|
إلى الادارة الكريمة .. مع التحية
السلام عليكم ورحمة الله وبركاته..
هذا اقتراح او نصيحة اقدمها كمحاولة للرقي في هذا المكان الجميل واتمنى الفائدة .. لاحظت على قسم الصالون ان المشاركات والمواضيع به كثيرة جدا وهذا شيء سلبي وان توهم البعض العكس.. وكما ان قلة المواضيع والمشاركات يعتبر فشل وشيء مميت بالنسبة للمنتدى .. أيظا كثرة المشاركات لا تبعد عن ذلك كثيراً وله سلبياتها من حيث ان المواضيع لاتأخذ حقها في النقاش فالموضوع الذي تشارك به في الصباح بقدرة قادر تجده في المساء في الصفحة الثانية !! فالمواضيع والمشاركات تتدافع تدافعا وتتحرك كعقارب الساعة والوضع حيص بيص ولافدنا ولا استفدنا واذا كان الامر يهم ادارة المنتدى وتريد تغييرا لهذا الوضع.. سيكون هذا الموضوع مفتوحاً لجميع اعضاء المنتدى لكي يقدموا الاقتراحات والحلول التي تطور هذا المنتدى وتساعد على ارتقاءه .. ننتظر رد الادارة الكريمة.. قود باي |
والله يا اخي انا مبارح بعثت رسالة خاصة لاحد الاخوان الموجودين في منتدانا وقلت له بالحرف الواحد ما اقترحته انت كاننا في سباق من سيطرح موضوعات اكثر وانا كنت رح اسبقك واطرح هاد الموضوع لانو جد مميت يعني اغلب المواضيع الي قاعدة بتنزل عبارة عن مواضيع سخيفة وسطحية ومعظمها مواضيع للتعارف وكاننا قاعدين على ماسنجر جد شي بيقهر بتلاقي المواضيع الحلوة صارت باخر صفحة وبيدخل عضو ماشاء الله عليه شادد الهمة بيطرح 5 مواضيع مرة وحدة المشكلة لا مواضيعو بتاخد حقها من النقاش والتفاعل وبيحرم غيرو من التفاعل بمواضيعوو وانا بعتبر هاد الاسلوب اناني والي بعرفو انو مش مسموح لاي عضو غير موضوع او موضوعين باليوم الواحد تحياتي عزيزي لهذا الاقتراح الرائع والمفيد |
إقتراح مفيد للغاية خصوصا للمنتدى دمتم بود :D |
سي ... ملاحظتك بمحلاّ ، وصرنا طارحين هالقصة كذا مرّة ...
بس في شغلة ، انـــو كمان الاعضاء عليهم مسؤولية بهالناحية ! يعني حكينا وحكينا ، وما حدا رد علينا !! انو كم مرة صرنا قايلين اللي بدو ينزّل مواضيع نقاش يتمهّــل بين الموضوع والتاني، لحتى يعطي كل موضوع حقّــو؟؟ والاعضاء اللي بيستلمو قسم وبيقررو انو والله مالي مفارقك قبل ما تصير نص الصفحة الاولى باسمي .. فيك تتطلع ع الصالون او الرسم والتصوير مثلاً ... بتلاقي نفس الاسماء مكررة تحت بعضها ... انو لشو الشدّة ؟؟ مع نسبة الاعضاء الكبييييييييرة جداً ، بظن انو اذا كل شخص نزّل موضوع واحد بالاسبوع بيكون كتير منيح ... ومشان نبحبحها .... خليهون 2 ;-) اي وبس ... ما بدّي كتّــر حكي لانو بالاخير ما حدا رح يرد :D |
طلع على لسانا شعر وعلى الفاضي
انسى ياحجي انسى |
لا اتصور ان الموضوع يقع عاتقه على الادارة فقط....بل على بعض الاعضاء الموجودين ايضا وللاسف الشديد انت منهم.....الذي لايقدر قيمه المواضيع....المطروحه...ويكتفي بردود اسخف من السخافه نفسها...لموضيع حلوة ومتعوب عليها .....بينما ...عندو استعداد ان ..يتفلسف...ويستخف دمه... في موضوع تافه مثلو يكتب رد من اربع او خمس اسطر.....لا لشيء ..الا...لحاجة في نفس يعقوب.....الحقيقة بعض الاعضاء مثلك......هم السبب الحقيقي في فشل النتديات لانهم....بردودهم ...يجعلون موضوع تافه....تصل الردود فيه الى اربعين وخمسين رد لكن في موضوع مفيد وجاد...لايتجاوز اثنين وثلاثة...انا لا اريد ان اجعل الموضوع شخصي لكن قبل فترة نزلت موضوع....نصائح للرجال في فترة الخطوبة....وهو موضوع عبارة عن ملخص لكتاب عائلي مترجم من فصول حاولت ان انقل والخص....كل فصل في نقطة......واحدة.....تصوروا ماذا كان رد الشخص .مابد شرك المحترم...اللي يبحث عن الارتقاء بالمنتدى وصاير ينصح غيرة......الرد كان .((...وشو هي النصائح اثناء فترة الحمل للرجال..))...رد لايعكس الا اخلاق صاحبه..المتدنية.....ولا اعرف اين هي الادارة ولماذا لم تشطب..الرد....ودمتم
|
رد
alshami
شكرا .. حياك الله |
رد
syrian_angel
عزيزي اولا هل انت مشرف هنا ارى كلمة منسق اسفل الاسم ولا اعرف بالظبط هل انت مشرف لكي اتحدث معك عموما انت في ردك وضعت اللوم على الاعضاء ! ولا اعلم ماهو دور الادارة ولماذا هي موجودة؟! أليس الحاكم هو من يقود الرعية ؟ ام الرعيه هي التي تقود الحاكم ! يعني على المشرفين بدلا من تقديم النصائح للاعضاء والتذمر منهم بعد ذلك والقول انه حكينا حكينا ومحد رد علينا ان يبحثوا عن حلول اكثر جدوى..ويستثمروا سلطتهم في المنتدى ..! مثلا اصدار قوانين تقنن كتابة المواضيع وحض الاعضاء على المشاركه بمواضيع ذات فائدة وحذف المواضيع التي دون المستوى ومنع المواضيع التافهه والمكرره والمنقوله وعدم السماح بقلب المنتدى لشات للمعاكسة والثرثرة بين الاعضاء و و و و الكثير الكثير الكثير .. ولكن هل لدى الادارة استعداد للاصلاح؟؟ دمت بود |
رد
المتسحيل
حياك الله |
رد
salhilal
وحتى لو موضوعك منقول من كتاب ليس كل الكتب مثمرة ومفيدة !! والذين يكتبون الكتب ليسوا انبياء يؤخذ من قولهم ولا يرد بل هم اناس عاديين مثلي مثلك فيهم الصاحي وفيهم المجنون وفيهم صغير العقل وفيهم الاهبل وفيهم الذكي وفيهم المثقف وفيهم وفيهم .. اذن في هذه الحالة يجب علينا ان ننتقي القول المحق والكلام الذي يرجى من وراءه فائده .. وثم انه لكل مقام مقال كما تعرف فليس من الحكمة ان ابيع الماء في حارة السقايين على الرغم من ان الماء اهم شيء في الحياة ولا يمكن العيش بدونه .. فما بالك بمواضيع نصائح المخطوبين وشتائم المتزوجين وكفوف المتطلقين وكذب المحبين والتي تغص بها المواقع والمنتديات وهي كلها على بعضها سخيفة وتافهه :D وصدقني النقد لا يفسد للود قضية ولسنا هنا لكي نمتدح سخافات بعضنا البعض ونغضب حين ينتقدنا احد بل ان النقد المحق افضل مليون مره من المدح الباطل :D على الاقل لكي نعرف موضع اقدامنا ونصحح من انفسنا .. وشكرا على مرورك و |
وثمن يا اخي المزح والدعابة غير محرمة واضحك للدنيا تضحك لك :D
|
اقتباس:
والله يا عزيزي بصراحة حطيت ايدك على الجرح وحكيت كلاام قمة في المصداقية والصراحة وحكيت الي بدي احكي بالاخص الي علمت عليه باللون الازرق جد كلام جميل تحياتي |
الهوى سلطان ..
لا اعرف كيف نسيت اسمك لقد سقط سهوا شكرا جزيلا على المرور والمشاركة :D ولا زلنا ننتظر يا عزيزي |
اقتباس:
اقتباس:
عزيزي مابدشرك اول شي syrian angel صبية مو شب وكلمة منسق يعني من الادارة بس بصلاحيات محدودة شوي وجب توضيح هالنقطتين اول شي اقتباس:
اذا بترجع على رد syrian angel بتشوفها قالت التالي اقتباس:
لاحظ انها مانفت المسؤولية عن الادارة بس كمان قالت وكلامها كتير منطقي انو المسؤولية مشتركة بين الاعضاء والادارة اقتباس:
على مايبدو انك ماقريت قوانين الاخوية لانو كل الاشياء اللي حكيت عنها متضمنة بقوانين الاخوية..... ونصيحة صغيرة قبل ماتبدأ بالاتهامات للادارة راجع القوانين :D هلأ الادارة بكل افرادها عم تحاول انو تشتغل على كلشي حكيتو بس الموضوع ماهو بالبساطة اللي انت متخيلتها لانو الادارة بالنهاية بشر ومافيهم يضلو 24 ساعة باليوم قاعدين عالانترنت وعم يراقبو كل موضوع وكل رد بينزل لانو عندهم حياتهم الشخصية ومشاغلهم من دراسة وعمل...... واللي بيخلي الموضوع اصعب انو الاخوية كبيرة واعضائها كتار وبالتالي المشاركات والمواضيع كتيرة وخصوصا بقسم متل الصالون بدها وقت هائل...... بس اي موضوع او رد من اللي عم تحكي عنون وعم ينتبهلو المشرف او المنسق عم يتم حذفو وبحال تكرار هيك مواضيع او مشاركات لنفس العضو عم يتم تنبيهه وبعدين مخالفته بكل الاحوال بنرجع بنقول انو الاعضاء كمان عليون مسؤولية مضاعفة اول شي بانو يبلشو من نفسون وماينزلو مواضيع او ردود ماالها طعمة والشغلة التانية انو لما بيشوفو شي موضوع او رد مو مناسب فيون يستعملو خاصية التنبيه عن مشاركة عاطلة للفت انتباه المشرفين والمنسقين الها وبالتالي التصرف حيالها بتمنى تكون توضحت الصورة اكتر وبكل الاحوال شكرا الك عالمحاولة :D |
امراة من ورق اولا مشكورة على مداخلتك الرائعة وحسك الجميل الذي يعكس مدى اهتمامك بمصلحة المنتدى فعلا العبئ كبير احنا ما بننكر بس في حل بسيط عزيزتي بالنسبة للصالون مثلا الي عليه الضغط انو ليش ما تعينو كمان مشرفين تنين انا صرلي شهر موجود بينكو بس الاسمين هدول ما شفتهم - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ,- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - لا بمشاركة ولا بحذف ولا باي شي تاني ولا حتى بتدخل بين الاعضاء معظم المشاكل الي بتصير بتحلها الاخت سيريان المنسقة ولا بس المشرفين بشاركو بمواضيع استبيانات مين اكتر عضو محشش ؟ احنا ما بننكر انو 70 % من الاخطاء الي بتصير من الاعضاء بس الحلول كتيرة انا بعرف منتدى من المنتديات بالاقسام الرئيسية في 8 مشرفين الحل بايدكو عزيزتي تحياتي وبشكرك من قلبي على مداخلتك |
شكرا كتير الهوى سلطان عالرد اللطيف :D
بس بحب قلك انو اسأل اي حدا من المشتركين القديمين نسبيا واللي الون مشاركات كتير بالصالون عن كلمة "من الصالون" ورح تتأكد انو تايغر ماعم يقصر بشغلو ابدا وهون بدي اثني عليك كتير لانو كل مواضيعك ملتزمة وهادفة ولذلك ماعم تتعرض لهي الكلمة...... بينما المشتركين اللي مواضيعون نص نص او اقل حتى من النص نص عم يتعرضولها كتير لدرجة انو صار عندون مايشبه العقدة منها وصارو يحتجو عليها كتير ومشكور كمان على النصيحة اللي بتمنى تتاخد بعين الاعتبار :D |
لاحظ انها مانفت المسؤولية عن الادارة بس كمان قالت وكلامها كتير منطقي انو المسؤولية مشتركة بين الاعضاء والادارة
وهل انا نفيت المسؤلية عن الاعضاء؟! ولكن بما ان الاعضاء غير مقدرين للمسؤلية نحنا فتحنا هذا الموضوع منشان المشرفين ما يعملوا متل الاعضاء ويتحملوا المسؤلية.. اتفقنا على مايبدو انك ماقريت قوانين الاخوية لانو كل الاشياء اللي حكيت عنها متضمنة بقوانين الاخوية..... ونصيحة صغيرة قبل ماتبدأ بالاتهامات للادارة راجع القوانين :سوريا: والله يجوز ما قريت القوانين الاخوية وتشكر الادارة كل الشكر لانها كتبت لنا قوانين بالمنتدى ولكن يا اختي بما ان كتابة القوانين شيء جيد ورائع فقد لا يكون سيئاً ان نطبق هذه القوانين ..وإذا حصل اي مكروه انا اتحمل المسؤلية :shock: ولكي لا نطيل في الاحاديث الجانبية ونركز على نقاط الخلل الرئيسية .. هل الادارة مقصره ؟ نعم ام لا أذا كانت ترى انها مقصره وتريد ان تفعل شيء فهذه بداية الحل اما اذا كانت لا ترى تقصيرها او لا تريد لهذا الوضع ان يتغير فحين اذن ليس لنقاشنا ولهذا الموضوع معنى شكرا جزيلا مع اطيب التحيات |
اقتباس:
:D |
| الساعة بإيدك هلق يا سيدي 10:47 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون