|
يا حكومة ...اصحي شوي .....
شباب وصبايا هاد الموضوع بيتناول الشباب السوري يلي مغترب خارج سورية ...بس ما بيمنع انو الكل يشارك اهلا وسهلا بالكل
ليش شبابنا كلون بالغربة ؟؟؟؟؟يعني ما نجحوا بسورية ؟؟؟؟.......طيب ليش نجحوا برا بكون الغلط منهون ؟؟؟؟؟اكيد لا......طيب حسب ما بذكر انو في خارج سورية 36مليون سوري موزعين خارج سورية والغالبية باوروبا واميركا الشمالية والجنوبية وهنن كلون بشتغلو شغل منيح يا اطباء يا مهندسين يا اساتذة وفي منهون مخترعين كمان طيب كل هال النجاح ببلاد الغربة بدل على انو ما عنا فرص للشباب تنجح وتشتغل ومع الاسف الحكومة عنا ما عم تساعد شبابنا ويلي ما طلع بايدو يسافر قاعد هون واكلها بجنابو ومستقبلو عم بضيع ....يا حكومتنا ليش هيك هم تعملي فينا؟؟؟؟ انتو لاحظتو هال الرقم ؟؟؟؟؟(36مليون)رقم كبير ما هيك .....طيب هدول لو رجعوا على البلد وهاد يلي منتمناه اكيد رح تكون دولتنا اقوى بكل شي ان كان اقتصاديا او علميا او حتى اجتماعيا وليش لنخلي غير دول تستفيد من طاقاتنا ؟؟؟؟خلينا نعمر البلد سوى ايد بايد اخخخخ على شبابنا وعلى سوريا شو عم بصير فيها |
ماكنت بعرف انو في هل القلد مغتربين سوريين وبصراحة انا وحدة منهم وبتمنى ارجع على سوريا بس المشكلة الواحد متى ماطلع برات البلد بصيبر كتير صعب يرجعلها كمقيم...... بس بنقول انشاء الله
شكرا على الموضوع كوستا:D |
صحيح كلامك وشكرا عالموضوع:D اللي فعلا بيحرق القلب. . :pos:
اعتقد انو السبب الاهم بهجرة الشباب إلى الخارج ونجاحهم هوي عدم توفر الفرص داخل البلد .. وخصوصا مع الواسطات والمحسوبيات والمصالح بالنسبة للعمل والوظائف، هادا غير انو ما في تحفيز وتقدير للمبدع منهم.. وضعف الرواتب .. بعكس اللي بيلاقو في الدول اللي بسافرو عليها. فاذا عرف السبب بطل العجب.. واذا انحلت هالمشاكل ممكن هالطاقات ترجع .. أو عالأقل الطاقات الموجودة ما تطلع .. |
اقتباس:
فما بالك يلي ما انتخبوا ........قديش بكون الرقم؟؟؟؟ |
الغربة في الوطن جوع والجوع في الوطن غربة
نص شعبنا اللي عايش بسوريا فيك تعتبره مهجر ومغترب وقفة على المغتربين برا تحياتي يا كوستا |
اقتباس:
وهي قصة الواسطات رح احكي شغلة صارت مع رفيقي هو مساعد مهندس كهرباء ومعو شهادة معهد وشاطر ...قدم على مكتب العمل بسنة 2000 وترك الدور يمشي نظامي اتصلو فيه من شهرين :shock: وقال شو راجعنا الزلمة راح لعندون قام تطلع الشغل انو بدون يحطو بمستودع بالقابون تابع لشركة الكهرباء طيب هاد مساعد مهندس يعني بصمم دارات كهربائية وانظمة تشغيل واقلاع متطورة للمعامل فشو رايكون بعد ست سنين بدون يحطو بمستودع |
اقتباس:
|
اقتباس:
الرجل المناسب في المكان غير المناسب |
اقتباس:
بس حابة ضيف انو هالمشكلة كمان مو بس بسوريا بل في معظم الدول العربية.. وانا شخصيا بقدر أحكي عن الأردن وفعلا معظم اولاد عمي مهندسين وأطباء بدرسو وبشتغلو بالخارج .. |
هلأ انا ما بعرف اذا بغير دول عربية في هيك رقم بس بلبنان في هيك شي كمان
بس يا ريت اخواتنا من بقية الدول يحطو معنا ويشاركو ومشكورين على المرور :D |
اقتباس:
شو بدك احلى من هيك فرصة :o :o :o :o |
انا هربان من الجيش و من الطائفية وقلة الاخلاق
وحاليا ما عندي تعليق تاني |
اقتباس:
|
اقتباس:
هي من الثوابت بوجهك حطها هونيك :lol: |
اقتباس:
تحياتي احلى عمورة:yahoo: :yahoo: :yahoo: |
المشكلة مو بس بالعدد اللي موجود
المشكلة بالعدد المرشح للسفر يعني اللي بيتطلع على معاهد تعليم اللغات وين ماكان رح يدرك خطورة الأيام القادمة من ناحية سفر الطاقات الشابة اللي ممكن ترجع بعد ما تكون استهلكت حالا او ممكن ترجع وهي محملة لتنفيذ وصيتا المعهودة "ادفنوني بارض بلدي" |
بس كمان لا تنسى أنو لو رجعوا هالمغتربين ما رح يكون في ألهن فرص عمل مناسبة ولا كافية
يوم الي رجع الجيش السوري من لبنان رجعت نسبة كتير من العمالة السورية وبقيوا بسوريا بدون شغل لأنو الشباب الموجود بسوريا شاغل كل الوظائف |
36 مليون سوري مغترب؟!!!
ممكن مصدر لهالمعلومة ؟ لأنو مشكلة هي بوكرا ازا رجعوا وين بدنا نحطهم؟؟ و المصيبة اغلبهم علماء و مهندسين و هيك قصص يعني غير ربك ما بيقعدهم بالمخيمات انا من رأيي ... طالما كلهم علماء و مخترعين، يفبركولن شي جيش و يروحوا يقعدوا باسرائيل، و انا بكفللهم حزب الله ما يضربهم ازا عطوهم شبعا عن جد! ازا عملوا هيك لك اي والله لنكيف |
| الساعة بإيدك هلق يا سيدي 04:08 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون