|
هههههههههه
هاي صعبة تعرف ليش؟ انا احب التغييير كتير تعرف كم قالب غيرت لمدونتي تعرف كم مرة غير تيابي باليوم وكم ثيم لموبايلي وكم مرة غير ثيم وخلفية حاسبتي وترتيب غرفتي واغراضي؟؟ ونغمة موبايلي؟؟ يعني انو نئي الموسيقى ..;) بدياك تعلمني الصيد مو تطعميني سمكة حتى اكون حرّة باختياراتي وبالنسبة لمسيو احمد اطمن ما ارح عكرلك مزاجك ليش انت عندك شك بذوقي؟؟!! |
Create ur Slide Show
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
يعني أنو أنا هلق ما فهمت
قلك كيف بدك تسويها :shock: |
طيب يا شباب هلق بدنا نحكي عن أضافة موسيقى في خلفية الموقع أو بما يعني background music هلق ميزة الشي يلي رح نحكيه أنو فينا نتحكم تحكم كامل بهي الموسيقى هلق بيلزمنا شغلتين أولا مشغل موسيقى تمام تانيا الملف الموسيقى يلي بدنا نشغلو طيب أول شي رح نحكي عن تانيا بعدين أولا الملف يلي بدنا ياه لازم يكون ملف mp3 و هاد لازم نرفعو على موقع متخصص يعني أنو ما بيصير ترفع غنية على الفورشيرد و تاخد اللينك من هونيك لان هاد اللينك بيكون للتنزيل و ليس للتشغيل طيب من شان يكون الحكي كلو تمام هاد رد كتبو بزمناتو أبو طوني الله يذكروا بالخير بيحكي كيف بتم رفع الملف و شو هو الرابط الصحيح يلي لازم ناخدوا من هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اي واحد في عندو مشكلة بالشرح يخبرنا طيب هلق خلصنا من الملف مناخد رابط الدايركت منخبيه بالجيبة لانو رح نعتازو بعد شوي |
طيب هلق بعد ما خلطنا من الملف صفى بدنا المشغل المشغل هو هاد الكود كود:
<embed width="200" src="http://yoursite.com/yourmusic.mp3" autostart="false" loop="false" height="50"></embed>أول شي هي الكلمة http://yoursite.com/yourmusic.mp3 هي بتشيلها و بتحط محلها رابط الغناية يلي رفعتها من شوي بعدين في عندك "height="50و "width="200 هدول هنن أبعاد المشغل يعني طولو و عرضو هلق أذا بدك هاد المشغل يظهر للعالم و تصير العالم فيها توقف الغنية أو تشغلها فيك تزبط الأبعاد على كيفك بس إذا ما بدك العالم يشوفو المشغل تبعك أنت بتدي و بتحط هي القيم بدل 50 و بدك 200 بتحط صفر "0" و يا دار ما دخلك شر :lol::lol: تمام هلق صفى عنا "autostart="false هلق هون مكتوب false بس أنو بالصراحة بياخد قيمتين يا أما false و هيك بالتالي الغناية ما رح تشتغل لما يفوت الشخص على الموقع و لما يكبس الشخص على زر التشغيل بتشتغل أو أنو تعطوه بدل false القيمة true و هيك بالتالي الغناية رح تشتغل مباشرة لما تفوتو على الموقع تمام ؟؟؟؟؟؟؟؟؟؟؟؟؟؟؟ صفى عنا أخر شغلة و هي "loop="false هلق هون إذا ما بدك هي الغناية تتكرر بتخلي القيمة متل ما هي يعني false و إذا بدك الغناية تتكرر و تلعين روح الشخص يلي فكر أنو يزور مدونك :lol: بس بتحط القيمة true بدل القيمة false يعني خيلنا نحط مثال أنو ان بدي مشغل يبلش الغناية دغري و ما يكون ظاهر للعالم و ما يعيد الغينة فانو صيغة المشغل رح تكون على الشكل التالي كود:
<embed width="0" src="http://yoursite.com/yourmusic.mp3" autostart="true" loop="false" height="0"></embed>كود:
<embed width="200" src="http://yoursite.com/yourmusic.mp3" autostart="false" loop="false" height="50"></embed>هلق ضلت أهم شغلة أنو هاد مشغل الأغاني بعد ما ظبتناه على كيفنا شو منسوي فيه ؟؟؟؟ طيب هلق بتروح دغري على لوحة التحكم -----> التخطيط -----> تحرير html و بتدور على كلمة كود:
<body>أنتبها ها تحتها و ليس فوقها :lol: أنشالله يكون الشرح تمام هاتي خبرينا boozy شو بيصير معك أي سؤال يا شباب نحن بالخدمة إذا كنا منعرف طبعا :lol: |
هلق رغم اني حاولت كل الطرق ما توصلت لحل لموضوع ال Pages حتى أني يأست يعني منجي لتاني مشكلة ! واللي هي انو حضرتنا كنت عم افتح البلوغ تبعي عند عالم وما عندن فايرفوكس ( تخيلو في ناس لهلق ما عندن فايرفوكس ) ما علينا وإذ بتطلع مدونتي فايتة بالحيط أي نظامي فايتة بالحيط .. الهيدر بمحل والكمالة بمحل والحل ؟ |
شكرا كتير على الموضوع
وياريتني شفتو من الزمان لانو اليوم لسة كنت عم قول كيف بدي حل هل المشكلة بمدونتي المشكلة اني لما بحرك الكلمات بالحركات "الفتحة والضمة والكسرة والسكون والتنوين..." ما بتبين بشكل واضح يعني بتبين اغلبها بشكل واحد مو واضحة واحيانا بتزبط إذا غيرت نوع الخط بس انا ما بحب غير نوع الخط يا ترى في حل بيقدر حدا يساعدني فيه وهي عنوان مدونتي إذا حابين تفهموا المشكلة بشكل احسن - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
هلق بالنسبة للمشكلة التانية هي بتصير مع الكل و بالتحديد على متصفح معين هو أنترنيت أكسبلورر يلي النسخة تبعو أقل من 8 يعني أنو هي الشعلة بتزجع للمتصفح فأنو بالنسخة السابعة المطورة و النسخة التامنة كل شي تمام أما بالنسخات القبل في مشكلة بترتيت الصفحة يعني متل ما قلتي أنو بتلاقي الرسايل لحال و البار الجانبي لحال |
اقتباس:
هلق المتصفح الخاص يلي بدك ياه هو google chrome أو غوغل كروم هلق إذا حبيتي تحميله جبنالك رابط منشان هالشغلة لتحميل المتصفح من هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - طيب السؤال الأساسي أنو ليش هاد المتصفح بالتحديد هلق هاد المتصفح بالتحديد لانو فيو ميزة كتييييييييييييييييير حلوة و يلي هي أفترضي أنك كتبتي شي على الورد و ظبطيه على الأخر و حطيطي جداول و مدري شو و يعني كل شي على التمام التمام و أنتي أجيتي بد تنشري هاد الشي يلي كتبتيه على الورد فمتي و نسختيه هلق لما يكون المتصفح هو أنترنيت أكسبلورر العادي بيشيل كل التنسيق و بيرجع كانو ما سويتي شي بالتنسيق بس لما يكون المتصفح هو غوغل كروم فأنو بياخدوا تماما متل مو كاتبيه بالورد يعني مثلا أنتي كتبتي صفحة بالورد و فيها حركات و كل شي تمام و عاجبتك على الورد بيجي بهاد المتصفح بياخدها متل ما هي و بينشرها متل ما هي ------------------------------------------------------------------------------- يعني أنو جربي هاد الحل و شوفي شو بيصير معك |
اقتباس:
يعني مثلا أنا هاد كان البار يلي عندي ياه بالمدونة تبعي تبع إيمان و نور و كان هيك  فأنو بعدين قمت بإضافة صفحة جديدة لهاد البار لحتى صار هيك  فأنو يعني هاد هو قصدك ؟؟؟؟؟؟؟؟؟؟؟ أنو بالبار يلي عندك ياه بدك تضيفي شي صفحة إلو أو غير هيك ؟؟؟؟؟؟؟؟؟؟ |
مرحبا للكل:D
موضوع كتير غني ورح يفيدني بس لازم ارجع اقراه من الاول مدونتي كرهتها وحابة غير فيها فاستعد قصي للازعاجات:o ومرسي مسبقا |
اقتباس:
لا أزعاجات و لا شي اي شي منعرفو نحن جاهزين لا ولو كم هدى عنا :D |
اقتباس:
راح جرب هل الحل وبتمنى يزبط معي وبخبرك طبعا شو بيصير |
اقتباس:
أي أكيد خبرينا شو بيصير معك |
اقتباس:
بالنسبة للموقع التسجيل المجاني في لرفع الملفات مدتة شهر يعني انا لحتى ارفع الميوزيك بدي شي شهر؟؟ ما في واحد مجاني ؟؟ مدتة اطول يعني؟؟ |
طيب هذا شلون عملها؟؟
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - كمان بدو تسجيل دخول و يعني من الشغلات كلها |
اقتباس:
|
| الساعة بإيدك هلق يا سيدي 21:32 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون