|
هيدا الموضوع معقد شوي واللي ما بدو يوجع راسو لا يدخل ويشوفو
يعني هيدا الموضوع بس للي دماغون كبير وبيفهمو وبيحبوا التأمل
طبعا أنا متل بعض الناس بآمن بمبدأ السببية .... طبعا أكيد كتير ما رح يفهموا بس هيدا بيسموه شي فلسفي شوي مثلا صارت معك شغلة ... أي شغلة بتصير في وراها آلاف الأسباب ما فينا نعدها بس منحاول نعد شوي منها وطبعا العامل الأساسي بهالموضوع هوي الزمن ... فلو أخدنا مثلا واحد كان ماشي مثلا بالسيارة وعين ألله عليه وبعد شوي مثلا بيضرب بالسيارة ضربة خفيفة , عند الرفراف هينة ما , بس مين بيضرب؟؟؟ ولد ومثلا بيتأذى الولد وبتصير مشكلة كبيرة .... شو سبب هالمشكلة أنا بقلكون ... بيبدأ الشي من وقت ما بيخلق الشخص ... عم تضحكوا ؟... أي من وقت ما بيولد ... لأنو لو تأخرت ساعة الولادة نص ساعة مثلا أو أكتر لما كان ضرب الولد شنو الولد أكيد ما رح يكون موجود .... وبعد الولادة بتبلش الشغلات الكتيرة اللي إلها كتير تاثير بهالشي ,,, طبعا ما رح كتر شنو رح فوتكون بالحيط أكيدي ... بس خلينا ناخد شوفير السيارة قبل يومين او ثلاثة مثلا .... مثلا لو نام باليومين اللي قبل الحادث ساعة زيادة ما كان صار الحادث ... لو انو استعار حدا منو السيارة ما كان صار الحادث ... ويوم الحادث لو تأخر بالفيقة شوي أو حتى تفرجلو عالتلفزيون شوي وطول الفطور شوي ما كان صار الحادث ... شي غريب ما ... لو مر على طريقو على شي سوبر ماركيت أو لعند حدا من رفقاتو ما كان صار الحادث وهوني بيدخل شي مهم كتير اسمو الخيار (CHOICE( واللي حضر فيلم ماتريكس بيعرف شو أهمية الخيار .... منرجع لعامل ثالث هوي الولد فمثلا الولد لو تأخر بالطلعة من البيت شوي ما كان صار شي ... أو حتى طول النومة شوي ... ولو تاخر بالطلعة شوي من المشفى وقت ولد ما كان صار الحادث ... طيب أكيدي ما فهمتو عليي شي .... مثلا عمر الولد 11 سنة ...وقت وقع الحادث اللي بيأثر أكتر شي هوي السنة الأولى اللي ولد فيها والسنة 11 اللي وقع فيها الحادث يعني ممكن نحذف ال10 سنين بين السنة الأولى والسنة ال11 وناخد كل وحدي لحالها ... يعني لو تأخرت ولادة الولد شي يوم هيدا الحكي بالسنة الأولى ... ما كان رح يكون عمرو 11 , يعني السنة الي وقع فيها الحادث ... شنو ساعو أو يوم بيأثر ... لأنو رح يكون صار عمرو أقل بساعة من اللي كان فيها وقت الحادث وما رح يكون موجود ... يعني مثلا لو ولد شخص في 1-1-2007 مثلا الساعة 12 ظهرا وصار معو نفس الشي مثلا بعد بسنة (هيدا الحكي مثال بس انا ما عم فول ع حدا عم أحكي مثلا ) , يعني صار معو نفس الحادث ب 1-1-2008 الساعة 12,14 ظهرا مثلا ... فهوني بيبيين عامل الزمن أكتر , فلو كان خلقان ب 1-1-2007 والساعة 11 ظهرا مثلا كان ب 1-1-2008 الساعة 11,14 كمل السنة من عمرو ...و ما رح يكون موجود ضمن زمن ال 12 ظهرا بنفس المكان اللي صار فيه الحادث لأنو هالتأثيرات اللي حكيت فيها من شوي ... كلها بتعمل على تغيير مكان الشخص بعد سنة ... طبعا لسا في عوامل كتيرة بس ما بدي فوتكون بالحيط .. بس حبيت وضح الفكرة بناء على طلب أحد أعضاء المنتدى ..... وكل شي بيقرا هيدا الموضوع ... بتمنى أنو بحياتو ما يصير معو حادث أو ينزعج على اي شغلة ... بس بدي منو أنو مثلا إذا صارت معو شغلي حلوي (ما بدي قول شي مو حلو ) مثلا التقى بشي صديق أو صديقة صدفة يفكر بالصدفة اللي خليتوه يلتقي بهالشخص ... أو بشكل أوضح يفكر بعامل الزمن اللي خلى هالشي يحدث .. وقبل ما تقوموا بأي عمل فكروا شو ممكن ينتج عنو أو يصير فيما بعد يعني المبدأ الثاني اللي حكيت فيه وهوي الخيار ... وشكرا لكل مين قرى هالموضوع .. وبتمنى إني كون وضحت الفكرة مزبوط وما فوتت حدا بالحيط واللي عندو تساؤل فيه يخبرني ... وشكرا :jakoush: .... |
انا قريت الموضوع........فتت بالحيط شوي:?
بس حبيتو للموضوع.........يسلمو:D |
شكرا إلك يا كيوتي
يعني منيح اللي فهمتيه لأنو الموضوع معقد شوي , ومنيح اللي لقيت مين يفهمه ...:cry:
ومنيح انو سمعنا صوتك , عالقليلة شاركت بالموضوع ... :ss: وينك مختفية :pos:.... صرلي يومين بدور عليكي .... :sly: :x |
لك هي شغلة قديمة يا ThePunisher
بس شكرا على الموضوع يعني لو انك طولت شوي كنت ما لحقت تكتب الموضوع لانك رحت مشوار شفت كيف على كل حال الموضوع بدو مين يتاملو شي ساعة لحتى يفهمو و افهموا لقلكن يا بشر |
هو الموضوع مش صعب كتير و حلو والله و مقنع نوعا ما بس بدك تقراه على رواء لحتى تفهمو منيح يسلمو :D |
اقتباس:
يعني هو مثلا رايح على المدرسة ...... عمرو 12سنة ضبط , عمرو 11 سنة و 364 يوم هو لازم يحضر المدرسة! بالحقيقة .. هذا العامل تأثيرو طفيف و مو دائمي يعتمد بشكل اساسي على سبب الخروج روتيني مثل المدرسو لو الجامعة ... او غير روتيني يعني طالع يتمشى او راح يشتري خبز الخ بينما العوامل الاخرى ... التأخير بالنوم او شوفة صديق بالطريق ... تأثيرها اكبر يسلموا على الموضوع :D :D |
شكرا لكل مين قرى الموضوع
يعني هوي مو معقد كل هل قد , بس صعب شوي , وما بينفهم إلا على رواء:clap:
|
والله هو موضوع مقنع بس كمان مافينا ننسى القدر . .
الانسان مسير بشغلات او شغلا حتمية بدون خيار ( مثل عائلته , اسمه , جنسه , بلده . .الخ) ومخير بشغلات تانية ( دراسته , شغله . . الخ) مشكور صديقي . . |
والله حكيك منطقي , وشكرا على المشاركة ... انشالله يكون عجبك الموضوع
.... |
شكرا لك اخي ( ذا بانشر )
موضوعك حلو وهدا الشي يمكن مو الكل بيعرفو انا فهمتو كلو والحمد لله ما خشيت بالحيط ( ما بعرف معناها خشيت بالحيط شو هي ) انا لسطيني وانتا سوري كيف بدي افهمها بس المهم اني فهمت الموضوع وجد انو كلشي صح بس حرام نقول لو انولد بعد ساعه ما كان صار معو لئنو كل انسان الي مقدرلو من رب العالمين بدو يصير والواحد ما بيعلم بالغيب ليطلع من بيتو بعد او قبل ساعه هدا شي محتوم ومكتوب من حد ما ينخلق الانسان وشكرا كتير الك |
لا عنجد انا وقت بشوف حدا بالصدفة بقعد بفكر اني لو تاخرت شوي او اسرعت شوي ما كان صار اللي صار ووقتها يا بحمد ربي يا بلعن حظي
|
أي فكري منيح لأنو هالشي مزبوط , وشكرا عالمشاركة
|
ترقبوا النسخة التانية ....
|
موضوع رائع وواقعى
وقريتو ع روائه وفهمتوا منيح حصلت معى قصه كانت سبب فى شيئ اسعدنى ولما فكرت شوى ع روائه شو او مين السبب فى ها الشى يلى اسعدنى تذكرت انو السبب انى حكيت مع شخص لمده دقيقه وحده بس قبل اربعة سنوات ولك جزيل الشكر قلى يعنى شو فايت بالحيط بحكى سورى منيح لكن ما بعرف معناها وشكرا لك :D |
أهلا وسهلا فيك ... وفايت بالحيط ... يعني ... مهستر ودايخ ... و و .. يعني قري الموضوع وفات بالحيط يعني ما فهم شي ...يعني متل الأطرش بالزفة ... :lol:
|
:larg:تصدق عاد طلع في منه هادا الحكي
انه واقع يا عمي ما في كلام |
يسلم هالتم جواهر لعادة .؟..
|
موضوع بيفوت بالحيط مو شوي كتييييييييير ههههههههه
مشكور حبيب:D |
| الساعة بإيدك هلق يا سيدي 13:47 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون