اليوم الأربعاااا يعني الحماصنة أجباري بدهم يربحو

ولاتنسى أنو عاملين عمرة حتى المسيحية أعتمرو ..يعني الغول التاني مو معقول يازلمة شو كنتو قارين عليها للمبارة .

ولا اليوم الأربعاااا وهاد يوم مقدس عند الحماصنة

ولا أبو شاكر يازلمة طلع عم يحكي حومصي .. والله أبو شاكر كان كتير واقعي وكتير متواضع وقت ستضافو هل كم دقيقة مايكون واحد غيرو خود بقا على نفخ بحالو

مبروك لسوريا عامتاً وللحماصنة خاصتاً

حسووووووووووووووووووووون وينك حسوووووووووون

طيب هي دخلتي من الملعب ومتكسر تكسير من التعب ومن المباراة الحلوة الكتير واللي كانت اكتر من رائعة ..
وطبعا رح وافيكن بالتفاصيل بس لاخدلي شوية نفس

طبعا كنت فرحان كتير
بس انصعقت بخبر خسارتنا .. ومابعرف شو احكي
فرحتي ماتت من هالخبر البشع

الدوحة - خاص بموقع الكرة السورية



السد القطري × الكرامة السوري (0-2) سجل للكرامة محمد الحموي وعاطف جنيات



قدم الكرامة واحدة من أقوى مبارياته هذا الموسم (فنياً وتكتيكياً) ونجح في إلحاق الهزيمة بمستضيفه السد القطري بهدفين ضمن الجولة الثالثة لدوري أبطال آسيا بكرة القدم في لقاء فك الشراكة في صدارة المجموعة .



وأثبت مدرب الكرامة محمد قويض أنه واحد من أفضل مدربي القارة بفضل قراءته الواقعية للقاء وأسلوب إدارته لمجريات اللعب حيث أعطى لاعبيه تعليمات واضحة لتعطيل مفاتيح اللعب في الفريق القطري المتمثلة في الثلاثي الخطر (فيليبي جورج وإيمرسون وتينيريو) والضغط على حامل الكرة من منتصف الملعب والإعتماد على الجبهة اليسرى في شن الهجمات مستفيدين من تحركات الظهير عاطف جنيات واختراقات الحموي وجهاد الحسين وتوازن لاعبي الإرتكاز فراس اسماعيل وحسان عباس.



ومع توقعات في أن يبدأ الفريق السوري اللقاء بأسلوب دفاعي حذر فاجئ الكرامة المراقبين بأسلوب هجومي متزن وسيطرة على وسط الملعب وخطورة واضحة أعطت الأفضلية للفريق الأزرق معظم مراحل الشوط الأول مع بعض الهبات الساخنة للمضيف كان أخطرها كرة ماجد محمد التي تعملق لها البلحوس.



في الشوط الثاني ومع إداراك الكرامة لحراجة موقف مضيفه الذي يلعب على أرضه وسط مؤازرة جماهيرية كبيرة كان التراجع الدفاعي العقلاني لاستيعاب هذه الفورة وأتيحت للسد عدة كرات خطرة تكفل بها الدفاع ومن ورائه الحارس المتألق مصعب بلحوس.واعتمد الكرامة في هذا الشوط على المرتدات التي أثمرت عن هدف اللقاء الأول بعد جملة تكتيكية أنهاها الحموي في الشباك قبل أن يترجم الجنيات أحقية الكرامة بالفوز بعدها بخمس دقائق عندما سدد كرة مجنونة سكنت شباك الحارس القطري (محمد صقر) وسط دهشةٍ وخيبة أملٍ قطرية لم تنفع بعدها كل المحاولات السداوية رغم خطورتها في تحقيق ولو هدف شرفي ليخرج الكرامة من موقعة الدوحة منتصراً ومنفرداً بصدارة المجموعة عن جدارة واستحقاق.



سيناريو الهدفين :

الهدف الأول- علاء الشبلي ينطلق إلى وسط الميدان ويسلم كرة لجهاد الحسين الذي يسقطها داخل جزاء فيهيأها الإسماعيل للحموي الذي يودعها عن يمين الحارس محمد صقر.

