|
نقاد أخوية لهون شوي لو سمحتوا
مرحبا شباب و صبايا أخوية المحترمين يعني الكل مننا شاف أحداث المسلسل الأول على مستوى المسلسلات السورية باب الحارة وبمناسبة مرور سنة على وفات الأداعشري(أسكنه الله فسيح جناته) بنحب اليوم الكل يشارك معنا بتلخيص قدر الإمكانم عن محاسن و مساوء هادا المسلسل الرائع يعني بإختصار شو يلي عجبكن بالمسلسل وشو يلي ماعجبكن فيوا وشو هي الشخصية يلي بمحلها وشو الشخصية يلي مو بمحلها يعني كلشي بيخطرك تكتبوا لاتقصر وبالنهاية لاتنسا تدعيلك دعوة لهادا الإدعشري منشان الثواب تحياتي الحاج متولي وانا رح أكتب رايي بلأخير |
بشكل عام حبكة المسلسل حلو وبتشدك لتتابعو
القيم المفقودة مركزين عليها كتير وبالنسبة لعلاقة الرجل بالمرأة موضوع تاريخي بحد ذاتو وبدو يصير عليه كتير مماحكات و معارك بس كنظرة عامة الطرح صحيح من وجهة نظر انو اذا كنت ماشي بسرعة هائلة فأكيد بدك تضرب فريم عالصاجة لحتى ما تعمل الحادث قمن هالناحية انا بشوف طرح العلاقة بهالشكل صحيح (حدا فهم شي :shock: ) |
يسلموا ابو شرك على المرور الكريم
تحياتي الحاج متولي:D |
الموضوع انفتح قبل مرة بالصالون عن نفس الفكرة ..
المهم المسلسل في سلبيات كتيرررررررررررة وبهورة زايدة شوي .. عندك مثلا هداك اليوم لما شاف معتز مرت اخو بلا غطة عملك شغلة عظيمة وطالع ونزل وههووووو وبهورة زايدة وبلا طعمة شوي ومابتستحق كل هالتضخيم .. كمان عندن المرة كلشي الا الغطى عندا يعني شي اساسي بس بالمقابل بتطلع قدام جوز اختا بلا غطى عادي :shock: شوف هالتناقض يعني هادا غباء من المخرج او اجا من كتر الاصطناع بالمسلسل :shock: تاني شي وابشع شي التهميش للمرة بالمسلسل .. يعني المرة مصورينا بهالمسلسل عبدة لابتطلع ولا بتدخل ومالا اي وزن بالحياة ورأي غير موجود وكلام مابينسمع بالاضافة لهيك انو مصورينا كــخدامة جوات البيت مابتطلع ولا بتدخل ولا الا اي اتصال بالعالم الخارجي لحد انو اذا صار كلام بين اخ واخو هالمرة مابصير تسمع اي احاديث بتصير :shock: يعني لهالدرجة هيك كانو اهل اول :? يعني مستحيل كان كل هالتتهميش اللي مو طبيعي صراحة بالاضافة وللأهم من هيك مشكلة الطلاق .. يازلمة 2 اطلقوا عملو عليهن قصة الله يعني صوروا انو المطلقة على انو كائن حقير ومزبول ومنعو اي وسائل من وسائل التعامل معو يعني انو وحدة طلقت مجرد طلاق طلاق عادي خلص اطلقت شو صارت شر**طة يعني :? مابعرف بس بهورة زايدة ما الا طعمة وكتير مهولين الامور لدرجة كبيرة ومهمشين المرة تهميش كبير يازلمة قلبي تقطع ع النسوان بالحارة على هالعيشة :cry: ومشكلة الطلاق كمان اعتبروا المطلقة خلص انسان ممنوع التعامل معو ;) |
يعني
الملسل مو زيادة والغلط الاول هو حرق الادعشري تماما القصد الادعشري وولادو تانيا:سبع حلقات يمكن على طلقها ورجعتلو وما رجعتلو ونام بالدكان وبطخ وساوا يعني عفوا.... تالتا :الموقف السلبي من ابو عصام وما بتوقع انو اول هيك كانوا يتصرفوا مايســــــترو |
نسينا الدعاء
اللهم ادخل الادعشري فسيح جناتك وسامحو وحشرو مع النبيين والصالحين والشهداء انا من ناحيتي مسامحو دنيا اخرة:p مايسترو |
انا اسف نسيت شغلة مهمة
الزعيم ابدا ما كان دورو زابط يعني عبد الرحمن اله رشي مو بمحلو وهيك دور ما نخلق الا لرفيق سبيعي مايسترو |
اقتباس:
اقتباس:
اقتباس:
اقتباس:
وحسب علمي بالموضوع ....وحسب ماكنت أسمع.....كانوا هيك عايشين ......فلازم تكون الصورة كما كانت عليه ... اقتباس:
اقتباس:
اقتباس:
لإني للاسف اليوم إذا بترجع متأخر على البيت ....بتقلك المرأة ...طلقني |
اقتباس:
يسلموا أخي مايستروا كلماتك شرفتنا بموضوعنا تحياتي الحاج متولي |
1 ملف مرفق .
اقتباس:
وشكر الله سعيكم وهي كرمالك اقتباس:
بس شو بتقدر تساوي .... حبيبنا رفيق سبيعي الظاهر تعب كتير الله يعطي العافية ...... ومو بس هو مبين دورا لا أكيد دور العظيم سليم كلاس ... وكان دوروا بالمسلسل عبارة عن دور كومبارس لإني على حسب ما قال في احد اللقائات الصحفية إني دور الحلاق مو قدوا من الناحية البدنية لإني متل ما شفنا بالمسلسل مبين عليه إني تعب كتير .... تحياتي لإلك يا احلى شب |
اقتباس:
ميرسي شريك مايسترو |
اقتباس:
تانيا ابو صياح مو بس قصة تعب قصة مصاري طلب مبلغ اكتر من مليون وما رضيو بينما اله رشي اخد مليون بس واكيد كمان مشان التعب وشكرا مرة تالتة يا احلى حجي مايسترو |
أنا شايف أنو الحبكة الدرامية بسيطة جداً ...... حتى انها بتوصل أحياناً لحد السذاجة هاد بالاضافة لتسليط الضو على بعض العادات القديمة .... يللي الها جاذبية ( و حنين ) عنا بس يللي شد المشاهد ( برأيي ) أنو مانك مضطر تنطر لآخر حلقة لتنحل كل خيوط القصة يعني بكل حلقة تقريباً كان في انتصار للخير باحدى زوايا القصة ...أو يفشولك خلقك بشي خناقة أو قتلة لقوى الشر المتمثلة بأبو غالب ...أو أبو النار و شلتو  |
مسلسل فاشل ..
فرجونا اكبر تخلف موجود بهديك الايام .. وهملوا كل شي مثقفين وادباء بهداك العصر .. طيب وينون هدوليك ؟ حتى ما انذكر اسمون ولا مرة :? :D |
اقتباس:
مانو وثائقي تاريخي و مو مطلوب منو يحكي عن أدباء و مثقفين هو حكي عن قصة شعبية بسيطة ..... و حكي عنها بطريقة حلوة ...... بس مو أكتر |
اقتباس:
ألف شكر إلك حبيبنا مايستروا على مشاركتك التانية تحياتي اقتباس:
وحنينا متل ماسبق وتفضلت أخي العزيز ...هو حنينا للكلمة الطيبة ....و القعدة الحلوة .....و جمال وروعة البيوت العربية القديمة ألف شكر لاحلى ابو سمرا تحياتي اقتباس:
نحنا اليوم إذا كنا عم بناقش فنحنا عم ناقش موضوع قصة كانوا اهلنا عايشينها .... و ابدعوا فيها ....وطلع رجال منها طردوا أكتر من إستعمار بصدهن ورجوليتهن تحياتي الحاج متولي:D |
اقتباس:
ممكن تقلي شو هو النجاح و التطور برايك هاي الايام و شو إستفدنا منها إذا صدف وصار حرب الآن وتم الهجوم على سوريا فيك تقلي كام واحد من شباب سوريا مستعد إني يسلم سوريا و كام واحد ممكن إني يضحي بحالوا من شان ترابا إنته أول واحد متحيز لشخصك ونفسك وطبيعتك وعم بتقول إني كل الأديان السماوية فاشلة ....طيب موضوع الأديان إنته حر فيوا كمان مكارم الأخلاق و الأدب و التضحيات .....فاشلة أنا براي إني مافي عندك ناجح غير إذا الواحد أقام علاقة مع واحد مثلي متلك متلوا ....و إعترف للناس إني هادا هو الصح يا ريت تكتبلنا شو هو التطور برايك ....يلي عكس الفشل |
اقتباس:
ليش عم تدفش :? حدا ذكر سيرة المثلية هون ؟ وبعدين مين قاللك انو المثلية شي جديد او شي متطور ؟ المثلية موجودة من وجود البشرية .. بس هللا ما رح نقلب الموضوع بس انا عم قوللك انو بس فرجونا الوجه المتخلف لهداك العصر .. انا ما عم قول بالنسبة للتضحية فدا الوطن .. انا عم بحكي على طريقة التفكير هديك الايام .. وكأنون كانو عايشين بالدنيا لحالون وطول بالك حاج :? حكينك شغلة قلبتا غير شغلة .. :D |
| الساعة بإيدك هلق يا سيدي 01:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون