|
سحقاً لغزة...
عندما أشاهد بضعة ألاف من المقاومين يصمدون بوجه إسرائيل أعتى قوة عسكرية في المنطقة أقول في نفسي سحقاً لهم كيف يعلموننا أن الكرامة لاتحتاج لعدة وعتاد...
عندما أشاهد أطفال غزة يتعلقون بجثث أمهاتهم لأربعة أيام دون طعام أو شراب أقول لهم سحقاً لطفل يعلم الحكام العرب كيف يكون الصمود والتصدي الحقيقي... عندما أشاهد جثث الشهداء تسد الطريق على الدبابات الإسرائيلية فتمنعها من دخول أرض إمتهنت الصمود أقول في نفسي سحقاً لهؤلاء الشهداء فقد عرفوننا حجمنا الحقيقي وعلموننا أن المقاومة لاتكون بالكلام والخطابات الرنانة... عندما أشاهد بضعة صواريخ محلية الصنع تجبر إسرائيل على سحب لواء مدرع من الجولان وهو يجب أن يكون أخطر جبهة على إسرائيل لتوجهه نحو غزة وتطلب عشرات الألاف من جنود الإحتياط لتستطيع أن تواجه هؤلاء الأبطال أقول في نفسي سحقاً لغزة ولأهل غزة فقد كشفوا خنوعنا وذلنا وكذبنا على أنفسنا طيلة عقود وعقود... عندما يتحفك أبطال الإعتدال العربي بلجوئهم إلى مجلس الأمن وإستصدار قرارات لاتسمن ولاتغني من جوع أقول في نفسي سحقاً لغزة فقد أفهمتنا الفرق بين قوة المنطق ومنطق القوة... عندما يطلب أبطال الصمود والتصدي عقد قمم عربية لمواجهة مايحصل في غزة وتهينهم إسرائيل بسحب قطع من جيوشها من على جبهاتهم لتدخلها إلى غزة أقول في نفسي سحقاً لغزة فقد فضحت تساوي خطاب الصمود والممانعة وخطاب الإستسلام طالما كلها خطابات... أسأل نفسي مايضيركم لو فتحتم جبهاتكم مع إسرائيل بالتزامن لتستعيدوا حقوقكم المغتصبة من أرض وأسرى ومياه... أسأل نفسي هل أرض غزة أغلى من الجولان؟؟ هل أرض غزة أغلى من جنوب لبنان؟؟ هل دم المصري والسوري والأردني واللبناني أغلى من دم الفلسطيني؟؟ هل عرضهم أغلى من عرضنا؟؟ أسأل أرض غزة هل أنت أشرف من أرضنا؟؟ أسأل وأسأل حتى لا أجد إلا جملة واحدة... سحقاً لك ياغزة. |
أسأل نفسي هل أرض غزة أغلى من الجولان؟؟
هل أرض غزة أغلى من جنوب لبنان؟؟ الارض ارض ويفترض ان تكون جزءا من العرض واغلى من الدم والروح هل دم المصري والسوري والأردني واللبناني أغلى من دم الفلسطيني؟؟ ابدا دم الشهداء اغلى من دمائنا كلها مجتمعة دماء تخثرت في عروقنا وجمدها الخوف والشلل هل عرضهم أغلى من عرضنا؟؟ المفروض ان عرضهم من عرضنا اي ان عرضهم ينتقم لاعراضنا ان بقيت لنا اعراض فكلها مستباحة أسأل أرض غزة هل أنت أشرف من أرضنا؟؟ نحن نتعلم من غزة ومن شعبها اقصد الشعوب طبعا لان الاصنام لن تتعلم شيئا |
انت هون عم تحكي بعاطفه ..متلك متل كتير ناس نزلت ع الشوارع وطالبت بكتير امور ...
اما نجي ع الواقع ...ليش ما تنفتح الجبهات وليش ؟؟وليش ... فا هي سياسه ومصالح ودول ..من وراها مليارات الدولارات ...والشعب الفلسطيني عم يدفع الثمن ... ومالح يفتحو لا جبهات ولا حدود ... وليس هنالك فرق بيني سوري وفلسطيني واردني او حتى مورتاني ... الفرق الوحيد بينا وبين المتحكمين بالحرب ....هو اننا نشعر بالوجع واهل غزه يشعرون بالموت ...وهم يشعورن بقبض الثمن ... |
اقتباس:
وين العاطفة بهالحكي؟؟ إسرائيل حالياً ماعم تلحق على غزة فمابالك إذا انفتح عليها جبهتين كمان أو أكتر؟ |
اقتباس:
بعدين ضل في منطق بهل الدنيا ...بعد الي صار بغزه .؟؟؟؟؟؟ اما الي انت عم طالب فيه ..مستحيل يتحقق مو معناته انه انا مابدي يتحقق بس للاسف انا عم احكي واقع فادي عايشينو ... مستحيل تنفتح جبهات تواجه اسرائيل ..غير حزب الله ...وغير حماس ...طبعا بعيدا عن الشعوب ..... وبرجع بقلك ...صار المنطق تبع زمان ...صار حلم نحلم فيه ....وعواطف نتمنى تتحقق للاسف .. |
عذراً من الجميع سلفاً لأنني بعد أن قررت ان أصمت إلى الأبد فشلت في هذا القرار البسيط , ربما بسبب الجنون
, وربما لأن ما يحدث يضع العقل في المخرة وليس في الكف, وربما لأنني مجنون والمجنون ليس مسؤلاً عن كن ما يبوله ,نعم يبوله وليس يقوله ,من فمه, لأننا كلنا نبول ولا نقول, وعندنا القول بول القول,وربما لأن ما يحدث لاتصدقه العقول, وأنا بلا عقل , فالحدث أعاد عقلي إلى حيث يكون عقل العاقلين, فصرت أقول شيئاً لأفعل غيره ولأن لكاتب الموضوع ومن رد عليه معزة خاصة سأرد اقتباس:
حبيبي فيف سوريا أرجوك أن تطمئني هل ما زال في مواطن بين المائين نقطة دم بعد لتقارنها بابتسامة طفل يخترقه الرصاص العربي الذي تطلقه إسرائيل وتقبض أجرتها على العمل من الإعتدال والصمود وو,,,,,,,,,,,ووو,,,و,و فإسم التفضيل(أغلى هنا) يستخدم للمفاضلة بين شيئين اشتركا في الصفة نفسها وزاد أحدهما الآخر في هذه الصفة , ولا أجد أن هناك صفة مشتركة بين المفاضلين اقتباس:
اقتباس:
اقتباس:
أخشى أن نكون قد فقدنا الصلاحية على التعلم منذ قرون |
اقتباس:
هم العرب هكذا .. ** دمهم لا يبان .. الا عندما يراق .. ** عرضهم لا يتشدقون به .. الا عندما ينتهك .. ** شرفهم .. لا يوجد له الى قضايا الشرف .. ابدل ال ** .. بـ " ان وجد " |
نقلا عن موقع الحقيقة :
أول إحراج إيراني من نوعه للنظام السوري : أمين مجلس تشخيص مصلحة النظام : على سوريا أن تفتح جبهة الجولان ، ومجرد تحريك آلياتها العسكرية عن الحدود يكفي لوقف الهجوم على غزة متل مو شايفين هي النظام الايراني الحليف الاول لنظام الممانعة عم يطالب مو بالهجوم على اسرائيل , على الاقل بس حشد شوية دبابات ممكن يعمل تأثير أكتر من المطالبة بقمة عربية ممثل حماس في لبنان ذكر ضراحة انو في كتيبة اسرائيلية انسحبت من الجولان وانضمت للقتال في غزة, مو عيب ؟؟؟ اللي عم يعملوا النظام السوري شبيه باللي عملوا السادات اثناء حرب 1973 , لما ارسل تطمينات للاسرائيليين عن طريق الامريكيين انو الهجوم المصري خلص ,فما كان من اسرائيل الا نقلت جيشها للجبهة السورية. بعدين الرد الوحيد الممكن هو التلويح بقمة عربية ؟؟ طيب يعني سر انو القمة ما رح تنفع الفلسطينيين باي شي؟ ليش لكن الاصرار على عقدها؟ الا لاستخدامها وسيلة اعلامية لتلميع صورة النظام عربيا الانظمة العربية أنظمة جبانة بطبيعتها , رجولتها الوحيدة تتمثل في قوانين الطوارئ نفس الشي عنا صار لما كتييير ناس طالبت باغلاق السفارة الامريكية ردا على الهجوم الامريكي على سوريا, بس لاحياة لمن تنادي لك اردوغان اللي خاضع لمؤسسة عسكرية ذات علاقات متينة مع الاسرائيليين , ما خاف منن و هاجم اسرائيل علنا و استخدم لهجة ما بيسترجي رئيس اي نظام عربي يستخدمها . بتعرف يا فادي شو اللي بزعل بقصة غزة اكتر شي, انو بس تنتهي المعارك وبغض النظر عن نتيجتها , رح يرجع كل شي متل ما كان , رح يرجع محمود عباس ليبوس رئيس الوزراء الاسرائيلي الجديد , ورح ترجع المفاوضات السرية والعلنية بين النظام السوري واسرائيل , ورح يرجع المواطن العربي لحياتو اليومية و ليتمتع بالانجازات, و ببساطة رح ننسى الاف الشهداء والجرحى متل ما نسينا غيرن . سحقا لهذه القطعان البشرية الناطقة باللغة العربية. |
اقتباس:
برجع بقلك في فرق بين العاطفة والمنطق والتعلم من التجارب. |
اقتباس:
وسؤال ...ع اساس شو سوريه تفتح جبهه مع اسرائيل ...وليش هي الوحيده الي تفتح جبهه ....؟؟؟ ليش مين باع غزه وفلسطين .... بعدين فتحنا جبهه مع حزب الله وحماس ...هي الحل . اضل شعوبنا تموت ...واطفالنا يربو بالدم ...ويتشقفو شقف ..مشان الكبار يبنبسطو .... انا ماني شايفتها صعبه ..انا شايفتها مستحيله ... وبرجع بقلك انا ماني ضد ..بس انا عم احكي واقع ...يا زلمه معبر مافيون عم يتفقو ....يفتحو ولا ..بدك ياهون يفتحو جبهه .؟..... وياريت يا فادي تعطيني من هل الامل .والحماس الي عندك ...لان انا انقتل فيني ... |
اقتباس:
اي عم حس انه ماضل فينا احساس ..عم حس ..بالقسوه والوجع ..وبتصور هل الشعور اصعب يا صديقي |
اقتباس:
|
اقتباس:
|
اقتباس:
اقتباس:
عمي إنسي الفلسطينين واللبنانيين... إعتبري إسرائيل حالياً عم تتحارب مع قبرص أو غانا وعنا ظرف مناسب إنو نحارب إسرائيل حالياً... يعني إنسي كل شي وخلينا نفكر بحقوقنا... عم إحكي تفكير عسكري إستراتيجي أنا... والله مو صعب. اقتباس:
|
اقتباس:
للتوضيح لوجهه نظر انا عم احكي فيها ..... اول شي انا ما بعتبر احد اشرف من التاني ...يمكن الاطفال الي استشهدوا بغزه هنن اشرف من الكل ... انا ضد الي عم يصير ...وضد انه ارضنا اضل محتله ..وضد وضد وضد ... ولكن وبصراحه ..وباني مواطنه سوريه انا ابدا ما بأيد الحرب ...مادم في طرق اخرى ولو احتمال بسيط ممكن يمشي حالها ... انا مابتمنى شوف بلدي عم تدمار بحرب ..ومابتمنى بلدي تخوض حرب ...غيرها يقبض الثمن تبعها .... مين قلك انه انا مأمنه باسطوره الجيش الاسرائيلي مو اول شي لااعترف فيون بعد اعترف بجيش تبعون ؟؟؟؟؟ كلنا منتمنى فلسطين ترجع والجولان ترجع ..واكيد اذا في اي شي يرجعها لح من أيدو بس اخر اخر اخر احتمال هو الحرب ......هي امنيات ,.,, اما من واقع لما الجولان مالح ترجع النا يا فادي يمكن نتشارك فيها ..اكيد بتمنى ترجع ...بس انا هدا الي عم شوفو ع الواقع ... والصراحه انا ماني شايفه انه الظرف او هناك فرصه لسوريا تدخل حرب هلأ ....مع اسرائيل ... يمكن انا ما بفهم الاستراتيجيه العسكريه (مع اني عامله صاعقه) بس بفهم بالواقع وبعرف بلي انا عم شوفو ....لما سوريا بدها تدخل حرب ...لازم نحكي بجيش ..وقوه ...وتضامن عربي ...معها ..وهدا الشي مو موجود ..ومابتمنى بلدي يصيرفيها متل العراق او غيرو ... انا معك الي عم يصير بغزه ....هو قمه الانحطاط بالانسانيه والم ووجع ...ومحدا فيه يحكي عنه غير اهل غزه ... فا سمحلي قلك انه بشترك بالاراء معك ..بس منختلف بطريقه تطبيقها ..... ويسعدو .... |
رح بحكيلك شو الفرق ... بس بالوقت المناسب ...
بس ... هيك ع السريع .. برجع احكي ... انو كلام عاطفة طراز اول يا فادي ... انا مع الانسان البسيط ... بس في اشيا من الامور ياللي بتقدر تحكي عنها "وما خفي كان اعظم" ... ستعلمك الايام يا رفيقي ... |
غزة يا صديقتي ...تمنحك الأبدية دورا أعلم أنك ستلعبينه بشكله الصحيح "جدا"
كما كتب للجنوب اللبناني من قبلك أن يكون جزءا مهما من تحديد الخارطة السياسية في المنطقة مابعد ال 2006 سيكون لك الدور الأكبر في إستكمال بناء الخارطة السياسية الجديدة بعد ال 2009 .... في ال2006 سقط القناع عن السعودية بشكل كامل وعن مصر بشكل جزئي .. يا غزة أسقطت القناع عن القبح المختبئ وراء النظام المصري ... تحياتي الحارة ظل جيفارا |
مبدئيا أنا ما عم دافع عن فكرة محددة
أنا تسائلت هالتساؤل بيني وبين نفسي كتير وكل مرة اوصل لنتيجة مختلفة اقتنع فيها بعدين انسفها برأي آخر فتح جبهة الجولان ان كان الآن او في حرب 2006 وبتوقع " عسكريا " الآن أفضل من 2006 لكن لو فتحت هالجبهة او حصلت حرب بشكل او بآخر مع اسرائيل * قد يكون الجيش قادر على الصمود وعلى الفوز بشكل او بآخر . لكن مَن من الدول عربيا وعالميا قادر او يريد او مستعد للوقوف معك ومساندتك يعني سياسيا انت خاسر لانو كل دول العالم رح تكون ضدك . اذا رح نقول الشعوب أكتر ما هنالك قد يصل متطوعون او قد تقوم مظاهرات تأييد تُتبع بمنح وتبرعات. * اقتصاديا ما بتوقع انو الشعب قادر على تحمل تبعات الحرب . هاد يلي وصلتلو آخر الشي ولسا أفكار عم تروح وتجي فما بعرف مظبوط ولا لا |
| الساعة بإيدك هلق يا سيدي 09:38 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون