اوقفوا المجــــــامـــــــلات
 

فعلا الكل لازم تتوقف ... الكل :D

عميل مقارنة مع غير منتديات...رح تشوف الاخوية أديشا متقدمة ...و خاصة بهالمجال...

مو على أساس لازم نوقف المجاملات...!!!
شو مشانك..!!!

شكرا
 

شكرا شكرا شكرا

كفشو :o:o

:larg:

شو رأيك تعمل حملة لمكافحة المجاملات ع الفيس بوك .. :p

فعلا هي المشكلة كبيرة كتير
و بظن ان اساسها هو الأعضاء اللي مفكرين ان عدد مساهماتهم بالمواضيع بيعني هالشخص شغلة كبيرة
لا و الأبشع من هيك بتلاقي مشترك جديد بأول كم ساعة الو بروح ناكش مواضيع من القرن الماضي و يا ريت
عارف شو هالموضوع و ملحق موضوع ورا التاني (اخدهم بالترتيب) و على مشكووووووووووووووووور

عندي تساؤل
يا ترى لو كان ما في تصنيفات للأعضاء بداية بجديد او طازة او مدري شو و انتهاء ما بعرف شو اعلى مرتبة بالتصنيف
او انه لا يوجد ذكر لعدد مرات المشاركات كانت وجدت هالمشكلة من الأصل
لكن برجع و بقول مو المشكلة بالتصنيف او عدد المشاركات بتضل المشكلة بالعضو نفسه و نظرته لنفسه و للآخرين و للموقع بشكل عام

راجع بهمّة ..

يا خيو ادخل على بعض المنتديات وشوف كيف انو كلمة شكرا مزوزقينها وبارمين ولافين
مشكوووووووووووووووووووووو ررررررررررررر
شي بيعملوها مثلث شي مدري شو اسمو وبتاخد الصفحة حتى تنزل شي نص ساعة
اما التواقيع يا عيني عليها كل واحد منها صورة او فلاش بشي نص ميغا

ونحنا هون بالف خير
بس انو يلي بيعصبني بعض الشباب خصوصا بقسم الكمبيوتر والبرامج يلي بيقلك لا يظهر الرابط الا بعد الرد او اذكرونا ولو بشكر او بدعوة
يعني فعلا مزعجة
وشكرا خيو :D

شكرا لك -بحذر- باعتبار كلمة شكرا اصبحت وصمة لقلة الثقافة !
لكن اثارة هذا الموضوع هي في غاية الأهمية ,لما هي وقفة مسؤولة تجاه رفع سوية المشاركات في المنتدى.
وتعقيبا على ما ذكرت ,لمعالجة والحد من الردود التي لا تتجاوز كلمة شكرا او بضعة كلمات والتي اسميتها باهتة
يجب الوقوف على الاسباب ومنها:
1-عدم توفر السوية المعرفية والثقافية الكافية عند بعض الاعضاء للمشاركة في الموضوع ,وكما تعلم ان سويات الاعضاء متفاوتة.والحل هنا هو اذا ليس لدينا ما نضيفه أو نعقب به او ننتقد فلنكتفي بالقراءة ثم الصمت.
2-احساس بعض الاعضاء - واحيان يكون قسريا -بوجوب المشاركة بموضوع معين دون وجود افكار لديه,وقد يكون سييه كما اسلفت انت رغبة بزيادة عداد المشاركات وهنا يكون لزاما علينا التذكير ان نوع المشاركات اهم من عددها,بدليل هناك كثير من الاعضاء مشاركاتهم معدودة ولكن لفتوا النظر بنوعيتها واثاروا نقاشا طويلا حولها.
3- بعض الاحيان يكون الدخول الى المنتدى بدافع الترفيه والتسلية أكثر من قصد المشاركة الفعالة ,فترى عضو ما يتجول بين المواضيع يسلم على فلان ويعاتب فلانة ...يثبت حضورا ما ..وهذا ما كتبت عنه سابقا ان هناك جزء من المشاركات هي دردشة اكثر منها مساهمات.ولهؤلاء قد تكون الرسائل الخاصة هي السبيل المناسب.
4- المجاملات بين الاعضاء الذين هم على صلة ومعرفة ببعضهم,وهذه يمكن لا حل لها لانها انعكاس لطبيعة العلاقات الاجتماعية بالواقع ,القائمة على التودد والتقرب وأحيانا تكون نوعا من النفاق الاجتماعي .لكن يمكن ان تتم خارج المنتدى حفاظا على جودته.
اخيرا هذا الموضوع جدير بالتوقف عنده وليبدأ كل عضو من نفسه ويسأل ماذا سأضيف في مشاركتي ,قبل دك لوحة المفاتيح باصابعه .