|
الحجاب جريمة والي بيحكي يا ويلو ...اي وين حق التعبير والحرية ؟!
تركيا: 25 ألف طالبة منعن من دخول الجامعات بسبب الحجاب
تفيد معطيات رسمية أن السلطات التركية منعت أكثر من 25 ألف طالبة من دخول الجامعات والكليات بسبب ارتدائهن الحجاب ورفضهن خلعه، وذلك خلال العامين الماضيين، وفق إحصائية نشرتها منظمات حقوق الإنسان في تركيا. |
تتمة
ونقلت صحيفة "واشنطن بوست" الأمريكية في عددها الصادر الأحد عن هذه المنظمات الحقوقية أن المئات من موظفي الحكومة الإسلاميين فُصلوا من أعمالهم، وأن الحكومة التركية بادرت إلى إغلاق عدد من المدارس الإسلامية .
|
وكانت الطالبة نورة بيزرجان قد فُصلت من الجامعة قبل أسبوع فقط من موعد الامتحانات النهائية، وحُكم عليها بالسجن لمدة 6 أشهر بسبب رفضها خلع الحجاب. وقالت نورة: "لا أستطيع أن أُكمل مشواري التعليمي؛ لأني أرتدي الحجاب".
|
وتحظر الحكومة على النساء اللواتي يعملن في سلك التدريس أو الوظائف الحكومية الأخرى أيضا لبس الحجاب، كما مُنعت النساء من التقاط صور بالحجاب في معاملات رخص القيادة، أو جواز السفر، أو التسجيل في الجامعة. الله يطعمنا هيك حق بالتعبير والحرية !!!
|
عالم تجهل معاني الحريه .
فهل الحريه والديموقراطيه ان افرض نظامي ومبادئي على غيري . وكمان بالقوه ووسائل الاكراه المعنويه والماديه . |
الجامعات التركية ترفض متفوقة بسبب الحجاب
رفضت إدارة قيد وقبول أوراق التقديم للجامعات التركية قبول أوراق طالبة تركية حصلت على المرتبة الخامسة على مستوى تركيا بين الطلاب الناجحين في امتحان القبول بالجامعات التركية لهذا العام 2003 بسبب ارتدائها الحجاب، وذلك بحسب جريدة "وقت" التركية |
وقالت الجريدة التركية إن الطالبة "عائشة أرجون" التي نجحت في امتحان القبول من خلال نظام التعليم المفتوح لثانويات الأئمة والخطباء بمحافظة قونيا التركية، والتي كانت قد فصلت من قبل أيضا من "ثانوية الأئمة والخطباء المركزية" بمحافظة قونيا لنفس السبب، حصلت على 288 درجة من مجمل 300 درجة.
|
حبس طالبات بسبب الحجاب في تركيا
أصدرت محكمة أمن الدولة بمحافظة ملاطيا جنوب تركيا قرارًا بحبس ثلاث طالبات محجبات لقيامهن بـ "التظاهر غير القانوني" للدفاع عن حقهن في ارتداء الحجاب.
|
محكمة أمن الدولة بملاطيا قررت حبس الطالبات الشقيقات "زهرة نور الحق ساعتجي أوغلو" (19 عاما) لمدة عامين وستة أشهر، و"نورجهان" (17 عاما) لمدة عام واحد وثمانية أشهر، !!!
|
الله يسترها معنا
يالطيف |
صورة الطالبة المتفوقة الي رفضت بالجامعة بسبب حجابها !
1 ملف مرفق .
:gem: :gem: :gem:
|
المزيد من القمع ...عفوا الحرية !!!
1 ملف مرفق .
:jakoush: :jakoush: :jakoush: :jakoush: :jakoush:
حرية |
الدولة التركية دولة علمانية.. قامت الدولة بقيادة كمال اتاتورك .. حيث انهى نفوذ الدولة العثمانية.. و بدأ عهد جديد... الدولة الها دستور و قوانين .. .
كل الاخبار يلي حاطتيتها غالبا صحيحة.. و معظمها مدبرة من قبل جماعات شغلتها الشوشرة و الاستفزاز ... ممكن كتار ضحية متل البنت المتفوقة... الدولة التركية مو غبية.. و اي قرار او حركة بتعتبر فيه بكون الو اسبابو... لا تفكري انو الوضع بتركيا متل سوربا و باقي الدول الاسلامية .. انا بالبداية كتير تحسست من الموضوع و لهلأ بزعل على ناس مالها ذنب .. بس هيك افضل صدقيني .. كلام الجرايد مو دايما بتصدق .. لأنهن دايما بكبرو الامور ... انا عايشة بهالبلد و بعرف منيح الوضع فيها... و بشكل حيادي و علما اني مع حرية الاعتقاد و المذهب عم قلك هيك افضل ... بعدين مسألة الحجاب مو شغلة جديدة من وقت قامت الدولة التركية هالقضية موجودة.. |
اقتباس:
على طول متميزة :سوريا: :سوريا: |
شيكران :oops: شيكران
|
ما بعرف مجود بس ما شرحتيلنا ليش هيك افضل ؟؟؟
هلأ بشكل شخصي انا ضد اني كون علبة بسكويت على قولة حكيمنا الدكتور حسام عبود البسكويت بس ينطبخ بيتعلب بعلب عليها ماركة انا برفض انو يكون الانسان علبة بسكويت عليه ماركة مسيحي او مسلم او او الخ و يللي برفضو تماما هوي انو طج هيك ماركة ع البني ادم يعني برفض انو في حال كان في بسكويتة مسيحية روح طج صليب عليها و كأنها ماركة مسجلة و اللوغو محفوط عند جمعيات حقوق النشر او ازا كنت بسكويتة مسلمة مؤنثة روح البس حجاب ... و هيك هلأ بنفس الوقت يللي حابب يكون علبة بسكويت ما بقدر امنعو و ما بحب انو حدا يمنعو .. و يللي عم يصير بتركيا امر لا يمكن ان اقبلو |
حبيبتي مجود كلامك كلو ع عيني وراسي ...
انا قصدت من موضوعي ورجي البعض نقطة معينة... هيك دول متل تركيا وغيرها بتدعي حقوق التعبير والحرية يعني متلا سب الرسول في الدنمارك حرية ... ارتداء الحجاب تعدي عالحرية !!! انا ما حطيت الموضوع لسبب منع الحجاب ... بتوقع انو موضوع الحجاب موضوع قديم ومعروف... لكن حبيت حط هالموضوع لنشوف مفهوم الحرية عند الغرب... او بعض دول الغرب... التعدي عالرسول هو التعدي عالحرية لانو بهالشكل هنه عم يتعدو عغيرهن... لكن هل الحجاب يؤذيهن ؟؟؟ ما بعتقد طيب اذا كانت الدوله دولة علمانية ...ليش بتمنع الحجاب والصليب لا ؟؟؟ بتوقع انو وضحت المعايير المزدوجة ضد الاسلام ... تحياتي الك مجود |
اقتباس:
الدين لله ...يعني كل واحد حر بمعتقدو ...المهم اننا نكون اخوة بالانسانية لانو محمد صلى اله عليه وسلم كان يشارك بجنازات وافراح اليهود...وكان البعض يستغرب ويقلو :هدول يهود يقللهن الرسول : اليسو بشرا مثلنا ؟؟!!! ................ لكن كريمبو انا كمسلمة ما بتوقع انو الحجاب عبارة عن ماركة تكتب على الفتاة المسلمة الحجاب عنا واجب ...وهو فخر لالنا ... بعض علماء الاسلام قالو للبنات الي بالغرب قاعدة سهلة علمنا ياها الرسول "الضرورات تبيح المحظورات" لكن بدول اخرى يسمح بها الحجاب فهيك بيكون الحجاب فخر لكل مسلمة مو مجرد ماركة بتبين انتمائها الديني... يمكن انت كمسيحي بتتوقع انو الحجاب ماركة وبس لكن بالنسبة لالنا الحجاب شئ سامي كتير والو معاني كتير... وسبق وقل موضوعي توضيح لمفهوم المعايير المزدوجة ضد المسلمين .. تحياتي |
| الساعة بإيدك هلق يا سيدي 01:27 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون