|
الشاب صرخ بوالده: "لا أؤمن بدينكم هذا" والأب يقتل ابنه بعدما بصق على القرآن ومزّقه
حكمت محكمة جزائرية على عجوز يبلغ من العمر 98 سنة بالسجن لمدة خمس سنوات مع ايقاف تنفيذ أربع منها وذلك بعد أن اقدم العجوز على قتل ابنه الجامعي صاحب الأربع والعشرين عاما، وحصلت الحادثة بعد أن قام الشاب بالبصق على القرآن الكريم وتمزيقه. ووقعت الحادثة في ربيع العام المنصرم في أحد احياء بلدة القبة القريبة من العاصمة الجزائرية، حيث تعيش عائلة مكونة من عجوزين وابنهما الذي وفر له والده جميع متطلباته من سيارة واستئجار بيت له ليتزوج فيه، ووافق على خطبة الفتاة التي يريدها. وقالت صحيفة "الشروق" الجزائرية إن الابن، المعروف بكثرة دلاله، تخرج من معهد التجارة الدولية بـمدينة "ابن عكنون" لكنه كان سيء الأخلاق، حيث لا يتردد في سب وشتم والديه، وحسبما صرح والد القتيل في إحدى جلسات محاكمته فإن ابنه كان لا يصوم رمضان و لا يتوانى عن السكر في هذا الشهر، وقال إن العلاقة ساءت بينه وبين ابنه عندما أراد الاخير أخذ خطيبته وقضاء أيام في تونس لكن والده رفض بشدة لأنه لم يدخل بها بعد، وخيّره بين نسيان الأمر أو اصطحاب والديها معه، وهو ما رفضه الابن. ولما أصر الشاب على الزواج طلب منه الوالد التريث حتى ينال شهادة الماجستير، لكنه غضب وحاول ضرب والديه فأودعا شكوى ضده في قسم الشرطة لكنهما سرعان ما تنازلا عنها ليبدأ الابن باحضار الخمر ليسكر في المنزل، ولما قال له الوالد في إحدى المرات: حرام عليك هذا بيت قرآن حمل الشاب القرآن الكريم وبصق عليه ومزقه وردّد "أنا لا أومن بدينكم هذا". ويتابع الوالد سرد قصته قائلا إنه ثار بعد سماع كلام ابنه فأخرج بندقيته من الخزانة وطلب منه الخروج من المنزل والعودة بعد استعادة وعيه، ولما رد الابن بعبارات قاسية لم يدر الوالد كيف ضغط على الزناد لتخرج رصاصة مصوبة نحو الرجلين، لكن شظاياها أصابت عنق الشاب فقطعت شرايينه ليفارق الحياة. |
اقتباس:
وزيد بالزيادة ادا ما عجبو دين اهلو ليش عايش عندهم :pos:وحاب يزوجوه تاني :? و5سنوات لشيخ بال 98كان لازم يسامحوه لسبب واحد انو شخص بمثل سنو ياخد بندقية ويطلق النار على شاب فاكيد مؤكد تكون حالة دفاع عن النفس خصوصا بعد الشكوى المقدمة من طرف الاب فيما سبق والا ما تكون القصة غير مسالة دين المصحف والاسلام كانت القطرة لي فيضت الفاز |
بصراحة الولد بيستاهل اسا اكتر من هيك يعني ما معو حق ابدا
|
ماشالله هالولد آخدها فريي عالآخير .. ومو سائل عن حدا .. ودمو حامي وما بيحسن يضبط حالو .. لك مني ومنو بسافر وبترك البيئة يللي أنا فيها أحسنلي من هالمشاكل كلا!
|
والله موتة عاطلة .. ربنا يحسن ختامنا
|
والله يستاهل ياجماعة
وهادا كان احسن شي الاب بيعملو بعمرو |
:frown: ما بنقول غير الله يرحمو .. وما في شي بالدين بيحللو يقتلو
|
اقتباس:
|
اول شي هالابن مارح يهين القران الا اذا كانت عيلتو متعصبه بشكل مو طبيعي
ياعمي الدين ... اي دين مو شغله بنتوارثها من بابا وجدو وجد جدو لااااااااااااااااااا الدين لازم يكون شي نحنا بنقتنع فيوو بالقلب .... وبس الله يعين الناس على عقولهن المتخلفه ... تحيااااتي |
اقتباس:
مية وردة والله :mimo::D |
اقتباس:
نهايتو كانت اليمة لكن بيستاهل اكثر يمكن مو القتل بس شي ما بينساه طول عمرو يقطع عمرو اين الاحسان بالوالدين على اساس متعلم ومو عقول متخلفة المتخلف الولد يالي بالقوة بدو اهلو يسمعولو ويطبقو هبلو والدين اجا سبة وبس والقتل كان حالة دفاع عن النفس لا غير وكان بدو يقوصلو رجلين بس قوة الطلقة خلت البندقية ترتفع وتقيسو بالعنق ومات على الله يسامحو على عصيانه لوالدين |
أنا مع دلوعة سوريا بكلامها .. لأنو أغلب الأشخاص بشوفهم تاركين دينهم بسبب تصرفات وتعصب أهلهم .. وأنا من هدول ياما وياما أكلت ضرب كتير من وقت ما كنت صغير بسبب الإسلام ولأتفه الأسباب .. ناهيك عن الحرمان والعزلة والتحيز الظالم وتفييئة كل يوم الصبح على الصلاة بعض المرات كانت بالضرب ..
بعد كل هالشي شو كسبو ؟ واحد حاقد عالإسلام وعلى ربو .. ليكني صرت شب وحياتي كلها ماعد إلها أهمية .. مافي رفقات بسبب خجلي وإنعزاليتي والإنطواء يللي عايش فيه .. مابحكي مع أهلي لأنو مافي توافق بيناتنا وحياتي مختصره معهم عالمرحبا والأهلين .. بإختصار الموت صار أرحم من هالعيشة والله يعجل عليي! |
اقتباس:
بس هالشب غير مشكلتو انو عصى ابوه ولان ابوه ختيار فحس بالقوة وحب يتجبر عليه وما الها علاقة بالدين بتاتا لكن نسي الشاب ان الجزائري لما بيطفح الكيل بطخ وما بيرجع لورى حتى الختيار |
أنا مالي مع يللي عملوا هالحمار هادا وطبعاً يللي ساواه غلط كبير كتير .. أنا مهما كنت مالي مع أبي وأمي .. ولكن بحطهم على راسي من فوق ومستحيل أبداً إني فكر إزعج حدا فيهم .. لهالسبب ما بحاكيهم كتير مع أنو لو بيعرفو شي عني لكانو تبروا مني .. أنا بحاول أنو بخلي مشاكل بالدين خارج نطاق معرفة أهلي .. لهالسبب الإنعزالية هي أحسن حل كانت إلي.. |
اقتباس:
طبعا ضرب الوالدين او شتمهم امر مرفوض مهما كان السبب تحياتي:D |
يعني هلا شو دخل الدين والمصحف باليي عملوا يعني هلا بتفكر كل الناس بتخاف الله لو كان على هيك ما بنسمع الشغلات الاعطل الله رحمان رحيم رحمته واسعة برحم الكافر والمسلم
رحيم اي اخرته يعني برحم المسلم تحياتي للحميع |
وبدي ضيف انو الاهل بيظنو انو اذا ضغطو عالولد ،لحتى يكون متدين، بيظنو انو هنن عم يعملو شي كتير منيح، ومابيعرفو انو هالشي عم تكون نتيجته غالبا اما ناس متطرفين متحجرين مجرمين ومابيفهمو الا لغة القتل والارهاب، او ناس على العكس تماما، لدرجة انهم بيوصلو لمرحلة الكفر بالله وبكل الاديان
ونحنا بنشوف بس انو الولد عاق لوالديه، بس ما بنسأل نفسنا ليش في ولد عاق وفي ولد غير عاق، وشو اللي وصل الولد العاق ليصير هيك، وهل في ولد انولد عاق؟؟ |
قد يكون الأب قد أساء تربية ابنه و هاهو عندما فاته القطار يطالبه بالعودة تحت كنفه ..
لا ..! لن يعود .. و مع كل ذلك .. سوف أنسى أن القرآن كتاب مقدّس سوف أنسى كل شيء و لكن لن أنسا أنه أهان معتقدات أباه حتى درجة حقارة لا تحتمل .. ما فعله الابن يتسحق ميتةً تحت التعذيب .. لا هذه الميتة المريحة .. ما فيني غير أتمنى الصبر لأبوه اللي رح يبقا ضميروه يعذبوه طول عمرو .. |
| الساعة بإيدك هلق يا سيدي 13:55 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون