|
عطري : قرار سياسي بعدم زيادة أسعار الخبز
مديرية التموين:الارتفاعات الحاصلة ما هي إلا نتيجة موجة ارتفاع الأسعار العالمية, وهوامش ربح التجار في سورية معقولة
أكد رئيس مجلس الوزراء محمد ناجي عطري أن"المواد الرئيسية الغذائية كالخبز لن ترتفع أسعارها وهذا قرار سياسي بعدم زيادة أسعارها, حيث رأى مدير التموين أن "أسعار الخبز خط أحمر لا يمكن تجاوزه ولن تشهد أي زيادات". وتعاني البلاد من أزمة غلاء فاحش طالت معظم السلع التموينية زادت في بعضها عن 100%, الأمر الذي عزته الحكومة إلى الارتفاع العالمي في الأسعار إضافة إلى أسباب داخلية تتعلق بعدم استكمال البنية التشريعية لاقتصاد السوق الاجتماعي وخاصة قانوني حماية المستهلك ومنع الاحتكار الذين أقرا في الآونة الأخيرة. وطرأ ارتفاع على أسعار الخبز السياحي فتراوح سعره بين 35-45 ل.س للكيلوغرام هذا العام و23و30 ليرة العام الماضي. وحول القرار قال مدير التموين محمود المبيض لسيريانيوز إن "أسعار الخبز خط أحمر لا يمكن تجاوزه ولن تشهد أي زيادات, كما أننا لم نبلغ بأي مخالفة من هذا النوع". وفيما يتعلق بأسعار المواد الرئيسية التي تضمنها القرار أضاف مدير التموين إنه "يقصد بالمواد الغذائية الأساسية (السمون,الزيوت, والرز), وكافة المواد الغذائية الأساسية اليومية" منوها إلى أن "الارتفاعات الحاصلة حاليا ما هي إلا نتيجة موجة ارتفاع الأسعار العالمية حيث تزيد دول المنشأ الأسعار". أما عن الاحتكارات وتحكم التجار بالأسعار أوضح المبيض أن "هوامش ربح التجار معقولة "مشيرا إلى أن "أسعار المواد تصل إلى المستهلك بشبه السعر العالمي, ونحن نتابع مراقبة الأسواق, والمخالفات بسيطة". وأصدرت القيادة القطرية لحزب البعث الحاكم مؤخرا قرارات تقضي بمراقبة الأسعار وضبطها من خلال المطالبة بتكثيف الرقابة التموينية والتشدد في محاسبة المخالفين وفق القوانين والأنظمة النافذة. وأضاف عطري حول زيادة أسعار المحروقات إن "ذلك سينعكس بالجزء الأول والأكبر على زيادة الرواتب والأجور وزيادة أسعار المحاصيل الإستراتيجية لصالح المزارعين ودعم صندوق المساعدة الاجتماعية". وكان عطري كشف عن "عزم الحكومة زيادة الأجور والرواتب بشكل مجز وإصدار عدد كبير من التشريعات لضبط الأسعار بالإضافة إلى توزيع ألف لتر مازوت على العائلات سنويا بأسعار مدعومة." ورفعت الحكومة مؤخراً أسعار البنزين إلى 40 ل.س بعد أن رفعته في وقت سابق إلى 36 ليرة للتر الواحد بعد أن كان سعر اللتر 30 ليرة في خطوة اعتبرت أنها بداية لتنفيذ الحكومة لخطتها التدرجية في رفع أسعار المشتقات النفطية بهدف الوصول في النهاية أسعار قريبة من الأسعار العالمية. من جهة ثانية أكد عطري على إنشاء الطريق الساحلي الاستراتيجي اللاذقية ـ بانياس بطول أكثر من 45 كم ودعم البلديات ومؤازرتها في إنشائه. مها القحف _ سيريانيوز المصدر : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
انشالله يتم تنفيذ هي القرارات
مايكون بس حكي |
اي منيح
اهم شي الخبز |
خبز رخيص و كلشي تاني غالي
شو استفدنا بناكل خبز حاف ؟؟؟ مو عيشة |
اقتباس:
|
اي كتر خير الله :clap:
بس شودخل الطريق الاستراتيجي بموضوعنا :shock: |
اقتباس:
|
اقتباس:
|
اي ذكرتوني بكل الشعارات يلي أنقالت عن استمرار الدعم من حوالي التمن شهور. ويلي طلع زيادة بسعر البنزين والكهرباء والماء بعدها :larg:
|
قبل مايضربو بأيد من حديد . ويبعتوا التجار على السجن . مو الأفضل يرجعوا المليون ونص عراقي على بلدون ليخففوا الضغط شوي . وحاجتنا اللعب فيهم مشان القرار السياسي وعلى اساس أخوة ومدري شو :larg:
|
اقتباس:
اقتباس:
طبقة شو ؟؟؟؟؟؟ وسطى ؟؟؟؟؟؟؟؟؟ لأنو في عنا طبقة وسطى !!!!!!!!! شريك لسا بدك تشوف الطبقات بسوريا اضرب من مصر لسا ......... Top Or Bottom يعني مافي شي اسمو طبقى وسطى....... في طبقة فوق وطبقة تحت |
يا ميدو انا عندي كتير كتير اصدقاء و اصدقاء اصدقاء بالطبقة الوسطة يعني مانهم اغنياء و لا هني معدومين يعني فينك تقول طبقة الموظفين و الحرفيين
اما اللي ما عم يلاقي خبز يابس ياكلو هدولي يا مشردين يا ايتام يعني ما وصلنا لهون |
اقتباس:
بس هالنسبة اللي عمتحكي عنها انت اللي هية الطبقة الوسطى صحيح تحسن من سنتين او 3 لهلئ يعني احسن بكتير بس ما زالت طبقة صغيرة كتير ما بتتقارن بالطبقى المعدومة والطبقات العالية |
لك حتى الخبز صار بدو قرار سياسي
ولييييييي لك شو عم يصير بالبلد ؟؟ خربت بعد ما طلعت منها |
اقتباس:
|
صار بدها رجعة عالبلد :larg:
|
اول شي
القرار طلع سياسي مشان التطمين لا اكتر ولا اقل تاني شي الطبقة المتوسطة موجودة ميدو بشكل أو بآخر موجودة شلون يعني هالعائلات ما تعتبر تحت خط الفقر تعتبر فوقو شوي تالت شي مشكور ابو حميد :mimo: |
لك بالله عم تردو على متل هيك قرار سياسي
وعم تناقشو فيه وكأنة نظريه علمية تستحق البحث والتمحيص والتفكير لك ياجماعة الي اصدر هل القرار السياسي ما بيملك يأمر سائقة يوصلو عل البيت بدون قرار سياسي مشان الله بكفينا ضحك على الدقون هيك كلام ما بيستاهل الواحد يعلق علية بأكتر من سمابلي جربان ال انسانية ال |
| الساعة بإيدك هلق يا سيدي 01:26 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون