الحب أسطورة خلقناها أم خيال نبحث عنه
 

هل الحب أسطورة لم توجد يوماً ؟ أم تراه خيالاً أردناه لنخلق أملا بالنور الذي سيصحح كل شيء فجأة؟
هل الحب موجود حقاً؟ أم هو إحساس نكونه بداخلنا و كأنه المسيح الذي يخلصنا من عذابات البشرية ؟
قد فقدت الأمل و يوماً بعد يوم أفقد إيماني به و أؤمن بالمنطق
قد تحول الحب عندي من سحر يحيل الدخان شذىً و الضجة تغريداً تحول إلى مجرد لحظة جنون نقوم فيها بخلق شيء يبرر لنا كل تصرفاتنا الخاطئة
يفسر لنا لماذا استهلكنا ساعات نفكر في إنسان ما و يكون لنا حجة لنحب الحياة و نقدس مظاهر الحياة
لماذا أكتب إذاً إذا كنت أقول أن الحب ليس أكثر من (بيتا فينيل إيثل أمين) يكونه الجسد إثر وجبة دسمة؟
أكتب لأنني أحتاج لمن يقنعني بأن الحب موجود و بأن المرأة يمكن لها أن تعشق فبعد ما شاهدت في حياتي صرت موقناً بأنه ما من امرأة قادرة على أن تضحي بشعرة من رأسها لأجل رجل
المعادلة تبدو مقلوبة بعض الشيء و لذا أحتاج إلى تصحيحها.
ملحوظة: اعذروني إن بدوت مشتتاً بعض الشيء.

الحب موجود طبعا، تجاربنا الشخصية أوقات كتير بتأثر على قناعتنا بس هالشي ما بيعني انو ننفي وجود الحب الحقيقي.. يمكن انت انصدمت من أكتر من امرأة تعرفت عليها بس هالشي بيدل يمكن على أنو اختيارك أنت كان الخاطئ... ويمكن في بنت اتعرفت على أكتر من شب وانصدمت فيون،، كمان هون بيكون اختيارها هي يلي كان الخاطئ،، يعني لما تجربة معينة بتمر فينا ونتيجتها بتكون هي نفسها مع كل الأشخاص يلي خضنا معون التجربة، هالشي ما بيعني أنو الأشخاص هنن الغلط.. بالعكس هالشي بيعني أنو نحنا الغلط فينا سواء باختيارنا لنوعية هالأشخاص أو للسبب يلي خلانا نقوم فيه بهالتجربة، أو حتى يمكن بالطريقة يلي قمنا فيها.

خلاصتو، الحب الحقيقي موجود مع الانسان الصح وبالوقت الصح

الحب مابعرف هو بتحس حالك طاير وبس

بس تكون ماشي متل الأهبل وعم تحاكي حالك
والعالم تسلم عليك وما ترد عليهم وعم تبكي ومو
عرفان ليش
ساعتها تأكد ان بدك طبيب نفسي يطلعك من الحالة
الي اسمها حب

ببسطة
بلا تعقيد

خيال نبحث عنه

طبعا موجود
ما هي المرأة عبتضحي كل يوم بشعرها
من قص ولف وبلياجو......
من أجلك ومن أجل سماع صفير جيبك
ههههههههههههه
:o

طبعآ موجود

كذبه .. والكذب حبالو قصيره

الحب
موجود
موجود
موجود

:jakoush:
حب اية الي جاي تئول علية

الحب دح دح.............والهجر كخ كخ:larg:

قالها واحد مصري

الحب الحب الحب هذه الكلمه التي تجمع في معانيها
اروع وانبل الكلام .. واجمل ابداعات العطاء
الحب كلمة يجف القلم عند كتابة معانيها ..
فما اعظم معنى هذه الكلمه *الحب* :D

حلو
بس كل هي أعذار عم تخلقوها مشان تضلو عايشين بوهمكم
اصحو شوي و حاكوني منطق

شكرا
بس هذا رايك الشخصي وانا بحترمو
جرب تعيش الحب بتلاقيه انو حقيقة مو وهم:D

" الحب بعض من تخيلنا

لو لم نجده لاخترعناهـ"

احيانا يصدمني ونصبح اسرى كرهه

واحيانا نعيش الحالة

ولكن

من المفيد ان تحب الحب نفسه

وليس الحبيب..

اتمنى لك السعادة

يعني لو نيجي عشان نحكي منطق ما رح نجيب اشي جديد.
الحب يكون حقيقي لما يكون من طرفين
وأصعب شي لما تعطي ثقتك بانسان وتأمن عليه وتعيش معه لحظات حلوة وبالأخير ما تعرف كيف طلع كذاب.....وهاي الشغلة مش للرجل ولا للمرأة...الكذب والخداع بالحب موجود عند الرجل والمرأة الكل حسب أخلاقه وضميره...
يمكن كلامك الي حكيته كان ناتج تجربة صعبة انت عشتها....والمرأة لما تحب الحب يكون عندها حياة كاملة بينما الرجل لما يحب يكون الحب عنده احد مكملات حياته بس...احكيلك هيك حسب التكوين النفسي لكل من الذكر والأنثى.

بعضهم يقول موجود والبعض الآخر لا يعترف به
وانا بقول انو يلي مجربو بس بيعرفوا