|
اقتباس:
بس بتعرف أنا باعتقد انو الكلام المكتوب عن الفيديو خطا يعني كل واحد بيشد الحبل لعندو و دارجة إساءة السمعة للناس باعتقد بالفيديو الأول هي شي مراهقة استرجت بوسط هالرعب و الحرب و حبتلها شي حدا .. قام شي حدا لقطا عم تتطلع في أو عم تبوسو او شي و صاروا يعملو فيها دم و حمية و هني 3 أرباعون حيوانات و بيشتهوها ..حتى بعد موتا في ناس حاولت تكشف عنا تيابا .. بعتقد هاد فينا نقول أحسن سيناريو هادا إذا ما كان شي حدا معتدي عليها و ليغطي على جريمته طلع عليها سيط و ساواها هيك أو أنو تجوزت خارج رأي أهلا يعني بجميع الأحوال جريمة شنيعة اما قضية أنو مغيرة دينا فما بتصور في حدا بعمرا حتى لو غير دينو رح يجابه هيك جموع حاشدة و مستجحشة و ما يعلن توبتو لو ظاهرية اما الفيديو التاني فهو حلقة في مسلسل الرعب العراقي و القتل على الهوية : يعني سني بيقتل شيعي و شيعي بيرد عليه بالمثل .. و غالبا المقتولين بيكونو ناس من خارج الموضوع و القاتلين بيعيشو ليقتلو غيرون بس بالفيديوين المرعب هو كمية الرعب و الحقد و الضياع و الهمجية اللي مسلطنة بالعراق و كلو بفضل الله و صدام و الأميركان |
اقتباس:
لا كلام م الاخ ( هون ) صحيح نحن كمجتمع شرقي بنعتقد انو كل الجرائم الي عم تصير هي بسبب الرب وهاد الش غلط لانو الجريمة ترتبط بالثقافة وباديولوجية المجتمع الي ترتكب فيه نحن كمجتمعات شرقية نقتل باسم القبيلة والرب بينما المجتمعات الغربية مفهوم الدين ليس له التأثير كما في مجتمعاتنا واكثر الجرائم في الغرب ترتكب باسم العقيدة ونسبتها اكثر من مجتمعاتنا بكثير الشرقي يقتل باسم القبيلة والغربي باسم العقيدة |
اقتباس:
أما المقطع التاني .. فأنا متلك .. بشك بصحة الحديث المكتوب تحتو |
اقتباس:
1) لا يا سيدي برجع بقلك مافي داعي .. العالم اللي عم ترتكب هالشي - باسمو - هيي الغلطانة ، واذا بدك تحط الحق على حدا ، حطــو عالشخص / الجماعة المناسبة/ين اللي الون علاقة ، اللي كانو السبب باللي عملوه هنن بارادتون ومع التفكير المسبق ، اللي صارو متل الهمج ونازلين قتل ودبح .. وبالاخير لحتى يبررو فعلتون بيقولولك باسم الرب ( انو خلص لا حدا يقرب .. خط احمر ) .. 2) معك حق .. المسبة ما بتعمل شي - الك - او حتى لـ " الاله " .. بس لغيرك بتعمل كتير .. بتهين معتقدات انسان تاني انت مو معذب حالك لتشوفو قدامك مشان تحترمو .. قريت شروط الكتابة بالمنبر وقريت ردود كتير للقائمين عليه .. من احد الردود انو ما بيصير تسب / تغلط على - الشيطان - اذا كنت انت بتكرهو وبتلعنو صبح ومسا ، في غيرك بيعبدو وبيقدسو .. وبالتالي ما بيحقلك هالشي .. وبما انو لا حصر للشغلات اللي بيعبدوها العالم ، قررتو انو كل شي فيه اهانة لعضو او معتقداتو يعتبر مخالفة بيتنبّه عليها العضو ... بقا يا جماعة مادام انتو اللي حاطّين هالشروط ، الاولى انو تكونو اول مين بيطبّق هالحكي ... صح ولا لاء ؟ ومشان التنبيه او المخالفة .. يمكن كان لازم تضيفو نجمة صغيرة بالنهاية ( بينعطى تنبيه* ) وبس تنزل لتحت باخر الصفحة و باصغر خط موجود تكتبو ( * : طبعاً بعد ما نتدارس الموضوع بينا وبين حالنا ونشوف اذا هالشي " مع " سياسة اخوية البناءة ) بقا رجاء مو كل ما صارت شغلة لمخلوق بينط وبيحطلك الحق ع الله ! ما ناقص الا اذا الواحد فيكون تفركش ووقع يقوم ليقول كللو من الله ليش ما استلقاني؟ شو هالاله اللي بلا قلب خلاّني اوقع :? ... جد غريبين !! :pos: |
..........................................
اقتباس:
|
اقتباس:
تانيا مزبوط بتمر مخالفات من جميع الأنواع بالمنبر و غيرو لسبب رئيسي أنو الإشراف و التنسيق إمكانياتو محدودوة.. يعني ما في ناس كفاية لتمحي و تعقب و تقارن و تجتمع و تقرر هاد موافق و هاد لا و خاصة في الحالات الإشكالية و اللي مو باينة بشكل واضح .. هلق ممكن ناس تتحيز .. ممكن و ممكن لا أنا شخصيا ماني مشرف أنا منسق .. مافيني خالف حدا و لا ني مندفع لخالف حدا اصلا بس ما بيمنع انو في مخالفات واضحة أنا بحاول وفقها (يعني أمحيها) و في مخالفات احيانا بتكون مو واضحة بتردد عندها هلق بدي قلك شغلة أنا السب و الشتم مانو اسلوبي و لا بوافق عليه للجميع أنا ملحد أي نعم بس ماعندي شي ضد الله بس المشكلة الحقيقة هي عند كثير من المؤمنيين لما حدا بيحكي على أي شي ألو علاقة بمعتقداتون و بأحيان كتير ما الو علاقة بس على الشك منشوف منهم حساسية الله و اسمالله و ما بيخلو و ما بيببقو على حدا و بيحسوا انو عادي يهينو أي حدا تاني و معتقداتو لانو أصلا مادام الشخص مو مؤمن متلون فهو مدري شو احترام حرية الاعتقاد واجب : يعني انا بحترم حريتك بأنك تآمن باللي بدك ياه بس ماني مضطر و لا بأي قانون احترم معتقدك بحد ذاتو بس عدم الاحترام ما بيعني أنو سب و شتم يعني هاد متل ماتقول رأي شخصي .. هلق برجع و بقول المشكلة مع المتديينيين ما بيميزوا بين النقد و بين المسبة يعني حتى النقد لازم يكون فيه الف اعتذار و توضيح و حتى لما بينحكى ما بيعجبون .. ماحدا كامل و على القليلة بهاد المنبر و بها لمنتدى الناس بتكب اللي بدها يا بما فيها مسبة الناس القائمة على المنتدى و اللي فاتحينو ، بغير منتدى بينطرد العضو على رأيو بموضوع معين |
اقتباس:
و يرضى عليك لا تقلي الإنسانية بتحتم عليك تكتب احسنت بكل موضوع عشر مرات |
اقتباس:
انا ما طلبت منك او من غيرك انو تحترمو حرية الاعتقاد اللي عنا .. بس هاد مو معناه انو هالشي بيعطيك الحق لتسب وتشتم على كيفك ... صدقني انا ما بتفرق معي لو كنت ملحد او غيرو ، بس بتفرق معي كتير لما لاقيك بتطلب مني احترم حريتك " وما سب او اغلط " عليك* ، بس بالمقابل انت ما عم تعمل هالشي !! ( * : ضربنا فيك المثال بس الحكي مو موجه الك بشكل شخصي ) هلق الشغلة التانية ، تعقيباً ع كلامك انو المتدينين ما بيميزوا بين النقد والمسبة .. اوكي !!:? بس يا ريت تقللي انا وقت اللي بعتت تقرير مشاركة عاطلة عن رد اممي او حتى علقت بقلب الموضوع عن هالشي ... هل ردّو بتسمّــيه نقد ؟؟ انا من ناحيتي ما شفت اي توضيح او مبرر للي قالو و 100% ما بيعتبر نقد ...لانو وقت اللي بدك تنقد بتنقد التصرّف اللي صدر من شخص ، بتنقد المبرر اللي عطاك ياه ... اما وقت اللي بتتطاول ، اسمحلي .. بس هاد الو تسمية مختلفة وما بيندرج تحت النقد .. وبالمناسبة ، اقتباس:
وبما انو ما معك الصلاحية لتخالف ... فـ - لو فرضنا - انك (محيت / عدلت ) بردّو شوي ... ما كنا عم نعمل هالحديث هلق .. |
اقتباس:
وبأكدلك انو المسبة اللي صارت ماكانت عن الرب او الذات الالهية وانما كانت عن فكرة الرب اللي بعقول الناس اللي حكيت عنون فوق واللي عم يستغلوها وبس لحتى يوصلو للي بدون اياه ويعطوه طابع مقدس مع انو هوي فعل ماممكن يتفسر الا بالوحشية والهمجية :D |
اقتباس:
ثانيا لما بتسب و بتغلط إن كان فعل و لا رد فعل فهاد الشي غير مبرر اقتباس:
مو كل تقرير بينبعت أنا بشوفوا .. يعني قلتلك و باول رد ما في المقدرة الكافية على متابعة كل المواضيع و كل الشكاوي و أنا غالبا بكبس لينك التقرير (لما بيكون عندي وقت) و ما بنتبه شو الشكوى بالذات و رح علقلك على نقطة الله بالذات : بعترف أنو بجوز شفتا و ما محيتا لأنو أنا بصراحة لما بشوف كفرية عابرة (من اللي منسمعها بالطريق 100 مرة باليوم) ما بمحيها (مو عن قصد) بس أنو الله ملكية عامة يعني و أنا بمحي المسبات على الأشخاص بغض النظر مين هني (الأعضاء بالمنتدى أو لما بتكون مسبة على مجموعة أو ..) و يعني فيك ترجع لرد أمرأة من ورق اللي فوق مشاركتي دغري و هون مندخل بمتاهة حرية التعبير و النقاط الإشكالية اللي اشرتلها برد سابق .. و بالمناسبة ما بدي تفهم من حكيي أني ضد الأديان و المتدينين و بكره الله و اللي بيعبدو .. أبدا أنا بالأصل كنت أعبده و آمن فيه و كنت متدين ... و المثل بيقلك اللي بحب ما بيكره .. و أهلي و رفقاتي و ناسي معظمها متدينين (بدرجات متفاوتة) هلق الموضوع الأكيد أنو كتير من المتدينين بيكرهو بيحقدوا على اللادينيين و الملحدين بس بسبب معتقداتون |
انا شايفة الفيدو ابل هالمرة ..
وانصدمت كتير ,يعني شي مو بالعقل ليتصدق مو لينعمل بس جد كفرت بالاسلام بيوميتا والله ينعن الدين الي بسمح بهيك شي .. |
والله العظيم لساني عاجز عن وصف هيك حيوانات
|
اقتباس:
يسلمن رفيقة عالتوضيح ... صراحة نحن كاشخاص لادينين والمؤمنين بالوجود الالهي والمختلف عن اصحاب المناهج الدينية لما بنوحه النقد لله في الاديان الاخري بيكون للغلط المنسوب لله (يعني نحن بنومن ان حتي هالوحوش عندن الله بس بعيد عنك بيكون عندن نقص بفكرة الله ..هاد اذا فيك تفهم ان حتي الله هو فكرة قابلة للنقد والتحليل) اما بالنسبة للسؤال الي انا طرحت باخر المشاركة حابب اعرف ششو هو ردك علية لاني بعرف ان الرب رحيم بعبادة وان هو عند قدرة ليعمل كلشي فاذا انا تركتك تقعد محل وتكون عندك السلطة المطلقة تبع فبتسمح(وانت اسمك العادل) ان هيكي شي يصير؟؟؟ّ!! واذا مابتسمح فساعتها صديقي انت اعدل من الرب الي بتؤمن فيه واذا بتسمح فبتكون شاركت بنفس العمل الوحشي تبع هالمجرمين ...ناطر ردك |
| الساعة بإيدك هلق يا سيدي 08:46 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون