|
اقتباس:
ما تتخيلي عدد المرات بحياتي اللي كان فيها الشيطان بإجازة :) اقتباس:
دقيقة دقيقة .. انا بدي راسي يوجعني ، شوي خدوني ع قد عقلي يا جماعة لو كانت عندو ببيتو ، ولابسة تياب فاضحة متل ما حابين تسموها ، وما عندا الرغبة بممارسة الجنس فإجبارها ع ممارسة الجنس إغتصاب !!! حتى لو كان حبيبها ، صاحبها ، لو نايمة معو من قبل ! فعل الاغتصاب هو ممارسة الجنس بالإكراه ، وهو فعل بيسيء لإنسانية الشخص ، فعل عدواني يعني بدال ما نناقش يجوزوها ياه ولا لأ ، صرنا بدنا نلاقي مبررات للي عم يغتصبو ! :shock: |
أي كمان مشان ما طق اغتصاب العاهرات جريمة ، واغتصاب الحبيبة جريمة بنفس سوء الأولى ، واغتصاب العذراء جريمة بنفس سوء التنتين اللي قبلا :pos: قال دفعتو ، وطبقتو و.. و.. |
يا اخوان ... رح نظل بنفس الدوامة ... بس لازم نطلع منها
قصة عضلات البنت اقوى شي بالعالم ... قصة مو مثبوتة على كل الحالات ... و المتعرضة لحلة الاغتصاب ما تكون بكامل وعيها من هول الصدمة و مئات الحالات ... من الاغتصاب تمت بشكل تام بوجود مقاومة شرسة .. القانون بنفس الوقت يظلم المرأة .. باعتبارها اذا حكت مع المغتصب ... تكون سهلت الامر و معناها اذا اغتصب الزميل زميلته ... تمت العملية بموافقة عميد الجامعة :lol: ما اريد اقول اللي ايدو بالنار مو مثل اللي ايدو بالماي ... بس قدروا مشاعر بنات تعرضوا لوحشية الاغتصاب بعدين احكوا على الفبركة و البطيخ .... و بالنهاية على قولة شوش ... كل حالة مستقلة بالظروف المحيطة لها ... |
اقتباس:
انا معك بهالحكي مية بالمية و انا برجع بكرر اني ما شلت المسؤولية عن الشب و حطيتها عالبنت و اذا فهمتي من كلامي هالشي فانتي غلطانة بس انو مافي بنت تم اغتصابها بتتحمل ولو جزء من مسؤلية يلي حصل معها هي ما كتير ظبطت معي خلينا بمثالك السابق كونها ما عندا رغبة بممارسة الجنس بس هيي عم تغريه برأيك ما بتتحمل اي نوع من المسؤلية؟ انا ما كنت عم دور على مبررات الاغتصاب لا بالاول ولا بالاخير مشان جازة المغتصبة بتمنى اكيد انو ما تتجوز هالوحش و رايي انو القانون قاصر بحق هالانسانة تحياتي بتمنالك الصحة والعافية و بلا ماتوجعي راسك :D:D |
اقتباس:
بس هون بالقصة الي طرحتا مريومة عالنقاش انعرض خيار (استئناف الحياة المشتركة) عالفاعل وهاد بالقانون يعني انو الواقعة هي واقعة "زنا" مش "اغتصاب" لحطك بالصورة يعني, لأنو بس دعوى الزنا بالقانون السوري الي ما بتقوم بدون شكوى من الزوج أو من الولي .. وبتسقط بحال رضي الرجل باستئناف الحياة المشتركة .. أما بالاغتصاب فمافي هيك شي ابدا لأنو "لا جريمة بدون نص ولا عقوبة بدون نص" والمواد الي بتتعلق بالزنا زالسفاح بالقانون السوري هي هيه .. اقتباس:
اقتباس:
وهون برجع لاقتباس من آخر رد لشوش بيقول الي بدي قوله اقتباس:
أما موضوع تزويج الفتاه من مغتصبها فتصرف وحشي مابيقبله العقل ولا القانون ولا اي معتقد بالعالم .. والسلام:D |
أتصور أنو المعيار هون مش هو البنت راحت البيت معو ولا لأ، كانت لابسة ولا شالحة، عذراء ولا لأ، المعيار هو هل هي كانت موافقة على العلاقة الجنسية ولا لأ. فأعتقد إذا كانت العاهرة من حقا أنو ترفض أو تقبل علاقة، والقانون بيحميها من الاغتصاب، كيف إذا بنت ما الها ولا عليها. حتى ولو رايحة معو البيت، حتى ولو حطت حالها في موقف ممكن يعرضها لهيك شي، من باب الغباء أو من باب الثقة بالشخص أو من أي باب كان، بالنهاية هي ما سمحت و ما كان بدها ها العلاقة تتم، ومشان الله لا حدا يحكي لي عضلات مهبل، لأنو كأنو عم تحكو عن جدار برلين!! يعني شو ممكن تعمل هل العضلات قدام ثور؟! مع الأخذ بعين الاعتبار عامل الرعب اللي ممكن يصيب البنت في هاي الحالة. وبالنهاية ما بعرف إذا قانون تخيير الجاني ما بين السجن أو الزواج من المغتصبة، المراد منو معاقبة الجاني أو الضحية! ما بقدر أتصور حجم المهانة والذل اللي ممكن يحس بيه إنسان تعرض لعملية اغتصاب (وحكيت إنسان لأنو الرجل كمان ممكن يغتصب، في السجن مثلا)، فمن باب المقارنة، ما أحلاها في هيك حالة مشان يردولو اعتبارو يخيرو اللي اغتصبو ما بين السجن أو انو يغتصبو رسميا كل يوم!!!
|
انو يمكن معك حق..................
بس المجتمع بيقول غير هيك................ لأنو نحن عنا كل شرف البنت بس ب....؟؟؟ يعني عنا الواحد بيتزوج رقاصة عذراء بس ما بياخد وحدة مغتصبة.............. |
يا شباب صار 9 صفحات والبنت مارجعت لعذريتها يعني كل هالحكي لا قدم ولا أخر من شان هيك حاج تتقاتلوا ع الفاضي
|
اقتباس:
اقتباس:
انت وقت بتناقش فكره ما دائما بتكون عم تناقشها لتوجد حل للمشكله الواحده اللي تعترضك .. انما نقاش الفكره هو مشروع حل و الغاء المشكله من اصلها (( مع الوقت طبعا )) .. |
أنا يلي قصدتو أنو النقاش بهيك موضوع مارجع حقوق المغتصبات ويعني بالأخص أنو موضوع الأغتصاب موجود بكل دول العالم ف مارح نحسن نضبط كل الدول أو بالأحرى دولة وحدة ع الأقل أو نعاقب مغتصب واحد يعني أنا لو سلموني المغتصب أنا شخصيا ما بعدمو بس بخليه يتمنى الموت ومايلاقيه من شدة العذاب
|
اقتباس:
بس مع الوقت كل شي بيتغير..نفس الشي اللي هلا احنا عم نعيشو بكرة مع الوقت رح يختفي بتعرف كيف؟ بالحوار..و بالتفاهم.. و بالمناقشة ما في شي هيك بيتغير من الباب للطاقة.. اما بالنسبة للمغتصب ما فيك تعدمو... و ما فيك تعذبو هالشي مش من حقك ابدا مين ما كنت بدل ما تستفيد منو و تعيد تأهيلو بتعذبو مشان بدل ما تكحلها تعميها؟ :D. |
اقتباس:
وانا برأيي التغيير بمجتمعاتنا لازم يجي من التشريعات القانونية أولا مو من المجتمع لانو مجتمعاتنا بتنجرف بسهولة مع الرأي القانوني خاصة اذا كان مدعوم برأي رجالات الدين .. والموضوع بالاساس عم يناقش ضرورة الغاء المادة 508 من قانون العقوبات الي ذكرتها سابقاواللي بتعفي المغصب من العقوبة اذا تزوج الفتاة اللي اغتصبها.. واللي في منظمات و حركات او شخاص مستقلين عم يدعمو الغاءها |
عمار التشريع المصري غير كتير قوانين لصالح الغاء اشكال التمييز ضد المرأة بسبب ضغوط المثقفين واكيد بسبب وعي ورغبة حقيقية بالتوصل لقانون احوال شخصية وقانون عقوبات اكثر انسانية..
ما في مجال لذكر القوانين هون لانو الموضوع مو متحمل تشعيب اكتر من هيك .. بس بحب اذكر انو القانون المصري الغى المادة 291 بقانون العقوبات المصري المقابلة للمادة 508 بالقانون السوري.. |
انو قريت الموضوع من اولو وعفكرة بقناة المشرق حطو ذات لقصة من ذات الخبر تبع جريدة بلدة بنشرة هنا سوريا
هلق انا تفاجأت كتير ببعض الردود وثبتت براسي فكرة انو عنا هالنساء بيجو ع بعض يعني هني بيضوعو حقوقهون بايدون وكمان بلاك قال انو مافي عملية اغتصاب بتم بدون موافقة من البنت :? منطقيا التغيرات الفيزولوجية راح تطرأ ع حال المغتصبة يعني لو فيها وقلة أدب لو وحدة اجت اغتصبت واحد مدت ايدها مدري لوين ماراح يتهيج الزلمة انو هي القصة طبيعية فالاغتصاب بيبقى اغتصاب وبما انو نحنا مجتمع محكوم بالعادات وليس بالقانون ومو بس هيك مالقانون جاية لصف العادات والتقاليد فلا حياة لمن تنادي عمار فيكا قال تسع صفحات مارجعت عزريتها وشو بدنا بعذريتا مو لترجع المخلوقة بالأول وتعيش بعدين اسأل عن الغشاء اللي انو راح فكر وجودو بجسم النساء غلطة او تشوه خلقي :pos: وصديقتنا شمس سوريا قالت الوحدة تستر حالها ماحدا بيقرب صوبها وياسلام لو تعرف الشموسة انو معظم المغتصبات من المستورات شو بيصير (مستورات يعني حجاب وخلافو وطبعا المستورات ورد ذكرهون بانهم فقط الملتزمات بالالبسة المحتشمة ع ذمة شموسة) و شب قايل انو القانون بسوريا بيسمح للزلمة ايمت ما بدو يغتصب مرتو ففي احد تاني سألو كيف فكيف هي ع الشكل التالي انو مثلا تنين متجوزين والرجال جاي عبالو ينبسط ويزهزه جنسيا طبعا لانو الزهزها والبسط عنا ما بيصير الا بالسكس المهم هي مابدها مو جاي عبالها فهوي بما انو جوزها قانونا بيحقولوا يجامعها وغصب عنها وبما انو غصب فهو اغتصاب وبالاخر لو غيروو مليون قانون ما بيفيد اذاا المجتمع والناس بلشو بالتغير ودمتم :D و عفكرة من هلق قررت انو اذا بدي اتجوز ما بدي وحدة عذراء ما بدي ياها تكون مطلقة او ارملة يعني مو متجوزة قبلي ومانها عذراء فعيشو بهالنعمة :p |
أنا حاليا عم راسل المنتدى من الموبايل من شان هيك ماعندي إقتباس
ياأخت ريتكا إذا عاقبنا المغتصب من كون عم نعميها يعني بدك نسفق للمغتصب ونقلو حبيبي لا بقى تعيدها مابصير والبنت انشاالله عمرها يعني إذا هي تعذبت طول حياتها معلش وهو لأ ماهي أكيد عم تتمنى الموت ولايكون صاير معها هالشي هي إذا ماصار معها مرض نفسي من أثر الصدمة ثم أنو التشريع السماوي بينص على معاقبة الزاني ب 100جلدة فما بالك إذا كان مغتصب |
بعدين كل ما دق الكوز بالجرة بيقولو البنت عم تغري الشب
اذا لبست قصير وطويل وما بعرف شو وانو الشب ما بيغري البنت ولا هي عندها انتي اغراء يعني ما ممكن يكون مظبط ومشكلس حالوا وع اخر طرز ويغريها ولا مام ممكن طبعا بتمنى اشمس تجاوبني |
أكاد اعتقد انو النقاش انصب بعيد عن فكرة الموضوع كله بحد ذاته
المهم... رأيي باختصار لا احبذ فكرة تزورج البنت من الشب يلي اغتصبها الا اذا كان هية عندها رأي تاني او الاهل او او او وفكرة مين بدو يطلع فيها بعد هالشي يلي صار معها بتخيل الله كريم وقل مايصيبنا الا ماكتب الله لنا |
اقتباس:
واحد مغتصب ما بدو يكون بكامل قوا العقلية لما عمل هالجريمة لانو ما بتخيل انو في ايا حدا ممكن يسبب بخراب حياة حدا بس لمجرد نزوة دقيقة ازا كان بكامل قواه العقلية.. بمعنى بدل ما نعذبو بالحبس و نربي في شي مليون عقدة نفسية بعد شي 15 سنة يطلع برا السجن و ينفس عن العقد تاعتو كمان مرة بنفس الطريقة ازا ما كان اخترع طرق جديد اكثر سفكا و دمارا!! اما البنت فهاي لحالها قضية تانية لانو الحل الامثل انو تحاول ترجع لحياتها الطبيعية الشي المستحيل بمجتمعنا هاد بمعنى اخر انو قضية البنت حلها بيكون في تغير طريقة تفكير هالمجتمع.. الشي الي بدو وقت كبير و جهد اكبر :D. |
| الساعة بإيدك هلق يا سيدي 03:32 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
.. و لذلك بهيك حاله اذا انعرض عليها الزواج منه هي يمكن تكون مكيفه و مبسوطه و عم تنطوط من الفرحه ..
