هل خلقت جباناً؟؟ أم نجحو في جعلي جبانا؟
 

يمكن العنوان غريب شوي متل الأحاسيس يلي انتابتني أول ما بلشت شارك بهالمنتدى.. تخيلو أني شاركت بالمندى و أنا خارج سوريا و سجلت ببريد إلكتروني ليس بريدي الأساسي و لايحتوي على إسمي و مع هالشي بخاف كل مابدي حط مشاركة..
هل من الممكن أن أصبح بمشاركاتي عميل أو أنني احاول تغيير كيان الدوله الإقتصادي أو أنني احارب النظام الإشتراكي أو أنني أصيب الشعور القومي بالوهن؟؟ و هلل من الممكن أن يعتقلوني بالمطار؟
يمكن يكون خوفي منبعو ثقتي بقوة المخابرات ببلدنا و انو شغلون الشاغل المواطن(( المواطن و ليس مصلحة المواطن)) و شو حكا و شو عمل و وين راح و وين اجا..
أول مره فتحت موقع أخويه كنت بمكتبي بالشام بعد ما قريت شوية مواضيع فيه طلعت منو و محيت الكوكيز و نزلت البرادي و طلعت الناس يلي عندي لبرا و شوي تانيه رح فرمت الكمبيوتر أو كبو بالشارع(( بس خفت ياخدوه و يعملو باكب)).
يمكن ضوعتلكن وقتكن بهالمشاركه بس و الله صرلي أسبوع عم فكر اني معقول صرت جبان لهالدرجه؟؟

هو سؤال برسمكم.. هل خلقت جباناً أم نجحو في جعلي جبانا؟

المثـبت علميا انو الطفل بس يخلـق بكون ما بخاف من شـي نهائيا و الدنيا بتـعلمو .. كدليل على عدم خـوف الطفل انو الاطفال ما عندهم ادنى خـوف من النار او من الـحيوانات و بالعكس بـصيرو بدهم يمسكـوهم و يلـمسوهم حتى و ان كانت حـيوانات شـرسه ,, او او او الخ الخ .. لكن مع الوقت بينمى الـخوف عند الانـسان من اشـيا معـينه و بـضل بيتعلم و بصـير الخـوف عندو متل كيـس كل ما زادت شغله بخاف منها بزتها بهالكـيس و هـييك ..

طيب شو الحل العلمي لنحل العقده و الخوف الأمني يلي ترسب بنفوس 20 مليون سوري؟

الخوف هو أمر مكتسب فالخوف من المدرسة والحيوانات وكل هالأمور مرتبطة بالأشيا اللي تعلمناها من أهالينا أو من خبراتنا

أكيد في طباع شخصية بتلعب دور بنمو الخوف أو السيطرة عليه

ما بعتقد أنو الانسان يخلق جباناً لكن كل واحد عندو قابلية لانو يصير جبان بناء على أمور تانية بشخصيتو او بناء على خبراتو مع الحياة

ولهالشي بقول أنهم نجحوا في جعل الواحد منا جباناً على اد ما بيسمع الواحد قصص بيبدى بيخاف
لكن لا يخلى الأمر من وجود ناس استطاعوا أن يتحدوا العقبات ويقولوا كلمة الحق غير مبالين بالتعذيب ولا بالموت
ناس انا بعتبرهم استثنائيين لأنهم قادرين يتحدوا اي شي لإيمانهم بمبادئ محددة جعلتهم يتغلبو على خوفهم

أكيد ما في حل سريع
وحالياً مافي حل ببالي
بس عندي حل الك هلا انت لعقدتك
شو رأيك تكتب اسمك وانا بوعدك ما حدا يقرب صوبك
:p

................................
اي ولو الموضوع بدو شوي فكاهة لا تعصبو علي وتقولو عم غير مسار موضوع :pos:

صدقيني كلنا مستعدين لنقول كلمة الحق لو كان رح تطلع بنتيجه.. فيكي تقوليلي هدول الناس يلي حكيتي عنهن شو غيرو؟؟ أنا بقلك هنن سجلو موقف و بيكفيهون فخر هالشي لأنو حياة الأنسان موقف.. بس مصائر الشعوب بدعا شي أكبر من الكلام حتى يغيرا و حتى هاد الكلام ببلدنا جريمه و تهمه

اقتباس:

كاتب النص الأصلي : sandra 82 (مشاركة 1019205) أكيد ما في حل سريع

موافق بس مو هلاأ ليخلص البناء الجديد لمحكمة أمن الدوله لأنو سمعت رح يكون مكيف و الله مالي خلق عالشوب :cry:

عزيزي فلتحيا سوريا
أمثال هالناس مو بس سجلو موقف ....بل كمان هنن شمعة احترقت لتنير درب كتيرين غيرهم ويمشو على خطاهم
ثمار مواقفهم يمكن ما تظهر هلا لكن أكيد الها تأثير رح يكون على كتيرين
وهي يمكن تكون الخطوة الأولى لتتغير الشعوب

كتير استهلك هادرب شموع و ماكان يتنور... و ماكانت هالخطوة الأولى تبلش.. كل يوم عم نرجع سبع خطوات من الخوف

‘لمتني الحقيقه أن أكرهها فما استطعت..

مبارح كنت عم ناقش فكرة انو ما من المفروض انو اكتب اسمي بالمنتدى او اعطي معلومات كاملة عني
بس بصراحة وئدت دخلت بياناتي ما فكرت بالموضوع يعني ما كان عندي هالخوف الي عم تحكي عنو , ما بعرف اذا هالشي اسمو جرأة , شجاعة و لا غباء ....؟؟

موضوع مهم جدا.. صدقني جدا معبّر عن شي موجود داخل كل واحد فينا...

الخوف بالنسبة لألنا اللي عشنا بالموزمبيق تجذّر بشكل رهيب... صار جزء أساسي من فكرنا و طريقة تفكيرنا لأنو ربينا اجتماعيا عن الخوف.. و هاد شي جدا مستغل (بضم الميم..)


شكرا

نفس السبب اللي بتخلي يسود الصمت كلما حدا فتح موضوع سياسي بمكان عام وبيشتغل العض على الشفايف .

انا كمان متلك لهيك بتشوفني بحاول ما اعطي معلومات شخصية عني مشان حس بالأمان :lol:

انا بقتبس من المشرف صديقي يامن توقيعه :

صديقي ليش الخوف اذا عندك ثقة بانو انت ماعم تغلط
كمثال بريدي متل ماهوي اسمي الكل بيعرفو تقريبا وحتى صورتي ووين ساكن
بس ماعندي كبير غير الله , ولما مابكون غلطان مابخاف من بني ادم
بقا الخوف هاد مالو اي مبرر الا اللهم كان في شي تاني بالك

لا يا سيدي في اله مبرر ومبرره واضح جدا ما بدي احكي كتير بس مبرر التصرف والعذر معنا .

انا من جهتي بحب ارثي نفسي واقول انه مانه خوف بقد ما انه حكمة

يعني كلياتنا منعرف البير وغطاه وقت بحط راسي تحت الأرض وبسكت وما بحكي هوي تصرف جبان وجبان جدا لكن مشان الشعور الانساني اللي فيني ومشان تبقى نظرتي جيدة لذاتي بقول انه برافو عليك كابي عبتتصرف بحكمة بالمواقف هي لكن اذا بدك تجي للحق هي قمة الجبانة والخوف وهنن زرعوه فينا .

يقضي الانسان سنواته الاولى بتعلم النطق , وتقضي الانظمة العربية بقية حياته بتعليمه الصمت

:D

مابعرف كيف انتو بس انا من حالي عم احكي بعمري ماحسيت انو في كلمة بدي احكيها و وماحكيتها
دائما حسيت وعم حس بحرية اللي بدي قولو :D

هوي بالأول الكل هيك بحس وبيستغب ليش العالم بتخاف وبقول ليكني عبحكي وما عبصير لي شي عبعبر بكل حرية وما صار لي شي لكن وقت بيتعمق اكتر وبشوف القصص بيتغير الحكي

سوريانا انت عبتوقعني بالحكي اذا صار لي شي الحلاوة على حسابك :lol:

:D