الهدف الثاني: كرة مشتتة من مسعد الحمد إلى وسط الحمد يهيأها الشبلي أمام عاطف جنيات الذي يفاجئ الحارس بتسديدة صاروخية من ثلاثين متراً استقرت في المقص الأيسر .



سيناريو الفرص:

د5 : تسديدة ضعيفة لفابيو من حافة الجزاء بيد الحارس محمد صقر.

د8: عاطف جنيات يسدد كرة قوية بيد الحارس.

د11: تسديدة طائشة من إيمرسون تنحرف كثيراً عن المرمى.

د13: تسديدة قوية لماجد محمد بعد بينية من إيمرسون يردها البلحوس ببراعة.

د15: جهاد الحسين يراوغ أكثر من لاعب ويسدد فوق المرمى.

د17: زياد شعبو يستفيد من خطأ المافع العماني محمد ربيع النوبي ويسدد من زاوية ضيقة بيد الحارس.

د23 فيليبي جورج يخترق من جهة اليسار ويرفع كرة لإيمرسون يمسكها البلحوس ببراعة.

د29: تسديدة قوية لإيمرسون فوق المرمى.

د35 : تسديدة قوية لوسام رزق بيد البلحوس.

د39 عاطف جنيات يرفع كرة موزونة على رأس الشبلي تنحرف عن القائم.



د52 : إيمرسون يتلقى كرة مقشرة من تينيريو وينفرد بالبلحوس ويسدد برعونة كرة طائشة.

د65 : عرضية من الجنيا للحموي داخل الجزاء تطول وتخرج لضربة مرمى.

د82: ايمرسون يخترق الخاصرة اليسرى ويمرر إلى تينيريو ويتدخل البلحوس بفدائية.

د85 : فيليبي يرفع كرة عرضية من جهة اليمين على رأس إبراهيم ماجد ترتد من العارضة.

رأسية من تينيريو فوق العارضة.



لقطات :

- آزر الكرامة أكثر من ألف مشجع لم يهدؤوا طوال المباراة عن تحفيز اللاعبين.( حسون الجدبة .. ما حسبوك انت حلبي .. ما لك علاقة يعني :p)

- خبير التحكيم في قناة الجزيرة الحكم الدولي السوري السابق جمال الشريف أشار إلى أن السد كان يستحق ضربة جزاء في الشوط الأول نتيجة إعاقة بلال عبد الدايم لتينيريو.

- مدرب الكرامة محمد قويض كان ذكياً في تصريحاته قبل اللقاء حيث أشار إلى أن فريق السد (عالمي) والتعادل معه في أرضه نتيجة إيجابية.


الف مبروك للكرامي ... وشد الهمة كرامي .. شد الهمة كرامي .. :D

مشكور يمانو

اقتباس:

- مدرب الكرامة محمد قويض كان ذكياً في تصريحاته قبل اللقاء حيث أشار إلى أن فريق السد (عالمي) والتعادل معه في أرضه نتيجة إيجابية

وحتى بعد المباراة صرح نفس الشي يا اخي ابو شاكر كبير

اقتباس:

طيب هي دخلتي من الملعب ومتكسر تكسير من التعب ومن المباراة الحلوة الكتير واللي كانت اكتر من رائعة .. وطبعا رح وافيكن بالتفاصيل بس لاخدلي شوية نفس طبعا كنت فرحان كتير بس انصعقت بخبر خسارتنا .. ومابعرف شو احكي فرحتي ماتت من هالخبر البشع

اهلا وسهلا حسون ويعطيك العافية يا رب
بالفعل شي بيصعق وانا كمان انصعقت

هاردلك حسون .,

طبعا هارد لك للاتحاد ... ومبروك للكرامي ...

:D

و
هاها هيي هيي
مرمغنا السداوية
وهاها هيي هيي خسرنا السداوية
مبرووووووووووووووووووك كرامة يا ابها انت:gem::clap:
مو هارد لاك اتحاد ياعيب الشوم بس
مو الحق عليكون الحق على يلي عم يسمحلكون تلعبو بدوري الابطال
اول مرة سكتنا قلنا حظ وهالمرة كمان حظ للاسف بس:jakoush:

اي مبروك لالنا
يا اخي ما عم يلاقولنا حد
بس غول عاطف عوض عن كل التعفيس اللي عفسو بالمباراة
و احلى كرامة

تلت رباع !
تركو بلاوي خير الله برا
تقريبا واحد قلي ضل شي 2000 واحد ع الاقل برا وماخلون يدخلو .. وجابولن مكافحة الشغب وقفون عند البواب
وكتير من رفقاتنا ضلو برا وماقدرو يدخلو
طبعا نحن لو مانجي قبل موعد المباراة ب3 ساعات من اجري ازا كنا دخلنا :cry:

ازا اب سليمان بحالو ضل برا ياحرام :p
بعد ماضليت اسبوع كامل اقنع في يجي يحضر المباراة .. واقتنفع واجا مشان يحضرا مادخلو :p

اي بكون سب عليك لشبع :lol:

طبــعا وصلنا ع المباراة الساعة 4 الا ربع تقريبا .. وكان زحمة كتير عند البواب ومارضيو يدخلونا هييييك للساعة 5 لانو كان عدد الجمهور السوري محدود كتير كانو مخصصيلنا 800 مقعد بس .. ع حسبتن جمهور السد بدن يعبي الملعب :lol:
طبعا دخلو اكتر من تمامية بشوي وحشرونا كلياتنا بزاوية وحدة والناس قعدت فوق بعضا (بلا معنى) :frown: من كتر الزحمة .. بس بعدا لما شافو جمهورن ميت فتحولنا مســاحة كبيرة وتفررفدنا وعين الله علينا .. وطبع الجمهور من قبل المباراة بســاعة ماهدي .. حماصنة حلبينة ديرية شوام حموية جبلاوي لادقانية كلو كلو
عبشجع ومبسوط .. طبعا انا رايح وحاطط قدام عيني التعادل او الخساة وطبعا من جدبنتي تراهنت مع كم واحد فلسطيني وكم واحد قطري من انصار السد .. انو ازا من فوز رح اعزمن وطبعا اكلنا هوا ورح نطر نعزمن .. مشان هيك مخبي حالي اليوم ومسكر تلفوني وماعبرد ع حدا :p
طبعا الغول الاول كان بلا غوال ادائ تكتيكي كتير .. والجمهور السوري طول الشوط الاول ماسكت والعلام ماهديت وطبعا الجمهور القطري مالو لاطعمة ولا لون كتير ع الفاضي .. وفي طبعا جمهور كتييييير برا قدرولي يا ناس بشي 2000 واحد ع الاقل من بداية المباراة ماعدوا يدخلون .. بعدين دخلو شوي منن ياحرام وبالزور .. والباقي كلو صفا برا ياحرام :cry:
وطبعا الشوط التاني بلش وبالديقة 70 على ما اظن او هيك شي دخل الغول الاول اللي شعل المدرجات والناس قامت ماعادت تعد .. وبعد بكم دقيقة اجا غول عاطف جنيات الحلو كتير اللي كمان فاجأ الجمهور وماحدا يحمل حالو من الفــرحة .. وضلينا هيك لوقت ماصفر الحكم وبلشت الافراح وهادا اللي شلح قميصو وهادا اللي شلح مدري شو واخر الشي اجا لعيبة الكرامة والمدرب اب شاكر ومدير نادي الكرامة رياض حبال وكل الجهاز تبع الكرامة صارو يحيو الجمهور ويسلمو عليهن والناس تنط من الفرحة بما انو الفوز ع فريق متل السد وع ارضو وبين جمهورو ومع سخط وزعل كتير ع الجمهور اللي برا .. وتكملت الافراح برات المباراة ومابعرف ازا طلعو مسيرة ع كورنيش الدوحة انا ماحضرت هيك شي والناس نزلت دبك ورقص عند ساحة الملعب وجمهور كان كبير كتير كلو الشتغل دبك ورقص وع كيف كيفكن اجواء مو طبيعية
وطبعا بالمباراة كان حضور طفيف للجنس الطيف .. يعني شي عشر وحدات (مو وحدات تلفون) شي عشرة هيك كانو عبيحضروا المباراة هنن وازواجن وهيك ..
وطبعا بعد المباراة جمعنا حالنا وسهرنا سهرة صغيرة ع شرف الكــرامة مع انو كل واحد ايدو مالو قادر يحركا من التعب وكنا عمنحكي باللغة الاشــارة لانو صوتنا رايح تماما ..
واجواء كانت اكتر من رائعة توجا الكرامة بالفوز
طبعا الدخلة ع المباراة كــانت مجانا للجمهور القطري
ولجمهورنا الدخلة ب20 ريال :pos:
بس طبعا نحن ماعاش اللي يدو يخورفنا .. و70 بالمية من الجمهور السوري دخل بلا بطاقات .. وشلف ومنن واخوي :oops:
كمان كان عببيعوا علام قبل المباراة العلم بــ30 ريال
مسكنا لصاحب العلم هيك ضلينا عليه ضلينا عليه هيك لحرقنا نفسو واخدنا علمين ب15 :larg:

وفي كزا فيديو مصورينو رفقاتي واخوي مصور كزا فيديو رح جمعلكن ياهن بركي من عند هالعالم وبنزلن هون او بحملن ع اليوت يوب بركي .. ولعبونكن
وهيك اجواء المباراة بشكل عام .. والف مبرووووك لكل الحماصنة ولكل الكرماوية ولكل السوريين بقطــر اللي كتير كانو مميزين .. (وخاصة الجنس الطيف القليل )
وعقبال مانفرحلكن بالنهائي ..

ومابعرف شو بدي قول عن الاهلي غير انو .. حسبنا الله ونعمى الوكيل ..

اشكرا :cry:
هو انو انا حسبت الشغلة شغلة بطاقات .. رحت لميتلو شي بطاقتين من الجمهور ومن هالعالم ونزلتلو عند باب الدخول وزتيتلو ياهن من بين الباب وطبعا حس علي الشرطي وفز عصبو مني وشوي تانية بطالعني من الملعب كلو .. بس المهو وصلو .. وشو صار بعدين مابعرف ..
بس الله اعلم شو سب لسب علي امبيرحة :p

شهادة مشجع سداوي ...





شالله عليكم يا جمهور الكرامة

جمهور يرفع الراس و يحميه من المداس


داخل المدرجات يوجد حوالي 3000 او اكثر

خارج الملعب حوالي 1000 او 1500


و الامن مسكرين نص الكراسي عشان ما يقعدون الكرماويين و يطلعوهم برا


قبل ما تبتدي المبارة

كل جماهير الكرامة بصوت واحد قرأو سورة الفاتحة

ماشالله الصوت هز الملعب

و جمهور ماشالله ما اقول الا جيش

و ثانيا لما دش الهدف الاول اقول والله على ما اقول شهيد

انا كنت قريب من جمهور الكرامة

والله دش الهدف دقيقة 69

و من هالدقيقة الى الدقيقة 94 و بعد المبارة ب 30 دقيقة و المدرجات تهز

و مع السف جمهورنا فاضي

مشجعين الكرامة خلوهم برا الملعب عشان ما يحطون عالتلفزيون هالعدد الهائل قبل بداية المبارة



و اخيرا

مبروك للكامة هاردلك للسد

وفي الختام انا اقول الوعد قدام

والله وعملوا القبضايات .. بيرفعو الراس والله

اي قللو على الوعد يا كمون
انو هيك بيصير فيو للي براهن على الكرامة روح تكووم بالعزيمة
انو ابو سليمان ضل برا لكن
امانة سلملي علاي عالهاتف حصرا بس تحكي معو