|
الحلقة السانية ...
:lol: كان يوم أحد .. كان بكري العفش .. واقف عند شلالات العزيزية ليبس بنطرونو السكري وجاكيتو المخمل المقلّــم وقميصو المورّد .. وع بيعلكـ مسكة سهام بالنعناع .. وبيخخ عطر لابيدوس تعباية من عند (القمّاش للعطورات) وشايل حنجور العطر أبو الخمسين ورئة بجيبتو .. كل ما تخلص الريحة يرجع يدهن وعلى هاد و متلو . ... كان ع بيضرب مجساتو زات اليمين وزات الشمال .. عالرايحة وعالجاي وطبعا ً عيونو موجهة لتحت.. بحكم العادة ... البرغشة يا شباب .. ما خرج تعدي منو ..:lol: كان بكري فرحان ع نوبايلو الدمعة اللي وصلانو جديد من صهرو أب فاتح .. وحيطط رنة المطرب الكبير حبيب علي (هاذا يا حب) .. و مساوي ايدو متل القمع ع بفل الموبايل منشان يسمعو الصبايا أنو هو عندو نوبايل بيغنـــّـي ..:yahoo: مالكن في الطويل يا خيو .. نسي حالو الزلمة و ما حسن ما يحط ايدو في انفو .. ويقعور كوسا ويمسح بـ بنطرونو .. وإز بتمرق سائحة من جب القبة (لمعلومكن شلالات حلب نقظة الجزب السياحية الأولى في حلب بعد الصنم) ليبسة الغطا و المانطو ومبين نص وتشا وجرابا النسويني ماركة (السماح) وبتقلو .. (وبا تقشكـ اش صقاقي أش كني ما معكـ محارم ) ؟ بيتطلع بكري بالصبية .. وبيزحل عقلوووو .. (يايووووووووب حنجور العطر ع بيشتغل ) .. هون لا تفكرو بكري درويش ... هيهيييييييه لا .. بكري بندوق وبيعجبكون .. حس أنو المخلوئة ع بتتحيرشو .. :larg: المهم المخلوءة بركت على بعد مترين منو .. هي ورفيئتا وأعدوا يفصفصوا بزر جبس .. (بزر بطيخ أسود) فتحت البنت نوبايلا .. و حطتلو غنية .. (أبوس رب الهمشري ) لفريحة العبدلله قام هو .. حطلا غنية .. (ميلي على ميـــّــالكـ أب حسن خيــّــالكـ ) لأب حسن حريتاني .. وبلشت النظراط يا خيو . فجأة ً بيطب عليه حمودة الجـــطل بالسوزوكي .. (بكري ي ي ي ي ي ي ي ي ي ي ي هـ هـ هـ ) _(أهلين خاي تفضل ) :frown: انطعج لأنو طيّرلو العصفورة .. نزل بكري من السوزوكي .. ليبس كلاّبيتو الموف .. - شلونكـ يا ابن الحرام ؟؟ وين ما حدا ع بيتفشكل .. فيكـ ؟ هون البنت طفت نوبايلا و عملت حالا عب تحكي مع رفيئتا .. - والله بين الأيادي يا أب محمود .. - وينكـ الجمعة الماضية في النوكامبو ؟؟ كان في شلة بنات .. يا يوب بيفرطوا المعلاق .. أنت صاير وسخة .. و ليحق العزيزية .. - خاي اش ننساوي ؟ هون سوقنا ميشي ............................. :shock: ضحكـ الاثنان .. وانصرفاا الى لعبة الورأ ... تحت القلعة :o الحلقة القادمة في الموكامبو ان شاء الله . :lol: |
اقتباس:
وباااااااا :lol::lol::lol::lol: اقتباس:
اقتباس:
:yahoo::yahoo: اقتباس:
في الانتظار .. حلقة جئجئة جديدة. طيب ازا بدنا نصورو مسلسل مين بتقترح لبطولتو ;) |
اقتباس:
بس احلى شي هي اقتباس:
يسلمووو ومتابعه متابعه |
اقتباس:
ههههههههههههههههههههههههه ه ههههههههههههههههههههههههه ههه ههههههههههههههههههههههههه هه اجفيكون ههههههههههههههههههههههههه هههههههههههههههههههههه والله نهفة انت:o |
ياااااااااااااااااااااااا اااااااااي ياااااااااااااااااااااااا اااي
ما بتجوز هيك حلبي اه خيو لو عامماتي هههههههههههههه العما تصورو هيك واحد يحكي مع مرتوا ولي على طووووووووولي والله ماباخود حلبي ولو شو ما صار اصلا انا من زمان بحب الشوام هههههههههه خلص شامي وبس بس متابعه ههههههههههه خيلة عافكرا القصة النوكامبو ليكون شافني بالنوكامبو هههههه بعدين عالنوكامبو ما بيروحو بالسوزوكيات بيخجلو العالم عندون بي ام ومرسيدس و مازدا يجيلك هو بالسوزوكي يلطش بنات هههه |
اقتباس:
|
مابعرف بصير كله بصير ...............
|
ههههههههههههههههههههههههه ههههههه حلو كتير
ولييي فرطتت ضحك ناطرين الكمالة لا اطول |
بس عنجد مو الحلبية كلن هيك
يعني زرت حلب وشفتا في ناس راقيين كتير وهالنسبة مالها قليلة بالعكس نسبة كتير كبيرة بينما الناس اللي عليهن مسلسنا الحالي فهنن صارو قلال |
اقتباس:
أنا كتبت بالعنوان .. (معلاق حلبي) |
اقتباس:
دوس خيو دوس:yahoo::yahoo: |
طيب يا عزيزي الموسيقار
في غلاظ و في حبابين بحلب شو رأيك في الحلقة القادمة تحكيلنا عن الحبابين الي بحلب :lol: |
اقتباس:
اقتباس:
........... :lol: ......... |
اي ناطرين الحلقة السالسة
|
يبدو أن الأستاذ موسيقار أكل مقلب
و بما أنه موسيقار يعني و من البديهي أننا نتوقع أن يحدثنا عن الطرب و الموسيقا من مبداء أسم على مسمى يبدو أن أحدهم سرق له الملف الأصلي و دس له ملف اَخر لا يليق به كموسيقار و وضع له ملف سوقي لا يقل مستواه عن مرتادي مقاهي بحسيتا لذا قررنا أسعافه و وضع ملف يليق به كموسيقار نبدء بالشعر نفيتَ عنك العلا والظرف والأدبا... وإن خُلِقْتَ لها إن لم تَزُرْ حلبا شهباء لو كانت الأحلام كأسَ طِلا... في راحة الفجر كنتِ الزهر والحببا أو كان لِلَّيل أن يختار حُليته... وقد طلعت عليه لازدرى الشهبا لو أنصف العرب الأحرار نهضتهم ...لشيدوا لك في ساحاتها النصبا لو أَلَّف المجد سفراً عن مفاخره... لراح يكتب في عنوانه حلبا بشارة الخوري اشتهرت حلب على مدار تاريخها بعراقتها الفنية الغنائية واحتضانها لأبرز مبدعي اللحن وشداة الطرب ، فهي التي خرجت كبار الملحنين والمطربين كعمر البطش وبكري الكردي وصبري مدلل ومحمد خيري وصباح فخري وغيرهم .. في هذا الموضوع سنقدم بعض ما اختزنته ذواكرنا من إبداعات التراث الحلبي كأن نقدم أغنية لفنان من مدينة حلب أو موال أو موشح أو قد أو قصيدة وهلق أنا رح أبدا بها المشاركة من التراث الحلبي ... وهي عبارة عن موال رائع جداً جداً جداً كتير منا سمعوه من فناننا الكبير صباح فخري وطبعاً غنوه غيرو قبلو .. اسمو (يا لائمي في الهوى العذري كفاك شجار) .. وهي كلماتو: يا لائمي في الهوى العذري كفاك شجار ما أنت ملوع ولا تدري بحالي شجار ظلم الأحبة عدل مهما بحكمه شجار راضي ولو صرت عندك للعشق عبرة عالجت روحي فلم احصل لها عبرة يا قلب ينعي ويا عين اذرفي عبرة تروي وتنبت بقاع الماحلات شجار بينتمي هاللون من التراث إلى القدود الحلبية ويعتبر من أجمل وأمتع الألوان واسمو الموال السبعاوي لاحظو أنو بيتألف من سبعة أبيات أول ثلاثة بينتهو بنفس الكلمة (شجار) بس بكل مكان بتجي بمعنى مختلف ونفس الشي بالنسبة لتاني ثلاثة أبيات (عبرة) وآخر بيت بيرجعو لأول كلمة (شجار) مع معنى مختلف كمان و الى القاء في الحلقة الثانية |
نسجل متابعة |
اقتباس:
بيستاهل موضوع جديد خص نص .. ومنشان كومة الاهانات .. الي طبشتا بالأول .. يا سيدي الله يسامحكـ .. أدينا مندرردش .. ورانا ايه :lol: |
الحلقة السالسة ..
الموكامبو .. الساعة الواحد والسلس .. ظهرا ً .. قرب مدرسة نابلس السانوية (للبنات):fhair::fhair: والصرفة .. في أوجها ... والدنيا ع بتمـــطّر صبايا .. بكري العفش ع بيفتل بسيارتو السكودا المشدرة .. حيطط نضارات أم الخمسين ورأة .. اشتراها بالصدفة من عبارة السيديات بالجميلية .. :larg: وفيتح الشبابيكـ .. وحيطط غنية التايتانيكـ ( ماي هارت ويل غو أون ) منشان الصبايا الكويسة يعرفوه مـصــــئّف . والبفلات تبعوت سيارتو ع بيكفروا .. لأنهن شغل باب جنين .. بـ ميتين وخمسين ليرة .. هلأ السيارة مي سيارتو هو مستعيرا من الأنتيم تبعو (زكور قضيماتي) .. : في هازه الأسناء بيعدي ابن المنصور بسيارتو المرسيدس الحمرا .. وابن الديري بسيارتو المرسيدس البيضا ع بيتسابقوا ومن عزم السرعة تبعيت الشباب .. بيطيروا شعراتو لبكري .. وبتتطاير القشرة وفتافيت الـ GEL اللي حاططو بـ منظر رومنسي مـــــزهل !! السيارات حواليه متل الكزب .. أشي المرسيدس تبعيت ناديا الرئيس .. وأشي المازدا زوم سيكس تبعيت ريم وتار .. وأشي المورانو تبعيب ابن اللبابيدي .. وأشي الـبي أم تي تي تبعيت ابن الآغا .. والشب مفكر حالو ظاظا .. لأنو مو شايف حالو كيف شكلو بقلب السيارة من برا .. المهم بي عز صفنتو بيسمع ظمووور ع بيجعر وراه .. بيصحا .. وبيقول في حالو (أجت الرزقة) بس للأسف بتطلع الأوميغا تبعيت شرطة المرور .. ع بتخالفو قال إيش ؟؟ (دوران متكرر) طبعن الشرطة بتعرف كل شي راكب سيارة من ولاد الزوات الا هو .. لأنو مبين ضرب براني . وبياكل مخالفة ألف وخمسمية المسكين . :p ديار مي دياركـ .. بتقل مقداركـ يا بكري .. ودمتم . |
| الساعة بإيدك هلق يا سيدي 00:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
