليمون برايي قصدو الحب شعل لحبيبتو اللي عم يحكيلا ملح الدم (هون ما فهمت شو قصدو) ورجع وشبه حالو بالريح القوية اللي وقعت عن الفرس من الحب بيرجع انو انا عم مر باسمك من دون هالحروب والجيوش اللي عم تتصارع ومن دون المشاكل اللي عم تصير بيناتنا او اللي صارت عم مر باسمك لحالي كاني اخر حراس هاد الحب واخر حراس السلام عم مر باسمك من دون اي شخصية غير شخصية العاشق اللي بيضل عاشق ما بعرف اذا شرحي مزبوط بس بتمنى تحية للرفيق مايسترو |
اقتباس:
هيك رأيي انا ما بعرف شو رأيكن انتوا تحياتي الحارة ظل جيفارا |
ياسيدي يسلمو لمروركم اتنينكم بس انا شايفها غير هيك
الشاعر عم يتذكر بنت كانت بزمناتها معبودت وهلق ماعادت الصلة بيناتهم اكثر من التاريخ ولحظات كان متواجدين فيها بنفس المكان وبنفس التواريخ (كما يمر دمشقيباندلسي) وبيسرد معا ذكراها كل التضحيات الي عملها مشانها وكيف كان بيحرق لاجلها دم مشان يضوي طريقها (هنا اضاء لك ليمون ملح دم) وبينتهي بتذكر لنهاية عشق العاصف متل مابيسقط مقاتل جسور عن جواد (وهاهنا وقعت ريح عن الفرس) وبيصير يخبرها كيف ان هيه ماعادت هديك المدينة الغالية الي بيقاتل لاجلها الجيوش ويتحمل لوم العالم وبتحدي لاجلها كل الصعاب( امر باسمك لاجيش يحاصرني ولابلاد كاني اخر الحرس) امر باسمك متل اي انسان عادي يمر بشي مابيربط فيه اي رابط او احساس امر باسمك لحالي بدون كل الكلام المنظوم الي كان بعيونك وابتسامتك او اي شي كان موجود او اتخيلت وجود فيكي(او شاعر يتمشي في هواجسه) وبتنتهي بالاف الزفرات علي كلشي...وبيكفي متل الاعرابي المار بواحة بحفر فيها كل ذكريات الي مابتنحفر يمكن انا عندي وجهه نظر تانية وهيه ان الشاعر وبعد كل هالفراق والكره وعدم المبالات لسات بيكمن بقلب الها المحبة بس كبرياء ما عاد بيخلي يتحرك ليلمسها ويظما لصدر ففش خلق بابيات لامبالية بس بلون الغزل اممي:D |
نظرا للمشاركات الكثيفة بالموضوع قررت ان نغلي كل هالعلاك المصدي تبع طلال حيدر ونبلش بالفكر الي يجب الكل يوقف عند ويقعد يالف بيه كتب ..فكر واوا ااااح او بوووس الواوا ...يمكن اذا كان الموضوع لسا شوف الوااووا راح يكون قيم اكثر:jakoush:
|
اقتباس:
|
اقتباس:
اهلين رفيقة بنفسجية ... بس عنجد انا كنت متخيل ان الناس الي بيسمعوا لمرسيل عنا بالاخوية كتار وبعتقد ان كل واحد منن عند راي بالي عم يسمعوا ...ماحدنا منا فيه هلق يقعد مع طلال او مرسيل او اميمة مشان يعرف منهن شو كان قصدن من الكلمات ,كل واحد مننا بحط راي وهوه شو شاف من هالوحة واخر شي بنجمع هالقصاصات ونعمل شرح بسيط لهالابيتات المفعمة بالاحاسيس انا ناطر منك انت كمان تعطينا شو كنت فاهمت من هالاغاني ملاحظة : الغنية الجاية هيه في البال اغنية محمود درويشوكمانمرسيل خليفة |
- محمود درويش-
في البال أُغنيةٌ يا أُخت، عن بلدي، نامي لأكتبها... رأيتُ جسمكِ محمولاً على الزردِ وكان يرشح ألواناً فقلتُ لهم: جسمي هناك فسدُّوا ساحة البلدِ كنَا صغيرين، والأشجار عاليةٌ وكنتِ أجمل من أُمي ومن بلدي... من أين جاؤوا؟ وكرمُ اللوز سيَّجه أهلي وأهلك بالأشواك والكبدِ!... إنّا نفكِّر بالدنيا، على عجلٍ، فلا نرى أحداً، يبكي على أحدٍ. وكان جسمكِ مسبيّاً وكان فمي يلهو بقطرة شهْدٍ فوق وحل يدي!... في البال أُغنيةٌ يا أخت عن بلدي، نامي... لأحفرها وشماً على جسدي. الابيات ذات اللون المختلف لم تغني:D اممي |
اقتباس:
وتاني شي والله كتار يلي بيسمعو مارسيل وغيرو من يلي ذكرتون ومش بالضروري اخوية تكون مقياس وتالت شي قلتلك انا متابعة بشغف لماتقولون لانني اريد ان افهم وعندما افهم ادلو بما عندي وما شاركت الا لاني خفت توقف:oops::deal: |
اقتباس:
اسمعيلي في البال اغنية هالغنية شو بتاثر فيني لما بسمعها بحس ان عم تحكي قصص كتير موجودة بهالوطن |
مارح اخفيك سر
لما شفت الاغنية هون من شي دقائق فاضت عيني بالدموع وكدت ابكي لكن هناك ما منعني من ذرف الدموع ابيات جدا مؤثرة اعتقد انها تحكي معاناة لاتزال قائمة اناس تودع احبابها التي ماتخيلت ان تفقدها بطريقة خروج الوان من جسدها ابيات تعطي دروسا في حب الوطن والتضحية لاجله ذكريات طفولة ينساب عبيرها في عقل من فقد رفيق الطفولة وطني جريح ينزف |
اقتباس:
|
ممكن لينك تحميل الغنيه لحتى نسمعها ونشارك ..؟
|
1 ملف مرفق .
اقتباس:
بتامر رفيق بس انتبهلي علي هالطلعة بنص الغنية وشوفلي ماافظع هالبيت فيها وكان جسمكِ مسبيّاً وكان فمي يلهو بقطرة شهْدٍ فوق وحل يدي!... |
اقتباس:
وكيف انو القدس او فلسطين كلها هي حبيبتو وعمن يتذكر كيف راحت وكيف كان يخطف بوسة من حبيبتو ما بعرف مايسترو |
اقتباس:
ياسيدي بهنيك يعني انا كان عندي شرحي الخاص لالها بس شرحك كمان كتير منطقي :D |
هالغنية بتحكي عن العشاق الي بينتموا لمذاهب واديان مختلفة وكيف هالعادات والتقاليد بتكلبل حبهن وبتقمع لتخلي يبهت ويفقد الوان (رايت جسمك محمولا علي زرد وكان يرشح الوانا) وكيف الاهل بيصير متل حاجز بيمنع الاحبة من اللقاء وبيضع الحواجز بيناتهم متل الي بيحط الشوك بدرب قوافل الخير (جسمي هناك فسدوا حاجز البلد /مين اين جاؤوا وكرم اللوز سيجه اهلي واهلك بالاشواك والكبد)
وكان جسمك مسبيا وكان فمي يلهو بقطرة شهد فوق وحل يدي السبي هون جاي بمعني الحكي الي بيصير الناس بيحكوا عن اي بنت بتحب او بتعشق وبالوقت الي كان العالم عم يثرثر علينا كنت عم برشف من شفافك اولي لحظات السعادة بحياتي المعذبة الشاقة (وحل يدي) |
اقتباس:
تحياتي الحارة لموضوعك الكريم وحقا من اهم ما طرح تحياتي الحارة ظل جيفارا |
اقتباس:
يسلمن يارفيقي وانشاالله بيمشي حال الفحوص تبعك وكل العام وانت بخير |
الموضوع حلو
والي رجعة:D |
اقتباس:
لك اهلا وسهلا فيكي...ابقا طلي ها:D |
اقتباس:
تحياتي الحارة ظل جيفارا |
شو يا رفيق وين باقي الاغاني؟؟؟
مايسترو |
اقتباس:
|
غنية اليوم
بيتي طلال حيدر ومارسيل خليفة بيتي متل ورقة احترق ماعاد عندي اهل شبهتك بهالسهل قرص العسل عمل عمهلوا النحل شبهتك بحالك بالعمر ماشي وراكي يلململ خيالك يلملم خيالك اااه يلملم خيالك وجهك طقس متل الصحو دايخ ومش سكران متل الشتة نازل علي حزيران وجهك طاف النيل غرق مصر في مملكة عم تنسرق مفتوح باب القصر وجهك من هون بيحدوا الشتة ومن هون حد التلج شاعر حمل حالو بهالموت وحدو الوهج شبهتك بكل الدنية من بعدك عليها السلام بس تفرحي بيطير من صدري الحمام بس تزعلي علي مصر باخذلك الشام بيتي متل ورقة احترق ماعاد عندي اهل شبهتك بهالسهل قرص العسل عملو عمهل النحل شبهتك بحالك بالعمر ماشي وراكي يلملم خيالك يلملم خيالك |
1 ملف مرفق .
هي الغنية فيها كتير كتير ترميز وصراحة انا ماقدرت اافهماها كلها ووقفة معي كتير شغلات
بس للملاحظة ان قبل هالغنية في موال بغيبتك ففيكن تفكروا ان الامقطعين مترابطين وتنجموا بعدها :D وهيه الغنية تحت |
| الساعة بإيدك هلق يا سيدي 03:03 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون