|
وجهة نظر اسرائيلية
مبارح التقيت زميلي من الجامعة ومن ضمن هالمواضيع يللي صار الواحد عم يفتحها كل ما شاف شي حدا الوضع في غزة و موقف القيادات العربية منه , وكل واحد فينا باني وجهة نظر لإله بتختلف عن التاني فمثلا انا كانت وجهة نظري ( يمكن لاني عاطفية كتير ) : انه ليش مبارك ماعم يفتح معبر رفح ؟ لشو العرب ما عم يعملوا شي ؟ ليش ما حدا عم يسترجي يقلع هالسفير الاسرائيلي من عنده وليش وليش ولايمتى .............. ؟؟؟؟؟؟؟؟؟؟؟؟؟؟
مالي بطول السيرة بس يللي فاجأني وجهة نظر رفيئنا يللي كانت بتتمحور ب : عباس معه كل الحق بيللي عمله / والعرب عمرن ما لح يحترمه شي اسمه فيلسطيني الا لما نحنا نحط ايدينا يإيد اسرائيل هون لح يصيرو يحسبولنا حساب ، وهون بيصير النا دولة ونحنا عم نحكي القدس هاي القدس للكل مو لإلنا نحنا وبس وشو بتتوقعي من عباس هي حماس حركة ارهابية خلي اسرائيل تمحيها من عالوجود ،،،،،،،،،،،، يعني ما عرفت هو انا عم اسمع وجهة نظر مواطن عربي والا اسرائيل عم تحكي . وجهات نظر مختلفة كتير بين شعب واحد ... الشعب العربي قولكن مين الصح ، نحنا والا التانيين ؟ وشو رأي كل واحد فيكن من وجهة نظر الشمولية السياسية ؟ |
من وجة نظري انو اذا رجعتي شفتي زميلك هاد تسألي سؤال واحد بس وهو
شو استفادت الدول يلي حطت ايدا بايد اسرائيل مثلا مصر او الاردن او موريتانيا او او او ...... واذا هالعلاقة جابتلن غير الذل والهوان؟ وشكرا |
اكيد لح يكون جوابه لا تنسي انهم عايشين بسلام وهالشي اساسي للشعوب للتطور حالا وشو لح يفيدهن اذا اعلنوا الحرب على اسرائيل غير انهن يبيدوا شعوبهم ويرجعوا دول متخلفة ...
بكره لح تشوفي اهل غزة ما ادامهم الا خيار من تنين يا لح يكونوا فصل جديد من فصول البؤساء يا احدب نوتردام . |
هيك رح يكون حكيو متناقض لانو قال:
اقتباس:
|
يللي عم تقوله صح مية بالمية بس من وجهة نظرة مصر على حق بموقفها و شو ماعملت الشعوب وفكرت بنضل شعوب جاهلة مانا فاهمة يللي عم يصير بالمطبخ السياسي العالمي
شو بنا نقول ،،، اذا نحنا في بينا واحد بهالافكار بنأدر نحكي شي عن الغرب ! |
اقتباس:
صكوك موقعة بالخطوط العريضة لضمان انتقال الكرسي الرئاسي الى الشبل الذي هو من ذاك الأسد بلاع يا وطن بلاع |
هيدا شكلو من عرب الاعتدال
الزلمة بيحب الحياة ......سواء بذل او بكرامة .. يبدو الفرق بين الاتنين ما بيهمو وفي منو كتار |
اقتباس:
الزلمة بيحب يكذب على حاله في الحياة ..... سواء بذل او بالكرامه....ويهمه التفرقه بين الاخوان وفي منو قليل والحمد لله |
اقتباس:
والاخوان كل عمرون مفرقين ما بدون مين يفرقون متل النبي يوسف واخواتو |
في منو كلام الزلمة.
والدليل بعمان والقاهرة، فعلا الرخاء الإقتصادي والإستقرار الإجتماعي والتنمية الشاملة ما كانت لتتحقق في هاتين العاصمتين لولا السلام. أمانة تسلمي على زميلك وتقوليله جُزيت خيرا :lol: |
مازلنا منذ ولادتنا ...تسحقنا عجلات الألفاظ |
اقتباس:
انا اكيده انه عنده استعداد يعمل غسيل مخ للي ادامه و اذا شفته كمان مرة لح إله فعلا هي افكار زعماءك العرب يللي بيهمن بس الكرسي يللي تحتن وعمرن هالشعوب |
اقتباس:
لا ما تضبط اخوة متل ما عندو عقل عندي عقل وبزيادة عليه عندي كرامة وشجاعة |
حلّنا بقى نخلص من شغلة العمالة ..يعني كل واحد عندو رأي مختلف لازم يكون عميل !! عيب هيك
ثانيا ...انا سوري و عشت بمصر من كام سنة ,,,يعني برأيي الشعبيين من دون كرامة ...لأنو اجهل ضابط مخابرات بالبلدين بخرّس مدينة كاملة و بعيشها برعب ... و مين قال انو سوريا دولة مقاومة!! ...ما في غير مناكل الضرب و الشباب بيسكتو خوفا عالكرسي !! ...ثانيا ما هني يلي باعوا الجولان ..حماس و حزب الله ورقة بأيد مرشد الثورة و القائد المفدى ..اكبر شي تحولهم من المقاومة لأستغلال السلاح بالداخل ثانيا ,,,شو نسينا انو بشار عابيفاوض الأسرائيلي !! ...رجاء من الكل ما حدا يحكي و كأنو الكل غبي !!! |
| الساعة بإيدك هلق يا سيدي 19:25 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون