|
هل يحق للمرأة ان تحب ؟, مش عارف ردوا انتوا!!!!
هذا موضوع منقول
ولكن حبيت أن أضعه بين أيديكم السلام عليكم ارغب في مناقشة موضوع حساس وشائك قليلا اسأل هل يحق للمرأة المتزوجة ان تحب رجل غير زوجها وهل لك ان تحب امرأة متزوجة برجل آخر هناك حالات كثيرة لنساء يحبون وهن متزوجات انا اتكلم عن حالات موجوده بمجتمعنا عندما تحب المر أه المتزوجة شخص آخر، وتبادله مشاعرها وتعطيه كل أنواع الحب والحنان. بغض النظر كيف تعرفت على هذا الشخص وكيف وصلوا إلى هذه المرحلة وهل كان زوجها سبب في ذلك أم لا، ولكن ما العمل، هل تعيش هذه الزوجة حياتين مختلفتين في ظل الخيانة الزوجية والحرام، من أجل إمتاع النفس واشباع الرغبات العاطفية واحتمال أيضا تكون رغبات جنسية وهل يمكن للشخص اقصد هنا ( الرجل ) فعلا ان يحب امراه متزوجه بصدق ؟؟! |
هذا لم يعد زواجا .. صار فقط عقدا ..
و العقود لا تأتيك بالسعادة يا سيدي فلماذا عندها نستمر ! و حتما إذا دخل الشك من الباب قفز الحب من الشبك فما بالك بالزواج ؟ لو كنت هي .. لاخترت الموت .. حتما هو أرحم بكثير من أن أخون و أعلم ! .. أما لو كنت متزوجة و أحبني رجل ، .. هذا أصلا ليس في نظري رجلا لألتفت إليه و إن التفت أبصق و أمضي كما لو كان أمامي بعوض ! /../ الخيانة الزوجية .. طعنة لا شفاء لها إلا الفراق و لو كنت رجلا لقتلتها -لولا الحرام - و لا أبالي.. |
هون الاجدر انك تقول هالمرا عم تخون زوجها بدلاً من انك تقول انو حبّت غيرو وعم تشعر بعواطف اتجاه شخص غير زوجها...
هيدي خيانة..والخيانة يعني ما في اي عبارة مناسبة توصف مدى دناءة نفس صاحبها سواء كان شاب او بنت.. وبعدين الحياة الزوجية من اهم اساساتها او جذورها هو الوفاء والاخلاص لبعض... يعني لما تفكّر بشخص اخر هي عم تخل بـ اهم مبادئ الزواج..وهالشي غلط... وهيدا كمان بينطبق على الزوج في حال حب مرا غير زوجتو طبعاً هون الكلام عن اذا ما كان الطرف اللي عم ينغدر فيه مخلص للطرف اللي عم يخون... يعني:: طبعاً لو مرا نكدية زوجها حب غيرها بيكون طبيعي..ولو زوج يعني ما في اي شئ من الاخلاق الرجولية ومعيّشها عيشة موت لزوجتو حالتها طبيعي تخليها تفكّر بغيرو..يعني ما بنقدر نلومها لانو غصبن عنها التجأت لهيك تفكير.. |
يا عمي حكي منطقي كتير
يعني عن جد حكي بينحكا ;) |
التي طرحت هذا الموضوع
لديها 3 أولاد واباها متوفى وأمها متوفية يعني لو واجهت زوجها بالموضوع وأسرت له ما كان خفي بينها وبين عشيقها ستقلب الطاولة فوقها وفوق عائلة عشيقها فما هو الحل برأيكم ؟؟ |
طيب يا مالك الحلبي لي عم تحكي عالمراة المتزوجة وما عم نحكي عالرجل المتزوج؟
|
اقتباس:
تانيا : كيف ما فهمت هل اللغة ما واضحة ؟ بس بيني وبينك كنت رح نط جيب قاموس عبري و أرجع فههمك بس اليوم فلنتاين ومالي مرووة يلا خليا لغير مرة:p |
اقتباس:
|
الحل الوحيد امام هذه الحالة ....... ان تعترف بالواقع !
يعني تقطع علاقتها فورا بهذا اللي تعتقد هي تحبه و تلتهي بتربية الاولاد و تحاول تصلح علاقتها بزوجها و كل واحد ادرى بمصلحتو |
يعني لأ اكيد بس والله ما حدا راد على حدا كل واحد او وحده بس بده يحب خلص انسى الخيانه اشتغلت ولحئ طخ وئتها :zen::zen:
|
كل شي بسبب تعاسة للأطفال انا بكرهه
كل واحد بترك فراغ عاطفي لزوجته بكرهه كل شجار بكرهه كل شي حرام بكرهه |
اقتباس:
فينا نحكي عن التنين بشكل عام أفضل بس المرأة بإعتبارا ضلع قاصر ف الحكي عليا أسهل .. :lol: المهم الموضوع عم يدور عن الخيانة الزوجيّة .. لنقول كلمة حق البنت اللي عم يجوزوا أهلا غصب عنها البنت المجوزة و عايشة الجحيم مع جوزا و ما راضي يطلقا البنت المجوزة و اللي جوزا ما عم يسمعا كلمة حنان بالستاوتلاتين ألف سنة .. و ما عم يقرب ناحا يعني ما عم يجتمعو عالسرير بالعشر سنين مرة هاي الحالات أنا بعتبر جوازا لاغي و باطل و يحقلا شبدا تسوي , هاد الزوج اللي عندا عبارة عن شكل و باقي رواسب المجتمع .. و بس هيك .. :lol: |
طيب برأيكم متل هيك وضع
هل من الممكن أن نضع أخلاق هذه الفئة من الناس بالثلاجة ويكملو مشوارهم مع عشاقهم لبين ما يرجعو لصوابهم والا الطلاق أفيدلهم |
إنطلاقاً من مفهوم بأن الزواج "بمعناه المؤسساتي" هو ترخيص بممارسة الجنس بين المرأة والرجل فكل ما يتخلله مسموح به سراً وملعون علناً ولكلا الطرفين .
أما الزواج القائم على الحب واستمراره مرتبط فقط باستمرار هذا الحب ورعايته فلا يمكن أن تتخلله أي خيانة سواء على الصعيد العملي أو التخيّلي, والشخصان المتحابان سواء انتسبا إلى مؤسسة الزواج أم لا, لا يمكن لأي منهما أن يفكر مجرد تفكير بحب أخر إلا بعد إنفصال وبعد استيعاب للتجربة التي مر بها وليس كمجرد رد فعل . اذا الحب الناضج على الصعيدين العاطفي والفكري لا يمكن اختراقه إلا بعد انتهاءه . |
بالاول لما قرات العنوان فتت معصبه
انو شو يعني هل يحق للمرا ان تحب بس طلع قصدك المتزوجه فانا بقلك لا اكيد ما بحقلها متل ما انا ما برضا زوجي يحب عليي انا مارح روح حب عليه وحتى لو كان في خلاف تطلق وبعدين تروح تحب على كيفها ولازم تعرف انو هالرجال يلي عم تخون زوجها معو مارح بفكر فيها غير للتسليه اما انو يحبها مستحيل الا ازا كان اجدب هي حاله خاصه :lol: |
بهالعالم كل شل أكيد
بس اللي مو أكيد هو نهاية هل الحب شو ح تكون؟ |
بمجتمعنا في كتير زيجات تمت عن طريق الاهل
وعادتا بتكون "العروس" لساتها ما شايفة الدنيا شايفة الدنيا معناها انها حبت خرجت تتعلم تشتغل وهيك بعد الزواج ممكن تصير عندها مناسبات كتيرة بتكون سبب انها تتعرف ع العالم ومن هون ممكن انها تتعرف وتحب بس هون برجع الحل الها انها تقدر تسيطر ع حالها وتقول انه الها عيلة ولازم تكون وفية 100% او انه تزحط وتحب |
طبعا مينفش المراه تحب حد تانى غير جوزها وبعدين ده مش كويس يعنى حراام والراجل المتزوج برضه لي نفس الكلام لان ده في خراب بيوت والقلب يحب مره ميحبش مرتين:D
|
| الساعة بإيدك هلق يا سيدي 14:41 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون