|
بس التقا فيك هون يعني هونيك يعني عندك ونكون عم نشرب نبيذ وقتا بحطلك ياها يا صاحبي
شكرا لكل اللي تابع الحلقة كل اللي بعت برايفت وشكر لساندرا وفيفا سوريا كتير suryoyo ضيف الحلقة بكرا انطرونا |
مراحب للكل ... و اعتذر عن التأخير اللي صار ...
و جيت للمقابلة .... بقى نتمنى حسن متابعتكم معنا و اهلا و سهلا |
اول مرة بيجي الضيف قبلي اهلا حكيم
بالاول خبرني شو معنى سوريويو؟ |
انا عجبني اعمل مفاجأة و حب التغيير :lol:
يا سيدي الكريم ... سوريويو او سُريويو ... كلمة معناها المعرب سرياني ... اكيد رح تسألني ليش اختاريت هذا الاسم ... بس مع ذلك ... رح اخليك تمشي الحوار بطريقتك .... !! بالانتظار ! |
وفعلا رح اسالك هالسؤال وهات خبرنا ليش
ونورت يا اين العم والاخ والجار |
في وقت كنت اريد اتعرف على الحضارة ... اكثر و اكثر ...
و دخلت الى أخوية صدفة ... ( و هو اول منتدى اسجل فيه ... في حياتي) ... فاجا ببالي اسم متعلق بالحضارة ..و اللي اجا ببالي .. سرياني ... و سجلت فيه ... و مية وردة |
تقريبا سنتين ونص الك باخوية
راضي عن اخوية؟ |
ومن جهة تانية ليش سرياني ؟
انت بالاصل سرياني يعني؟ |
كثير راضي ... و كثير سعيد بالنفاعل مع اهل أخوية
أخوية مو مجرد منتدى ... او ملتقى مليان بالنت ... أخوية ... فكر و ثقافة ... اخوية مدرسة ... |
من ناحية الاصل ...
نعم انا سرياني ... |
شي كتير حلو
لازم بقا السريان يتجمعوا ويتحدوا ويكون الهون كيانهون الخاص وطبعا رح تلاقوا دعم كبير بالمنطقة |
انا ضد هذا الشي ... فعلا ضدو بكل معنى الكلمة ..
احنا جزء لا يتجزأ من هذه المنطقة ... و من هذا الشعب .. و كلنا كشعب عربي الثقافة .. احفاد حضارات عظيمة أنارت الانسانية ... و لذلك الفصل على اساس عرقي او ديني خطأ فادح ... لان ما اشوف له اي مبرر بنظري ... الاهتمام بالحضارة و التراث و التاريخ ..... هو الصح ... لان الروابط الثقافية هي اللي تجمع الناس ... و لذلك تشكيل جمعيات و نوادي ادبية و ثقافية ... رح تصب في الاهتمام باعادة احياء التراث |
السَـيد سوريويو فارِسٌ على جَوادين طب الأسنان وَ الحِوارات الحُرة كيفَ تستطيع أن تمتطي الاثنين بـِ آن ٍ واحد ؟!. أدركُ تماماً أنكَ قارئٌ مِنَ النخبة لكن مَنْ هوَ الكاتب الذي أثرَ على مفهوم ٍ معين ٍ بـِ النسبةِ لك في أخوية و في عالم الكِتاب ؟!. :D |
بعد إذن العزيز ... طارق .. على اعتبار ... نظام البرنامج ما يتقبل اسئلة القراء .. بس رح اجاوبك بشكل مختصر ... اذا يسحملنا مقدم البرنامج .. الفكر و العلم .... خطان متوازيان و لا باس ان حاولنا التوفيق بينهما !! شكرا صديقي ! |
هيدا اخر سؤال بشوفه هون اي سؤال بدو ينبعت يجي لعندي عالبرايفت وانا بحطه
بعتذر كتير |
اقتباس:
اقتباس:
كيف ما بتشفله اي مبرر عيني اليوم انسى انو في عراق هداك كان زمان اليوم كل طايفة حقها بقا انو تعمل دولتها لحالها فلسطين صارت لليهود اوكي بعمل الساحل دولة علوية والشمال دولة مسيحية اما الشيعة دولتهم بالجنوب وبالوسط بيبقوا السنة ومن جهة ثانية الدولة المسيحية هي 3 دول لازم تصير الموارنة بلبنان الكاثوليك بسوريا السريان بالعراق بالموصل مثلا وصدق انو كل الدول رح تدعم هالشي حاجتنا بقا مضطهدين من باقي الطوايف |
من قريت السؤال حسيت نفسي عايش عام 2006 !!
العراق حالة خاصة جدا ... و ما عجبني كلمة "العراق هداك راح" لان مو صحيحة ابدا احنا اليوم تحت الاحتلال .... و الطائفية هي مشروع الاحتلال .... كل العراقيين هم ضحايا العنف المستشري ... و جماعات مسلحة تقوم باعمال ضد القانون .. و يجي يوم كل شي يرجع بالمكان الصحيح لا تتصور الفصل هو حل منطقي ... هو مشكلة و مشكلة عويصة ... . . . الحل بالبناء ... الحل بوقف العنف و التدخلات الخارحية ... الحلول الراديكالية ما تنفع ابدا ... احب اقلك الشعب متداخل مع بعض ... بالعاصمة و بباقي انحاء العراق ... و سياسة التهجير القسري ... خطأ جدا و لا يمكن ان تجبر شخص يترك فلان منطقة حتى يعيش بمنطقة اخرى ... و مدينة اخرى لخاطر اهداف اجنبية ! مشاريع اميركا .. ان تبقى المشاكل الى اجل غير مسمى ... و اكيد مثال يوغسلافيا ... و لا واحد يتمنى تكراره بالعراق ... |
لا حبيبي العراق راح
اليوم انت ما بيسالوك انت عراقي بيسالوك انت شيعي او سني او مسيحي وليكها المناطق عم تتقسم وتخلص وصدق انو الامريكان والحكومة العراقية معانا انو موضوع التقسيم لازم يصير وشوف اليوم ايران بتدعمنا والسعودية بتدعم السنة وانتو عم تدعمكون الفاتيكان يعني كل منا عم ياخد حقوقه بشكل تام 100 بالمية يا حبيبي هاد هو النظام الجديد خلص باي باي عراق باي باي سوريا لبنان صار نقول الدولة الشيعية والسنية والمسيحية |
| الساعة بإيدك هلق يا سيدي 08:56 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون