فوتو حبيباتي لهون
 

مرحبا جميعا :jakoush:

من فترة شعرت بالفخر و حسيت انو الأوضاع تحسنت كتير و كنت ناوي اتشكر الشباب الطيبة يلي هون على تهدئة الأوضاع الشكر كان رح يكون لكل الأطراف على حد سواء .
و فجأة برجع بلاقي كمية من الموضيع من كلا الطرفين ( موضيع أو حتى ردود ) مالها علاقة بالمستوى يلي وصلنالو من اسبوع :?

و في موضيع موجودة واجب حزفا بس انا ما حزفتا مشان الطرف التاني يوضح و ما تم غامضة و تم ممسك !
مثال:
موضوع اللباس تبع الرسول محمد ما حزفتو مشان ما يتم فكرة غلط عند الطرف الآخر و كان فكري انو الشبيبة يحطولن شي توضيحي مع اني انا نوهت انو بالخليج الرجال بيلبسو ( الوزار ) يعني انو لباس رجالي ...
المهم ما رح ناقش هاد الموضوع هون بس ذكرت مثال
و في غيرو من الموضيع
هلأ طلبي من الشباب ( الكل دون تمييز )
إلغاء السخرية من الحوارات يعني هي ( ههههههههههههههه ) مابدي شوفا بأي رد من الردود و كذلك ما يقابلها من كلام أو وجوه
تاني شي وقت بدك تطرح موضوع في تساؤل سآل السؤال و فهام شو رد الطرف الآخر بعدين بلش ناقش في ...
مثال :
موضوع شرب الأبوال :
يعني مو ضروري يكون العنوان في سخرية ممكن ينطرح الموضوع بغير صيغة تماما و بنفس الوقت ممكن توصل لنتيجة من الحوار ...
و هاد الموضوع كمان انا ما حذفتو مشان يكون في حق الرد للطرف الآخر
و كمان نقطة نوهت عليها فوق
يا ريت عنوين الموضيع تكون ذات مغزى و فيها شي بعبر عن أخلاق كاتب الموضوع
يعني مو فاتحين مجلة نادين لحتى يكون العنوين تحوي كلمات فاجرة أو سطحية جدا :jakoush:

و في كتير كلام راح من بالي وقت شفت هل نوبة يلي صايرة بالحوار هون و انهزز بدني

نقطة هامة و فيها العبرة
انو كل واحد منكون هون عم يحكي باسم دينو يعني لازم يكون وجه حسن للدين تبعو و مايكون واجهة عاطلة لدين منيح
و أكيد كلكون بتتمسكو بشغلة موجودة بكل الأديان على حد سواء و هي ( الأخلاق و القيم السامية )

آسف عل محاضرة بس كان لابد منها لأنو طفح الكيل

تحياتي :سوريا:

و في نقاط ستتم مناقشتها من خلال ردودكم هنا و سيقفل المنتدى الى حين وصول الى نتيجة معينة

شكرا لك وجزاك الله عنا خيرا

معك كل الحق ,,

ولكن اعتب عليك سيدي الفاضل في شئ وهو :
- عندما تجد عنوان مخل فاعتقد انك تستطيع التعامل معه وتغييره مباشره وتوجيه عتاب او انذار او ماشابه بشكل علني بما يتناسب وما قام به السيد العضو من تجريح للطرف الآخر من خلال عنوانه .


عدا ذلك فانا معك في كل ما قلته 100%


لك تحياتي :hart:

أي شريك هو كان قصدو من الأساس تكون العناوين هادفة ومناسبة حتى ما تصير عملية التعديل يلي عم تحكي عنا :سوريا:



برافو يا سيزار ...ورووووووووووووووووووووح شايفلك ;-)

شكرا حبيب بس هذا مو عذر ;-) :
- كان المفروض يعدل و أيضا يضع هذا الموضوع
- وبعدين انا اتكلمت على توجيه انذار "كمان" او عتاب للعضو المحترم (منشان ما يعيدها تاني) ;-)
مو هيك ؟؟ يعني "الحال السايب" شو بيسوي ؟؟؟ :oops:

======================

ونسيت خبركم شي ثاني :
- اغلاق مواضيع الصفحة الأولى "فقط" لايعني اغلاق مواضيع القسم وحتى اشعار آخر كما قال السيد المشرف :sosweet:
- يعني مع الأسف ولا كأنه سوى شئ لأن فيه بعض المواضيع مازالت مفتوحه للمشاركه
أليس هذا فيه بعض الظلم (الله أعلم) :oops:


:( شكرا لكم وأعتذر ان كنت تخطيت حدودي ولكن أرجوا منكم التفهم فقط :sosweet:
لكم خالص تحياتي

أنت قلت من قبل أنو كل واحد لازم يمشي على خلق دينو فهاد هو دينكم أنو تسبوا الأنبياء

دين مين

حبيبي انا عم احكي من وجهة نظر حيادية و للكل بدون تحديد أي جهة

و شانو شو يعني كشفت شغلة خطيرة
مو هية كل شغلة تسكير الموضيع للتركيز على هاد الموضوع

و مشان موضوع التعديل انا لست مجبرا على تعديل أي عنوان او كلمة بإمكاني حزف الموضوع كامل و لم أحزفه لسباب زكرتها في المحاضرة أعلاه

معك حق أخى سيزار
 

حبيبى سيزار انا معك وأنا أسف لو كان بمشاركاتى وانا لسه عضو جديد معاكم اى شيىء جرح اى شخص وانا متاسف ليك ومنى كلمة لاخ كبير انى هاخد المواضيع بنظرة متغيرة غير اللى مرت واشكرك على جانبك الحيادى واتمنى انه لم تلاقى اى شيىء غير راضى عنه من اى عضو انك تنبه وتقوله علشان ياخد باله ..... :سوريا:
وارجو قبول الآسف عنى وعن كل من شرد بكلامته ولم يجمحها... :سوريا:

والرب يبارك حياتك .... :hart:

على عيني وراسي كلامك ياخيي سيزار بس انك تسكر المواضيع كلها
كنت اتركلنا شي موضوع نرد فيه على القليلة
وانا معك على حذف اي رد بيسيئ للأخر ومعتقده
تحياتي

الاخ سيزار

انا معك في طرحك ، وارجو من النصارى اذا ارادوا محاورتنا كمسلمين ان يلتزموا بوضع المصدر لكلامهم سواء كان المصدر اسلامي او نصراني ، وان يضعوا الحديث كاملا مع رقمه والتقيد بموضوع علم الحديث الذي وضعه الاخ احمد لان ذلك الامر يهمنا كثيرا في الحوار ، وان لا يضعوا نصوص الآيات من القرآن ناقصة او باسلوبهم ولغتهم خاصة ان نصوص القرآن موجودة في المنتدى وقام بوضعها الاخ ابو النبيل.

تحياتي للجميع

قال تعالى ( انك لاتهدي من احببت لكن الله يهدي من يشاء )
وقال تعالى لكم دينكم ولي دين
وقال الرسول عليه الصلاة والسلام ( الدين معاملة )

نفهم من هذا الكلام ان المسلم لايفرض رأيه بقوة على الغير مسلم لأن الدين لله وهو شيء خاص بين العبد وربه
لكن من واجبي كمسلم أن ادحض الباطل لأن الساكت عن الحق شيطان اخرس
فلا اقبل بمبدأ العبادة المختلطة والتي تجمع بين الذكور والاناث لأن معتقدي ان العبادة يجب ان تكون خالصة لله تعالى ويجب الفصل بين الجنسين في اماكن العبادة لكي لاتزوغ الاعين ولاتأخذ عقول الشباب بمفاتن الصبايا ولا تكثر الشياطين
فأنا في موضوعي الذي تم حذفه من طرفك يااخ سيزار احببت ان اوضح للمبشرين النصارى شيء رئيسي وهو الحشمة والاحتشام والتوجه لله تعالى بقلب صافي في اوقات العبادة عند المسلمين وان الاختلاط في اماكن العبادة عن المسيحيين امر مرفوض تماما من قبل المسلمين
هذا هو مغزى موضوعي المحذوف
وارجوا ان لاتفهمني على اساس انني حاقد او متعصب
وارجوا ايضا ان تلغي الانذار 20% الموجه لي لكي تثبت لي انك انسان عادل بكل معنى الكلمة
والسلام

نشكرك على حرصك
بس ما تخاف لان دى ارائ وكل واحد وليه نظرة ورائ
ومفيش خلاف انشاء الله

شكرا لك أخ سيزار
جزاك الله خيرا وإن شاء الله ستصبح الأوضاع أفضل

سلام للجميع ..

وكل عام والجميع بخير ونعمة وسلام ..

اوافق اراء الاخ سيزار .. وذلك لتقويم المنتدى للافضل ..

تحياتي للجميع مسيحيين ومسلمين .. وان كنا قد اسأنا لأحد , فأعذرونا لانه لا يسلم من الزلل أحد ..

وانشاء الرب منتدانا الى الامام .. بمحبة اكبر .. وانفتاح حواري افضل ..

واسمحوا لي باقتراح :

اقترح على المشرفين ان يحددوا السماح لموضوع واحد للعضو كل يومين ( او ثلاثة ايام ) .. كما تفعل بعض المنتديات ..
وذلك لكي لا يتم اغراق المنتدى بعشرات المواضيع المتوالية من قبل عضو واحد !!

فموضوع واحد كل ثلاثة ايام ( للعضو الواحد ) يتيح للجميع المشاركة الفعالة في الموضوع المطروح واعطاؤه حقه من النقاش ..

شو رايكون يا شباب الاداراة .. وكذلك الاخوة والاخوات الاعضاء ؟؟!!!!


تحياتي العطرة
واعياد سعيدة عالجميع ..

اخوكم البابلي

انا معك بخصوص تخصيص موضوع واحد للعضو كل 3 ايام ، ولو كان كل اسبوع فيكون افضل .

تحياتي

اخي سيزار ، ما هو مصير المواضيع المطروحة في السابق وما زالت مغلقة؟

تحياتي

انا معك يا اخ سيزار
وشكرا لانك اخيرا التفت الى المنتدى