|
الحماية الفكرية / انترنتياً /
ببساطة .. في كتير كتاب / شعر - قصة - مقالات ...الخ / يعني الكتابة الأدبية بكل أنواعها.. عالإنترنت .. عسبيل المثال المدونات المنتشرة بالفترة الأخيرة بقوة.
هلئ هون خطر ببالي شغلة ... شو وضع الحماية الفكرية لتعب هالأشخاص... ؟ شخص ممكن بساعة ممكن بشهر كامل او اكتر عميتعب لحتى يطلع بهالمقال الصغير.. ممكن بأي لحظة يجي شخص ما ... ياخد هالكتابة .. وينسبها الو .. او بجزء أكبر من الندالة .. فيه ينسخها .. يطبعها .. ويعملها حماية ملكية فكرية ... دون أي ملاحقة قانونية .. كونها بالاصل ما كانت محمية .. طيب بفرض صار هيك مشروع .. للحماية الفكرية لكتّاب الانترنت .. هل مكتوب الو الاستمرارية؟ النجاح؟ قابل للمنافسة .. ولا للمحاربة ؟ عطونا رأيكن :) |
هلأ اانا برأيي اللي عم يكتب مدونات ع الانترنت .. وحتى ما يصير متل ما انت قلت انو يجي واحد وبكل بساطة ينسبها الو .. انو كل واحد عندو مدونة وخلينا نقول كبيرة الى حد ما انو يطبعها ويعملها حماية ملكية فكرية ...
|
هي صعبة ..القرصنة و ضياع حقوق الملكية الفكرية
بس ما أظن انو توجد الية فعّالة لضبط هالشي...كون دور النشر هي الانترنت ذات الاطر و الافاق المفتوحة... |
هلأ في خيارات بتنعمل بتمنع موضوع الكوبي والبيست بالمواقع يعني بتصير الكليك عاليمين غير مسموحة بس ما عندي معلومات عن مدى توفرها بالمدونات....
بس موضوع النسخ انو هي شغلة بترجع لرأي الشخص نفسو ومدى قناعتوا, مثلاً أنا واحد من الناس إذا بدي إشتري كتب لكلشي عم اتعلموا فبشهر ببيع تيابي لهيك بدور بالإنترنت لحتى لاقيهن ولو انو هالشي بنظري شغلة مو منيحة بس ماعندي بديل تاني لأنو مادياتي ما بتسمحلي... موضوع الحماية الفكرية بالإنترنت ممكنة لحد ما بس ما بتقدر تضبطها لأنو ضايعة الطاسة لأنو خيو أنا هلأ اشتريت كتاب صيغة pdf ورفيقي طلبو مني عطيتوا ياه كأنك عم تعير كتاب وانتقل من واحد لواحد هالكتاب ومستحيل تعرف المصدر مين, حالة الكتب الكتب فضبطها سهل والتعامل معها أسهل :D |
اقتباس:
|
اقتباس:
|
اقتباس:
مثلا مارح اروح الشهر العقاري مشان اثبت حقوقي بردي عليك هون :o اما اذا قصيدة او مقال او قصة قصيرة او طويلة او اي شيئ ادبي ،فبيكون من المجدي توثيقهم لدى جهة حكومية لاثبات حقك ، لو الشيئ ما الو قيمة مابعتقد في حدا رح يسعى لسرقتو :o . على كل حال هاد حل مفيد لاثبات حقوق الملكية الفكرية لاي شيئ الك وبعدين حطو باي مكان عالنت او بكتاب او بجريدة او مجلة او حتى اتركو حبيس ادراج مكتبك (بس تكون مطمن انو مافي حدا قادر على نسبو اليه ) |
اقتباس:
لأنو عالإنترنت متل ما أسلفت ضايعة الطاسة يعني كل مين إيدو إلو وبتصفى الشغلة تابعة للشخص إلي عم يسرق قصدي عم يعمل كوبي بيست |
اقتباس:
هلاء قبل ماتنشر القصيدة او القصة او المقال بيكون من الافضل اذا سبق واتعرضت للسرقة الفكرية انو تروح تثبت حقك فيها اولا وقبل النشر (هاد رأيي) هاد حل جزئي للمشكلة (للجماعة اللي سبق واتعرضو للسرقة مرة ) مافي داعي يتعرضو مرات تانية :pos: |
اقتباس:
لهيك ازا حاس انو المنشور رح يكونلو قيمة وثقو متلا هون بأخوية كتير في شغلات لناس موهوبين بجوز مو حاسيين بقيمتها انها لازم تتوثق |
بصراحة موضوع خطير جداً .. ووصلنا لمرحلة صار بدها حماية فكرية للمقالات والمواد الأدبية عالنت ...
يمكن في شوية حماية من ورا تاريخ النشر .. يعني مثلا انتا نزلت مقالة هون بأخوية .. بتاريخ معين ... وهيي صنعك مش نسخ .. أيا حدا بيحاول ينسخها .. وينشرها .. بيكون في تاريخ إثبات انو انا نشرتها قبلو .. أي هيي مسجلة بأسمك .. .. :D |
لهلا ما انطرح اي حل الكل عميعرِّف الموضوع
انا برأيي المتواضع انو المفروض يكون لكل كاتب او شاعر او.. او.... يكون عندو مكتبة او بالاصح خزنة الكترونية تقريبا متل الايميل يتم طلبا عن طريق جهة حكومية مختصة بهالشي والمواضيع الي كاتبها هالشخص او حتى لو كان مصمم برامج او مواقع كمان نفس الشي بيتم مراقبتها من خلال برنامج او اي وسيلة أَُخرى بالبحث عنها عن طريق محرك بحث مصمم لهالغرض وانا على ثقة انو مارح يصير اي شي من الي قلتو يعني بالمشمش :o لانو لليوم يعتبر الانترنت وسيلة ترفية وخصوصا بالعالم العربي طبعا للاسف الشديد وشكرا:D |
قبل ما نسأل على موضوع المدونات خلينا نسأل على الكتب والاغاني اللي عما تنسرق
يعني بالعقل والمنطق اكبر مدون بالعالم مع احترامي اله ما بعتقد بده يكون باذل جهد يعادل 10% من اللي بيبذله كاتب قبل ما ينشر ديوانه او كتابه ، مع الملاحظة انه التدوين ما وصل لمرحلة " مهنة " يعني ما عبينتظر المدون مردود مادي من مدونته بالوقت اللي في كتير نماذج من الكتاب بتعتمد على عائدات الكتب كمصدر رئيسي بالعيش .. فايا واحد بيستاهل اننا نوقف معه ؟! اقتباس:
.. بس فكرة المراقبة هي لسع ما وصلت لعنا وما رح تصل لسببين اساسيين اللي هنن : 1 - القرصنة ما عبتكون بشكل موجه او بشكل نظامي ... يعني واحد عنده سكنر بالبيت بتلاقيه اشتغل قرصان كتب علحارك ... هاد ايا الله بده يلقطه 2 - لهلق " بسوريا " مافي قانون تجريم على الانترنت مع الملاحظة انه بسعودية " لسخافة القدر اللي بيعتبرا كل العالم متخلفة " عندا قانون بجرم كل انسان بيستخدم الانترنت بشكل غير مصرح فيه من انتهاك حقوق ملكية او حتى من تهكير مواقع وحجبا . |
أصبحَ النت سوق سوداء للأدباء الجُدد يَنسخون وَيلصقون في كُتبهم دونَ مُحاسبة أو تدقيق القصائد وَ القصص , حتى الأفكار لا تخلو من مخالبهم الرقابة أصبحت أمر واقع يجب العمل به على صعيد المُنتديات أولاً يا أحمد ,. |
اقتباس:
|
اقتباس:
وانا ماكان قصدي الي انت فهمتو انا قلت شي متل الايميل مو موقع طبعا اذا سمعان بالفرق بيناتن خلينا ناخد مثال تاني مثلا البنك كل شخص الو حساب وبيحط بهالحساب مصاري بتعتبر رصيد الو بهالحساب ونفس الشي للكتاب او المبرمجين او المصممين بيقدرو يحفظو ابداعاتن بهالبنك طبعا قبل ماينشروها على مواقع الانترنت وبهيك وقت ما اي شخص ينسب هالابداع الو بيقدر (المبدع) يمنعو ويثبت ملكيتو لهالابداع ونقطة تانية انو يكون من ومهمات هالمشروع اذا ممكن نسمي بنك انو يتابع هالشي الموجود عندو يعني الابداعات عن طريق البحث عنها او عن بأي طريقة تانية وبالنسبة لفكرة المراقبة الموضوع ماعميحكي عن المطبوعات عميحكي عن اقتباس:
انشاءالله ماكون فهمان الموضوع غلط لانو لو قصدو صاحب الموضوع عن المطبوعا هيك رح تصير الشغلة من سابع المستحيلات وشكرا:D |
موضوع كبير كتير ومتشعب
أنا مع حقوق الملكية الفكرية بكل تأكيد بس كيف ممكن تصير ؟؟ كل كاتب يجدر به قبل ما ينزل موضوع أو مقال بموقع يكون ضامن موضوع الملكية الفكرية مثلا موقع نساء سوريا حسبما فهمت بيضمن هالأمر بس في غير مواقع ما بتضمنها ... لهيك الأفضل للكاتب لما ينشر موضوع ..يتوجه لمواقع تضمن الحماية لكتابته من جهة تانية لما بيتم نقل موضوع لموقع بدون ذكر المصدر لازم يتم محاسبة الموقع يعني القصة بدها قبضة حديدية :larg: اقتباس:
اقتباس:
اقتباس:
لأن مافي شي منيح ما بيتحارب بهالدنيا ... وجماعة النسخ واللصق بتحب كل شي بيجي بالسهل ... أما التنافس بدو جهد :lol: :D لصاحب الموضوع |
اقتباس:
اقتباس:
لكن انا ضمن الموضوع طرحت سؤال بيتعلق بما تم تلوينه بالاحمر بحال تم إيجاد آلية .. او وسيلة .. او موقع ما مختص بحماية الملكية الفكرية على الانترنت هالآلية مرتبطة بشكل مباشر مع جمعيات حماية الفكرية بالدول العربية .. هل ممكن تلاقي النجاح .. وتوصل لدرجة المنافسة .. هل ممكن تتاخد على محمل الجد .. ام انها رح يكون مصيرها الدفن .. متل كتير مشاريع عمتصير :) اقتباس:
حتى لو هالآلية تبع منع الكوبي بيست اشتغلت عالموقع .. وعالمنتديات حتى .. او باي صفحة انترنت .. هاي الآلية ما رح تشكل عقبة قدام القراصنة الانترنتيين ( ادبياً ) باستطاعتو يقعد يقراها ويعيد كتابتها ببساطة . بس هون انت التفتت لنقطة انا ماعمناقشها .. او بالاحرى ما بتندرج ضمن القرصنة عالحماية الفكرية . النقطة الي ملونا بالاحمر انا .. بردك .. هي بتندرج ضمن القرصنة على الملكية . أي الحصول على هالنص هاد .. بطرق غير شرعية .. طبعا هالشغلة .. لا انا . ولا انت .. ولا مجتمع .. لك لو تجتمع دول العالم كلها .. ما رح تقدر توقفها .. فيك تعتبرها شبكة اوسع انتشاراً من المافيا بحد ذاتها يا رجل . انما النقطة الي طرحتها انا والفكرة الي بدي ناقشها واوصل فيها لنتيجة / نجاح أو فشل / ألا وهي الحماية من القرصنة على الملكية الفكرية الأدبية، بمعنى آخر فلان اسمو تحسين كتب مقال او قصة او قصيدة ... ونشرها عالانترنت .. اجا فلان تاني اسمو عبسي مسك هالمقال او القصة او القصيدة وحملها وبوجهو على دائرة حماية الملكية الفكرية .. ونسبها الو ... وبعد التدقيق بسجلات هالمؤسسة المعنية وبالتنسيق مع باقي الجمعيات ... اكتشفو انو مانها موجودة بارشيفهن .. وعلى ذلك بيقدر يعطوه حماية ملكية فكرية، طبعاً تحسين هون ما بيقدر يساوي شي .. حتى لو كاتبها بمنتدى مثلاً لانو ببساطة بيقدر يعدل التاريخ برمجياً خلال أقل من 15 دقيقة .. فهاد لا يمكن اعتباره دليل ابداً . اقتباس:
هل هو نفسو جمعية حماية الملكية الفكرية .. او كيف ؟ مافهمت تماماً:( اقتباس:
لكن في كتير عالم بتقلل مروة .. كونها .. بدها تنزل اول مرة وتعبي طلب .. ومرة تانية تجبلهن النص مثلاً .. ومعاملات بالدولة .. وحق طوابع و و و والخ .. بتعرف هيك فوتات اكيد انت محمد .. رح يلاقيها وجعة راس :lol: طيب هلئ تساؤل براسي برجع بعيدو مرة تانية بحال تم إيجاد آلية او وسيلة ... بتقدملها شغلك انت يعني كتاباتك ... وهية بتتكفل بإتمام المعاملات والروحات والجيّات و و و الخ... مقابل مبلغ ما رح قول بسيط .. لكن رح قول عادل .. اي كلفة هالشغلة .. + مربح رمزي كتير .. انو طريقة بتتبع .. هل بتنزل انت وبتنشلفلك شهر على اليوم تعا وبكرا لا تجي و و والخ او عندك استعداد تعطي هالنص لهالآلية او الوسيلة اللي بتتكفلك بتوفير الوقت كلو .. وبتدفع هالقليل الزهيد مقابل راحة راسك ؟ اقتباس:
اقتباس:
اقتباس:
اقتباس:
لكن سبق وذكرت .. ممكن كتير ... تغيير التاريخ تقنياً ووبرمجياً . اقتباس:
بالنسبة للجملة بالأحمر .. ومن عندي بقلك ( أي رأيي الشخصي ) حاجتنا واقفين عمنقول ما بيصير و و و الخ .. من عندي ما بقدر انكرلك انو في هيك مشروع براسي بالقريب العاجل بيخص هالشي .. لذلك طرحت هالتساؤل .. وعمشوف منك شو ممكن يتقدر اقتراحات وحلول .. او وسائل وتقنيات ... لإتمام هالمشروع :) اقتباس:
الي عمتحكي عنو .. هوي بالاصل محمي فكرياً .. يعني هالكتاب او السيدي الاغاني او الافلام .. هوي بالاصل فكرتو محمية .. لكن عميتم تداولو بشكل غير مشروع .. وكمان هاي بدها موضوع خاص فيها .. كونها تشكل أزمة كبيرة . اقتباس:
لهيك عمخطط نوار :cool: حاسس فيك ترى :lol: اقتباس:
|
| الساعة بإيدك هلق يا سيدي 11:04 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون