|
السلام عليكم
انا عضو جديد في هذا المنتدى الكبير واحب ان اشارك معكم
حاليا اريد فقط ان اطرح بعض التساؤلات اولا : لماذا يقوم العلمانيون و هم الذين ينادون بحرية التفكير باعتبار ان الشعب الكويتي على خطأ عندما انتخب الاسلاميين فقط لان الاسلاميين يختلفون في الراي مع العلمانيين لماذا لايكون ما يقوم به الاسلاميون من فصل في الجامعات و فرض للحجاب هو تعبير بالضبط عما يريده الشعب الكويتي الذي انتخب هؤلاء النواب بالاصل |
أولا وقبل كل شي لازم تعرف شو يعني فرض الحجاب
|
حبيب والله إذا إنتخبنا العلمانيين بقولو هادا رأي الشعب وهي ديموقراطية
وإذا ما إنتخبناهون بقولو هادا الشعب جاهل ومتخلف وشو بدك تقول لتقول بس وينك سؤالك ضرب بالصميم....الله محيي أصلك |
وعليكم السلام
ممكن شخص ينتخب انسان ما عم يجبره غصبا عنه يعمل شي او يلبس بطريقة معينة ؟ الديمقراطية فيها الحلو والمر وما دائما بتكون الخيار الصح اذا عم نحكي على الكويت ما بعتقد في شخص علماني ضغط على الشعب بطريقة أو بأخرى لمنع التصويت لصالح شخص أو حزب اسلامي مع انه العكس صار بدعوة العالم لمنع التصويت للنساء في الانتخابات وصار وقت اعترض مجموعة من المنتخبين الاسلاميين الفائزين بالاقتراع على تواجد المنتخبات الفائزات السافرات يعني اللي ما بتحط الحجاب .. مع أنه الشعب مقرر انه بده هي المخلوقة تمثله .. بس كلشي لحال . هون بتجي الازدواجية على أصولها .. بالنهاية من حق العلماني يفكر انه انتخاب الشخصية الدينية شيء خاطب وغير صحيح ومن حق الشخصيات الدينية تفكر بنفس المنحى بس اتخاذ خطوات لتطبيق الفكرة وفرضها على العالم .. هي اللي بتستاهل وقفة قدامها . |
اقتباس:
مع إحترامي الكبييييييييييييييييييييي يييير لرأيك ولشخصك كمان لأنك من أظرف الشباب الي قابلتهن بحياتي ( مع إني ما قابلتك !! ) بس فيك تقلي ليش كمان صوت الشعب الفلسطيني لحماس؟؟؟؟؟؟؟؟؟؟ أو الأتراك لحزب العدالة والتنمية؟؟؟؟؟؟؟ يا حبيبي الأسلام سوف يعووووووووووووووووود ولا تخاف أنا مخبيلك محل ظريف كتير لما يرجع الإسلام بس دعيلنا |
يعود وين المشكلة يعود ما حكينا شي
قلتلك ما دائما الديمقراطية بتضمن الصوت الصح يعلوا فوق البقية - وجهة نظري الشخصية .. وطبعا تحديد الصوت الصح بترجع لوجهة نظر شخصية - . بس تكون مبادئ الديمقراطية متواجدة بوضوح وما يتم ممارسة أي ضغط واستغلال أيا منصب ديني للتلاعب بمشاعر وافكار الناخبين بكون كلشي على خير .. حتى فوز احزاب اسلامية بكون ثمرة للديمقراطية وبتبقى جملة ( كلشي على خير ) فعالة بهي الحالة . بيني وبينك انا عم راهن على وعي العالم .. تماما متل ما صار بالكويت .. بينتخبوا رجال اسلاميين وبعدها بفكروا وين مصلحتن الحقيقية ومين الشخص اللي بعبر عنن بصفة أفضل اذا وجدوها عند الاسلاميين وأصحاب النظريات الدينيا فمبروك علين مسبقا .. بس الفكرة انه اذا ما شافو بالشخص المرشح حاله بصفة دينية الشخص المنشود .. يا ترى رح يتقبل الحزب الاسلامي الخسارة بروح رياضية ؟ القصة قصة وعي مو أكتر .. بس ما كان في ديمقراطية فالأيام كفيلة لتنشأة الوعي وتطويره ويا هلا فيك :D |
اقتباس:
مشان هيك أنا برأيي لازم المحششين والحرامية والقتلة والمجرمين ما يقدرو يصوتو مو؟؟؟ عم إحكي عن جد |
مو مو :lol:
لسببين : الأول في حال كان الشخص محشش أو حرامي هاد ما بيعني انه هلزلمة مانه قادر يميز الصح من الغلط وما من حقه المشاركة بإختيار الأنسب لبلده والتعبير عن رأيه ورغبته . وممكن يصير اتهامات للمنتخبين انه وقت كان بالثانوية عمله فتلة مع الشباب :larg: وتنضرب كل الطبخة معه بسبب شي عمله وهوي مراهق . التاني : انه لو فعلا نسبة المحششين والحرمية والقتلة والمجرمين كبيرة بالمجتمع وقادرة تغير من مجرى الانتخابات .. فهلمجتمع ما بعتقد بتلبقله الديمقراطية من اساسها :lol: |
اقتباس:
بس ما بيختار الصح لأنه لو كان بيختار الصح ما كان حشش! وبعدين بكتير دول متل أمريكا المخدرات منتشرة بكثرة وهالممتعاطين عم يصوتو وأكيد عم يصوتو للي رح يرخيلون حبل |
اقتباس:
ما بضمنلك انه من حقك وحقي نشارك برأينا في حال تم اعتبار هاد المقياس :lol: |
اقتباس:
أكيد في فرق بين الأخطاء الشخصية والتي لا تضر بعقليته بشكل عام وبين أصحاب السوابق المتكررة أكيد أنا بإحترم رأيك بس هادا رأيي الديموقراطية ظالمة إذ تسمح لبعض السفهاء بالتصويت |
اقتباس:
اقتباس:
انت فيك تؤمن اللي يعجبك ... يعني فيك تؤمن انو لازم يصير فصل جنسين هذا حقك الشخصي لكن ما تقدر تجبر الناس على ايمانك يعني هناك كليات خاصة بالبنات ... البنت اللي تريد على الكلية الخاصة بالينات شي يخصها .. بس ما فيك تمنع البنت من أن تدرس بجامعة مختلطة او فيك تؤمن انو البنت تتحجب ... بس بالنهاية انت رجل ... و مو شغلتك حجاب البنات هي سياسة الحخلال و الحرام و الفتاوي ما مكمن تمشي بلد و خصوصا مثل امارة الكويت ... على العموم لا اعرف برامج الليبراليين او الاسلاميين ... بس معروفة انو كلام الامير هو اللي يمشي و هم اساسا اعضاء البرلمان جماعات الامراء ! |
اقتباس:
روح ..القلب داعيلكن ...يا ريت رجعتكون تطول كتيير .. و يا ريت كمان اذا بتاخدو العسكر معكون و بتريحونا .. و احلى وائل |
اقتباس:
البرلمان عم ينتخبو الشعب فشلون صار تابع للأمراء؟؟؟ وكم مرة هدول الأمراء صارو فاضين هالمجلس وعايدين الإنتخابات؟؟؟ بس بأنه البنت حرة بإختيار الي بدها ياه هي معك حق |
وللعلم سياسة الواجب والمستحب وحلال والمكروه والحرام كانت ممشية أعظم الدول الإسلامية فليش لما تزبط هلأ؟؟؟
|
اقتباس:
انا مطلع على الوضع داخل امارة الكويت و باعتبارو هو كويتي يعرف ! ثاني شي ... تعرف المشاكل اللي بين الاسرة الحاكمة و ازمة الحكم و شلون بيت العبدالله الصباح راحت عليهم لصالح بيت الاحمد الصباح واضح جدا ان البرلمانيين مدعومين من اقطاب داخل الاسرة الحاكمة المتنافسة اقتباس:
و بالاخير كلام الامير اللي يمشي على كلام مجلس الامة ... و هذا ان دل على شيئ يدل على تفرده بالرأي و على جو ديمقراطي رائع ... اقتباس:
اي ممشية ... شلون يعني ممشية :? ببغداد وقت الاحتلال العثماني ما كان في مستشفى و المدارس كلها اهلية و بسيطة و ما كان اكثر الناس متعلمين ... و الوضع الصحي تعبان و الاقطاع المستشري ... و ورثة الاقطاعي يرثون الارض و الفلاحين اللي يشتغلوا فيها ... بس على شرط يدفعوا (المقسوم) للوالي التركي بقا اذا حضرتك تعتبر هذا الوضع التعبان .. وضع ماشي ... شي يخصك لا تقلي اخطاء ناس ... لانو هذا منهج الدولة العثمانية التي كانت تقول كل قوانينها اسلامية |
اقتباس:
الحكم الاسلامي اللي بيدخل بجزئيات حياة الفرد غير قابل للتطبيق اليوم وسوريا ما قبلتو بأي مرحلة من تاريخها الحديث حتى الأمير فيصل وأخوه ما حسنو يكونو امارة سورية وآخر دليل على هاد الأمر ما جرى برفض مشروع القانون الخاص بالأحوال الشخصية المتأسلم مأخرا وأكيد الرفض ما كان من الأقليات المسيحية والدرزية فقط؟ |
اقتباس:
حبيب إنت ليش أخدت أسوأ الأوقات؟؟؟ في عصر الدول المتتابعة كانت دمشق أجمل مدينة على مستوى العالم وكان السكان يطبقون الشريعة الإسلامية وأحكامها وبخصوص هالشي بإنصحك تقرأ كتاب إبن بطوطة وتشوف شو حكى عن أجمل المدن الإسلامية أما الدولة العثمانية فبآخر فترة ماعادو إهتمو إلا بنشر اللغة التركية على حساب اللغة الغربية ودين بالإسم هادا عدا عن إنتشار الظلم وهو أهم سبب لضعف الدول الإسلامية |
| الساعة بإيدك هلق يا سيدي 13:53 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون