|
اقتباس:
لانك خرافتي ومن يتبع الخرافات يتعب |
بتصير بتوقف تاكل السكر منشان لا يصيبك سكري ومن هون بتبلش تعمل كل الشغلات الخارقة للطبيعة يعني
بتصير بتشرب القهوه سادة وسادة يعني بلا سكر وبتصير بتاكل اكل دايت والدايت يعني بلاسكر وحتة الشاي الصبح بيصير مر ليساعد علي مقاومة السكر الي راح يذبحك وكلما قل السكر بحياتك كلما عجلت بموتك بالحيا بتعرف ؟ ان تموت من السكر احلا بكتيييير من ان تسلم الامانة سادة |
اقتباس:
هههههههههههه قوية .. بالنسبة الي .. دايماً علبة السكر يلي عنا بتخلص بسرعة .. شنو بسف سكر عالطالعة والنازلة .. اضافة لاني بحط معلقتين ونص بالشاي ...:o قول القهوة بحبها وسط .. احسن ..:pos: مية وردة الك اممي :D |
اقتصاد X+2
لما اقتصادك مابيكون اشتراكي او راسمالي او اشتراكي ديمقراطي او اي نوع من الاقتصادات الي يمكن تحدد ماهيتها...ساعتها انت اما احد من الخيارين:
الاول ان ماعندك اقتصاد من اصل والثاني هوه X وهالX هوه اقتصاد معروف ولكن متبدل حسب الوضع الاقتصادي العام هلق بوضعنا وباعتبارنا حالة خاصة بتواجه احتمال ثالث الي هوه X+1 وهاد الي فينا نطلق عليه مصطلح اقتصاد الاخرة لان وجود الحالي علي الارض هوه بلاشك من علائم يوم القيامة ...دون ان ننسي مساهمت الشديدة بتعجيلهاِ ويانايم وحد الدايم بين قوسين كفي نومة |
شكيتك لالله
بتروح تشتكيه للرب ...بس ماهوه علي اساس بيعرف كلشي
فانت هيك شو بتكون عم تعمل؟ بتعرف اكبس عالجرح ملح وارفع راسك ...واذا كان الي فوق عم يشوف وفيه يعمل شي راح ياخد بحقك لحالو واذا لا فورلي هالوقت واشربك كاسة متة فيه لان بتفش الخلق |
نشرة اخبار
اعظم واروع واصدق نشرة اخبار بتصير هيه الي بتبلش بناسف لعدم وجود اي خبر
بكل الاحوال انا مابعرف اصلا ليش شعبنا بينطر الساعة ثمانية ونص ليسمع الاخبار ؟ما هوه الوضع نفس وطالما الوضع نفس ماراح يكون في شي جديد!! فشو ناطر وليش بدك تروح المسلسل تبع القناة الثانية ما الاحداث الي عم تروح عليك بالقناة الثانية يمكن تكون اهم بكتير ويعني بكتير كتير من الي راح تروحو عليك بالاولى... استقبل , مرسوم, اعتداءات, مسارين, القرار رقم , خسر منتخبنا الوطني لكرة القدم امام ..... ونستودعكم بحفظ الله وسلامته |
اقتباس:
يعني مثلا شي متسلسلة او متتالية اومعادلة من الدرجةالتانية |
كراسي
لما بحرك عالتنكة بتطلع صوت
ولما بيكون الجو برد كتير بتصير بتصر وبتكز لتعبر عن بردا ولما حدا بيحط اجرو عليها بتصير بتزقز ومابتسكت ليبعد عنا بس لو اعرف شو معدن كراسيكن ...بس ياحيف |
عالحفة
بتصير بتحاول تتكيف معو ...بتحاول تضحك علي حالك ان هوه حقيقي
بتعمل كلشي منشان تعملو اصلي وتعطي كل الابعاد الافتراضية ليصير بس بيضل فالصو .. يا اما توقف ضحك علي حالك وترضي بالي انت فيه او تمحي هالشي المثالي من مخيلتك وتعيش متل هالناس لان مابحياتو المقارن علي سعر المقرون فياتلغي المقرون او تنسى المقارن |
على فكرة يا رفيق ، أنا مبارح لحتى انتبهت لموضوعك هاد ، و صرلي هاليومين عم بقرا فيه ، ما خليت تعليق بهالموضوع ما قريتو ..
هوو ما بدها الشغلة يومين ، بس لأني بالشغل ، و آآآآآآآخ من أشغالنا ....... شغل الفلاحة تبع التوار بالحقول أحسن من شغلنا ... :sick: يا ريت لو بستقلّ بذاتي و الله يفتحها عليي إفتح بسطتي الخاصة بدل ما ضل عم إشتغل عند بسطات أصحاب رؤووس الأموال.. :jakoush: أبو الفوووود العظيم مليون وردة ياسمين إلك :D تابع تابع ................عم نستناك |
اقتباس:
لك ياسيدي نورت البسطة ...وعلي الله تكون بضاعتنا رغم ردائتها عجبتك بس رغم نقصها واعطالها بتظل انتاج سوري بحت...اشتقنالك رفيق:D |
اقتباس:
|
اقتباس:
ياووويل ....كانك هون |
يعني مدري ليش هيك وأنا مارق من صوب بسطتك يعني مدري شو لفت نظري
شفت شي غريب شي كنت اسمع عنو من زمان ومن زمان ما شفتو متل هدول اللعبات التنك على شكل ضفدع وما بعرفو شو هدول كانو بس تكبس عليهم بيطقطقوا (بيطلعهم صوت ) بس من زمان ما عاد في منهن هدوك اللعبات كانو متل الحقيقي والحقيقي هو اللي شفتوا على بسطتك بس كتر منو يمكن تلاقي زباين كتير بدهون شي حقيقي وأحمر يادراق من غير ما تشلحوا بيشلح ........ |
بس تقطع الكهربا بتصير كل الشغلات بهالدنية متل بعضها
التلفزيون الابيض والاسود والعايف التنكة تبع بيصير متل احدث موديل بتحلم فيه وبيصير هالبيت الي مافيه شغلة ضابطة متلو متل بيت بابو رمانة وجسد زوجتك الي مالو تعريف مابيعود بيفرق كتير عن برج التوتر العالي الي بتملك هيفا وهبة هاد غير ان يقدمك خدمة باخفاء كل الشغلات الي مدايقتك والي دايما بوجهك... فيني اعرف ليش قاتلين حالكن عالكهرباء لكن؟؟ خليهن يقطعوها بلكي الله يسجلن حسنة ....اصلا هاي الشغلة الوحيدة الي بتشتغل لما بتقطع الكهربا ...رحمــــــة الله |
اهاااااااااااااااااااا
وانا قول لحالي ليش الناس عم تركب مولدات كهربا اتاري ما بدون يتساوى تلفزيونون الملون بالابيض والاسود ولا بدون بيتون الفخم يصير متلو متل اي كوخ فقير بس انو هيك كيف بدها تشتفل رحمة الله!!!! |
زمان عنك يا صاحب البسطه ... شخصياً انا بحب وقت تقطع الكهربا
|
صورة باطار من زمن
جربت كلشي لاتحرر من سلطة هالوقت ..
سهرت بالليل ونمت الصبح كسرت كلشي في ساعات عندي استعملت روزنامات لسنين ماضية او حتة للسنين الجاية...ضل الزمن متل ماهوه لا بيرجع وساحب لقدام. بتذكري يوم ما اخذتلك ديك الصورة ...فجاء انحصر الزمن فيك, اتغيرت التواريخ ,الدقايق صارت اطول والساعات صارت اقصر.. ضعت فيكي ومارجعت ... ولما ما عدت بالصورة ,وقف الزمن متل ماكان بدي يوم الي اخدتها ,وصار بيذبل والصورة معو فقدت الوانها للاصفر فكرت احرقها فكرت حطها علي جنب واخد غيرها ....بس خيالك بكل الصور... اسف استاذ ...بس الفلم احترق المرة الجاية انت وعم تطلع من الكامرة انتبه ماتعرض للضو |
| الساعة بإيدك هلق يا سيدي 19:19 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون