|
صور كنيسه مزينه من عظام البشر الحقيقيين
شرق عاصمة الجمهورية التشيكية براغ تقع مدينة صغيرة تسمى [ Sedlec ]، وفي هذه المدينة كنيسة مزينه بأعمال فنية مصنوعه من عظام البشر الحقيقيين.في عام 1318 م اصبح في هذه الكنيسة ما يزيد عن 30 الف جثه مدفونه ، واصبح من الضروري جداً إزالة عظام الجثث المدفونه ليكون هناك مساحة للمزيد من الجثث، وفي عام 1870م استلم أحد الحفارين المحليين الكنسيه وبها ما يزد عن 40 الف مجموعه من العظام البشرية وتولى تزين الكنيسة بعظام الموتى المدفونين لكسب المزيد من المساحه.
   بيت الرعب مو كنيسه!:shock:    حتى الثريا !   اللهم لك الحمد على نعمة الاسلام اللهم لك الحمد حتى ترضى ولك الحمد إن رضيت ولك الحمد بعد الرضى. للامانة :hart: منقووول. |
عنجد لا تعليق
|
يالطيف:shock:
شو هاد؟؟ كيف بيقدروا يفوتوا على الكنيسة بهالمناظر المقززة؟؟؟ الا اذا كانوا إعتادوا على هالشئ:( العقل نعمة فعلا";-) |
شكرا لمشاركتكما.
|
اه بالفعل
بهاي الكنيسة كان كتير من الناس الاغنية (حتى من بولندا وبلجيكا) يطلبو يندفنو فيها بس يموتو. حتى متل ما قلتي وصل عدد الناس بالقرن ال 14 لتقريبا 30 الف جثة وبني فوق هالكنيسة كنيسة قوطية بهالسنة مع العلم اللي عملها كان تشيكي بس من اصل ايطالي على ما اظن تم تزيينها كلها بالعضام باوئل القرن ال 18 فكرة غريبة بس ما بيمنع انها حلوة يعني الافكار اللي بتجيهون هدول الاوروبيين فظيعة :lol: بالفعل اذا منتأملها فيها تعب كتير وفن اللي صممها فنان بجد اقتباس:
هل هية دليل تخلف بأنو ندخل الدين بتفاصيل سخيفة ونسخفو معها او انو شي تاني؟؟ يعني من ردودك اللي معودتينا عليها الاحتمال الاول اقرب الك |
أستغفر الله لهذه الدرجة لا تحترم الجثث فعلاً وحشية مريضه ومقيته سجلها التاريخ |
اقتباس:
في تقدم والله يا زلمة انت عم تحكي هالحكي |
اقتباس:
اولا اشكر الجميع على مشاركتهم ثانيا لا تلوموني تذكرو انني لم اكتب الموضوع بل نقلته اليكم كما هو بدون تزوير. اما عن الزميل ويلي فلا اعرف ما يضايقك بهذه العبارة :? ربما اضافها كاتب الموضوع لغاية ما وانا بما اني مسلمة احببت ان انقل هذه العبارة كما نقلت لكم الموضوع:shock: ام انك تريدني ان احذفها لا اعتقد ذالك. |
لا اذا هيك حقك عليي
انا اسف فكرت في مقصد تاني:سوريا: |
اقتباس:
التلاعب بأجساد الموتى..صار فن.. هيدا أسمه تخلف...رجعية....عصور مظلمة... يعني مابيكفي عدم إحترام الأحياء...بيجي للموتى:?ولهياكلهم..إستمتاع بالتعذيب أحياء والتمثيل أموات:jakoush: هاد دليل على الحضارة الغربية اللي بيطبل لها بعض الصغار من العرب ويفتخرون بها... إنقلاب في الفطرة ..وفي الموازين:shock: |
ليش تلاعب بالموتى
طيب يا خيو تركناها وما لقيناهون شو يعني احترمناهون لهلعضام؟ انا شخصيا ما عندي مانع بعد ما موت انو مثلا ينضافو عضامي لهلمجموعة لان ماني رح استفاد شي اذا بقيو بالقبر وما رح يضرني بشي اذا نحطو هيك اقتباس:
انو نشوف الشي غلط لانو واحد مختلف عنا عملو هاد هو التخلف والرجعية |
صور رهيبة والفنان فنان كبير الي عمل هالديكور
|
اول شي فعلا فن وشي جميل كمان
اقتباس:
وبرأيي لازم نبلش نقبل الفكرة اللي بتختلف عننا.... وبعدين وين قلة الاحترام للموتى.... ماهني ماتو ومارح يحسو بشي.... واذا منشان الاخرة فاكيد الله قادر انو يرجع يلم العضام ويرجع عضام كل انسان لمحلها الصح..... او شو رأيك؟؟ يعني بظن ما صار اي اذى |
اقتباس:
شغلة تانية بالنسبة للكنيسة انو هوي كفكرة انو عجبتني بس انو الاشكال اللي مبينة بالصور ما كتير عجبتني انو كان ممكن تطلع احلى يعني كمان مو عرفان ليش معترضين طيب خيو هني قالو انو صار بدن محلات زيادة مشان يدفنو موتى طيب ايو احسن اني ارفع هالعضام القديمة عن الارض او انو ارميا للكلاب (على اعتبار ما عندي مكان حطها في ) لاء انا برايي هيك احسن ولو سالتو اصحاب هالعضام اكيد ما رح يعترضو طالما هني طلبو يندفنو بهالكنيسة فاكيد ما رح يعترضو انو تنبنى هالكنيسة من عضامن |
صباحو:سوريا:
أنا قرأت الموضوع لكن ماحبيت علق شي عليه لأنو حبيت يكون رأيي محتفظة فيه أنا لكن بعد عدة ردود حبيت أكتب كلمتين بموضوعية تامة ونشالله الكل يقرأوا بموضوعية كمان بالبداية كل أنسان بها الحياة يا معجب بحالو يا ما معجب وأنا معجبة بحالي وبما أني معجبة بحالي:oops: بجميع ميادين حياتي وتصرفاتي بحمد الله أني مسلمة وأني خلقت هيك:gem: بدي قول willi أنت مو من قلبك بتقول الحمدلله إني مسيحي ومنيح يلي الله خلقني مسيحي؟؟؟ توقعاتي بتقول أنو اكيد بتقولي ايه فهل من حقي كمسلمة انقدك لأنك بتحب دينك ومعجبة فيه وقلك اذا سمحتي راعي شعور الغير:shock: معلش اتركوا الناس تعبر عن رأيها وبدي قول لكاتبة الموضوع أنك نقلتي الموضوع أوكية ميرسي كتير عليه بس لما نقدوكي على كلمة الحمدلله على نعمة الأسلام بررتيها انو كاتب الموضوع كاتبها سؤال إالك كمان انت ما بتحمدي ربك على الأسلام ولا شو؟؟؟ وبتمنى تفهموني صح :سوريا: |
معلش تسامحونا في غلط مطبعي بردي أنو كاتبة بصيغة الأنثى
سامحونا كل فكرنا عم نحكي عن فراولة كاتبة الموضوع |
اقتباس:
اول شي بالنسبة لجاد انا اكيد انو ما بيقول ببالو هيك ولا انا ولا اي واحد تاني بالنسبة للعبارة ما كان عنا اعتراض على العبارة بس لما بتنزلي موضوع عن كنيسة واخر شي بتقول الحمدالله على نعمة الاسلام كانو عم تهاجمي او عم تستهزأي بالدين المسيحي وبالكنيسة نحنا ما عم نقلك ما تقولو هالعبارة بس مو بمواضيع حساسة متل هاي اوكي حطيا بتوقيعك يا اختي ما حدا بيحكيكي شي :سوريا: |
اقتباس:
اقتباس:
حلو ها الحكي بس الموضوع ككل بجوز ها برأي البعض غير مقبول انو عظام بشرية تكون جوات كنيسة خلينا نقول بسبب جهل بعض الناس رح يسيئوا لهاد الدين بأنو يعملو هيك بكنيسة أو بأي مكان اخر رح اعطيك مثال الزرقاوي أساء للأسلام بعملو واعطى فكرة انو المسلمين ارهابيين بسبب اعمالوا!! فهل هاد دليل انو جميع المسلمين متل الزرقاوي؟؟؟ وشرحو بموضوع الكنيسة انا ضد ها الشي بصراحة لأنو في شي اسمو احترام موتى:jakoush: بس هاد مو دليل على انو جميع المسيحيين جهلة أو جميع الكنائس ما بتنزار ولا شو؟:سوريا: |
| الساعة بإيدك هلق يا سيدي 14:47 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون