|
شوارع القرن الواحد والعشرين في ريف دمشق
3 ملف مرفق .
كل العالم عبتحكي بالحضاره وبتشجعها ونحنا كمان ، بس للأسف نحنا عطينا المسؤوليه لناس ما بتعمل شي ، وأول الناس بجوار قلب سوريا ، اي في ريف دمشق . . .
بلدية جرمانا ، حدا منكم ما بيعرف هالمدينه . حوالي 400 الف نسمه . أنا أخذت موضوع واحد وحكيت عنو لانو حرام ما بدي احكي بكل شي بالتفصيل والصور الا اذا لزم الامر اكتر . نحنا بنحكي عن الزباله بالشوارع ، واليوم اذا حدا شافنا من غير عالم بيضحك علينا ، بيقولو " انتو بعدكون عبتحكو بهالمواضيع " بس شو بنا نعمل ؟؟؟؟ محكومين .... بس ليششش ؟ ليش الكل ساكت ، ليش مسلمين الامور لناس ما بتستاهل وما فيها تعمل شي. هاي وحده من السيئات ، غير الحفريات بالشوارع من قبل اكثر من 10 سنين بنفس المحلات وبعدين شبه اصلاحا وبعدين حفرا من الاول وعلى هالحال ، ولسا ما في شي منيح ،الطرقات كلها حفر ، والكهربا ما بتشتغل متل الخلق ، ولا في مياه بتنشرب ، ولا في محلات للهواتف متل ما وعدو من سنين او خطوط انترنت ممكن ينشغل عليها ، وفي غيرون كتير . طيب ليييييييييييش ؟ وينكون يا أصحاب المسؤوليه ؟ ؟؟ ؟ ليكو العالم وين صار ، ونحنا وين ؟ ؟ ؟ اليوم مسؤولين البلديات بيهمون الكرسي وما بيهمون ابناء بلدون ، بس وين الرقابه على هالأشخاص ؟ بتمنى انو يوصل هالمقال لأكتر من منتدى لانو انا ما بعرف الكل ... بتمنى من كل شخص بيهمو مصلحة بلدو انو يحكي بهالمضوع ويوصل هالخبر والصور لباقي المنتديات . لانو اذا هن ما بيهتمو بمصلحة البلد ، فنحنا بنهتم وبنحكي وبنطالب ، ولازم حدا من أصحاب الضمير يوعى ويساعدنا . اسف " هاي المشارمه الاولى ، وبديت بالسيئات " بس المضووع ما بيتأجل " ... بتمنالكون الخير للجميع .. |
| الساعة بإيدك هلق يا سيدي 00:12 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون