أخوية

أخوية (http://www.akhawia.net/forum.php)
-   صـــحة (http://www.akhawia.net/forumdisplay.php?f=27)
-   -   عقار طبي "يمحو" الذكريات المخيفة (http://www.akhawia.net/showthread.php?t=118291)

أإأبو العبد 20/02/2009 20:22

عقار طبي "يمحو" الذكريات المخيفة
 

توصل فريق من الباحثين الهولنديين في جامعة امستردام إلى أن عقاقير "بيتا بلوكر" ربما تكون لديها

المقدرة على إزالة الذكريات المخيفة من عقل الإنسان.
ويعتقد الباحثون أن هذه العقاقير -التي تستخدم عادة لأمراض القلب- يمكن أن تساعد الأشخاص الذين يعانون بسبب تعرضهم لتجارب قاسية.
وتوصل الباحثون إلى هذه النتيجة بعد إجراء تجربة على 60 شخصاً، حيث عرضوا على هؤلاء المتطوعين صوراً لعناكب وجعلوها ترتبط في مخيلتهم بصدمات كهربائية خفيفة في معاصمهم.
وفي اليوم التالي قسم المتطوعين إلى مجموعتين، واحدة تناولت عقار "بيتا بلوكر بربرانولول" بينما تناولت الأخرى عقاراً مزيفاً ومن ثم عرضت عليهما صور العناكب مرة أخرى.
واكتشف الباحثون أن المجموعة التي تناولت "بيتا بلوكر" أبدت خوفاً أقل من المجموعة الأخرى.
وفي اليوم التالي -بعد توقف مفعول العقار- تم تقسيم المتطوعين مرة أخرى إلى مجموعتين، لتؤكد التجربة الثانية نفس النتيجة السابقة.
لكن خبراء بريطانيين يتساءلون حول أخلاقية التأثير على عمل الدماغ، حيث أبدى بول فارمر الرئيس التنفيذي لمنظمة الصحة العقلية الخيرية قلقه من "الاساس الصيدلاني" للتعامل مع أشخاص يعانون من الخوف المرضي "الفوبيا" والقلق النفسي.
وأضاف فارمر أن تعاطي العقار يمكن أن يؤدي إلى إزالة الذكريات الجيدة كذلك.
أما دكتور دانيال سوكول الأستاذ بجامعة لندن فيري أن الذكريات السيئة ضرورية أيضاً كي يتعلم الناس من اخطائهم.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -



sandra 20/02/2009 20:36

يعني ممكن بالمستقبل يتم استخدام هيك عقار لعلاج حالات الفوبيا الناشئة عن خبرة سيئة !! ...ايه كل شي وارد
مع إني ما كتير بآمن بالعلاج الدوائي للاضطرابات ذات منشأ نفسي
بس العلم عم يتقدم ويمكن يصير هالدوا مرافق للعلاج النفسي ومساعد له
المشكلة بهيك أدوية أنو بيرافقها تاثيرات جانبية ... المقال ذكر أحدها وهو إزالة الذكريات الجيدة .. وبيجوز يكون في تأثيرات تانية بس لسا ما تم الكشف عنها
مشكور جداً على الخبر :D

عالهامش
البني آدم صار متل الكمبيوتر ... كل فترة بدو فرمتة :sick:

saman 21/02/2009 02:28

اقتباس:

البني آدم صار متل الكمبيوتر ... كل فترة بدو فرمتة
بصراحة .. عندي احساس .. انو صار بدي اتفرمت :lol:

ميرسي عالخبر :D

أإأبو العبد 21/02/2009 02:33

بعد الفحص خود من هالحبوب:p

موفق حبيب
:D

whiterose 21/02/2009 05:38

لذيذ هالاختراع...........

reeemty 21/02/2009 10:13

شي حلو والله

شامي للنخاع 21/02/2009 10:52

عمش شي ظرف هل الدوا..........بس اذا بيجربو عا الانسان العربي......المعتر رح يبقى بيدون ذاكرة يا حرام

whiterose 23/02/2009 16:16

بدي أخد منو لأنسى ذكرياتي هون
بأخوية:lol:

حنين. 25/02/2009 17:07

تمحي الذكريات الحلوة كمان
اي معلش المهم يروح الالم
ابو العبد قديش تبيعالعلبة :lol:

nour333 25/02/2009 21:41

اقتباس:

كاتب النص الأصلي : whiterose (مشاركة 1224573)
بدي أخد منو لأنسى ذكرياتي هون
بأخوية:lol:

بتفوتي تسجلي من جديد بالمنتدى لما تلاقيه بالصدفه ع الغوغل وبجوز تبعتي لحالك رسالة خاصة

whiterose 25/02/2009 23:49

ههههههههههههههههههههههههه هههههههههههههههه

حلوة نور عجبتني هي ابعت رساله خاصة لحاالي:lol:

Mimmaia 17/08/2009 17:58

أما دكتور دانيال سوكول الأستاذ بجامعة لندن فيري أن الذكريات السيئة ضرورية أيضاً كي يتعلم الناس من اخطائهم
انا رأيي من رأي دكتور دانيال . بس ممكن يشوفو علاج معرفي وسلوكي مع كيماويات متاثرش بطريقه مش كويسه على المخ.

suzaan 18/08/2009 05:43

هو حلو الواحد يمسح ذكرياتو المو حلوة
بس انو كمان الحلوة هي ماعجبتني يعني الواحد بيحب يحتفظ فيها

Elephant And Castle 18/08/2009 18:25

Beta Blocker هو دوا بينوصف لمرضى القلب ليخفف معدل ضربات القلب و ليعالج كل انواع تسرع القلب Tachycardia ...بس الو تأثير على الجهاز العصبي ..معظمها تأثيرات غير مرغوب فيها ,متل ارتباك Confusion ...هلوسات Hallucinations ...و هلئ مؤخرا شافو انو ممكن يمحي بعض الذكريات ...على اي حال ,,,هاد ما بيتعدا كونو احد اعراض استخدام الفئة هي من الأدوية ....و ما كتير تتحمسو ..بعرف ناس صرلها اربعين سنة على الدوا هاد و تغيير الذاكرة ما كان شي ملحوظ ....
ما حدا يجربو ...لأنو بعد فترة الشخص بيطوّر عندو حالة ادمان ..و قلبو بصير بدق بسرعة بعد الأنقطاع عن الدوا هاد ..


و ما كل شي بينجح على حيونات المخابر ..ممكن ينجح عالأنسان بنفس المستوى

HashtNasht 18/08/2009 19:38

اقتباس:

كاتب النص الأصلي : Elephant And Castle (مشاركة 1319376)
Beta Blocker هو دوا بينوصف لمرضى القلب ليخفف معدل ضربات القلب و ليعالج كل انواع تسرع القلب Tachycardia ...بس الو تأثير على الجهاز العصبي ..معظمها تأثيرات غير مرغوب فيها ,متل ارتباك Confusion ...هلوسات Hallucinations ...و هلئ مؤخرا شافو انو ممكن يمحي بعض الذكريات ...على اي حال ,,,هاد ما بيتعدا كونو احد اعراض استخدام الفئة هي من الأدوية ....و ما كتير تتحمسو ..بعرف ناس صرلها اربعين سنة على الدوا هاد و تغيير الذاكرة ما كان شي ملحوظ ....
ما حدا يجربو ...لأنو بعد فترة الشخص بيطوّر عندو حالة ادمان ..و قلبو بصير بدق بسرعة بعد الأنقطاع عن الدوا هاد ..


و ما كل شي بينجح على حيونات المخابر ..ممكن ينجح عالأنسان بنفس المستوى

يا سيدي شكلو مزبطو ...الله وكيلك بعد 6 شهور شغلة كل يوم حبتين بروبرانولول , ما عدت تذكرت شي منوب , ما أنو منوب منوب يعني :lol: بس نظامي في كتير سغلات طارت من ذاكرتي , شغلات المفروض ما تطير يعني :cry:

sheldi 18/08/2009 19:43

اقتباس:

كاتب النص الأصلي : أإأبو العبد (مشاركة 1222860)
بعد الفحص خود من هالحبوب:p

موفق حبيب
:D

لمعلوماتك حاصرات بيتا الى تأثير مثبط جنسي فاذا متزوج لاتكتر منو:?

Elephant And Castle 19/08/2009 12:55

اقتباس:

كاتب النص الأصلي : HashtNasht (مشاركة 1319413)
يا سيدي شكلو مزبطو ...الله وكيلك بعد 6 شهور شغلة كل يوم حبتين بروبرانولول , ما عدت تذكرت شي منوب , ما أنو منوب منوب يعني :lol: بس نظامي في كتير سغلات طارت من ذاكرتي , شغلات المفروض ما تطير يعني :cry:


انا ما مختص بالمجال هاد .بس من خلال تعاملي مع ناس بتاخد الدوا هاد ...صار عندي فكرة صغيرة عنو ...هلئ يلي بياخد الدوا و قادر انو يعمل عملية قثطرة قلبية Cathater Ablation و يتخلص من الدارات الكهربائية الزايدة او المشوهة بالقلب بكون احسن ..لأنو بيستغني عن الدوا هاد ..هو الدوا كتير مفيد لمرضى القلب ..بس للأسف اثارو سيئة ..و انا بقول مجرد ظن ...انو الأحساس بفقدان بسيط للذاكرة هو احد نتائج ال Confusion يلي بيسببها الدوا ...على اي حال ...ال Beta Blockers الها انواع كتير ..و اذا الواحد بيشوف انو احد الأنواع عملو مشكلة ...فينو يراجع طبيب القلب يلي ممكن يوصفلو نوع تاني.. و يلي بياخدو مشان يخفف ضغط الدم ...فينو كمان يسأل عن اي بديل تاني ما الو هيك اعراض سيئة ..

على فكرة شركات الأدوية لازم تنلام لأنو ما بتذكر كل اثارو الجانبية ...بس طبعا بهمها تمشي شغلها بالأول

هو انا كمان ما رح بالغ ..يعني كل الادوية الها اثار سلبية ...بس لو بيقدرو يوصلو ل Beta Blocker من دون تأثير على الجهاز العصبي ..بكون الدوا هاد ممتاز جدا ...طبعا التأثير ممكن يظهر عالكبار بالسن ...او بحالات قليلة جدا عند الشباب

فهيد فهيد 22/10/2009 04:56

شكرا لموضوع ... بس اعتقد أنو مافي علاج بالتشخيصي اللي ذكرتة بالموضع

انو يمحي ذكريات المخيفة هذا يمكن العقار نوع من الدعاية لغرض مادي ثاني


علي العموم كل الشكر والتقدير لجهودك الجميلة


الساعة بإيدك هلق يا سيدي 21:52 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03794 seconds with 11 queries