|
والله أنا بتمنى يتثبت ويتنظم بكون حلو
|
[quote=ارسلان;978539]
تمنيت لو أننا نقم بعمل لمطالبة بتثبيت الموضوع نظرا لاهميته شو رأيك هبة قواص / المواعيد المواعيد تأتي وتنطفئ الشمس فيها المواعيد تمضي وينفتح الجرح فيها لم أعد أعرف الغصن والريح لم تتذكر الريح لم تتذكر قسماتي هذا غدي سأل العاشق نارا وحن للسفر الطالع في وجهها وسافر فيها هالأغنية من يوم ما سمعتا لهلق ما غابت عن مسمعي يوم واحد اختيارك رائع جدا هبة قواص فنانة عظيمة جدا اما بالنسبة لتحليل الكلمات بأي اغنية كانت فأنا مؤمن بنظرية السورياليين انو نظرتك للعمل الفني هو خلق لعمل فني جديد غير العمل اللي ابتكروا المبدع نفسو لهيك تحليل اي أغنية او قصيدة او حتى لوحة فنية بينعكس على نظرة المتلقي الو وبهالحالة بيبتعد عن اي مدرسة او نظرية تحليلة جامدة بالتحليل الي رجعة تانية بتمنى يرجع الموضوع ينتعش من جديد مشكورين:deal: |
انو ايه مو غلط انو يتثبت بشكل دائم
عالهامش اممي كتير زعلان منك بعرف ظروفك بس ما بتبرر زعلي منك القصيدة بتحمل اكتر من معنى وهي اكيد رائعة بالحالتين كقصيدة و كاغنية مايسترو |
وانا قبلت ريتااا عندما كانت صغيرة وأنا أذكر كيف التصقت بي وغطت ساعدي أحلا ضفيرة وانا أذكر ريتا مثلما يذكر عصور غديره آآآآآآآآآآآآآآآآآآآآآآآآآ آآآآآآآآآآآآآآآآآآآآآآه اه ريتااااا
بيننا مليون عصفور وصورة وموااااااااااااعيد كثيرة أطلقت نار عليها بندقييةةةةةةةةةةةةةةةةةةة بتهيألي انو المهم بالغنية الأثر اللي بتتركو فيك أو المواقف اللي بتذكرك فيهن ابل المواقف اللي خلت الشاعر اللي كتب كلماتها يكتب هالكلمات |
موضوع بيجنن بشرفي
|
اقتباس:
04/05/2008 ل 22/5/2009 بيكفو ما؟ خلص ...حمد لله علي سلامتي وظلك جن... وظلك جن الجوع القهر البعد الحقد رصاص حدود الحرب طيلعن ..طهرني منن واجتاح مطرحن وارتاح مطرحن ... يسلمو لكل الي وقفو معي والي طهروني من الفترة الماضية صعب كتير ان حط اسماهن لانن كتار بس الحياة اعظم بكتير من فترة ...يمكن هيه منها اكثر من غية غريبة بتنعبد وبتظل سر فيه يفسر كل واحد منا علي كيفو بس كيف ماكانت بتظل حلوة وبيظل كل روؤيا مشروع لسعادة وبيظل هالصوت بيغني وهالفكر بيحلم بعالم اجمل الموضوع راح يرجع بس تتحضر الغنية الجاية ... |
و انا ناطرك...:D
|
في أغنية بحبا كتير لمارسيل خليفة ما بعرف كلمات مين بتمنى تساعدوني بتحليل معنى الاغنية "بيتي متل ورقة احترق ما عاد عندي اهل قرص العسل عملوا على مهلوا النحل شبهتك بحالك بالعمر ماشي وراكي يلملم خيالك يلملم خيالك وجك طقس متل الصحو دايخ ومش سكران متل الشتي نازل على حزيران وجك طاف النيل غرق مصر في مملكة عم تنسرق مفتوح باب القصر وجك من هون بحدوا الشتي من هون حدوا التلج شاعر حمل حالوا بهل الموت حدوا الوهج شبهتك كل الدني من بعدك عليها السلام بس بتفرحي بطير من صدري الحمام بس تزعلي ع مصر باخدلك الشام بيتي متل ورقة احترق ما عاد عندي اهل شبهتك بهـ السهل قرص العسل عملوا ع مهلوا النحل شبهتك بحالك بالعمر ماشي وراكي يلملم خيالك يلملم خيالك" ياريت تساعدوني بتفسير هل الاغنية الرائعة |
اقتباس:
|
محمود درويش ...مارسيل خليفة
يطير الحمام يحطّ الحمام - أعدّي لي الأرض كي أستريح فإني أحبّك حتى التعب... صباحك فاكهةٌ للأغاني وهذا المساء ذهب ونحن لنا حين يدخل ظلٌّ إلى ظلّه في الرخام وأشبه نفسي حين أعلّق نفسي على عنقٍ لا تعانق غير الغمام وأنت الهواء الذي يتعرّى أمامي كدمع العنب وأنت بداية عائلة الموج حين تشبّث بالبرّ حين اغترب وإني أحبّك، أنت بداية روحي، وأنت الختام يطير الحمام يحطّ الحمام أنا وحبيبي صوتان في شفةٍ واحده أنا لحبيبي أنا. وحبيبي لنجمته الشارده وندخل في الحلم، لكنّه يتباطأ كي لا نراه وحين ينام حبيبي أصحو لكي أحرس الحلم مما يراه وأطرد عنه الليالي التي عبرت قبل أن نلتقي وأختار أيّامنا بيديّ كما اختار لي وردة المائده فنم يا حبيبي ليصعد صوت البحار إلى ركبتيّ ونم يا حبيبي لأهبط فيك وأنقذ حلمك من شوكةٍ حاسده ونم يا حبيبي عليك ضفائر شعري، عليك السلام يطير الحمام يحطّ الحمام - رأيت على البحر إبريل قلت: نسيت انتباه يديك نسيت التراتيل فوق جروحي فكم مرّةً تستطيعين أن تولدي في منامي وكم مرّةً تستطيعين أن تقتليني لأصرخ: إني أحبّك كي تستريحي? أناديك قبل الكلام أطير بخصرك قبل وصولي إليك فكم مرّةً تستطيعين أن تضعي في مناقير هذا الحمام عناوين روحي وأن تختفي كالمدى في السفوح لأدرك أنّك بابل، مصر، وشام يطير الحمام يحطّ الحمام إلى أين تأخذني يا حبيبي من والديّ ومن شجري، من سريري الصغير ومن ضجري، من مراياي من قمري، من خزانة عمري ومن سهري، من ثيابي ومن خفري? إلى أين تأخذني يا حبيبي إلى أين تشعل في أذنيّ البراري، تحمّلني موجتين وتكسر ضلعين، تشربني ثم توقدني، ثم تتركني في طريق الهواء إليك حرامٌ... حرام يطير الحمام يحطّ الحمام - لأني أحبك، خاصرتي نازفه وأركض من وجعي في ليالٍ يوسّعها الخوف مما أخاف تعالى كثيرًا، وغيبي قليلاً تعالى قليلاً، وغيبي كثيرًا تعالى تعالى ولا تقفي، آه من خطوةٍ واقفه أحبّك إذ أشتهيك. أحبّك إذ أشتهيك وأحضن هذا الشعاع المطوّق بالنحل والوردة الخاطفه أحبك يا لعنة العاطفه أخاف على القلب منك، أخاف على شهوتي أن تصل أحبّك إذ أشتهيك أحبك يا جسدًا يخلق الذكريات ويقتلها قبل أن تكتمل أحبك إذ أشتهيك أطوّع روحي على هيئة القدمين - على هيئة الجنّتين أحكّ جروحي بأطراف صمتك.. والعاصفه أموت، ليجلس فوق يديك الكلام يطير الحمام يحطّ الحمام لأني أحبّك (يجرحني الماء) والطرقات إلى البحر تجرحني والفراشة تجرحني وأذان النهار على ضوء زنديك يجرحني يا حبيبي، أناديك طيلة نومي، أخاف انتباه الكلام أخاف انتباه الكلام إلى نحلة بين فخذيّ تبكي لأني أحبّك يجرحني الظلّ تحت المصابيح، يجرحني طائرٌ في السماء البعيدة، عطر البنفسج يجرحني أوّل البحر يجرحني آخر البحر يجرحني ليتني لا أحبّك يا ليتني لا أحبّ ليشفى الرخام يطير الحمام يحطّ الحمام - أراك، فأنجو من الموت. جسمك مرفأ بعشر زنابق بيضاء، عشر أنامل تمضي السماء إلى أزرقٍ ضاع منها وأمسك هذا البهاء الرخاميّ، أمسك رائحةً للحليب المخبّأ في خوختين على مرمر، ثم أعبد من يمنح البرّ والبحر ملجأ على ضفّة الملح والعسل الأوّلين، سأشرب خرّوب ليلك ثم أنام على حنطةٍ تكسر الحقل، تكسر حتى الشهيق فيصدأ أراك، فأنجو من الموت. جسمك مرفأ فكيف تشرّدني الأرض في الأرض كيف ينام المنام يطير الحمام يحطّ الحمام حبيبي، أخاف سكوت يديك فحكّ دمي كي تنام الفرس حبيبي، تطير إناث الطيور إليك فخذني أنا زوجةً أو نفس حبيبي، سأبقي ليكبر فستق صدري لديك ويجتثّني من خطاك الحرس حبيبي، سأبكي عليك عليك عليك لأنك سطح سمائي وجسمي أرضك في الأرض جسمي مقام يطير الحمام يحطّ الحمام رأيت على الجسر أندلس الحبّ والحاسّة السادسه. على وردة يابسه أعاد لها قلبها وقال: يكلفني الحبّ ما لا أحبّ يكلفني حبّها. ونام القمر على خاتم ينكسر وطار الحمام رأيت على الجسر أندلس الحب والحاسّة السادسه. على دمعةٍ يائسه أعادت له قلبه وقالت: يكلفني الحبّ ما لا أحبّ يكلفني حبّه ونام القمر على خاتم ينكسر وطار الحمام. وحطّ على الجسر والعاشقين الظلام يطير الحمام يطير الحمام الاجزاء الملونة هيه الي اتغنت رغم ان كنت بتمنى لو مرسيل غنى القصيدة كلها :D |
بدا احمد وعبد وسامر هاي :o
|
" ع كتر ماطلع العشب بيناتنا ... بيرعى الغزال " ...
متل البيت المهجور مش حيطان وبس ... ذكريات ... روائح ... خربشة ع الحيطان ... حب ... حزن ... فرح كل شي .... انهجر البيت ... والعشب بلش يطلع ... ت يغطي على الذكريات في البيت .. حتى ما تهرب ومع الوقت هاد العشب بيفقد صورة الربيع ... وبصير كثيف بيخفي الذكريات أكتر و أكتر ... كأنها صارت الو ... وتعلق فيها بيصير كثيف وكتير .... وهالغزال ... الي بخاف من الغابة .. وبحبها بذات الوقت سريع ... والأيام بتمر حتى يضيع كل شي .. :D |
حاجتو صالون ومنرجعو لوضعو الطبيعي :D
|
اقتباس:
روعة عنجد لما بنرجع بنقرا روؤية هالشباب عن هالابيات وكيف عم يتعاملو بتفسير هالكلمات بيحس الواحد بمتعة اكثر فيهن ...لك كان كل واحد منا حامل ضو بايدي عم ينور شطر بهالابيات لتصير احلي واحلي بهنيك :D |
اقتباس:
تنظيم .... هي بدا شوية فضاوة  |
اقتباس:
شكرا على التفسير بس باعتقادي هو بكل حرف قصد الوطن وطنه اللي اجى على شكل حبيبة وفي حدا عم يسرق هل الوطن مشكورين على الموضوع |
اقتباس:
يبدو أنه كان يرثي نفسه دائما يرثي نفسه عندما يرثي الشهداء والقدسين يطير الحمام يحط الحمام يبقى الحمام رمز السلام الذي يحط على الراحلين ويبارك الشهداء والقصيدة على لسان شهيد، يتحدث إلى حبيبته "أنتِ بداية روحي وأنتِ الختام.." ويأتي رد حبيبته بأنهما متوحدان "أنا وحبيبي صوتان في شفة واحدة" ولكنها تعلم أنه "لنجمته الشاردة" أي أنه لن يكون لها فهو ينتمي لمصيره الغير معروف ما بقدر فسر أكتر من هيك كيف أفسر ما لا يفسر |
اقتباس:
مابدا لا تثبيت ولا تنظيم ... بدنا نظرتك الثاقبة باعتبارك من اكثر السميعة بهالمنتدي :D اقتباس:
عفكرة القصيدة كتير معقدة ولساتي عم فكر فيها ان فيك تمسكها علي ان عم يخاطب الارض او الوطن وفيك تحطها علي ان غزلية بمعبودتو بس جاري المعالجة :D |
| الساعة بإيدك هلق يا سيدي 02:54 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون