|
الدردري: قسائم المازوت فاشلة
أكد السيد عبد الله الدردري نائب رئيس مجلس الوزراء للشؤون الاقتصادية أن الحكومة ستقوم بدراسة تفصيلية عن أفضل خيار لسورية متعلق بأسعار المشتقات النفطية وإدارتها ومن منظور إعادة توزيع الدعم، وأضاف قائلاً إن قسائم المازوت التي وزعت على الأسر السورية أثبتت فشلها ونحن تخلينا عنها ولن يكون العام المقبل هناك قسائم مازوت.
ولا بد أن يكون البديل جاهز.. ولدينا وقت حتى 30/4/2009، وخلال الأسابيع المقبلة أنا ملتزم بتقديم تصور كامل لهذا الموضوع، وأطمئن بأن ما سنراه سيكون إيجابياً جداً صالح للمواطن والموازنة العامة للدولة. جاء ذلك خلال المنتدى المالي والمصرفي السوري التركي الذي أقيم على هامش فعاليات مؤتمر تحديات الشفافية والإفصاح في القطاع المصرفي وقال: بصراحة لا أرى الآن أنه على الحكومة اتخاذ قرارات جذرية تتعلق بالسياسة المالية ولكن هذا لا يعني أن تكون هذه السياسة بعيدة عن المراقبة اليومية . وأوضح السيد عبد الله الدردري أنه من خلال المتابعة لواقع السياسات النقدية والمالية في سورية ولأسباب التضخم فقد تبين أن أخطر مصدر للتضخم هو التوقع بأن الأسعار سترتفع الآن.. ومع توقعات انخفاض الأسعار يصبح هناك مضاربة بتوقعات انخفاض الأسعار هبوطاً وهذا ليس أمراً صحياً لأنه يؤدي في النهاية إلى ركود نتيجة تراجع الطلب العام. وأشار أن الناس العاديين يشعرون بالتضخم لأن التضخم أساساً في السلة الغذائية التي تشكل 42% من استهلاك الأسر السورية والتضخم أعلى من ذلك بكثير حيث نجد التضخم الوسطي في السلة الغذائية تجاوز الـ 35%، وباعتبار أن نسبة التضخم التي تمثل 42% هي إجمالي السلة السورية فالشعور بالتضخم هو أكبر من التضخم الحقيقي. وأضاف السيد الدردري: إننا نعيش تضخم عالمي اليوم وأن انعكاساته بدأت تظهر علينا وبدأنا نعيش آثاره، وتطرق إلى موضوع المنافسة التي لو وجدت لدينا لكان تأثرنا أكبر وأوسع بانخفاض الأسعار العالمية وأن الأسواق التي مازالت بعيدة عن المنافسة والاحتكار فإنها لن تتأثر بانخفاض وارتفاع الأسعار العالمية، لذلك دورنا هو تعزيز وتعميق المنافسة وزيادة عدد الفعاليات الاقتصادية والتنافسية في السوق وتحرير السوق السورية من الاحتكارات ومن نقاط الاختناقات وهذا يؤدي بدوره إلى انخفاض الأسعار بشكل قوي وعلى المدى المتوسط والبعيد. وحول توقعاته عن التضخم في العام القادم 2009 أجاب: إذا استمر متوسط التضخم العالمي بالانخفاض عاجلاً أم آجلاً فإن الأسعار في سورية ستبدأ بالانخفاض لأن المستودعات لدى التجار مليئة بالبضائع وأصحابها مترددون بالبيع لكنهم بحاجة إلى سيولة، وهذا سيدفعهم لطرح بضائعهم في السوق وبالتالي مهما تأجل ذلك سيتم التأثر بانخفاض الأسعار العالمية ولن يتأجل طويلاً.. كلنا شركاء |
اسم الله عليه عرفان المشكلة ووين وجع المواطن
بس نحنا بدنا الحل يستر على عرضكم الناس تعبت والمواطن كل مالو لورا لك........... أحسن الشي التزم الصمت |
اقتباس:
|
المو اطن صار متل فار التجارب ..........وخازوق من هون والتاني لاحقو ........
|
اقتباس:
انو صار 0000 شو رايك انو خلق فار تجارب |
اقتباس:
كل منجزات الدردري بالاقتصاد السوري .... فاشلة .. و بجدارة |
[quote=MadMax;1185009]
كل منجزات الدردري بالاقتصاد السوري .... فاشلة .. و بجدارة [/quote ] ابو سمرا منيح انو مو مكتر منجزات:lol: |
اقتباس:
كل هالمنجزات العظيمة يللي عم نشوفها ... متل رفع سعر الاسمنت ... متل رفع سعر المازوت و الكهربا و يللي رح نشوفها ... متل ضريبة القيمة المضافة ... بتحمل توقيع الدردري |
كل هالتواقيع 0000 كان مشهور الاخ نازل تواقيع ومشاريع
بس متل مو مكتوب في دراسه تفصيليه لسيادتو دخلك بتعرف كم بدها توقيع |
كتر خير هالقسائم عشنا كم يوم خواجات نشتري من هون ونبيع من هون يعني صارت متل شغلة التجاره
وماراحت هاشغلة غير للاهل ضربو ايدن طلعو بلا مازوت وعاودنا للحطب يا عمي |
بسيطة بكرا بيطلع الدردري فاسد وبينتحر متل غيرو وبيجيبوا شي واجهة جديدة يشتغل ممسحة لاخطاء اللي فوق وبيتحمل كل اخطاء وجرائم النظام
|
انو لتر البنزين بامريكا كان بما يعادل عالسوري 55 ليرة صار اللتر ب18 ليرة ! وبالسعودية 4 مايعادل 4 ليرات بعد ماكان 10 ليرات !! وبالاردن30 ليرة بعد ماكان 65 ليرة !! وبسوريا 40 ليرة ثاتبة ماعاد نزلت مع العلم ان برميل النفط فقد أكثر من ثلثي القيمة ووصل 37 دولار بعد ماكان 147 دولار قبل كم شهر..؟؟ شي بيجنن ياجماعة مثال آخر .. كنا في أحد المولات المختصة ببيع الالبسة في السعودية نتبضع شفنا لائحة بالخط العريض مكتوب عليها افضل المنتجات السورية .. شفنا مانطو جنز نسائي عليه السعر لزقة بالليرة السورية 650 ليرة سوري مايعادل 50 ريال سعودي ... نتفاجأ أن سعره بالمول 23 ريال سعودي مايعادل 300 ليرة !!!! ياجماعة أنا قارنت أسعار المنتجات السورية داخل سوريا وخارجها ووجدت أن سعر المنتج السوري بالخارج أرخص بما يعادل النصف من قيمته داخل سوريا .. هزلت والله .. تقول شعبنا مليارديرية ليصرفوا عليه هيك اسعار ! |
كلما بسمع كلمة قصائد المازوت
بتذكر الكلب _ عدم المؤاخذة على التشبيه ها !! _ اللي كان عند جارنا :lol: كان كلما يعوي شوي نشلفله عضمة .. يسكت يرجع يعوي .. نرجع نشلفله عضمة جديدة قولتكم بدن يشلفولنا عضمة السنة الجاية :pos: |
اقتباس:
|
يا شباب طولوا بالكن
الزلمي غلط و اعترف يعني أحسن من غيروا بكتير بلكي بعد هالتجارب الفاشلة منتعلم النجاح |
اقتباس:
بس غير الغلط يللي قصدناه نحنا هو الغلط يللي شافو أنو بعض الناس باعو قسايم المازوت و استفادوا بكم ليرة نحنا شايفين الغلط هو رفع سعر المازوت .. بحجج واهية ..ما بتفوت بعقل طفل صغير و الغلط الأكبر ... هو استمرارون بالغلط الاول .. بالرغم من كل شي صار |
فاشلة ولا ماعبت الجيوب تمام؟
بالعكس نحنا كشعب لقيناها ناجحة كتير فرق كبير بين 9 ليرات و25 ليرة وخاصة بها البردات |
اقتباس:
أما الحقيقة بتقول أنو ارتفاع سعر المازوت ... رفع معو كل مستلزمات الحياة في ناس بتقول أنو كان مفروض يزيدوا الرواتب .. بنفس نسبة زيادة المحروقات بس حتى هيك حل .. مع استحالتو .. ما رح يحل المشكلة .. لأنو عنا نسبة بطالة رهيبة بسوريا .. يعني مو كل الناس رح تستفيد من هيك زيادة .. لهيك أنا بشوف ما في حل .. غير تخفيض سعر المازوت بشكل بيتناسب مع الواقع الاقتصادي للشعب السوري |
| الساعة بإيدك هلق يا سيدي 15:59 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون