لن أؤمن أبداً
إن ما لا يؤمن به الكثير من الملحدين, هو إله لا أومن به أنا أيضاً" أجل, لن أومن أبداً بإله يباغت الإنسان في خطيئة ضعف إله يشجب المادة إله يعييه الجواب عن المشاكل الخطيرة التي يواجهها إنسان مخلص مستقيم يقول باكيا: " لا أستطيع إله يحب الألم إله يعترض على أفراح البشر إله يعقم عقل الإنسان إله منجم مشعوذ إله يفرض رعبه في القلوب إله يرفض أن نخاطبه بالكاف إله عجوز قابل للخداع إله تحتكره كنيسة أو جامع, أو عنصر, أو ثقافة, أو فئة معينة إله لا يحتاج إلى الإنسان إله " يا نصيب " لا يمكن الحصول عليه إلا مصادفة إله حكم لا يلعب إلا وفى يده النظام إله متوحد إله لا يحسن الابتسام أمام حيل البشر و خداعهم إله " يرسل " الناس إلى جهنم إله لا يحسن الرجاء إله يطلب دوماً العلامة القصوى في الامتحانات إله تستطيع الفلسفة تفسيره إله يعبده الذين يقدرون على إدانة إنسان إله لا يستطيع حب ما يزدريه الكثيرون إله لا يستطيع مسامحة ما يدينه الكثيرون إله لا يستطيع افتداء البؤساء إله لا يفهم أن " الأطفال " لابد أن يتوسخوا, وإنهم معرضون للنسيان إله يمنع الإنسان من النمو, والفتح, والتطور, وتجاوز حدوده إلى أن يجعل من نفسه " شبه إله " إله يفرض على الإنسان, إن أبتغى الأيمان, أن يتنازل عماً يجعل منه إنساناً إله لا يقبل الجلوس و المشاركة في أعيادنا البشرية إله لا يفهمه إلا الراشدون, والحكماء, و أصحاب المناصب إله لا يخشاه الأثرياء, ممن يقوم على أبوابهم البؤساء و الجياع إله يمكن أن يقبله و يفهمه أولئك الذين لا يحبون إله يعبده الذين يذهبون إلى القداس أو الصلاة, ولا ينفكون يسرقون و يغتابون إله معقم, يصوغه علماء الفقه والدين واللاهوت و القانون داخل مكاتبهم إله لا يقوى على اكتشاف بعض الخير, بحكم الطبيعة نفسها, حيثما يخفق الحب, مهما زاغ عن الطريق إله يرتضى تقدمة من لا يعمل بالعدل إله يساوى بين خطيئة من يسر برؤية ساقين جميلتين, ومن يغتاب قريبه أو يسرقه, أو من يستغل سلطانه ليزدهر أو ينتقم إله يشجب الجنس إله يستطيع أن يقول: " سوف تدفع لي الثمن " إله يتندم على انه أعطى الحرية للإنسان إله يؤثر الظلم على الفوضى إله يرضى عن المرء الذي يسجد ولا يعمل إله أخرس لا شعور له أمام المشاكل الخانقة التي تؤلم البشرية إله همه النفوس لا الأناس إله أفيونا بالنسبة إلى الإصلاح الزراعي, ورجاءً بالنسبة إلى الآخرة فقط إله يؤمن به تلاميذ يهربون من أعمال هذه الدنيا و لا يأبهون بشؤون إخوتهم إله الذين يظنون أنهم يحبون الله لأنهم لا يحبون أحداً إله يدافع عنه من لا يوسخون أيديهم قط , ولا يطلون من شبابيكهم قط , ولا يرمون بأنفسهم فى الماء على الإطلاق إله يعجب الذين دأبهم القول : " كل شئ على ما يرام " إله مواعظ الكهنة والشيوخ الذين يزعمون أنه من الحلال نقد جميع الأشياء و الناس باستثنائتهم إله الشيوخ والكهنة الذين يظنون أن جهنم مكتظة و السماء تكاد تكون فارغة أو محددة لمجموعات معينة إله المواعظ المتبرجزين إله يحب الخرب, والدماء إله يرفض للإنسان حرية الوقوع فى الخطيئة إله ينقصه الغفران لأية خطيئة إله يفضل الأغنياء و الأقوياء إله " يتسبب " بالسرطان أو " يجعل " المرأة عاقراً إله لا يمكن مخاطبته إلا ركوعاً إله " يرسل " الولد إلى جهنم بعد خطيئته الأولى إله لا يستطيع أن يجعل كل الأشياء جديدة إله لم يعرف السبيل إلى البكاء بسبب الناس إله يفضل الطهارة عن الحب إله يقترن بالسياسة إله يهدم الأرض , والأشياء التى يحبها الإنسان , بدل أن يطورها أجل , إن إلهى هو الإله الآخر البطريرك الراحل مكسيموس الرابع |
للاسف عم يحاولو ينسونا هاد الاله الاخر
عم يفرجونا ويعلمونا انو الاله هوي شي رهيب ومخيف |
أي بعيد عن الله سيظن أن الله هو اله مرعب مخيف . لكن الله هو عكس ذلك تماما
ربما يكون أحساس الملحد بهذا الشعور لأنه وأن كان جدليا لا يؤمن بوجود الله فهو يفكر بعقابه أن وجد الله وهو ينكره . كل الأديان والألهة تدعو الى الخير والمحبة . وتصوير الله بصورة المرعب هو من وحي من يكفر بالله |
اقتباس:
|
ها الموضوع بغض النظر عن مضمونوه الرائع .. إلو ذكريات و أيام حلوة .. و الله زمان ..
تـُشكر معلم . :D:D |
كلام مادماكس مزبوط واذا كان الله هيك انا اول الناس بقول اني مابدي ؤمن فيه
بس لازم نفكر ونشغل عقلنا من لاقي انه الله قريب لألنا اكتر من بياض العين لبؤبؤ العين |
رحلا أبو سمرااااااااااا... عيني ربك عيني...هيك كمل السيران.. و عالمشفى يابوفهد :clap:
أسف للطريقة السوقية بس لما شفت الموضوع ما قدرت عبر غير هيك :larg: |
اقتباس:
لا بالعكس ..... أغلب يللي عم يستعرضوا ايمانهون هالأيام .... هني من يللي بآمنو بالله بس مخافة العقاب حتى أنو ولا واحد منهم بيتجرأ يقول أنو ما بخاف الله بشهادة القول المأثور عندون .... يللي ما بخاف الله ...خاف منو :o اقتباس:
يللي ما بآمن بالله ما رح يآمن بعقابو ..و لا رح يآمن بثوابو اقتباس:
تصوير الاله المرعب هو من وحي الدعاة ...( أو متل ما سموهون وكلاء الله ) و خطبهون مملية الدنيا ( و بسطات كاسيتات الخطب و الأناشيد ) و عم يسيطروا من خلالها على هالشعب البسيط أما الطرف الآخر .... فهو يللي بينظروا إلى الإله بالعقل يعني إذا كان الإله موجود .... فلابد أن يكون عبارة عن خير مطلق |
اقتباس:
كان دريد لحام يقول انه اهلينا كرهونا بالله وخوفونا منه لما ضلو يقلولنا الله بيحرقك بالنار الله بيكرهك الله بدو بدو اذا بتعمل هيك وهيك وهيك ولما كبرنا اتفاجئنا برحمة الله الكبيرة يلي لقيناها بالصدفة انا ولله كنت يعني بامن بوجود رب بس يعني موفارق معي شي بس لما عرفت شويعني في حدا حاسس فيك وشايفك وعارف همك وتعبك بتحس اديش ها الشي عظيم وقتها حبيته لـ الله ومن قلبي ولقيت حالي بدونه ولاشي |
اقتباس:
و على فكرة هالموضوع كان خلاصة نقاشنا عن بمدى ايمانا بوجود الاله يعني ... نحنا منآمن بس بس بالاله يللي بيعنينا اله المحبة .....و اله التسامح ....اله الرحمة ....... أما الاله التاني يللي بيرمز للترهيب ...و السادية فـ ما بيعنيلنا شي ..و لا منآمن بوجودو .... و رح نضل ملحدين ..طالما فكرتو قائمة |
اقتباس:
اقتباس:
عزيزي سامر اسمحلي قلك انك فهمان ها الجمله غلط تفسيرها يعني مو يلي بخاف من الله خوف النفس لاء يلي بيخاف من الله خوف الفعل يعني يلي بخاف يزعل امه يلي بيخاف ياكل مال حرام يلي بخاف يسرق ينصب يقتل يعمل شي حرام شي مؤذي للبشر قلي لو شفت شخص بيعمل ها القصص هي مابتخاف منه؟؟ ت اقتباس:
في ناس استغلت الدين تحت غايات كبيرة ومن ها الاشخاص الشيوخ اقتباس:
|
اقتباس:
بس للأسف في شريحة كبيرة عملت وكالة بعقولها و سلمتها لأولياء الأمور و صار حتى التفكير بماهية الله هو كفر ........... عقابو جهنم و بئس المصير |
اقتباس:
بس انت بتتخيل يكون في اله بها العظمة هي والقدرة على خلق كون وطبيعة وبشر يكون ظالم او هدفه يخلق بشر ويدمرون ؟؟؟يعني كيف هي مو زابطة |
اقتباس:
|
لكن لمين؟؟ :larg:
|
اقتباس:
الكلام مو عن الله الكلام عن فكرة الاله عند البعض ..... و يللي بيختزلوا هالفكرة ... بصورة المعاقِب ... يللي ناطر الانسان ع غلطة ليعمل و يسوي فيه |
اقتباس:
هون المشكلة ..... أنو ما بيعمل كل هالأمور ...... بس خوف من العقاب .... أما الملحد .... يللي ما بيعمل كل هالأمور .... فـ برأيي أنو جدير بالاحترام أكتر لأنو ما بيعملها لأنو عندو مبدأ ...و لأنو عندو نزعة للخير .. بغض النظر عن الثواب و العقاب .. |
اقتباس:
بس يللي ما بشك ..... ما بفكر |
اقتباس:
بس مو من الخير أنو يتعامل مثلا المخطئ متل المحسن |
اقتباس:
مين قال ها الحكي ؟؟؟ يعني انا ماعم اسرق واقتل لأني بس خايفة من الله والملحد يلي مابيعمل هيك لانو صاحب اخلاق عالية مابيعمل هيك والمتدين يلي ما بيعمل هيك بس خوف من الله وين القيم وين التربية يلي امرنا فيه الله!!!وين الاخلاق |
اقتباس:
|
اقتباس:
اقتباس:
|
اقتباس:
أصلاً يللي بيقتنع بوجود الله و بيفهم الله ..... أكيد ما رح يخاف منو اقتباس:
اقتباس:
لأنو انا عم احكي عن الله بوجهة نظري .... و يللي هو ( متل ما بشوفو أنا ) ما بخوف ....و لا ممكن يهدد بعقاب و تعذيب اقتباس:
لا .. الأكترية بيدعوا عن طريق الترهيب .... يعني مبارح كان في داعية عالتلفزيون ( ما بعرف شو اسمو ..... بس منظروا قريب لصورة الشيطان بأفلام الرعب ) لفتني بكلامو جملة ( أنو يللي بيحجز مال الزكاة سيصفح له الله هذه الاموال صفائح من نار يوم القيامة ) يعني اذا الواحد ما عمل شي و لا أذى حدا .. بس أنو ما ذكى عن أموالو ..... الله رح يعمل فيه هالصورة الفظيعة يللي صورها هالداعية بقى شو بدك ارهاب أكتر من هيك |
اقتباس:
لي عودة للرد على كلامك هون سامر بس هي لازم رد عليك فيها وبتمنى من العزيز المحارب العتيق يحاول يشرحلك ياها اكتر مني من هون اكتشفت انك مو ضليع باللغة العربية:p هون يعني على انو يلي بيخاف الله هنن عباده العلماء يلي بيدرسه الكون تركيبة الكون كيف ماشية حركة الكواكب الارض تركيبة الانسان الطبيعة المطر اتلج يعني مو الله يلي بيخاف من العلماء لاء العلماء يلي بيخافوا الله لي عودة لشرح افضل من هيك |
اقتباس:
بس نحنا عم نحكي عن فكرة معينة ....و هي الخوف من الله بقى أكيد يللي هاجسو هو الخوف من الله .....ما رح يكون عندو رادع تاني يردعو اقتباس:
أنو الخوف من عقومة عدم تنفيذ الأمر ليش ما بتشتغلوا من قناعتكون يعني اذا الله ما أمرك ....... بتروحي بتقتلي و بتسرقي ..؟؟ |
لك يا عمي انتو جد بمشكلة ..
هلأ القيم و الأخلاق و العلاقات الانسانية السوية .. من وين اجت و كيف تبلورت مع الزمن .. يعني القتل كان مفهومو قبل 500 سنه او لما ما كان في رادع و محاكم تعاقب عليم .. كان مفهوم القتل قديماً و تداعياته متل هلأ بعدين المجتمعات و أخلاقياتها من وين تعلمت الاخلاقيات و التعاملات البشرية .. خدوها تسلسلا من أول التاريخ مروراً بالأنبياء يللي كانو صوت الله عالأرض لهلأ . رح تشوفو أي مفهومه او قيمة أخلاقية كانت نتيجة لجهد أنبياء و و مصلحين اجتماعيين تعمقو بالحياة و فلسفتها و أديانها . طيب اذا ما كانت القيم و الأخلاق من الله طيب من وين اجت؟ برأيكن تجربة على مر العصور؟ بس الانسان هوي الانسان .. و نزعه الشر و التملك و التسلط و الهيمنة موجوده .. برأيكن الرادع هوي بس للتظاهر بقيم حضارية مثلى و إلا الموضوع أكبر من هيك .. يعني صار بسبب التوجة لحقيقة مطلقة أرسى دعائمها الأنبياء و الصديقين و الصالحين .. من ثمّ تشكلت القوانين البشرية بناءاً على هالقيم و المثل يللي هي هبة من السماء . |
هي الفكرة قيمة كتير و لازم تاخد فرصتها من النقاش ..
الخوف من الله بدكن تعرفو أي نوع من الخوف ما هيك إذا كان خوف بسبب الوعيد بانو إذا عملت شر سوف تُنكّل من هون في منطلق اول لتعريف الخوف . المنطلق التاني هوي فسفة الخوف لمعنى اسمى من خوض الانسان الضعيف من عقاب رب العالمين بدي سمّي " خوف الاقوياء " .. يعني خوف الضعيف غير خوف القوي ما هيك . في محورين أنا برأيي لنقاش فكرة الخوف من الله . |
يسلموا كتييير أب سمرا موضوعك اجا بوقتو....:D
|
اقتباس:
اقتباس:
وهذه الأية تدل على مكانة العلماء عند الله . وهي تدحض مقولة أن الله يحارب العقل ولا يقبل التفكير . بدليل أن أعلى مرتبة عند الله هي مرتبة العلماء. وأنا أبعد أن أفسر أية بشكلها الأمثل . اقتباس:
اقتباس:
|
اقتباس:
لأنو هي الفكرة يللي النا ساعة عم نحكي عنها ..... خوف الناس من الله |
اقتباس:
اي هاد يللي بقصدو .... أنو ما بيسرق ... بس مشان ينفذ أوامر الرب و بالتالي ينجى من عقابو مع انو المفروض أنو ما يسرق لأسباب أخلاقية مجردة من اي شي تاني اقتباس:
بعدين انا عم قلك ياها من خلال تفسيرات العديد من علماء المسلمين ..و بتقدر تبحث عنها و تشوف تفسيرها اقتباس:
هاد شي خارج موضوعنا ...... و ما بخصك و لا بخص غيرك نحنا عم نحي عن فكرة الاله و الخوف منو ...... بغض النظر عن الايمان أو الالحاد اقتباس:
بالعكس ..... ما يسموا بالدعاة .... عم يتبعوا هالطريقة للسيطرة على شارع ديني معين و يرهبوا الناس ... ليضلوا يحسو بحاجتهون الهون ....و بالتالي تكون مكانتهون و جودون مبرر |
يسلمو على هيك موضوع
و انا فعلا مؤمنة بالاله الاخر اللي هو المسيح..الله الظاهر في الجسد :D |
اي نعم انا بخاف من الله..بس مش لأنو رح يعاقبني..بس لأني بهتم انو ما يزعل مني وبعرف انو بحبني ولما بنهاني عن شغلة بكون بدو مصلحتي.. خوفي من الله ما بفصلو عن حبي إلو أبدا..وولا مرة حسيت انو شيئين متناقضين.. لانو الله اللي بعبدو.. رحمن رحيم :hart:
اللي بعبد ربو مشان خوف من عقاب او مشان جنة بكون ما بعرف الله عنجد =) |
يعني هلق بالنسبة للترهيب فانا بعرف انو الدعوة لالله الها جانبين ترهيب وترغيب بس يعني هلق يا سامر نحنا لو كلنا ماشيين بطبيعة البشر السوية يللي عالفطرة يللي هيي اخلاقية بحيث انو الكزب والسرقة ووووو كلو اشيا مو منيحة ساعتها انا مستعدة قلك انو ما في شي اسمو ترهيب وانو وجودو هو عبارة عن قصة مالا طعمة بس نحنا عايشين او لقول معظم البشر عايشين بلا احساس والضمير يلي ممكن يشكل رادع اخد مخدر وما بصحى فهون ما
بنحتاج لشي قد الترهيب... ويعني برضو في ملامح ترغيب يعني ليش نحنا بناخد الوش الاسود وما بنطلع مقابيلو؟ |
الهي بدل ما يقطع يد السارق ..... بيعطيه حتى يستغني عن السرقة
الهي بدل ما يجلد الزانية أو يرجمها حتى الموت .... بعلمها تميّز بين حب الروح و حب الجسد الهي بدل ما يحرم الموسيقى .... بيرفع الموسيقيين لمرتبة الأنبياء بااختصار الهي ما في بقاموسو غير المحبة .... لكم الهكم و لي الهي |
اقتباس:
يعني كمان ازا الله بدو يكون كلو محبة وما بدنا نخاف منو....كيف بدنا نتعلم انو هاد الصح ونلتزم فيه ازا ما كان في عنا عقوبات على مخالفة الدستور الالهي؟! .. "ايني ويز" الله بالنهاية رحمن رحيم ... وبيســامح =) *بالنسبة للموسيقى بصراحة مش متأكدة ازا عنجد الله حرمها :? مش مقتنعة انو الله حرمّها بشكل نهائي |
National Sozialistische Deutsche Arbeiterpartei
لقد ترددت كثير قبل ان اكتب هذه المقاله لكن بالنهايه اردت التعبير عن نفسي بهذا الموضوع بكوني باحث في مجال الاديان ...
من يحكم العالم القانون ام الدين ؟؟؟ كثير من اللي بنسمعو انو اختفاء او تغيب الاديان بما فيها طبعا الدين الاسلامي هوي اللي راح يسبب الفوضى والسفك للدماء والقتل والسرقه ..... Etc . وانا بعتقادي انو اللي عم ينظم الحياة هوي القانون ولا علاقة للدين . فتخيل لو ان القانون راح وصار الموضوع طبيعي جدا دوله عايشه بدون قانون يحكمها وزوال الخوف من ارتكاب الجرائم والفواحش ... عندك اكبر دليل اللي بيحدث بالعراق .... الدين والصلاة والمساجد مليانه .... بس لأنو بطل حدا يمشي ورا القانون ومشو ورا الدين خربة البلد وكثر سفك الدماء وصار هم الواحد كيف يقتل يهودي حتى لو كان بين 20 مسلم ... وبالمقابل عندك الدول الاوروبيه اغلبيتها لادينيه ونسبة الجريمه فيها هي الاقل على مستوى العالم ... فما رأيك اخي القارئ من الذي يحكم العالم القانون ام الدين ؟؟؟؟ |
كنت عم اقرا وما ناويه شارك ابدا بس يعنى كلمه استفذتنى جدا ولاقيت مفسرينها على مزاج مزاجكون
فسامحونى لازم ارد الكلمه هى اقتباس:
تفسير الايه الكريمه متل ماوايت رووز فسرتها مش متل ما محارب فسرها هو كلام محارب صح بس ده مش تفسير الايه مع احترامى له تفسير الايه انو عباد الله العلماء هنى اللى بيخشو الله وذلك بيدل على اكتشافهم لوجود الله وقدرتو لانهم اكتر الناس عالمين وعارفين قديش قدرة الله فلذلك خشوه وفعلا متل ماقال محارب الخوف غير الخشيه الخشيه مهابه واحترام ليس لها علاقه بالزعر والخوف وهنا تقدم لفظ الجلاله الله على كلمة عباده العلماء فى اسلوب القصر فى النحو اقرو شويه بركى بتستفيدو وبتفهمو يعنى الاصل فى القول انو قصر الخشيه من بين كل العباد على العلماء يعنى يخشى العباد العلماء من الله هيك الاصل يعنى التفسير متل ما وايت قالتة..................................وشك را ;) |
اقتباس:
آخر همي حضرتك كيف بتفكريني اقتباس:
يعني لو الله مو قوي و قدرتو مو كبيرة . ..... ما كانوا نفّذوا شي من كلامو و هي بحد ذاتها المشكلة نحنا عم نبين الفرق بين الدافع الأخلاقي ..و دافع الخوف ( أو الخشية اذا بدكون ) |
كفكرة الله بعتقد صعب انسان يكرهه باي شكل كان
يعني الله مفترض يكون ابعد ما يمكن عن الصفات المذكورة بأول رد كونه يمثل بالانهاية الموجبة او قمة الايحابية وصعب اللانهاية الموجبة تاخد رقم سلبي شو ما كان طبيعة الرقم تماما متل ما صعب الروح المفترض تكون قمة الايجابية واختصار لكل المقاييس الموجبة تتحلى بصفات متل المعاقبة والكره والمكر وما إلى هنالك من صفات تنسب لذات الإلهية من المتحديث باسمها والناطقين باحكامها على ارض الواقع وعلى ارض اخويتنا الحرة . لكن المتكلمين باسم الله والمشرعين لله مين بحب ومين يكره ومين يقتل ومين يحرق ومين يعاقب ومين يذل هنن اللشي بشوهوا صورة الايجابية للذات الإلهية . صدقا وقعت بمشكلة كبيرة بالربط بين التصرفات لأتباع الأله والصفات اللي لازم يتحلى فيها الإلهة . بالنهاية انا وصلت لقناعة خلتني اوصل لحل سلمي وعيش براحة ضمير مع ان الفكرة عقليا غير مقتنع فيها لكنالله كفكرة ما بضرني انه يكون موجود والعيش بهدنة مع الله شيء جميل جدا مع الفصل بين الله وبين الناطقين باسمه لأنه ابشع نماذج البشر واكثرهم احتقارا بنظري مع احترام لشخصهم الكريم لكنهم متخلفين جدا . سامر المقال اللي ناقله بيستاهل ينقرا اكتر من مرة وهلق انا بالمرة الرابعة وحاسس حالي مشتهي ارجع اقراه ما بينشبع منه ومن معانيه . |
الساعة بإيدك هلق يا سيدي 20:00 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون