|
التلفزيون السوري....شوفو الحربئة
ليش مذيعاتنا دائما عندن نفس الأسئلة ؟؟ ليش كل الشعب حفظان شو هي الأسئلة ؟؟ ليش ما بتتغير هالأسئلة؟؟ يعني المذيعة بتروح على شي حديقة أو شي مطرح متجمعين فيه الأولادالصغار بالعيد.....وبتبلش بالأسئلة الفذة تبعها اشتريت لبس جديد على العيد حبيبي ؟؟؟ يعني شو بتتوقع يقلها ؟؟ لأ...ما اشتريت لبس جديد....هدول سرقة من على حبل الغسيل تبع الجيران ولا بتتوقع يقلها... أخدت لبس أخي الكبير تبع السنة الماضية ولبستو...؟؟ طيب بركي فعلا كان في ولد هيك وضعو....ليش حتى تسألو وتكسرلو نفسيتو قدام بقية الأولاد شو بتشتري بالعيد...شوكولاته وأكلات طيبة؟؟ لا والله...على العيد بشتري 10 غرام حشيش...وبنقعد نصطهج فيون أنا ورفقاتي.....وبعدين بنأركل....وبناخدلنا كاسين يعني الولد الصغير شو بيحب يشتري وياكل ؟؟ مجدرة ولا عدس بحامض؟؟ شو بتعمل بالعيد احكيلنا حبيبي....بتلعب بالمراجيح؟؟ لأ أبدا...مابقرب صوب المراجيح....بالعيد بروح بلعب مصارعة رومانية...وشوية تايكواندو.... بتلعب مع أصحابك بالعيد؟؟ أعوذ بالله...شو مع أصحابي...أبدا...بنزل بلعب مع شوفيرية التكاسي والزعران... مع مين بتحب تروح بالعيد؟؟ مع ماما ولا بابا؟؟ الله ياخد الـ 2... أسئل من بعضون....مابينطاقو.... احكيلنا ...وين بتروحو بالعيد إنت ورفقاتك... حبيبي....؟ مابدها سؤال...على الكباريه...لترين عرق.... 4 رقاصات .....2 على اليمين و2 على اليسار.... طيب مذيعاتنا المهمات...ما عم يلاحظوا كيف الولد عم يتلعثم...وعم يتلبك...وما عم يعرف يحكي... ....وبلشت تشط ريالتو من العبطة...وما عم يطلع صوتو....وما عم يحكي شي....؟؟؟ هالمذيعة الحنونة هي....ما عم يطلع من خاطرها تترك الولد بحالو؟؟ ما عم تلاحظ إنو الولد ما بدو يحكي....؟؟ لك اتركيه بحالو.... ما عم تلاحظ المسكين قديش انعبط وتدايق وعلى شوي راح يبكي بدو ماما...نزعتلو العيد وأبو العيد....إي شو هالحنية الزايدة هي؟؟ يحرق حريشون على هالأسئلة:yahoo: |
شووووووووه ازا من اول مشاركة والموضوع هيك بيضحك والله اضحكت من كل قلبي
بس في اشاعة ان الموضوع مكرر :lol: :lol: :lol: :lol: لاتزعلي اكيد كل واحد جديد ما بيعرف المواضيع القديمة لا نو هالموضوع لو نزلتي مليون مرة رح بيضل يضحك :king: :D :D :D |
هو الصراحه مذيعاتن الاكارم معهن ماجستير بالغلاظه وتقل الدم
واخدين دكتوراه باللتلعثم بالحكي وبالاسئله اللي ما بتخطر براس البشر شكرا كتير على الموضوع :D |
والله يا حبي هي مشان المحافظة على التقاليد التافهة والغبية .........
لك والله شي بخجل ... مشكور على جهودك وموضوعك الحلووووووو ......... تقبل تحياتي ............. |
شكرا عالردود:D :D
بس انت كربوج لا تقلي في اشاعة انو الموضوع مكرر لأني بحبشت ونكوشت قبل ماحطو ومالقيت حدا حاطو من قبل:yahoo: وماني زعلانة لأنك ضحكت من كل قلبك :lol: :lol: وأنا بس بدي ضحكن وحابة كون اخت جديدة لإلكن ونشالله تحبوني وهي مني للكل:D |
شكرا كتير
بس مكرر :D - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
عنجد شي حلو كتير
وعنجد بتحسو انو كل مذيعاتنا محطوطين بالواسطة وكلن تركيبة وكل وحدة بتتمايع شكل بكلامها والشاطرة اللي بتعمل حالها ظريفة زيادة عن اللزوم بس معلش معنا معنا منصير متل العالم في امل لاتزعلو :yahoo: |
:D اي هاي عادات وتقاليد لازم ايحافظو اعليااااا
|
من الصالون ...
|
| الساعة بإيدك هلق يا سيدي 08:45 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون