|
هيك بصير حفظ القوانين أسهل ..
لما كنت رابعه ثانوي ( بكلوريا ) كنت اتحايل على قوانين الفيزيا لختى اقدر احفظهم .. واخترعت طرق كتيره وقتها ، لانو القوانين كتيره ، وكل قانون كنت بعملو طريقه ...... هيك لحتى من كتر الطرق صرت خربط بينهم :? .. وصار حفظ القانون حاف ارحم :frown:!
بس هالشي لا يمنع من كم طريقه ، وانا ما عندي اطلاع على منهج الفيزيا السوري لذا ما رح حط شي بفيد الطالب السوري بشكل مباشر ، بس الشاطر يلقط الفكره تبعيت ( وضع الطرق ) ، و بعدين رح يقدر لحالو يتابع بهالطريق .. رح بلش بشغله خفيفه ، و رح تابع الموضوع حسب الفضاوة .. ------- كنا دايما بنتخربط بالتحويل من الـ سم للـ م للـ كم أو للـ مم ... بنتساءل ( يا ترى بنضرب ولا بنقسم ) .. وكانت معضله حقيقيه :cry: هيك لحتى اجانا استاذ الفيزيا وفهّمنا ياها بكلمتين : الكبير بيقدر يضرب الصغيّر على نافوخو .. بينما الصغيّر لما يـGـي يضرب الكبير مش حيطول غير وسطو ، فحيسقم الكبير :lol: يعني من الكبير ( كم ) إلى ( سم ) بتضربوا بـ 100000 ، ومن صغير ( سم ) للكبير ( كم ) بتقسموا على 100000 . وفعلا حفظناها ، ولهلق لساتني متذكرها ولما بدي حول بتذكر المثال وبعدين بستنتج العلاقه .. طبعا هي بأي تحويل ، سواء مسافه او وزن او او او .. نعود في وقت آخر ;) |
وهي من عندي انا كمان
بالتحويل بين الارباع المثلثية للاشارات تبع الارجاع إلى الربع الاول دائما ما كنا نضيع انه الجيب بالربع التاني شو كان سالب ولا موجب ؟! الظل فين كان يا ربي فين كان موجب فين ؟! فطالعنا انا ورفقاتي جملة شهيرة (( او بالاحرى استاذ رفيقي بالدورة علمه ياها )) الجملة هية : كل جيب ظله تجب فالربع الاول فيه " كل " معناها الكل موجب التاني فيه " جيب " معناها بس الجيب موجب والباقي سالب التالت فين " ظل " معناها الظل والتظل موجب والباقي سالب الرابع فيه " تجب " معناها التجب بس موجب والباقي كله سالب راجعلك بعد شوي بطريقة جديدة لغير قانون :lol: |
اي اي حلووو
هي لما بدك تتذكر انو بالكيميا العضوية المركبات العضوية وكل واحد كم كربون وهيدروجين فيوو فعندك اول عشرة بيكون ميتا الايتا بروب البوت بنتان هيكسا الهبتا باوكت النون ديكان يللي بتعني ميتا= ميتانmethane= CH4 الايتا= الايتان= ETHANE= C2H6 بروب= بروبان= PROPANE= C3H8 البوت=بوتان=BUTANE=C4H10 بنتان= PENTANE= C5H12 هيكسا=هيكسان=HEXANE= C6H14 هبتا=هبتان=HEPTANE= C7H بأوكت= اوكتان=OCTANE= C8H النون= نونان=NONANE= C9 H ديكان=DECANE= C10 H وانو هي هيي حلو الموضوع:D |
| الساعة بإيدك هلق يا سيدي 04:18 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون